الاثنين، 7 مايو، 2007

عن العشق والهوي والاحساس

لن اتكلم عن ذهاب الزوج مع زوجته عند طبيب الاسنان رغم انه شئ هام جدا – لن اتكلم عن مساعدة الزوج لزوجته في الاعمال المنزلية رغم انه هام جدا – لن اتكلم عن توفير الزوجة لزوجها الراحة بعد عناء العمل ورؤيته لها وهي في ابهي صورة رغم انه هام جدا – لن اتكلم عن رضا الزوجة واقتناعها بحالة زوجها المادية رغم ان كل هذه الاشياء هامة جدا ولكن لن اتكلم عنها ولكن ساتكلم عن الاحساس ، الاحساس بمتطلبات كل طرف بالاخر سواء كانت نفسية او عاطفية الاحساس بالاحتياجات الجسدية والمعنوية الاحساس باهمية اسعاد الطرف الاخر عن اقتناع بدون الانتظار للمطالبة به او حتي بدون انتظار المقابل ، الاحساس بان الحب الذي ينمو ويتطور بين الطرفين هو السد المنيع امام الملل والهموم والمشاكل والماديات
وان لحظات اللقاء بين الطرفين ايا كان هذا اللقاء حتي ولو علي مائدة الطعام هو اللهيب الذي يذيب حرارة الاشواق واللذة التي ما بعدها لذة ، الاحساس بان مجرد غياب طرف عن نظر الطرف الاخر هو مشكلة في حد ذاتها الاحساس بان اي فعل يقوم به اي طرف هو وسيلة للتقرب بها للطرف الاخر
دعونا نعترف بان الزوجة الشرقية بعد الانجاب يصبح الزوج في ترتيب اهتمامتها هو رقم اثنين ، دعونا نعترف بان الرجل الشرقي يعتبر الاحاسيس ومطالبة زوجته بها هو مراهقة عاطفية او حتي دلع ستات هذه الاشياء مورثات في العقلية الشرقية سواء للرجل والمراة .المراة اذا قامت باعباء المنزل والانتهاء من الواجبات المدرسية لاطفالها تنام قريرة العين وكانها ادت كل ما عليها والرجل طالما ان في جيبه ما يحفظ ماء الوجه من اموال فقد عمل اللي عليه وزيادة دعونا نعترف بان عدم الاهتمام بين الطرفين يؤدي الي التجاهل والتباعد والشقاق والاحساس بالوحدة ويصبح وجود الشريك من عدمه سيان والاخطر ان يتحول الامر الي عدم الاحترام – وانا في راي ان بجانب ما ذكرته في بوست عن العشق والهوي للحفاظ علي الحب بين الطرفين فان الاحترام المتبادل وسيلة هامة للحفاظ علي الحد الادني من الاستمرار ، اعتقد ان التقارب النفسي والجسدي هو بداية الطريق الي الاحساس
فليعلم الرجل ان مفتاح قلب المراة هو احساسها اذا احسست بها واحست بحبك لها ملكتها الي الابد وان نظرة عشق او قبلة حنان علي جبينها او ان تضع راسها في حضنك فتشعر بالامان خيرا من عشاء فاخر في كنتاكي يتبعه معايرة بفاتورة الحساب
ولتعلم المراة ان الرجل يريد ان يكون محور اهتمامها وانه رقم واحد في حياتها وانه مثله مثل الطفل الصغير يريد الاهتمام والرعاية فلتعلموا ايها العاشقين ان الاحساس مفتاح السعادة وان الحب احساس ومشاعر ، وان العشق يقاس بقوة احساسه
دعونا نقترب من بعض اكثر نشعر ببعض اكثر نفهم بعض اكثر

هناك 60 تعليقًا:

Lemonada يقول...

هو انت متجوز؟لو كنت متجوز المفروض تكون حياتك ولا اجمل
ولو لسة يا بختها
بس كل الي قلتوا صحيح وخصوصا اخر فقرة عن الي بتحتاجو المرأة وعن الرجل انو بيفضل من جوة طفل مع احترامي لجميع الرجال بس الكلمة دي قالها راجل ليا وانت بتاكد دة بس مفيش اجمل من انو يكون طفل بكدة هو حيكون الاول عشان زي مانتى عارف اهم حاجة في حياة المراة في الحياة الزوجية هي اولادها ولما هو طفل يعني حيكون الاول مش الثاني

صح يا باشا

sendbad يقول...

ليموندا
شكرا لمرورك للفكرة شرفتيني اولا انا لا اكذب ولا اتجمل والاجابة دي رد لسؤالك انا مطلق ويمكن قدرتي علي وصف الاحتياج النفسي والعاطفي للطرفين الرجل والمراة نابع من خبراتي السابقة وكل شئ بقدر ثانيا نعترف نحن الرجال اننا اطفال في كثير من اللحظات وهي لحظات الاحتياج العاطفي

masry يقول...

بحييك كتير علي هذا الكلام, أتمني المقبلين علي الزواج يطبقو هذا الكلام, مدونتك من المدونات المفضله عندي ,في حفظ الله

sendbad يقول...

مصري
وانا مدونتي يشرفها مرورك ومتابعتك ربنا يخليك ارجو الاستمرار

sendbad يقول...

بعون الله وبمجهودات صديقي كاسبر تم اضافة راديو للفكرة بها مجموعة اغاني ياريت تعجبكم اسمعوها وقولولي رايكم

gohayna يقول...

بص بقي يا سيدي

علشان انا بجد عندي عقده من الجواز بشكل عام

من كتر الي بسمعه والي بيحصل بعد الجواز من تغير الطرفين
وفتور العلاقه بينهم
وتغير مشاعرهم

دايما اسمع ان الاتنين قبل الزواج بيكونوا حاجه تانيه بعد الزواج
كل واحد بيكتشف في التاني اشياء اول مره يشوفها

وغالبا بتكون وحشه وغير مرغوب فيها

وبتالي بتتغير العلاقه والاحاسيس الي بينهم

وتبدء المرأه تندمج في اي عمل اخر وا اي اهتمام اخر علشان تغطي عب صدمتها

والرجل كمان لا يبذل اي جهد علشان يعيدها الي احضانه مره اخري

ولما المرأه بتشوف عدم الاهتمام دا

بيني وبينك بتقول بركه يا جامع علشان تلاقي وقت تنام فيه

والله انا بجد اتعقدت وخايفه ان دا يحصلي ولا حاجه لما اتجوز

الحياه بين اي اتنين محتاجه لرعايه الشخصين

وغير الرعايه

الرغبه من كل واحد فيهم انهم ينشئو حياه سعيده
مهما كان فيه من منغصات او مشاكل

غير الغفران والسماح الي لازم يكون موجود بينهم
لو حد قصر في حق التاني

والله حسبه معقده او ومخيفه كمان

بس اشمعنا بقي دكتور الاسنان الي انت ذكرته؟

هما مخيفين للدرجه دي؟

فكر في الاجابه قبل ما تقولها

والا؟


بلا والا

تسلم ايدك بجد

تحياتي

sendbad يقول...

جهينة
نمسك التعليق الجميل بتاعك واحدة واحدة
مفيش حاجة في الدنيا ثابتة او ليها مقياس ثابت صوابعك مش زي بعضها اكيد في ناس كتيرة بتعمل اكتر من اللي انتي بتقوليه واللي انا قلته للحفاظ علي العلاقة بينهم وشخصيا انا خاصة مع ظروف شغلي شفت نماذج في منتهي الرقة والاحترام مع بعض يبقي بلاش تخافي انما حكمي عقلك وقلبك
ثانيا اللي يحب يعمل المستحيل علشان اللي بيحبه وميخدش موقف عدائي من اول مرة لازم يجرب ويحاول مرة واتنين علشان خاطر حبه
ثالثا بالنسبة لدكتور الاسنان تشاء الاقدار واني بكتب البوست ده سناني كانت عملاها معايا علي الاخر وكنت واخد قد كده مسكنات وزي المثل اللي بيقول الجعان بيحلم بالعيش انما انا بحب كل الدكاترة الحمد لله
اخيرا شكرا علي متابعتك واهتمامك بفكرتي الصغنونة

mariam يقول...

شوف انا مش هختلف معاك خصوصا انى متدهولة زى ما انت اكيد حاسس بس بجد انا بحس ان الانسان ده عدو نفسه وغاوى يعذبها ولا يمكن التوزيعة دى بين النساء الولهانت والرجال المطنشين والنساء المتجبرات والرجال المتفاهمين زيك كده هى اللى بتخلى الحياة صعبة بس يظهر ان ده الطريق الوحيد للجنة
تحياتى

الوردة السوداء يقول...

الله بجد على كلامك

بجد انا بحترم كل حرف كتبته
وكل سطر
وكل فكرة

sendbad يقول...

مريم
شوفي احنا اللي بنصعب الامور علي نفسنا رغم ان الدنيا ابسط بكتير من اللي بنعمله بنحارب ونكره ونحقد وبنطمع مع اني في الاخر المسالة واضحة، في قدر نرضي بيه هانرتاح ياعزيزتي احنا ربنا ادانا كل اسباب السعادة بس للاسف احنا اتعمينا ، والله يامريم لو قدرنا نحب بعض بصدق وبجد هاتبقي الدنيا جميلة اوي وجنة زي ما انتي قلتي ادعي وقولي يارب

sendbad يقول...

الوردة السوداء
مش عارف اقلك ايه بصراحة رفعتي من روحي المعنوية خاصة واني النهاردة مودي وحش اوي شكرا

قلوب حائرة يقول...

للاسف يا استاذي العزيز ان في كتير من الازواج او حتى المحبين بينسوا اوعي النقطة دي بينسوا ان كلمة حب بصدق او نظرة حانية تكفي لان تذيب جليد الحياة الشاقة وصعاب الدنيا بحلها ناسين ان هذا الكائن الرقيق يكفيه نظرة حانية وضمة صدر امنة لتشعر بانها ملكت العالم بكل مافيه

ياسمين يقول...

كمان بوست جامد من اياهم
كل كلامك صح فعلا
بس فى نقطة صغيرة
الست مش بتعتبر ان دورها بس مع الأبناء
هى بتحس انها طول الوقت شايلة مسئولية الولاد الضخمة وبتبقى عاوزة بقى الراجل هو اللى يهتم ويدلع فى المرحلة الحرجة دى
وكما انت جبت المفيد فى ان المرأة بجد يهمها ان الرجل يهتم باحاسيسها اكتر من اى شىء آخر
يعنى لو طلبت منك شريط كاسي تتوقع على طول اها عاوزة تسمعك اغنية معينة فيه
ولو رحت جبتلها بدله ساعة رولكس برضه مش هتبقى راضية
هى كانت عاوزة شريط الكاسيت
تحياتى واستمر يا سندباد
بويتاتك بتعجبنى جدا بس يارب الناس تستفيد
انت عظيم لقدرتك على استخلاص شىء من التجربة الشخصية وبتحاول تقدمه للغير
بجد تحية كبيرة

sendbad يقول...

عزيزتي ياسمين يارفعة معنوياتي شكرا علي تعليقك الشافي والوافي واستمراري هايكون بيكم وبتشجيعكم ربنا يبارك فيكي

sendbad يقول...

قلوب حائرة
الفكرة نورت بيكي وشكرا علي زيارتك انتي لخصت البوست كله في تعليق صغير خير الكلام ما قل ودل تحياتي وارجو الاستمرار

نقطة مية يقول...

مقالك رائع و ملىء بالاحاسيس فعلا..جميل نلاقي ناس حاسة الحب بجد في زمن اندثرت فبه معانيه..

sendbad يقول...

نقطة ميه
شرفتيني وشرفتي فكرتي المتواضعة وشكرا علي ذوقك وربنا يقدرني واكون عند حسن ظنكم
ادعي معايا نرجع زي زمان كلنا نحس ببعض ونخاف علي بعض

رينـــــــــــا يقول...

بد ماشاء الله عليك
انت فكرك ناضج جدا جدا جدا
اكيد الخبره ليها عامل
بس دايما الراجل بيكابر والمرأه كمان فى الكلام اللى حضرتك كاتبه

بس بجد حضرتك جدير بكل احترام وتقدير
احى حضرتك على مواضيعك الجامدة اوى دى
ويابخت زوجتك ...ربنا يحميكوا يارب

همسات يقول...

بجد مدونتك روعة
والافكار عجبانى اوى
..................
عندك حق فى كل اللى بتقوله
الاحساس والاحترام وعدم التجاهل هو ده اللى بيخلى الحياة تستمر فى حب
لكن للأسف فى مجتمعنا بيحصل حاجات كتير غير ما نتمنى وبتبقة الحياة روتين فى روتين وملل فى ملل
عشان كدة دايما الواحد خايف
من الايام دى لو جت
.........
بجد كلامك صح صح صح وأثر فيا

تحياتى

sendbad يقول...

رينا
اولا زيارتك لمدونتي شرف كبير ومتشكر علي اهتمامك وعلي تعليقك الرقيق واكيد الخبرة بتفرق مع اي حد المهم اننا نتعلم من تجاربنا واخطائنا ومن تجارب غيرنا واخطائهم شكرا وارجو المتابعة

sendbad يقول...

همسات
شرفتي فكرتي المتواضعة وشكرا علي ذوقك عارفة اننا ممكن نستفيد من خوفنا من الفشل في الحب والاختيار الصحيح اننا نتعلم ونسال ونقرا ونشوف تجارب الاخرين ما خاب من استشار صدقيني الدنيا ابسط من اللي احنا بنعمله في نفسنا عارفة لو حطينا ربنا قدامنا في كل علاقتنا هانرتاح شكرا للمتابعة وارجو الاستمرار

reri يقول...

المواضيع اللي بتفتحها هامه جدا ... أنا شخصيا حاسه إنها هتفيدني لما إن شاء الله أتجوز... بس لأني ما جربتش ... بسمع كلام كتير عن الجواز ما يشجعش عن الملل والبعد الذي يحدث بعد الزواج ... كلامك فيه بادرة أمل عن حياه زوجيه سعيده وزي ما إنت قلت أهم حاجه الإحساس
واضح إنك إنسان حساس

سلامااااااااااااااات

Hannoda يقول...

بالضافة لكل أسباب الفتور الحقيقية قوي اللي قلتها فيه سبب مهم جدا كمان

هي الروح

إنت بتعمل ايه لما يكون عليك ضغط ما خارجي؟؟.. مادي أو دراسة أو أعباء من أي نوع

بتكون زي الماكينة.. تايه في أعباءك.. مطحون مع ضغوطك.. وروحك بتكون فين؟؟ فمكان بعيييييد قوي جواك متكوم فوقها كتير..

ساعتها بيحصل ايه؟؟

حقوقك إتجاه نفسك إنت أول واحد بتيجي عليها و تضيعها.. بتإلم نفسك و تحرمها من الروحانيات

فتقسى... على نفسك حتقسى

وبعدها تقول .. إذا أنا قسيت على نفسي و مضيع حقوقها.. إزاي أدور على حقوق أي حد= تاني

لكن ما حدش بقول أنا قاسي

يبقى الحل هو الدفاع.. بإن الطرف التاني هو السبب

حاول تفهم تاني السلسلة اللي قلتها أنا دلوقت بتمشي إزاي

وحاتلاقي إن كل واحد فينا بيعملها دايما

بنعملها مع إخواتنا و صحابنا و أمهاتنا

ولما نتجوز طبيعي نعملها مع أزواجنا

الروح.. كلنا شايفين الإهتمام بيها رفاهية

لكنها مش رفاهية

ده هي ده اللي يتعلّي الإحساس بالنفس و بالغير

حتى لو الحب مش موجود بيتوجد ساعتها

يا ريتنا نتعلم نتعايش مع ظغوط الحياه من غير ما نديها كل طاقاتنا و على حساب أرواحنا

sendbad يقول...

ريري
اوعي تاخدي كلام الناس مقياس علي فشل حاجة معينة تساليني ليه اقولك ، خاصة في مسالة الجواز او الحب ، عمرك لقيتي حد مرتاح في حبه او في جوازه بيشتكي ؟ طبعا لاء يبقي احنا بنسمع عن الحالات الفاشلة فقط انما الحالات الناجحة بتبقي محاوطة علي نفسها وعايشة في سعادتها مع نفسها اوعي ياعزيزتي تفقدي الثقة في الحب والنجاح فيه احنا اللي نقدر نبقي سعداء او تعساء المهم اننا نتعلم ونفهم ونختار صح نحكم عقلنا منتسرعش نفكر كويس نثق في نفسنا هاننجح في اي مجال ربنا يوفقك شكرا علي المتابعة والاهتمام ارجو الاستمرار

sendbad يقول...

هنودة
انتي فتحتي موضوع مهم جدا جدا وهي تاثير الحياة وظروفها علي علاقتنا بنفسنا او بغيرنا سواء كانوا مقربين او حتي زمايل فعلا ممكن الضغوض تخلينا ننسي نفسنا وبالتالي فاقد الشئ لا يعطيه فعلا لازم نقدر نتعايش مع ظروفنا وضغوضنا علشان نبقي حنيين علي نفسنا وعلي اللي حوالينا بس في حاجة مهمة لو الطرف التاني بيقدر الحالة اللي بيكون عليها الطرف الاول ويحاول يطلعه من المود اللي هو فيه وده اللي انا كنت بتكلم عليه الاحساس ازاي احس باللي معايا واقدر اشاركه احساسه الموضوع مش سهل والكلام غير التنفيذ انما حقيقي ممكن نوصل للمستوي ده لو حبينا بجد شكرا علي اهتمامك وتعليقك وارجو الاستمرار

Sampateek يقول...

حقوق و واجبات
بس مين يقدر يوزن صح
من غير ما ياخد حقه و يجور على شريكه
هي دي الشطارة

تحياتي

david santos يقول...

I offer to my friend Esmeralda


MOTHER OF THE WORLD

Egypt , gather your children
Even the most unwelcome
And show them the facts

All of them are dear then
But for the most fearsome
It will undo their evil acts

sendbad يقول...

سمباتيك
شكرا لزيارتك للفكرة ادعي معايا نبقي كلنا شاطرين علشان نعرف نعيش من غير كره

Noony يقول...

انت جبت من الآخر

دعونا نقترب من بعض اكثر نشعر ببعض اكثر نفهم بعض اكثر

يعني الموضوع محتاج مجهود أو محاولة من الطرفين...وإن دة حصل أكيد مش هيبقى في مشاكل....لكن المشكلة لما بيبقى طرف واحد بس هو اللي بيحاول وبيتنازل والتاني لأ

أحييك بشدة وضراوة

:)
نوني

sendbad يقول...

نوني
شكرا لزيارتك
فعلا شئ قاسي جدا لما يبقي طرف عايز يحب صح وطرف عمال يبعد فعلا لازم نقرب مع بعض ونفهم مع بعض ونحس مع بعض
شكرا مرة اخري لزيارتك وياريت متكونش الاخيرة

amira يقول...

البوست حلو قوي

بس عايزة أقولك حاجة
هانودة قالت كلمة عاجباني قوي
إننا بعد يوم شغل جوة و برة
بنتحول ماكينة
الشغل وضغوط الحياة والإحتكاك طول اليوم ببشر من كافة المستويات
بيخلّصوا على الطاقة
ومابيفضلش فينا نفس لأي حاجة

لكن بما إني عارفة إن كلامك مهم
فأكيد هاحاول .. على الأقل مرة أو مرتين في الإسبوع
إيه ... يمكن

ميرسي يا صديقي

sendbad يقول...

عزيزتي اميرة
قد ايه فرحت لما لقيت قبول واقتناع بفكرتي وافكاري جربي ياعزيزتي مش هاتخسري حاجة بالعكس هاتكسبي احترامك لنفسك اضعف الايمان انتي بترضي ضميرك وكل سنة وانتي طيبة وشكرا علي مرورك

Eman Eltaher يقول...

كلامك جميل جدا و معبر و ياريت فعلا كل الناس اللى بتحب و تتجوز تتطبق كلامك ده و يعيروه اهتمام كبير لانه أهم حاجة ف الحب الاحساس بالامان و أهم حاجة و أجمل حاجة فالجواز الاحساس بالحب و العاطفة الجياشة

تحياتى ليك

bastokka طهقانة يقول...

هو ده الكلام في طوطو يجي يقرا

اوروفوار

حواء يقول...

بلا مقدمات أعترف بانة لازال هناك رجل
تتمناة كل إمرأة رأيتة من خلال كلماتك المعبرة الصادقة وأعترف أيضا أن أمثالك قليلين جدا فى زمن تاهت فية المشاعر
مش عارفة أقولك أية بس بجد حسيت بحاجة جميلة جدا مفتقدها المجتمع سواء الرجل او المرأة وهى المشاعر النبيلة الرقيقة
كان نفسى اكون مركزة شوية علشان اعلق بكلمات تستحقها ولكن عذرا الوقت لايسمح تحياتى لمدونتك الرائعة

hamasat يقول...

الاخ الفاضل اتفق معك تمام الاتفاق في ان الرجل طفل كبير ويريد ان يكون محور الاهتمام دائما ولا عيب في ذلك الا انه دائما ما ينظر لما يريد هو ويتناسي ان له زوجة طفلة يجب ان يدللهاففاقد الشئ لا يعطيه
الحق العودة لروح الحياة الزوجية في مفهومنا الاسلامي يريح كل من الطرفين ويشيع جو من الاطمئنان النفسي والاكتفاء في كل شئ
تحياتي

الدمعه يقول...

اولا تسمحلي احييك على الموضوع المثير فعلا للجدل والنقاش وهو العلاقه الزوجيه
كثيرا من الناس يخافون من القدوم على هذة الخطوة ومن يقدم عليها يكون في شدة الرعب
ولكني احييك على تفهمك للعلاقه الزوجيه وتفهمك ايضا لما تحتاجه الزوجه
وهذا يمكن يكون نابع من تجربتك السابقه مثل ما ذكرت انت فعلا عبرت بصدق عن العلاقه بين الزوجين
تحياتي ومرسي على مرورك في مدونتي بس فعلا مش لاقيه هديه اهديها ليك تليق بكلامك الجميل معذاً

sendbad يقول...

ايمان طاهر
الحب في نظري شئ جميل والزواج شئ اجمل ومقدس اذا ماكناش ناخد بالنا من الاشياء الجميلة ونرعاها يبقي هانخسر خاصة اذا كانت الاشياء الجميلة دي هاتجبلنا اشياء هاتسعدنا شكرا لمرورك وارجو الاستمرار

sendbad يقول...

طهقانة
مش عارف اقولك ايه اديني عنوانه وانا اديله درس خصوصي شرفتي فكرتي المتواضعة وياريت الاستمرار

sendbad يقول...

حواء
شكرا علي ذوقك الخير في وفي امتي حتي يوم الدين صدق رسول الله في الاخر ياعزيزتي لا يصح الا الصحيح ادعي معايا نرجع لمشاعرنا الجميلة لان احنا فعلا نفسنا نحس اننا بنحب بعض ونخاف علي بعض
شرفتي فكرتي وارجو التواصل والاستمرار

sendbad يقول...

همسات
فرحت فعلا ان افكاري ليها صدي واقتناع عندكم الحب فعلا بيشيع جو من الاطمئنان النفسي بي الطرفين ويخلي في امان وهدوء وزي ما قلت قبل كده الزواج شئ مقدس والحب شئ جميل لازم نحافظ عليهم شكرا للتواصل وارجو الاستمرار

sendbad يقول...

الدمعة
مرورك علي مدونتي اجمل هدية بارك الله فيكي احنا لازم نتعلم من تجاربنا والا هانبقي مش عايشين او عايشين علي الهامش لازم كلنا نحاول نصحح من اخطائنا ونستفاد منها ونسال اللي مر بتجارب سابقة ونحكم عقلنا علشان نخلي حياتنا صح شكرا لمرورك وارجو الاستمرار

R.R يقول...

تعرف فعلا بعد الجواز بيبقى الملل جامد والفتور ويمكن الولاد هما سبب استمراية العيشه وكمان الشكل الاجتماعى
الدنيا بعد الجواز بتختلف
تعرف اكتر حاجه بتخنقنى من فكرة الجواز
انى مبحبش حد يتحكم فيا
وللاسف دى صفه خطيره فى كل الرجاله
بيفتكروا انهم ملكوا الست بعد الجواز
لو يعتبروها انسان ناضج زيهم ليه رايه وكيانه وخصوصياته
اعتقد هيبقى الوضع افضل
انا بتكلم بصراحه مش بشكل محاييد
وبتكلم من وجهة النظر النسائيه
لانى عارفه ان اكيد فى صفات تانيه انتم بتكراهوها فينا
تعرف الحوار والاحترام وتقدير الطرف التانى ممكن يمشى الموضوع
وكمان عدم تبييت المشاكل والاغفال عنها حتى ولو صغيره لان التراكمات تؤدى اللى تولد مصايب
معلش انا بتكلم بطريقه غير منظمه بس هو ده الكلام اللى بيجى فى بالى اما يتفتح موضوع الجواز
ومشاكله
انا اتعقدت والله
وشكلى كده مش هخوض التجربه دى
تحياتى لموضوعك

sendbad يقول...

r.r
اولا متشكر علي زيارتك واهتمامك بالتعليق
ثانيا صدقيني احنا ممكن نسعد نفسنا لو بدانا واخترنا صح واحنا اللي ممكن نتعس نفسنا لو كان اختيارنا خاطئ او طريقة تعاملنا غط الحوار المتبادل والاحترام المبني عن حب واقتناع بيفرق كتير منكرش ان الحياة الاجتماعية والاقتصادية ليها دور في التاثير علينا نفسيا واجتماعيا انما المفروض ان الحب في حياتنا هو الواحة اللي بنرتاح فيها من الهموم متخديش قرار كده بناء علي سماعك للمشاكل لان ببساطة عمر الاتنين اللي متجوزين وسعداء ما هيشتكوا اللي بنسمعه عبارة عن مشاكل ناس مش قادرة تعيش صح ومن خبرتي بقلك ان معظم الرغي والحكاوي بتبقي مبالغ فيها اوي ربنا يوفقك ويديكي اللي يقدرك وتقدري تسعديه
شكرا للتواصل وارجو الاستمرار

NeRmeeN يقول...

اولا كلامك جميل جدا جدا..وكمان حيادى ومانحزتش لجانب واحد...فعلا احنا فى الشرق مش بنعرف نخلى المشاعر تعيش وبنتعبر ان الجواز هو النهاية الطبيعية لملشاعر والعواطف اللى جوانا...مع ان المفروض العكس ..انا بس مش موافقاك على حاجة اللى هى ان لو الراجل يحس انه محور اهتمام المرأة ده ضمان على حبع ليها...انا مانكرش ان فعلا كلامك ده صح من ناحية انه بيحب كده بس مع الاسف الراجل لما بيحس بكده بيعتبر انه تملك المرأة وحبه واهتمامه بيها بيقل ..التقل صلصة زى ما بيقولوا هههههه
تحياتى ليكى على الموضوع الرقيق ده

كراكيب عادل يقول...

الحياة الزوجية زي مركب ماشية في وسط البحر مرات البحر هادي ومرات هايج مرات لازم نرخي الشراع ونتفادي الموجة ومرات نفردة علشان نلقف شوية هوا يعني لو الزوج او الزوجة واحد منهم شد التاني يرخي

ممكن يكون الجو رومانسي هايل بس ممكن تقلب هي كدة ومفيش غير كدة لا رومانسية علطول ولا خناق علطول
تعرف اصلا دي حلاوتها تتخانق علشان تصالح ههههههههه

التوافق بيحصل بعد 5 سنين زواج
لو تراكمت مواقف ايجابية من الطرفين

بعدها سيب مركبك يا باشا وهتمشي لوحدها وهتبقيوا جزء واحد لا يتجزء

دة حتي فية ابحاث بتقول ان شك الزوج والزوجة بيقربوا من بعض تخيل مدي التوافق ولا وزنهم زاد بيزيدوا سوا

هههههههههههه

تحياتي لموضوعك الجميل

بس دة الكلام فية كتير خالص ابقي اعمل جزء تاني

طهقان يقول...

انت بتتكلم في الخيال العلمي
صح ؟



احلام احلام
بل اضغاث احلام

أيامنا الحلوة يقول...

فعلا الاحساس مفتاح السعادة والحب احساس ومشاعر .. دعوتك للاقتراب حتى يتم التفاهم في محلها .. كلماتك رقيقة ورائعة

تحياتي

sendbad يقول...

نرمين
شكرا علي مرورك وزيارتك اذا الرجل اعتقد ان اهتمام المراة بيه يعني تملك يبقي اناني ويبقي العيب فيه مش فيها زي ما الست برضه لما تحس ان الراجل مش قادر يستغني عنها بتتقل وتدلع المشكلة ياعزيزتي في الطباع البشرية المتناقضة
تحياتي واجر التواصل الدائم

sendbad يقول...

كراكيب عادل
تحياتي وتقديري لزيارتك واعجبني تعليقك المفيد مع وعد بتكلمة الحديث

sendbad يقول...

طهقان
شرفتني ووكسرت بخاطري بقي انا بقالي اسبوع شغال في البوست وانت تقلي اضغاث احلام الله يسامحك

sendbad يقول...

ايامنا الحلوة
شكرا لزيارتك وذوقك وياريت الاستمرار

Tamer Nabil يقول...

كلامك رائع

فعلاا الحياة لكى تستمر محتاجة للترابط والاحساس من الطرفين

ربنا يوفق الجميع


تحياتى

david santos يقول...

Blogues puts all the MADELEINE photo in yours, a girl of 4 years of age that was abducted in day 4 in the Beach of the Light, in the Algarve, Portugal. They send the image of MADELEINE to all blogues of Morocco, Tunisia and Argel, thanks a lot

sendbad يقول...

فعلا ربنا يوفق الجميع ويلهمنا الصواب دايما شكرا للاهتمام والتواصل

sendbad يقول...

احب اشكر كل اللي علق علي البوست ده وبارك الله فيكم

Diyaa' يقول...

دعونا نقترب من بعض اكثر نشعر ببعض اكثر نفهم بعض اكثر..أضيف..ونتحمل بعض أكثر ونتخلي عن أنانيتنا وللأبد
المسألة مسألة تعايش..متربتش الناس علي كده فطبيعي تكون الأسر كلها كده
بحييك

sendbad يقول...

ضياء
فعلا عندك حق

shahy يقول...

شوف ياسندباد
اولا:
مدونتك رائعة(بدون مجاملة
والاحساس خارج من الكلام بينط
وثانيا:
انا معاك طبعا في كل كلامك
بس الزوجة بتنشغل بأطفالها وهم في سن صغير لانهم بيكونوا فعلا محتاجين رعاية جبارة
والمفروض ان الزوج لما يحس انة بقى رقم2 يلفت نظر الزوجة برقة وبراحة مش تبقى خناقة لان اكيد بيبقى غصب عنها
وهي هتحاول تعدل لان مفيش حد بيحب النكد وطبعا هي بتيجي على نفسها كتتتييييررر بس هي دي الامومةلان الام الوحيدة اللي بتفضل طول عمرها تضحي
ربنا يدي لأمهتنا الصحة
والسلام عليكم

غير معرف يقول...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室