الحكومة المصرية حكومة مؤمنة : لان رئيس الوزارء نظيف والنظافة من الايمان
سكة السلامة : هي السكة اللي مفهاش مسئول بيعطل المواصلات ثلات او اربع ساعات
سلعة جديدة : الحكومة هاتنزل سلعة جديدة علي بطاقة التموين ؟ الصبر
حوار الطرشان : اتنين بياكلوا طرشي وبيتكلموا مع بعض
الخنقة : لو كل واحد عزل من بيته علشان تحتيه واحد مخنوق البلد كلها هاتبات في الشارع
الحزب الوطني :ايه اكتر حاجة بتحبها في الحزب الوطني؟ ان مفيش حد عنده دم بيحبه
اخبار الحوادث : مين اللي قلك ان الدنيا مفهاش امان ؟ افتح اخبار الحوادث وانت تعرف
الخنقة تاني : انا مخنوق اذن انا مصري
محمد منير : انا بعت الدموع والعمر طرحت جنايني في الربيع الصبر وقلت انا عاشق سقوني كتير المر ورا الشبابيك
افلام هندية : احب اتفرج علي الافلام الهندية اللي في قناة مجلس الشعب
سؤال : ايه اكتر حاجة بتحبها في مصر ؟
الاجابة : ولا كاني سمعت حاجة
الدنيا : لسه الدنيا فيها خير، فعلا بس لسه فيها اليهود وامريكا والحكومة المصرية
ام كلثوم : يافؤادي لا تسل اين الهوي كان صرحا من خيال فهوي
هناك 77 تعليقًا:
فكرة
ادعوك للمشاركة في استفتاء
اكثر 10 مدونات تاثيرا في قرائها
عل مدونتك منهم
اليك الرابط
http://www.6ef.blogspot.com/
thxxxxxxxxxxxx kteeeeeeeeer 3agbtny awy
تحفه
كلامك في الجون
صحيح اسلوب ساخر
بس بجد بيصحي
ومؤلم
علشان الحقيقه المره الي عايشين فيها
ومش عارفين نتخلص منها ابدا
تسلم ايدك يا سندباد
كان نفسي اكون اول تعليق
بس معلش ملحوقه يا سيدي
هدخلك تناي
تحياتي
فلسفه جديده تصلح للتعبير عن الفكر الجديد و الحياه الجديده للحزب الوطني
تحياتي
جايز دي تكون فلسفه امه
قصدي سوزان مبارك
جامدة ياباشا
تسلم ايدك
محمد سمير
السلام عليكم
ادعو الله ان يحميك ويحرسك
لقد لاحظت ان التعليقات من القراء قوية وتتمحور حول الماضيع التي تكتبها
سؤالي هو الاتي
اذا كنا جميعا نشعر ونفكر هكذا لم لا يكون هناك تطبيق على ارض الواقع اما زلنا نخاف؟
روعه بجد جمده اوى
تحياتى
منة الله
تحياتي لدعوتك وانشاء الله نشارك في الدعوة
احمد
شكرا لمرورك لفكرتي المتواضعة وارجو الاستمرار في التواصل
تحياتي
عزيزتي جهينة
مرورك بيسعدني جدا و هي فعلا حقيقة مرة والشعب المصري دايما بيسخر من همومه علشان كده بنقول هم يبكي وهم يضحك
وانا كمان كان نفسي تكوني صاحبة اول تعليق انما تتعوض
تحياتي
ذو النون المصري
لنا الله ياعزيزي شرفتني وياريت متكونش زيارة اخيرة
محمد سمير
شكرا علي مرورك وفرحت ان البوست عجبك
تحياتي
ناني
متشكر اوي علي مرورك وللاسف ياعزيزتي احنا فعلا بنخاف بنخاف علي الرزق والعيال والاهل لسه لسه بدري لما تقدر نعبر عن تفكيرنا بالفعل
تحياتي
ضد الظلم
شكرا يا عزيزي يارافع معنوياتي
سؤال : ايه اكتر حاجة بتحبها في مصر ؟
الاجابة : ولا كاني سمعت حاجة
ههههههههههههههههههه
لا بجد حلوة
تحياتي :)
اكثر حاجة لفتت انتباهي
انا مخنوق يعني انا مصري
:(
يعنى انت باديها بالنظافة
ومطنش البركة الكبيرة بتاعتنا
ينفع كده؟
شوية تعريفات لذاااااااذ اوي
................................د
الخنقة : لو كل واحد عزل من بيته علشان تحتيه واحد مخنوق البلد كلها هاتبات في الشارع
.
.
الجملة دي فكرتني بعبارة قالها عادل امام في "شاهد ماشفش حاجه"........بس الجار اللي تحت مش كان مخنوق منه
كااااااااان...وانت فاهم بقي
....................
بس بجد مش قادرة اختار اكتر خاطرة فيهم..كلهم حلوين اوي
اسمحلي احتف بيهم عندي في الفافوريتس
................
تحياتي
سندبااااااااااد
أنا جيت أهوه مرسى على سؤالك وذوقك وأسفه على التأخير بس بجد كان غصب عنى ان شاء الله هاقرأ وأعلق على كل الى فاتنى
******
تعريفاتك جميله أكتر حاجه عجبتنى
الأفلام الهنديه والخنقه :))))
السلام عليكم
هههههههههههههههههه
لا بجد جميله
تعليقات ساخرة
والمصيبه انها صح :D:D:D
هم يضحك وهم يبكى
ايه يا عم التعريفات الجامدة دي
انت مكانك مش هنا بقي
بس عبتني اوي ولا كاني سمعت حاجة تصدق انها هتكون نفس اجابتي لو حد سالن السؤال دة
ضوء القمر
شر البلية ما يضحك
تحياتي
ليموندا
ايه رايك عندي حق ولا لاء
مريم
ما انا كاتب قصيدة كاملة فيه البوست اللي فات قلت اخف عليه لاحسن يعملها معايا
قصاقيص
طبعا من حقك تحتفظي بيهم ومن غير ما تسالي ده شرف ليا ده شئ يسعددني ان كلامي بيعجب الناس انتي كده رفعتي من روحي المعنوية
واحدة من الناس
حمد الله علي السلامة مدونتي فرحت بيكي والله وانا مستني تعليقاتك ومبسوط بان البوست عجبك
رينا
متشكر اوي علي مرورك وتواصلك وفعلا والله احنا الشعب الوحيد في العالم اللي بيقدر يضحك ويسخر من همه وده حاجة نادرة وفريدة وتحسب للشعب المصري الصابر المهاود
سمراء النيل
فعلا انا لما سالت نفسي السؤال ده لقيت نفسي مش عارف ارد تفتكري فعلا وصلنا للدرجة دي مش قادرين نلاقي حاجة حلوة في بلدنا حاجة تزعل مش كده
السخرية احيانا بتكون نوع من الفضفضة بس احلى حاجة في البوست استخدامك لاغنية ام كلثوم وختامها مسك
مع تحياتي
رانيا
ده قدر الشعب المصري اللي بيسخر من كل حاجة هو قدامه ايه
وفعلا ام كلثوم ليها تاثير غير عادي
تحياتي
انت دايما كده بتفجأني بكتاباتك الرائعة
انا متأكدة ان لو كنت استنيت على البوست ده للنهرده كنت هتضم معاهم مأساة انتخابات مجلس الشورى ومهزلة المرشحين اللي بيموتوا في بعض عشان خاطر المناصب
تحياتي لك
ايامنا الحلوة
متشكر اوي علي اطراءك الجميل اللي بيرفع من روحي المعنوية
وحظي وحش فعلا انا ماستنيتش الانتخابات بس شوفتي قد ايه بقينا عبيد للمال والسلطة
تحياتي
بوست جامد جدا..ده انت عبقري...
كويس اننا شعب بيحب يفلسف اوجاعه لحاجة تضحكه..و الا كنا متنا من الغيظ
تحياتي
ملعوبه جدا
يا ريت الشعر كان يفضل بعيد عنى وافوت ف الدنيا ع الهامش واكون جنى
ولا منى تقيد النار ولا اقيدها
يا لحن البدء ابعدنى انا منى
فظيع جدا بجد البوست بكل ما فيه
يمكن فيه جملتين تلاته اندهشت لما قريتهم
يمكن من اسلوبك وما يحويه بين سطوره
ويمكن لانى ما كنتش متوقعه انى الاقى الكلام بالجراه دى
بجد حلوه اوى كلماتك
موجزه ومعبره
شكرا ليك
:)
اية الخيبة دي
دة انا وحشة اوي
التعليق ال36
يا عيب الشوم
معلهش اصلي ماكنتش في البيت
كالعادة
روعة روعة روعة
تحياتي تحياتي تحياتي
سندباد يامواضيعك ياسندباد
ايه الفلسفه العاليه دي
عجبني طبعا كل الموضوع بس اكتر حاجه عجبتني سؤال ايه اكتر حاجه بتحبها في مصر
:))))))
تحياتي علي الموضوع الجامد اوي ده
جميلة قوى الكلمات الساخرة بس انا حقيقى مش بحب الكآبة - انا بطلت اقرا الجرنان علشان بحس انى دماغى بتسخ وتصدع وتسيح وفى الاخر بزعل من كل اللى بقرا مع انه خمس الموود فى الواقع الأليم اللى انا فيه
سندباد ارجوك بعض التفاؤل بقى - لقد اوشكت هبة على الانفجار نرجو اعادة شحن المدونة ببوست جديد متفاؤل
ولك منى افضل الأمنيات والتقدير
هبة
نقطة مية
عبقري مرة واحدة ياستي بارك الله فيكي وفعلا حلو اننا بنقدر نحول حزننا لحاجة تانية علشان نطلع من المود
تحياتي
حقي اهرتل
كل ما بتيجي عندي بتديني حبة هرتلة عشرة علي عشرة
تحياتي
ساعة غروب
متشكر اوي علي كلامك الجميل شوية جراءة مش هاتضر وبعدين انا معتمد علي الله ثم عليكم انكم تقفوا جنبي لو حصل حاجة
شاهي
ازيك عاملة ايه وايه اخبارك انا برضه استغربت لما اتاخرتي في التعليق بس مش مهم المهم انك علقتي لاني بنتظر تعليقاتك وبستناها متشكر اوي نورتيني
اجندا حمرا
تحياتي ليكي جدا ونورتي فكرتي المتواضعة انا فعلا اكتر حاجة اعجبت بيها بعد ما كتبتها السؤال ده لانه فعلا حاجة تزعل مش كده ولا ايه
دوبا
سلامتك من الانفجار انا فعلا زودتها في الكابة اوي بس والله غصب عني انما اوعدك البوست القادم هايكون بطعم مختلف وده وعد
تحياتي
لاسباب تقنية تغير عنوان المدونة
من الغد تواصل هيباتيا الكتابة في موضوع : الله .. النص ... البشر
http://hypatia-theu.blogspot.com
ازيييييييييييك هوا انا اغيب اغيب واجي الاقيك كاتب حجات كده جامده
يبني انا هخاف عليك بعد كده
احسن يكون في جواسيس ولا حاجه
:D
ياسمينا
قلقتيني جواسيس ازاي يعني هو ممكن المدونة بتاعتي تعملها وتبلغ عني
سندباد مالك ايه الي مزعلك كدا
انت قلقتني في التعليق
مالك نفسيتك شكلها مش ولا بد
ممكن تقولي فيه ايه يا اخويا العزيز؟
كلام جميل كلام معقول مش قادره اقول حاجه عنه خالص ولا كانى سمعت حاجه
:))
تحياتى
جهينة
احيانا الواحد ممكن يحس بالقلق بالحيرة من غير مناسبة ياتري دي بتبقي الحاسة السادسة يعني بنحس ان في حاجة ممكن تحصل ولا دي ممكن نسميها اننا بنحب نعذب نفسنا وبنستكتر علي نفسنا الفرح
هي دي الحالة اللي عندي اني حاسس بالقلق والحيرة رغم ان مفيش جديد مفيش حاجة بتحصل امبارح زي النهاردة زي بكرة علي العموم انا متعود علي الحالة دي اللي بتيجي من فترة للتانية انما الشئ اللي فرحني انك حسيتي وسالتي واهتميتي وده شئ نادر الحدوث معايا
تحياتي الغالية ياصديقتي الغالية
سهر الليالي
ولا كانك سمعتي حاجة صحيح ولا ناوية تبلغي عني
اوعي انا راجل صاحب مرض وصاحب عيال
تحياتي
حلو قوى بجد
فيها فلسفة
وفيها سخرية
وفيها علامات تعجب
تحياتى
ياسمين
الله يخليكي يارافعة معنوياتي
تحياتي
معلش تعليقي جاي متاخر بس في حاجات كانت شغلني بس موضوعك باسلوبه الساخر عبر كتير عن ما يجول بقلوب الملايين من المصريين ونسال الله ان نفيق على خير من هذه الغيبوبة التي لانعلم وقت الافاقة منها
تمام كده
حلو اوى يا سندباد
هو ده الكلام الى يعمل دماااااااااااغ
فلسفه حقيقة جدا
تحياتى
................
بدعوك للقاء المدونين فى بورسعيد
لقاء صيفى جدا...للتواصل
لمزيد من التفاصيل ارجو زيارة مدونتى
تحياتى
ههههههههههههههههههههههههه
عثل عثل عثل
تحياتي
ممكن تكون من الاشخاص شديدي الحساسيه
عشان كدا بتنتابك الحاله دي من فتره للتانيه
المهم انك تاخد بالك من نفسك متخليش اي احساس وحش يسيطر عليك ابد
مهما الي كان مزعلك اوع تخليه يأثر فيك
خدبالك من نفسك يا صديقي العزيز
تحياتي
يبقى انت اكيد في مصر
السلام عليكم
مش عارفه اعلق اقول ايه
انت فعلا جبت الخلاصه
افلام هندية : احب اتفرج علي الافلام الهندية اللي في قناة مجلس الشعب
فعلا افلام هنديه الي احنا بنشوفعا
ربنا يعنا عليها يا رب
بوست رائع وجريء جداااااااااا
تحياتي
قلوب حائرة
فعلا كلنا محتاجين نفوق من الغيبوبة اللي احنا فيها
شيماء
تحياتي لمرورك وتحياتي لدعوتك وربنا ييسر لينا جميعا اننا نلتقي دائما
برويد
دايما كده انشاء الله واكون عند حسن ظنكم
تحياتي
جهينة
شكرا ياصديقتي العزيزة علي اهتمامك وبارك الله فيكي انتي نعمة الصديقة والاخت ربنا ينولك كل اللي في بالك ومتقلقيش ايام وهاتعدي وكل حاجة هاتبقي زي الفل بس قولي يارب
شارم
هههههههههههههههه
عرفت بقي اني ليا حق
الدمعة
تحياتي لمرورك واطراءك وربنا يرحمنا ويصبرنا
شكرا
السلام عليكم
تحفة ياسندباد...كلام في الجون فعلا..فلسفة فعلا من نوع تاني
الفلسفة:هي أن الحكومة تفلسف أمورها عشانتجوع الشعب وتسرقه وتقوله حقوق معدومي الدخل
السلام عليكم
اشكر كل من تساءل عن غيابي
ووقف بجانبي في محنتي
تحياتي لكل شريف حر
تعليقلتك حلوة اوى وفى الصميم
تحياتى الشديدة
ياااااااااااااااااااااارب
اهه اعلي صوتي اكتر
قلمي الحر
تحياتي لمرورك وتعليقك وانشاء الله دايما اكون عند حسن ظنك
صاحب البوابة
حقك علينا اننا نسال عليك وربنا يديك ويدينا الصبر
وحسبي الله ونعم الوكيل
رضوي
شكرا لمرورك واطراءك
تحياتي
جهينة
شكرا ياعزيزتي لاهتمامك
بارك الله فيكي وربنا يسمع منك
صحيح الصبر حينزل على بطاقة التموين
يا طارين دلوني
الصبر فين الاقيه
اوروفوار
طهقانة
اديني جبتلك خبر بمليون جنيه
ندعوكم للمشاركة معنا فى
الملتقى
ملتقى ابداع المدونين
واراءهم ومواضيعهم
تسعدنا مشاركاتكم
ya 3eny 3la el sabr
إرسال تعليق