الأحد، 24 يونيو، 2007

رسالة


لا تخافي

ما زالت احيا لم امت


فليس الفراق من اسباب الموت

هناك 75 تعليقًا:

gohayna يقول...

طبعا مش هفوت اني اكون اول كومنت

بس فيه حاجه واضح ان العيب عندي الكلام مش ظتهر خالص يا سندباد

الصوره بس الي موجوده مش اكتر انا هسيب المدونه علي الجهاز يمكن ربنا يسهل والكلام يظهر

المهم انا الول اهه

هرجعلك تاني

gohayna يقول...

خلااااااااااااااص ظهرت الحمد لله

عارف هما تلات سطور بس فيهم الخلاصه

ايوه الفراق عمره ما كان من اسباب الموت
بس لو الانسان قادر وعنده عزيمه انه ميموتش عشان حد
صدقني مفيش حد يستاهل اننا نموت او عمرنا يخلص عشانه

صدقني

بس فيه حاجه ملاحظاها ومتزعلش مني

الكلام الي كاتبه دا ظاهره فيه قوه
بس باطنه حساه ضعيف جدا

يمكن اضعف كلمات اتكتبت

انت كاتبها بأييدك لكن قلبك مكنش معاك

يعني من ورا قلبك

الكلام فيه مراره يا سندباد
وفيه وجع كمان

ياتري انا صح ولا لا؟


وبراءه المره دي

عشان اول تعليق

تحياتي

Noony يقول...

الحب ممكن يكون سبب في الحياة لكنه عدمه عمره ما كان سبب في الموت

والضربة اللي متوجعكش تقويك
نتعلم من أخطائنا شعان نعرف نتفاداها بعد كدة

على فكرة أنا كنت كاتبة كومينت على الموضوع اللي فات..بس تقريباً الكمبيوتر عملها معايا ومرضيش بيعتها
:(

حصل خير
:)
نوني

Nani يقول...

السلام عليكم
شكرا على زياراتك المتكررة لمدونتي
الواحد مننا لما يفارق حاجة بحبها غصبن عنه بتموت حاجة صغيرة جواه شوية شويةو هي الامل انك ترجع من تاني

أيامنا الحلوة يقول...

كلمتين فيهم الخلاصة فعلا ياسندباد

الحب للحياة فقط لا للموت

تحياتي

نسرين - أمة الله يقول...

السلام عليكم
مازلت احيا لم امت
فليس الفراق من اسباب الموت
هو الموت موت مشاعر ولا جسد طيب ايه معنى الحياه بقلب موجوع جريح
انا مش بنقد والله بس بسأل ايه معنى حياه الواحد وقلبه مفهوش حياه

Doba يقول...

الفراق ما هو إلا محطة يتوقف عندها الكثيرون ويرحل عنا آخرون

فراق الأحبة لا ينبغى له أن يؤدى للموت فهذا الفراق ما هو إلا بداية لحياة جديدة مع شريك درب آخر

تحياتى - - - هبة

Lemonada يقول...

يا عم اي دة ايييييييي دة
كل مرة الاقي كلامات اقل من المرة الفايتة
بس كل مرة الكلام بيكون معنى اجمد من القبل

بس والنبي بلاش الاكتئاب دة
فرفش شوية
انا عزماك على برتقال بلاش ليمون المرة دية
هههههه
في قوس قزح وشعور غريب جديد
اتمنى اني اكون عند حسن ظنك وتعجبك

الحلم العربي يقول...

ربما لقاء جديد يكون سببا في الحياة
لكن الأكيد ان الفراق ليس سببا في الموت كما ذكرت

فلتبحث عن لقاء جديد ...., لتنس الفراق
جعل الله أيامك كلها حياة
تحياتي

shahy يقول...

ياساتر يا رب
نفسي مرة اكون اول تعليق

اقولك حاجة من غير زعل
واضح انك زعلان علشان هي عايشة حياتها عادي ومش فارقة معاها الانفصال
بس يا عزيزي لو هي مش بتحبك يبقى ماتستاهلش انك تزعل نفسك علشانهاوبجد حاول تنسى وكمان دور على عروسة جديدةعادي انت مش اول واحد ولا هاتكون اخر واحد وان شاء الله المرة دي يكون اختيار موفق

هاستنى دعوة الفرح

سلام يا عريس

Hannoda يقول...

فعلا .. الفراق مش موت

عارف امتى يكون موت

لما يكون الحبيب كل الحياه
والحب تفاني
واندماج
وعطاء
لكن مش كل الحياه
وطالما هو مش كل الحياه
يبقى الفراق مش هو الموت

تحياتي على كل ما قل و دل ووصل ووجع

حزيــــــــــــــــــن يقول...

صديقى أتاخرت عليك انا عارف بس خلاص عملت ليك لينك فى مدونتى عشان اعرف اتابعك باستمرار
بص هو الفراق بردو موت واصعب لحظات فى حياة الانسان هى لحظات الفراق
بس دايما بيكون بعد موت الفراق حياه تانيه اما احلى او اسوأ والذكى اللى يعرف نوع الحياه بعد الفراق فيقرر الفراق او عدمه
تحياتى

bos bos يقول...

عيش حياتك من غير تفكير فى اللى راح
خلاص اللى راح راح
تحياتى لك

نقطة مية يقول...

طبعا ليس الفراق من اسباب الموت...
احساس مركب بين الحزن للفراق و الصمود بعده..
احييك على ابداعك

مريم يقول...

تفتكر هم بيخافوا علينا

ولا احنا نهمهم اصلا؟
لو كنا غاليين مكناش اتجرحنا م الاول

سيبك انت

احلى حاجة فى الحب ان اى حب

دايما بتحس انه اول حب

قلوب حائرة يقول...

مش عارفة ليه كلامك هزني قوي من جوه بس يمكن لانه مش مجرد كلام حاجة كده كتبها جراج والم مكتوبة من جوة جوة قوي وصدقني لو فراقها هيؤدي للموت يبقي هي كانت شي هام

bocycat يقول...

كلام رقيق وبسيط عشان كدة دخل القلب ... تحياتى

شاب نفسه يحقق حلمه يقول...

برافو عليك
فعلا الفراق مش من اسباب الموت

ضـوء الـقـمر يقول...

مش ضروري ابدا ان الموت يكون موت جسد وروح انما ممكن يكون موت احاسيس جميلة وحاجات جوانا اتهدت .. ياترى الموت هنا مقصود بيه موت جسد ولا موت مشاعر؟
3 سطور بس بجد تحفه خلتني اوثق فكرتي عن ان محدش بيموت ورا حدا
تحياتي ياسندباد واسفه على التأخير :)

غمض عينيك يقول...

عندك حق الفراق دايما عمرة ماكان من اسباب الموت وزي مانت قلت قبل كده اللي معندوش اخلاص مايستاهلش البكا عليه

تحياتي ليك
محمد سمير

esraa يقول...

الفراق فعلا مش من اسباب الموت

هو في الأول بيكون صعب اوي

والانسان مش بيصدق انه ممكن يعدي منه

بس بيكتشف بعد كده انه عدي زي مأي حاجه تانيه بتعدي

وانه لسه عايش ومامتش

بالله المستعان يقول...

تحفه
المدونه كلها جامده موووت
ماشاء الله

عابرة السبيل يقول...

الحب عمره ما كان سبب للحزن الا لو كان غلط
الموت كمان صعب نقرنه بالحب ...خلى الحب فى حاله بعيد عن الموت ..كفاية شجن الحب وعزابه

yasmina يقول...

أخاف أن تأتي يوما فلا تراني
ليس لمانع مني ولكن لعلة او قضاء
قضاء ربك ليس له اقصاء
أفيا قلبي أتتحمل ام يسبقك القضاء

الحمد لله ان الموت مش بايدينا لان مفيش حد بالدنيا يستاهل تموت علشانه
اكمل حياتك
حتى لو تألمت
سلام

همسات يقول...

لا تخافى مازلت أحيا لم أمت
فليس الفراق من اسباب الموت

بجد خير الكلام ما قل ودل
بس مش ممكن يكون الفراق سبب الموت المعنوى؟
القوى هو من لا يجعله كذلك

تحياتى ليييييك

ضد الظلم يقول...

لا اختلف معك فى ان الفراق ليس من اسباب الموت ولكنه من اسباب التدمير الذاتيه

sendbad يقول...

اولا اعتذر علي التاخير في الرد علي تعليقاتكم الجميلة والرقيقة والان نبدا الرد

sendbad يقول...

جهينة
عزيزتي اللي فهماني واللي كشفاني القوة في الكلام مش معناه دايما قوة في الاحساس
انا بحاول ادور علي قوة استمد القوة من اي شئ من كلامي من كلامك من بوستات المدونين حتي من التعليقات بحاول وانشاء الله هاقدر هي حالة نفسية بتيجي وبتروح زي اي حالة ممكن تصيب الانسان
تحياتي

sendbad يقول...

نوني
شكرا علي اهتماك بالمتابعة لازم تستفاد من كل شئ بيحصل معانا والا نبقي دايما عايشين علي الهامش منعرفش نصد ضربات الزمن تحياتي

sendbad يقول...

ناني
انا ببقي سعيد وانا داخل مدونتك زي ما ببقي سعيد وانتي موجودة في مدونتي اللي ميحسش باي تاثير بعد انتهاء الحب وابتداء الفراق يبقي محبش اصلا
تحياتي

sendbad يقول...

ايامنا الحلوة
فعلا عندك حق بس مين يفهم ومين يحس
تحياتي

sendbad يقول...

نسرين
شرفتي مدونتي
فيها لما تنقدي ده من حقك انك تختلفي مع اي حد موت الجسد يبقي انتهاء الحياة اما موت المشاعر يبقي موت الاحساس بالحياة ده راي والله اعلم
تحياتي

sendbad يقول...

هبة
بس تفتكري انه سهل اوي كده اننا ننسي حب ونبدا حب ده احتمال وارد بس مش بالسهولة اللي بنكتب بيها الكلام

sendbad يقول...

ليموندا
ده مش اكتئاب ده تعبير عن حالة علي فكرة حلو اوي البرتقال تسلم ايديك انتي اللي طباخاه ااقصد اللي زرعاه
تيحاتي

sendbad يقول...

الحلم العربي
متشكر علي كلماتك الرقيقة احتمال البحث عن لقاء جديد يكون حل بس اعتقد انه مش من السهل انك تنسي حب لمجرد انك تقولي اني هانسي

sendbad يقول...

شاهي
مجرد مرورك لمدونتي بيسعدني جدا جدا
علي فكرة كلامك صح جدا جد
وشكرا علي اهتمامك

sendbad يقول...

هنودة
فعلا فعلا صح الصح انتي لخصتي اللي عايز اقولة دي وجهة نظري ومش قصدي ان كلامي يوجع حد
تحياتي

sendbad يقول...

حزين
فعلا ياصديقي ياما احلي او اسوا واتمني ان ربنا يوفقنا في اختيار الاصلح

sendbad يقول...

بوس بوس
ادعيلي اني اقدر لاني عايز كده فعلا

sendbad يقول...

نقطة مية
احساس في منتهي التركيب وحيرة ما بعدها حيرة ربنا يدينا القدرة علي التحمل

sendbad يقول...

مريم
فعلا لو كنا بنهمهم او كانوا بيحسوا كانوا حسوا قد ايه الفراق صعب بس هما في وادي تاني خالص اسمه وادي عدم الاحساس
تحياتي

sendbad يقول...

قلوب حائرة
الحب شئ هام وهي كانت هامة جدا بس معتقدش انها ممكن تخليني اموت

sendbad يقول...

بوسي كات
متشكر علي كلاماتك الجميلة وربنا دايما يقدرني اني اكون عند حسن ظنكم جميعا

sendbad يقول...

شاب نفسه يحقق نفسه ( وربنا يقدره ويقدرنا جمعيا )

شرفت مدونتي المتواضعة وارجو الاستمرار بالمتابعة

sendbad يقول...

ضوء القمر
سؤالك مهم جدا الفراق ممكن يموت فعلا يموت مشاعر واحاسيس ومبادئ
انا قصدي هنا اني لسه عايش وعمر الاحاسيس الجميلة اللي جوايا ما هاتموت مش يمكن حد يقدر يطلعها من جوايا ويكون يستاهلها
تحياتي

sendbad يقول...

محمد سمير
فرحت لما لقيتك متابع كلامي بجد فرجت جدا تحياتي ياصديقي العزيز

sendbad يقول...

اسراء
كلها ايام وبتعدي المهم اننا نقدر نطلع من التجربة اكثر قوة
تحياتي

sendbad يقول...

بالله المستعان
بارك الله فيك وياريت دايما اكون عند حسن ظنكم

sendbad يقول...

عابرة سبيل
ياريت شجن الحب وعذابه يخلي الحبيب يحس بالمشاعر الصادقة
تحياتي

sendbad يقول...

ياسمينا
مفيش حد يستاهل نموت نفسنا عشانه الا اللي بيقدر يعني ايه مشاعر صادقة
اه بتالم بس مكمل حياتي
تحياتي

sendbad يقول...

همسات
عندك حق ممكن يكون الموت موت معنوي وانكسار
وانا بحاول اني مكنش كده
تحياتي

sendbad يقول...

ضد الظلم
بحاول اني مدمرش ذاتيا ياصديقي لان مفيش حد يستاهل الا اللي بيقدر
تحياتي

Rodrigo يقول...

Oi, achei teu blog pelo google tá bem interessante gostei desse post. Quando der dá uma passada pelo meu blog, é sobre camisetas personalizadas, mostra passo a passo como criar uma camiseta personalizada bem maneira. Até mais.

ساعه الغروب يقول...

كلماتك دايما مختصره ووعميقه اوى اوى
اوى

هو فعلا مش سبب للموت بس دا لو الواحد قرر فعلا انه ما يكونش سبب للموت

يعنى احنا اللى بايدنا نقرر اذا كنا هنقدر على الفراق دا ولا لا

واحنا اللى بنرفض استسلامنا او بنقبله بس احيانا عقلنا الباطن بيقنع الاستسلام بانه استمرار للحب يمكن لانه بيكونر افض انه ينتهى ؟؟

مش عارفه باه

:)

سورى للتطويل بجد

بس كلماتك بعثت فيا الكلمات دى

رينـــــــــــا يقول...

ممكن تكون عايش فعلا
بس ميت من جواك

shahy يقول...

صوتك زعلان قوي
قصدي ردك على التعليقات في حزن شديد
اية اللي حصل تاني؟

انت كنت بدأت تبقى كويس شوية

الا قولي صحيح الجو عامل اية في اسيوط
مش حر كدة ويفطس

سلاااااام

شيماء الجيزى يقول...

مين قال؟
مين قال ان الفراق مش من اسباب الموت
؟
ساعات بيكون
اول اسبابه

.............

لو بتتكلم عن الموت الطبيعى
مش الموت المعنوى
ورغم ان الموت هو الموت
فساعات
بنموت لما نفارق
ومش لازم نفارق حبايبنا
ممكن نفارق نفسنا

تحياتى يا سندباد

sendbad يقول...

رودريجو
اسف والله مفهمتش حاجة

sendbad يقول...

ساعة غروب
احنا اللي بنقدر نسعد نفسنا واحنا الا بنتعسها انما اعتقد ان مش من السهل ان الواحد يقرر في لحظة انتهاء فترة من حياتة كانت كل حياته ومتطولتيش ولا حاجة

sendbad يقول...

رينا
ممكن جدا طبعا بس دي تبقي حياة

sendbad يقول...

شاهي
اولا الجو عندنا في اسيوط يادوب 70 او 75 درجة بس
انا كويس الحمد لله انما احيانا ممكن نفتكر حاجة تخلينا مش قد كده انما المجمل انا كويس شكرا لاهتمامك
تحياتي

sendbad يقول...

شيماء
عجبتني اوي كلمتك اننا ممكن نفارق نفسنا فعلا ممكن نحس اننا بعاد اوي عننا انا في راي الموت موت سواء معنوي او طبيعي ممكن الفراق يكون سبب للموت لو احنا عايزين كده وممكن يبقي لاء لو قدرنا نمنع نفسنا من الموت بس تفتكري كام واحد يقدر يعمل كده
تحياتي

shahy يقول...

كويس انك بخير
يارب دايما

واضح انك واخد على الجو الجميل دة

sendbad يقول...

شاهي
الحمد لله ربنا يخليكي وفعلا احنا اتعودنا علي الجو ده

لو كنت أعلم يقول...

إيواا جاااااااااااي
إيه يا بني عدد التعليقات المهوا ده
ده أنا أول ما شفته اتخضيت فعلاً
وبعدين...
لما شفت التعليقات
عرفت إن إنت اللي قاعد تلك وتعجن
ياراجل ده لو حسني مبارك عمل مدونه مش هيدخل عليه العدد ده كله
، إلا إذا؟؟؟!!
(تلتمع في عيني الآن نظرة شريرة)
نيااهاااها

بالنسبة للبوست جامد مووت
بس مين قال إن الموت هو الموت المادي وبس
ساعات فقدان الحب بيسبب موت نفسي
ويكون العاشق جثة تحملها قدمان
تحياتي

بالنسبة للامتحانات أنا قربت أخلص
إدعيلي

لو كنت أعلم يقول...

إيه كل البوستات الجديدة دي
واضح إن الامتحانات مضيعة علي كتير

براحة شوية عشان ألحق أقراهم كلهم

بس عموماً

قشطات

واحدة من الناس يقول...

أكيد غريبه وأول مره أعملها انى آجى بعد الوقت ده كله بس تصدق قريت البوست ده سبع مرات وكل مره أسرح فيه قوى ومعرفش أقول حاجه نفسى أقول الحب مش الحياه فيترتب عليه ان الفراق مش الموت بس لو مكانش الحب هو الحياه مش برضه الحياه هاتكون نوم من غير أحلام ورده من غير أريج سما من غير قمر ونجوم؟؟؟
هوه مش ساعتها الموت يبقى أهون؟
مش عارفه ...يمكن يكون الحل حب جديد يجدد خلايا القلب ويخليه يدق باصرار على الحياه والعطاء والحب
أسفه انى طولت بس معرفتش أعلق فقلت أفكر معاك كلماتك بسيطه بس دخلت قلبى قوى ربنا يقويك ويرزقك بلى يعينك
سلام ياأخى العزيز

sendbad يقول...

لو كنت اعلم
الله اكبر
معاكي حق علشان كده كان قصدي اني بقوي مع قوة الكلام شكرا لزيارتك وربنا معاكي في الامتحانات

sendbad يقول...

واحدة من الناس
بفرح لما بلاقيكي بتعلقي متشكر اوي
كلامك فعلا هو افضل كلام وده من غير مجاملة انتي اصبتي الحقيقة وربنا يسمع ويستجيب دعاءك
شكرا

sabrina يقول...

مهما كان الو1حد حزين
وحاسس انه ميت من جوة
مش معني كده انه مات فعلأ و ارتاح
وان الألم توقف!!

huda gamal يقول...

كلام قليل اوى
بس معبر اوى اوى اوى
تحياتى لابداعك المميز

sendbad يقول...

سابرينا
احتمال بس في نعمة اسمها النسيان ياريت اعرف اتقنها

sendbad يقول...

هدي
شكرا وتحياتي

Egypt Rose يقول...

اريد ان اشكر جداً على هذه العبارات الرائعة والتى اخذتها وعبرت عن نفسي بها في مدونتي .. لقد تعبت من التعليقات المتخلفة المهينة والتى ان دلت فتدل على جهل شديد نحيا فيه رغم انوفنا جميعاً

ارجو ان تزور مدونتي

sendbad يقول...

ايجبيت روز
متشكر علي زيارتك لمدونتي ومتشكر علي اطراءك ودايما اكون انشاء اله عند حسن ظنك وظنكم جميعا
شرفتيني