الثلاثاء، 3 يوليو 2007

حبة رومانسية


يقولون ان في عينيها اضواء الف
قمر
ورغم الحزن يستعير منها الورد حبات
المطر
وبين كفيها تولد طيور ونسائم
سهر
وان الخريف قد صار ينمو فيه
الشجر
يقولون عنك حبيبتي انك ابنة
القمر
وان الليالي بنورك تدعو العشاق
للسهر
وعلي شفتيك انهار الحزن
وانتحر
وبين كفيك انساب العبير
وانهمر

هناك 84 تعليقًا:

mo'men mohamed يقول...

مممممممممممممم
انا مش قادر أحدد أنت كاتبها لمين
بس كويس انك سبتلنا حرية التخيل
جزاك الله كل خير
كلمات روعة
السلام عليكم

Unknown يقول...

(((:

حلوه اوي بجد

Nani يقول...

السلام عليكم
جامدة اوي يا سندباد
لا بجد حلوة وتدخل القلب بسرعة
يا رب يبعتلك عروسة جميلة تفرح قلبك بالدنيا والاخرة امين

shahy يقول...

يا حلاوة يا ولاد
رابع تعليق
مش ممكن دي معجزة

حبة رومانسية اية دول حبات

يارب
يارب
يارب
يكون الكلام دة لحبيبة جديدة

تحياتي

shahy يقول...

صعبان عليا امشي وانا رابع تعليق
قلت اجي تاني وابقى خامس تعليق كمان

غير معرف يقول...

ايه بس الجمال ده كلو ... يابختها لو كنت كتبوا لواحده معينة .. ولو مش كتبو لحد معين يبقى ربنا يوعدك باللي تستاهل الكلام ده

تحياتي

shahy يقول...

يا خبر ابيض
اوعى تكون كاتب الكلام دة لبنتك

مش عارفة لما قريت الكلام لعاشر مرةقلت دة ممكن تكون كاتبة لبنتك

انت عارف الستات حشرية شوية وانا مش هايهدالي بال الا لما اعرف الكلام الحلو دة لمين؟

سلاااام

ضـوء الـقـمر يقول...

ورغم الحزن يستعير منها الورد حبات
المطر

عجبتني اوووي دي
بخلاف ان القصيده كلها عجبتني بجد تحفففففففه

تحياتي :)

Noony يقول...

منبهرة أنا

الكلمات والقافية والفكرة والجو العام...فظيعة القصيدة
ما شاء الله
يا بختها حتى لو كانت لسة خيال..بجد بجد أنا بغبطها

:)
نوني

سندباد يقول...

مؤمن
اهم حاجة انها عجبتك وربنا دايما كل حاجة اقولها تعجبك
ا تخيل واسرح والمعني في بطن الشاعر
تحياتي

سندباد يقول...

اسراء
متشكر ياعزيزتي ودايما ربنا يقدرني علي اني اكون عند حسن ظنكم

سندباد يقول...

ناني
متشكر اوي علي كلماتك الرقيقة
ودعوتك الجميلة
بارك الله فيكي

سندباد يقول...

شاهي الرقيقة
وانا ميخلصنيش ان بالك ما يكونش هادي
شوفي ياستي
انا سرحت في لحظة هدوء نفسي لقيتيني عايز اعيش في لحظات رومانسية كتبت بس بجد والله مفيش حد معين يمكن بتمني يكون في حد ويمكن الحب وحشني مش عارف انتي ايه رايك

سندباد يقول...

ايمنا الحلوة
زي ما قلت لشاهي مفيش حد معين انما يمكن اكون عايز يكون في حد او الحب وحشني
يالله حللي بقي وقولي ايه رايك

سندباد يقول...

ضوء القمر
سعيد انها عجبتك وسعيد ان ضوء القمر ليه دور في القصيدة
تحياتي ياضوء القمر

سندباد يقول...

نوني
احيانا بيكون الخيال اجمل بكتير من الحقيقة
ربنا يقدرني واكون دايما عند حسن ظنك
تحياتي

Layla يقول...

حلوة قوي يا سندباد...اشعارك كلها الحقيقة جامدة جدا

shahy يقول...

انت عارف
انا فرحانة انك ماقلتش
انك سرحت في ذكريات وكتبت الكلام دة

في امل يا سندباد وامل كبير كمان
وان شاء اللة هاتعيش حب جديد قوي وابقى قول البت شاهي قالت

سندباد يقول...

مرفال
متشكر اوي علي زيارتك وعلي ذوقك وربنا يقدرني واكون دايما عند حسن ظنكم جميعا

سندباد يقول...

شاهي
بصراحة انتي بتبهريني باهتمامك وتعليقلتك الجميلة ربنا يبارك فيكي ويستجيب لدعواتك متشكر اوي

yasmina يقول...

شعر جميل جدا
عجبني
يقولون عنك انك ابنة القمر

كلام معبر

تحياتي

سندباد يقول...

ياسمينا
العزيزة شكرا لاهتمامك وللزيارة الجميلة

david santos يقول...

Hello, Sendbad, my friend! This day 8 I go for Africa. I go I stop next to abandoned children. When I to arrive, in October, go to visit you. I take you in my heart. Until always

رينـــــــــــا يقول...

الله بجد
لا جميله اوى والله مش بجامل

loumi يقول...

العزيز سندباد
الله حلوة قوى حبة الرومانسيه دى
وخاصه فى الاجواء اللى احنا فيها دى
فعلا كلمات رقيقه معبره
تحياتى لك

سندباد يقول...

رينا
وانا من غير مجاملة بسعد لما بشوف تعليقاتك علي افكاري تحياتي ليكي جدا

سندباد يقول...

لومي
ربنا يدينا الصبر ويقدرني دايما اني اكون عند حسن ظنكم
تحياتي ليكي جدا

Lemonada يقول...

دي بس حبة رومانسية
أومال لو كانت كيلو رومانسية حتكون اي

المقطع دا جميل جدا جدا
وان الخريف قد صار ينمو فيه
الشجر

سندباد يقول...

ليموندا
انا شايل جوايا اطنان رومانسية بس اللي عايز يقول
سعدت ان الحبة دول عجبوكي
تحياتي

لو كنت أعلم يقول...

لقد عدت

هييييييه
إيه الرومانسية الجامدة دي

راائع عموماً

لو كنت أعلم يقول...

على فكرة شكراً على السؤال على الامتحانات

وللاجابة الامتحانات زفت والحمد لله

mohamed alhaddad يقول...

أيه الجمال ده
كلام جميل أوى
مقدرش أقول حاجه عنه

~ Bato0ot ~ يقول...

kalam gamil awy bgd

عين ضيقة يقول...

هو دى خاطرة

مش كده؟

عارف البوست بتاعك بتاع رسالة ده رائع

سلام بقى

الدمعه يقول...

جميله جميله جميله بجد خطيرة

تسلم ايدك

سندباد يقول...

لو كنت اعلم
ربنا يخيب ظنك وتطلع الامتحانات زي الفل علي العموم مبروك مقدما واديكي فضيتي
تحياتي

سندباد يقول...

وعد العيون
شكرا علي الاطراء والتواصل وارجو الاستمرار

سندباد يقول...

بطوط
تحياتي يا عزيزتي وياريت نطمن عليكي

سندباد يقول...

عين ضيقة
متشكر علي مرورك وانشاء الله دايما

سندباد يقول...

الدمعة
الحمد لله بفرح اوي لما افكاري بتعجبكم
تحياتي

reri يقول...

جاااااااااامده موووووووووووت
حبة رومانسيه بقي .. الواحد زهق
:))))

سلاماااااااااااات

سندباد يقول...

ريري
زهقنا والله عندك حق
تحياتي

مريم يقول...

حلوة جداااااااااا

غير معرف يقول...

كلماتك جميله جدا ما شاء الله

سندباد يقول...

مريم
سعيد انها عجبتك

سندباد يقول...

وحيد
متشكر جدا
تحياتي

carol 2002 يقول...

زيارة اولي وان كانت فعلا متاخرة ;)
بجد رائع .. عجبنى كلامك جدا
تحياتى :)

سندباد يقول...

كارول
شرفتيني جدا جدا وسعدت بان افكاري المتواضعة عجبتك
تحياتي

Sally يقول...

بجد روعه
كلام يدوب
اي جليد
ممكن يكون
ع القلب

غمض عينيك يقول...

حلوة اوي ياسندباد
ورقيقة جدا
:)

بجد حلوة

محمد سمير

حزيــــــــــــــــــن يقول...

صديقى انا ملاحظ انك بقالك فتره بدأت تتجه للشعر
احساسك جميل
تحياتى
انا عندى ليك تاج
تاج طويل ومتنوع
انت مين ؟
انت ايه؟
هدفك فى الحياه ايه ؟ هدفك الكبير فى الحياه غايتك يعنى ؟
اول طموح نفسك تحققه ؟
انت سعيد ؟؟؟؟؟؟؟؟؟؟؟
امتى بتكون سعيد وضميرك مرتاح ؟؟؟؟؟؟؟؟؟
امتى تحس انك مميز ؟؟؟؟؟؟؟؟؟؟؟
ايه اكتر حاجه ممكن تضايقك ؟
ياترى همك فى الحياه ايه ؟ رضا ربك ؟ رضا اهلك ؟ رضا الناس عنك ؟ اشباع رغباتك ؟ ولا ايه ؟
هل تحب نفسك ؟ هل تحب ان يمدحك الاخرون ؟ معجب بتفكيرك وامكانياتك ومواهبك ؟
هل تتضايق من الانتقاد ؟ هل تتحدث عن نفسك كثيرا حتى مع نفسك ؟
هل انت كثير الكلام ام صموت ؟
ماهى الصفات غير التقليديه التى ترغبها فى شريك حياتك ؟ الصفات غير التقليديه يعنى بعيد عن كلمة متدين واخلاق وحنين وطموح ورومانسى ويحفظ كرامتى ويكون بيبحبنى والحاجت دى ... حاجات غيرتقليديه زى مثلا شقيه نومها خفيف منصت جيد عصبى الخ
سؤال للبنات بتقفى قدام المرايه اد ايه ؟
سؤال للشباب ممكن تتجوز بنت كانت ليها زمايل غيرك ؟
ممكن تتزوج بنت اكبر منك والبنات ممكن تتجوزى شاب اصغر منك ؟ ولو لأ يبقى ليه ولو اه هل فى صفات معينه عايزاها تعوض فرق السن ؟
هل تحب الراحه والكسل ؟
هل اعدائك او منافسوك يحترموك ؟
ما مساحة الجد من الهزل فى حياتك ؟
عارف وزنك ؟ قيمتك ؟ امكانياتك ؟
هل تلتمس الاعذار ام تحب ان تعاتب ؟ هل انت مهموم ؟ او تخلق الهموم؟
ما النسبه بين جواك وبراك ؟
هل انت عنيد ؟
هدفك من التدوين ايه ؟ بتابع اى مدونه صاحبها بيتابعك ولا بتهتم بالمدونات اللى بيعجبك محتواها ؟
ممكن تساهم فى نشر مدونه جيده غير مشهوره ؟ لو اه او لأ ليه ؟
ايه نوع المدونات المفضل لديك ؟
بتحب اكتر تتعامل مع مدونين رجال ولا مدونات بنات ؟ وليه
تفتكر مستقبل التدوين هيكون ايه ؟
ممكن تنشر لمدون تعرفه فى الصحف او تساعده فى نشر كتاب حتى لو هيتفوق عليك او هغطى عليك بفرض انه جدير بهذا ؟ اجب بصراحه .
ايه حجم اقتناعك باللى بتكتبه فى مدونتك كل اللى بتكتبه واللى بتعلق عليه ؟ وهل لو قريت عند حد بوست معجبكش اوى هتعلق تقول ايه ولا مش هتعلق خالص ؟
ايه حجم صراحتك فى اجاباتاك على هذه الاسئله ؟
اخر سؤال لو الرسول (ص) هيزورك لمدة اسبوع ايه الحاجات اللى هتبطل تعملها وايه الحاجات اللى هتحبه يشوفك بتعملها غير العبادات المعروفه ؟ وهتعامل ابوك وامك واهلك قدامه ازاى وهتعامل اصدقائك قدامه ازاى وهتعامل الناس وتتعامل فى شغلك ودراستك وحياتك والتليفزيون قدامه ازاى ؟ وهتقوله ايه عن مدونتك ؟ وهتضيع قدامه وقت اد ايه فى التدوين ومتابعة المدونات ؟
لو فى سؤال كان نفسك تتسأله ومجاش هنا يكون ايه وجاوب عليه ؟

سندباد يقول...

بالله المستعان
وحاليا رغم حرارة الجو مازال هناك كثيرا من الجليد
تحياتي

سندباد يقول...

غمش عنيك
شكرا ياعزيزي ادينا بنحاول
تحياتي

سندباد يقول...

حزين
شكرا ياصديقي وانشاء هارد علي كل الاسئلة بصراحة

gohayna يقول...

يادي الفضيحه

انا متاخره جدا

تقريبا البوست الجديد هينزل

انا بجد اسفه يا سندباد

كانت عندي ظرووف والله مخلتنيش اعرف ادخل

حقك عليا بجد

ياريت متزعلش مني


نجي للاهم

طبعا المود متغير تماما

حلوه اوي اسلوب الرومانسيه الجميل

والوصف والطريقه

شكلك سرحت شوييتين فطلعت درر يا سندباد


ايه الجمال دا

والحاجه الحلوه انها مفيهاش حزين

غيرت مودك ومودي معاك كمان

بجد تسلم ايدك يا سندباد

وبعتذر مره تانيه وتالته علي تاخيري

والف مليون شكر علي سؤالك

تسلملي يا رب

تحياتي

سندباد يقول...

حهينة العزيزة
متشكر اوي علي كلامتك الرقيقة التي لا تصدر الا من انسانة رقيقة وطبعا انا مقدرش ازعل من حضرتك ابدا وربنا يكون في عونك ويقويكي دائما تحياتي الخالصة
وربنا يبارك فيكي

صاحب البوابــة يقول...

رائعة ومعبرة

تحياتي

سندباد يقول...

صاحب البوابة
متشكر ياصديقي

Rosa يقول...

:)
الله عليك يا سندباد
شوية رومانسية محترمه
خلتني ابتسم واحس اني عايزه اطير
يا بختهم بقا :D
ربنا يوفقك :)

NeRmeeN يقول...

بص انا زهقت من كتر ما بقولك اشعارك حلوة...المرادى بقى هغير واقولك انها جامدة


ميرسى على مرورك فى مدونتى ..انت ظروف كده

تحياتى

غير معرف يقول...

ايه يا سندباد مالك مش منورني ليه بقالك فترة ماشي انا قلت اجي واطمن عليك والله كلمات تنبع بالحب والحنية ويارب يرزقك بمن تقدر هذا الحب

سندباد يقول...

روزا
شكرا ياعزيزتي وربنا يقدرني دايما واقدر اكون مصدر سعادة ليكم

سندباد يقول...

نريمين
متشكر ياعزيزتي علي ذوقك وزيارتي لمدونتك شرف ليا

سندباد يقول...

قلوب حائرة
اعتذر علي تقصيري وانشاء الله مش هاتتكرر

LAMIA MAHMOUD يقول...

nice poem .. ur words r so sweet

حقى اهرتل يقول...

لقيتهم عايزين يوقعوك فى الخيه ويجوزوك قلت احذرك
كفايه كده اصل المدام قاعده جمبى

سندباد يقول...

لمياء
متشكر لذوقك ورقتك المهم انك تكوني بخير

سندباد يقول...

من حقي اهرتل
طب خلي بالك من نفسك

gohayna يقول...

مساء الورد والف والياسمين

عامل ايه حضرتك

يارب تكون زي الفل

ما تيجي تغير جو وتتعشي عندنا في الكويت

الجو برد موت هنا والدنيا رائعه

لا زهق ولا ملل ولا حر
اعوذ بالله

ها هتفكر

؟

سندباد يقول...

عزيزتي الجميلة الرقيقة
انا الحمد لله تمام وانتي عاملة ايه
الجو هنا مش حر هو غليان
وفعلا فكرة حلوة انا نفسي اغير جو فعلا بس تفتكري علي مااخد شاور واغير هدومي الحق العشا ولا هاتخلصي عليه من غير ما تستنيني
خلي بالك من نفسك

Marwa Friday يقول...

صباح الورد يا سندباااااااااد
والله بجد نورتي وانا فعلا مقصرة في حق الزيارة
الشعر تحفة تحفة بجد
ربنا يوفقك ويبارك لك ..

ساعه الغروب يقول...

كلماتك بحسنى عارفاها بحسنى قرياها

بسيطه اوى ورقيقه اوى
بس احساسها عميق اوى اوى اوى

بجد حلوه اوى كلماتك بتنقلنى لعالم تانى

شكرا ليك بجد

:)

الطائر الحزين يقول...

السلام عليكم

لست انساك وقد اغريتنى بفم عذب المناداة رقيق
ويد تمتد نحوى كيد من خلال الموج مدت لغريق

تحياتى

huda gamal يقول...

كلمات جميله
تحياتى

حواء يقول...

ياعينى عالرومانسية بجد كلام رقيق وبسيط وبيدخل القلب

سندباد يقول...

مروة
ربنا ما يجيب تقصير وشكرا لمرورك الكريم

سندباد يقول...

ساعة غروب
انا اللي متشكر علي احساسك الرقيق وربنا يقدرني واكون عند حسن ظنك دايما

سندباد يقول...

الطائر الحزين
لقد اصبت الحقيقة
تحياتي

سندباد يقول...

هدي جمال
شكرا علي اطراءك
تحياتي

سندباد يقول...

بوسي كات
الرومانسية شئ جميل صح
تحياتي

ذو النون المصري يقول...

اضواء الف قمر
ممتازه جدا جدا جدا
تحياتي

سندباد يقول...

ذو النون المصري
مدونتي زادت الف قمر بزيارتك
تحياتي

R.O.U.R.O.U. يقول...

toooooooooooooooooooo7faaa
tooooooo7fa to7fa,eh kol 2l re2a we romancia dih bs ;)

سندباد يقول...

رورو
متشكر جدا علي زيارتك الجميلة وربنا يقدرني واكون عند حسن ظنكم جميعا
تحياتي