الأحد، 22 يوليو، 2007

كلمات ليست كالكلمات


ان الحزن يجعلك تنظر الي الوراء والقلق يجعلك تتلفت حولك ولكن الايمان يجعلك تنظر الي اعلي
***
انني لا استطيع توجيه الرياح ولكني استطيع ضبط شراعي
***
لا تجادل بليغا ولا سفيها فالبليغ يغلبك والسفيه يؤذيك
***
لا يمكننا تغيير كل ما نواجه ولكن شيئا لن يتغير دون مواجهته
***
اول الغيث قطرة واخر الحزن دمعة
***
اصبحت صائد الاحزان ياقلبي لا تهدا حتي تسمع صدي وجع البكاء
***
عندما ياتي المساء ويلف الصمت المكان فتجلس وحيدا شاردا ويمر شريط حياتك امامك تاكد ان لا حاضر بدون ماضي
***

عندما تستيقظ مفزوعا مرعوبا تستعيذ بالله وتبحث عن كوب من الماء فتاكد انك كنت تحلم بالحكومة المصرية

***
دع الاقدار تلعب بنا كما تشاء
ربما يلاقينا علي درب السفر شئ من هناء
وربما نظل هكذا دائما تعساء

***
وشاءت اقدرانا ياعمري ان نفترق
ان نموت معا كل يوم ونحترق
يتوغل الحزن قلبينا ويخترق

***




هناك 68 تعليقًا:

Diyaa' يقول...

سلام عليكم
ازيك
مقصر في حقك بقالي كتير معلش..أنا أسف
نيجي للكلام الجميل
فعلاً الإيمان أعلي

والتغيير حتي لو ميئوس منه بس المحاولة مطلوبة

والحكومة المصرية بختلف معاك أوي فيها
لأنها مش من كوابيس النوم
دي كابوس محيط بكل تفصيلات حياتنا وبعتبر النوم راحتنا الوحيدة منها

وعموماً ذوقك جميل في الكلام

تحياتي ليك وأسف مرة تانية

Doba يقول...

جميلة قوى شكل المدونة كده - انا مكنتش بعرف اشوف فيها حاجة

جميلة الكلمات - بس برده عاوزين حاجات مبهجة يا سندباد

تحياتى --- هبة

david santos يقول...

الشكر لك العمل وعلى درجة جيدة في عطلة نهاية الاسبوع

فى القلب يقول...

سندباد فعلا كلام مهواش كلام
ده أحساس عالى وجميل
من كتر مأنا متأثره بأستمتاع
مش هتكلم
هرجع تانى أقراه بأستمتاع مرات ومرات
عن أذنك

sendbad يقول...

ضياء
لعل يكون المانع خيرا انشاء الله
متشكر اوي عي كلماتك الجميلة نورت يا صديقي

sendbad يقول...

هبة
دخلولك مدونتي هو الشئ المبهج
تحياتي

sendbad يقول...

ديفيد
شكرا

sendbad يقول...

في القلب
رقة تعليقك مينفعش معاها اي كلام
متشكر جدا علي رقتك
مدونتي تتشرف بزيارتك دايما

reri يقول...

كلمات ليست كالكلمات
فعلا كلمات جميله

سلامي لصاحبها

shahy يقول...

اية يا عم الجمال دة

ايوة كدة

مش تقولي تاج ونكد ووجع قلب

شكل جديد وفكر جديد

عقبال العروسة الجديدة

يارب

قول امين

ملحوظة

شكرا على سؤالك

انا عند ماما
وعند ماما مفيش نت
والتواصل دة من الكافي نت اللي جنب البيت بتاع ماما طبعا

تحياتي

Diala يقول...

أولا مبروك التغيير الجميل على شكل المدونه
تانيا أحب أسلوبك الرقيق في التعبير عن الحزن بنبل

كن بخير يا صديقي

gohayna يقول...

مبروك النيولوك الجامد للمره التانيه
والشات بوكس كمان


لا جامد جدا


الكلام جميل يا سندباد حكم واقوال بتنبه علي حجات كتير

وتخليك تقول ايوه والله عندهم حق

تغير كبير يا سندباد بجد تسلم ايدك والله

يارب تكون بخير وزي الفل كمان

تحياتي

sendbad يقول...

ريري
كلماتك وتعليقاتك هي الاجمل تحياتي

sendbad يقول...

شاهي
وحشتني تعليقاتك
وربنا يسمع منك ايوة ادعيلي كل ما اجي علي بالك وسلامي لماما

sendbad يقول...

داليا
بارك الله فيكي وشكرا علي رقت تعليقك

sendbad يقول...

جهينة
انا بفرح لما بتعدي علي فكرتي وبفرح بتشجيعك الدائم ليا
انا عملت الشات بوكس ده مخصوص ليكي انتي
ربنا يبارك فيكي خلي بالك من نفسك

واحدة من الناس يقول...

واخر الحزن دمعة
الله عليك
الايمان يجعلك تنظر الي اعلي
برافو عليك
ولكن شيئا لن يتغير دون مواجهته
هايل ياسندباد
جامده موت
كلماتك تحفه كالعاده
أحييك:)))

Lemonada يقول...

يييييييييييييياه يا سندباد
كل دة
كل دي وحدة وحزن
الله يكون في عونك
مش عارفة اقولك اي
بس ربنا يحميك ويخليلك عيالك
روق شوية يا عم مافيش حاجة تستاهل صدقني
تحياتي

مريم يقول...

مبروك ع الشكل الجديد
وشكرا ع الكلام الجميل

ساعه الغروب يقول...

اول الغيث قطرة واخر الحزن دمعة

انني لا استطيع توجيه الرياح ولكني استطيع ضبط شراعي


بجد بجد الكلمات كلها لها معناها العميق اوى اوى
بي بجد دول اكتر جملتين حسيت بيهم اوى وحسيت انهم رسايل كلن لازم انى اقراها فى الوقت دا بالذات

بجد شكرا ليك اوى اوى

:)

sendbad يقول...

واحدة من الناس
مرورك بينورني جدا لانك مش زي اي واحدة من الناس
تحياتي

sendbad يقول...

ليموندا
مفيش حد يستاهل اني ازعل عليه لكن من حقي اني ازعل علي نفسي ولو للحظات
تحياتي

sendbad يقول...

مريم
شكرا بارك الله فيكي

sendbad يقول...

ساعة غروب
كلنا دايما محتاجين نسع او نجرب او نسوف حاجة في لحظة يمكن تقرف معانا
تحياتي وابقي طمنيني عليكي

Marvel يقول...

لا تجادل بليغا ولا سفيها فالبليغ يغلبك والسفيه يؤذيك

مش عجباني الجملة دي...فيها ايه لما اجادل حد واتغلب...على الاقل هكون اتعلمت منه

بقيت الكلام كويس جدا...والمدونة شكلها حلو قوي
:)

نـــــــور يقول...

حقيقي ليست كالكلمات

كلمات جميلة جدا ورقيقة جدا وواقعية جدا .. بجد ربنا يبارك في قلمك

تحياتي لك

sendbad يقول...

مرفال
متشكر علي اهتمامك بالبوست وقراته بعنايه ودي وجه نظرك لازم احترمها تحياتي

sendbad يقول...

نور
متشكر ياعزيزتي علي كلامك الجميل
تحياتي

bocycat يقول...

سندباد كل اللى لفت نظرى انك حزين وتعبان ليه كدة ؟ ومدونتك حلوة بس ناقصها شوية تفاؤل حاول تفتح الالوان شوية يمكن تشوف الدنيا احلى .. ربنا يريح بالك , تحياتى

امام الجيل يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

Lemonada يقول...

بلاش نقول كلمة تزعل على نفسك
هو مش قصدي ان مش من حقك لاء من حقك
هي يمكن انك تفكر نفسك في الاخطاء الي عملتها في حياتك عشان تصحصح وتروق وماتغلطش ثاني
او ممكن عشان الي في حياتك مر وازاك ماتسمحش لحد ثاني يجين ويستغفلك ويدايقك او يئزيك
بس بلاش تزعل على نفسك
الكلمة دي جارحة يا سندباد
مش كدة؟!؟

R.O.U.R.O.U. يقول...

bgd a7la kalam,la2eno kalam mesh kalkalam ;)
ta3biratak 7elwa awyy

sendbad يقول...

بوسي كات
متشكر ياعزيزتي علي اهتمامك وربنا يسمع منك انشاء الله

sendbad يقول...

ليموندا
كلمة جارحة ليه
اذا كنا بنزعل علي ناس مش بنعرفهم لما بنشوفهم في موقف صعب يبقي ليه مازعلش علي نفسي واحاول اخاد بايديها لحد ما تبقي كويسة
ولا انتي رايك ايه

sendbad يقول...

رورو
متشكر جدا وبارك الله فيكي
تحياتي

همسات يقول...

فعلا كلمات ليست كالكلمات
تحفة بجد:)

sendbad يقول...

همسات قلب
شكرا ياعزيزتي
تحياتي

أميرة ويلز يقول...

عندما تستيقظ مفزوعا مرعوبا تستعيذ بالله وتبحث عن كوب من الماء فتاكد انك كنت تحلم بالحكومة المصرية


هههههههههههههههههه
دة الشيطان يقول يااساتذة

ضـوء الـقـمر يقول...

شدني جدا عنوان البوست لأني بعشق الاغنية دي :)

انني لا استطيع توجيه الرياح ولكني استطيع ضبط شراعي

عجبتني اوي دي

مبروك النيو لوك :D
تحياتي

امام الجيل يقول...

يدعوكم موقع مدون خانه (تحت الانشاء)الى الاجتماع من اجل الاتفاق على الخطوات النهائيه لنشاء مجمع المدونين (مدون خانه)وذلك يوم السبت القادم الموافق 28 / 7 / 2007 وذلك الساعه 6 مساء يوم السبت فى مركز العربى للدرسات العنوان 23 شارع باهر زغلول من شارع المنيل

Lemonada يقول...

يا عم الرأي رأيك والله معاك حق يا معلم
:)

sendbad يقول...

اميرة ويلز
شرفتي فكرتي المتواضعة وشكرا علي تعليقك الظريف
تحياتي

sendbad يقول...

ضوء القمر
شكرا علي اهتمامك وشكرا علي تعليقك الجميل
دايما منوراني ان شاء الله

sendbad يقول...

ليموندا
دي وجهات نظر

Noony يقول...

:)

قريت البوست دة بمزاج
عجبني أوي

بس ليا سؤال
انت اللي كاتب الكلام دة ولا مجمعه من مكان؟
لو كدة ممكن أعرف بتجيبهم من فين؟
دول بقوا سؤالين
:)
طيب...آخر سؤال
هي الأقدار بتلعب؟
حاسة انها غلط

:)
نوني

صاحب البوابــة يقول...

أرجو أن تنضم لنا في حملة ( أفضحوا تجار الكيف )

التفاصيل في مدونتي

تحياتي

sendbad يقول...

نوني
نورتيني
بالنسبة للسؤال الاول
حاجتين بس من الكلام ده قريتهم في في كاتب اللي هما اول فقرتين
اما باقي الكلام فهو من بنات افكاري
بالنسبة للاقدار
الطفل الصغير لما يلعب بيخبط بيلعب من غير تفكير ده اللي جه في بالي وانا بسال الاقدار انتي بتعملي كده ليا بتحبطي وتجيبي ده وتمشي ده وده طبعا بعد الايمان بالقضاء والقدر والحمد لله رب العالمين دي كانت وجهة نظري ومنتظر ردك
تحياتي

sendbad يقول...

صاحب البوابة
دائما تكون صاحب السبق في اشياء كتيرة تحياتي

huda gamal يقول...

i like your new look ..
:)
elbost da wahmmmmmmmmmy ..
ra23 kal3ada
3amik gedan .. wak3y
ela el amam ya fnan

شمعة أمـــــل يقول...

حلو اوى البوست ده وبالاخص

عندما تستيقظ مفزوعا مرعوبا تستعيذ بالله وتبحث عن كوب من الماء فتاكد انك كنت تحلم بالحكومة المصرية
احييك على البوست

بالله المستعان يقول...

السلام عليكم
ديما بستمتع لما باجي في مدونتك

بجد كلماتك ليست كالكلمات
في الومانسي رومانسي بجد
وفي الحزن شجن عميق
وفي الساخر ساخر لابعد حد

بحد رائع ياسندباد
يارحال في قلوب المسافرين معك

loumi يقول...

العزيز سندباد
فعلا هناك كلمات ليست كالكلمات
على رأى ماجده الرومى
وذلك لاننا نحمل بعض الكلمات معان اكثر من غيرها
واوقات نبقا عايزين نفهم معنى من كلمه يمكن ما تكونش تحمل المعنى المطلوب
نحن نفهم الكلمات بحسب احتياجنا لمعان بعينها
أنا قرأت هذه الكلمات اول ما نزلت بس ما كانش عندى تعليق وكنت عايزة أجى أقرأها تانى
تحياتى

Hannoda يقول...

وللكلمات سحر فمنها ما يربت على قلوبنابحنان مريح
ومنها ما يغرس بها شوكا

كلمات جميلة .. كنت دايما زمان بدور في جريده الوفد فالصفح الأخيرة كانوا دايما يحطّوا كلمة

و كمان عمود أنيس منصور في الأهرام

كلماتك جميلةوأخدت كوبي من أكتر من واحدة فيهم

sendbad يقول...

هدي جمال
شكرا ياعزيزتي علي رقة تعليقك ربنا يبارك فيكي

sendbad يقول...

شمعة امل
نورتي فكرتي المتواضعة وسعدت بقبولك كلامي المتواضع وياريت دوام الاستمرار
تحياتي

sendbad يقول...

بالله المستعان
بفرح لما بلاقي تعليقك علي بوستاتي
متشكر علي رقة تعليقك
تحياتي

sendbad يقول...

لومي
جميل اوي احساسك بالكلام واسعدني اهتمامك بالتعليق علي كلامي متشكر جدا نورتيني

sendbad يقول...

هنودة
المدونة كلها ملكك وفرحت ان كلامي اثر فيكي تحياتي ليكي جدا

سندباد يقول...

ان الحزن يجعلك تنظر الي الوراء والقلق يجعلك تتلفت حولك ولكن الايمان يجعلك تنظر الي اعلي

فعلا الإيمان يجعلك مطمئنا ومتفائلا
بل أكثر من ذلك يجعلك تتحرك بإيجابية إلى الأمام حيث باقي الأحاسيس تجعلك تقف فقط مشدوها من غير حركة

سندباد! عارف بتقول علي شرير بألتقيك كثير من غير ما أزورك

عندك حق

بس بأطمع في روابط السندبادية بينا تشفع لي عندك وتعذرني

داحنا إخوات يا راجل
(:

تحيات سندبادية من أعالي البحار

sendbad يقول...

العزيز سندباد
انا بعتلك ياسمينة اكتر من مرة تقلك ان مستنيك وكانت دايما بتيجي تقول عليك كلام زي الفل لا داعي للاعذار ومدونتي شرفت ياعزيزي
تحياتي

Ert3ashat يقول...

بلوج جميل بجد :)

لا تجادل بليغا ولا سفيها فالبليغ يغلبك والسفيه يؤذيك

الجمله ديه عجبتيني في البوست اوي

معبره

sendbad يقول...

ارتعشات
شرفتني ياعزيزي متشكر علي الزيارة وارجو الاستمرار تحياتي

رينـــــــــــا يقول...

بجد كلاماتى تعجز عن وصف كلاماتك
احساس عالى ونضج واضح

اسمحلى استعير الجمله دى فى السايد بار عندى مع ذكر المصدر


وشاءت اقدرانا ياعمري ان نفترق
ان نموت معا كل يوم ونحترق
يتوغل الحزن قلبينا ويخترق

تسبلم ايدك بجد

sendbad يقول...

رينا متشكر اوي لكلماتك الرقيقة الجميلة ومن غير ما تستاذني المدونة كلها تحت امرك ده شرف ليا نورتي وتحياتي

Eman Eltaher يقول...

كلمات جميلة يا سندباد و فعلا كل كلمة ليها تأثير و مفيش أكتر من الكلمات تأثير على البشر

تحياتى لمجهودك وحتى لو ما كانتش كلماتك
يكفى انك نقلتهالنا
تحياتى ليك

loumi يقول...

العزيز سندباد
اختيار موفق
للصورة الاخيره
المراكب الشراعيه
من اجمل المراكب على الاطلاق فى البحر وخاصه الكبير منها
تحياتى

sendbad يقول...

ايمان
متشكر ياعزيزتي علي مرورك وفعلا كلامك صحيح
تحياتي

sendbad يقول...

لومي
شكرا علي اهتمامك ياعزيزتي الجميلة
ربنا يقدرني دايما علي اختيار ما يسعدكم
تحياتي