الخميس، 9 أغسطس، 2007

الليل والصمت


تحديث
جائتني علي الايميل رسالة من الصديقة ناني وبها بعض الابيات والتي ترد بها علي الليل والصمت وطلبت مني ان انشرها وذكرت انها ردت علي كلماتي كلمة بكلمة لذلك وبناء علي رغبتها وبناء علي جمال وحلاوة الابيات التي كتبتها فانا استاذنكم في قراءة هذه الابيات بتركيز وانا متاكد من انها ستنال اعجابكم وقد سميتها الليل واللهب
اما بالنسبة لي فانتظروا البوست القادم بوست بطعم مختلف قصة قصيرة بعنوان قصاص احمق
وشكرا
وجاء الليل يثير الفوضي داخلي
فحيح الذكريات يدنو ويقترب
صحوة هواها يبث الحياة في دفاتري
اضحك من نفسي مستنكرا
اجلس صامتا .. منزويا
تحاوطني الظلمة الشنعاء
ودموع كشموع تلفح جسدي
ابعثر الكلمات
فاجدها وقد فقدت معانيها
وتساقط من بينها دماء حارة
كاشباح الماضي
تلتهمني . . تمتصني
..انهض مذعورا
اخلع عني زكرياتي
احطم الاواني
امزق الدفاتر
اشعل النيران
الملم نفسي
اتقهقر مستبسلا
الليل راس الافعي هو الذي يذكرني
انير الشموع اقضي علي الظلمة والسواد
ما عاد شئ فيكي يسكني
فقد سئمت كل شئ
كل شئ
سئمت ذاك العشق المجنون
سئمت ان تكوني ولا اكون
سئمت ان العب دور المهرج في بهو قصورك
وما عدت كما كنت من قبل
مفتون
ساحطم هذا القفص الذهبي
وسارحل عنك بلا رجعة
سابتعد . . ولن اقترب
اجري مسرعا دونما توقف

.. الهث والهث
وفي اخر مشوار انتفاضتي
افقد صوتي وحجارتي
واعود مسكونا بالصمت
مقهورا بالعشق السادي
اجلس علي طاولة الحقيقة
اعترف اني اهواكي
اطفئ الشموع
انتظر اللدغات . . واطلب منك الترياق
اغفو متعبا . . اسقط مغلوبا
وياتي الصباح
يشد من ازري . . اقسم ان لا اعود
وان احطم كل الوعود واطمث كل الاثار
اهدم كل الطرق
اصنع لنفسي سجنا كبيرا
اصب لنفسي كاس من مر
واشعل سيجارتي واصمت
الليل واللهب
أنت كما الفراش من اللهب
ستقترب
كيف تهرب مِن مَن في داخلك؟
لهاثك اضنى مسمعي
صمتك مدوٍ
ما أسرتك لكنك عشقتني
بكرك وفرك
تعود لضمتي
انا داؤك ودواؤك
ارح رأسك هاهنا
فما قاتلتك لانتصر وتنغلب
امضِ ليلك هنا
وصباحا سأقاتلك من أجلكَ
اقسم انك ستعود
مهما حطمت زهرا ونكثت آمالا
وسابني لك جسورا كي تعود
وانفض سجنك من اوهاما
واسكب عمري لك كاسا
والملم براحتي رماد سيجارا
واركع عندك
اسمع اشعارا






هناك 55 تعليقًا:

huda gamal يقول...

:) سعيده انى اكون اول المعلقين
الكلمات قويه جدا جدا ومؤثره اوى
وفي اخر مشوار انتفاضتي
افقد صوتي وحجارتي
واعود مسكونا بالصمت
مقهورا بالعشق السادي
اجلس علي طاولة الحقيقة
اعترف اني اهواكي
جميله جدااااااااااااا يا فنان
الى الامام دائما
تحياتى

shahy يقول...

يا وجع قلبي ياني

كنت مبسوطة قوي في اول الكلام
وقلت خلاص جانا الفرح جانا

لكن لما قلت


وفي اخر مشوار انتفاضتي
افقد صوتي وحجارتي
واعود مسكونا بالصمت
مقهورا بالعشق السادي
اجلس علي طاولة الحقيقة
اعترف اني اهواكي
اطفئ الشموع
انتظر اللدغات . . واطلب منك الترياق

زعلت قوي
خوفا من انة يكون دة احساسك فعلا
اكيد هو دة احساسك
بس حرام عليك نفسك
ارحمها شوية دة كتير قوي عليها

بعيدا عن حزني على حالك
اسلوبك رائع ويدخل القلب ويقعد ويربع كمان

اتمنى لك السعادة من كل قلبي

shahy يقول...

يا خبر ابيض تاني تعليق
لوووووولووولي
دي اول مرة تحصل
يارب المرة الجاية اكون اول تعليق

سلام

فى القلب يقول...

سندباد
حتى المدمن بقوه أرادته بيسيب أدمانه
سيب منها يا اخى هى لا لا تستحق من كان مسلك
صدقنى هى فى حضن أخر لا تنتظر منها أن يرميها الأخر حتى تعود أليك
أنك فارس وأمير ولا تأخذ الا ملكه لتعيش فى مملكه حبك
ولا يرضى الامير ان يقتات باقيا المنضده
هلما ياخى أعلن لنا أنتصارك فأنك قادر قادر وتستحق الأفضل

الطائر الحزين يقول...

جميل اوى تسلم ايدك
الصمت يا لا عذابات هذا الحل
تحياتى

loumi يقول...

العزيز سندباد
ما فيش مرة ادخل
عندك واقدر اعلق على طول
أنا عارفه ان اللى بيكتب
بيكتب من مخزون افكاره
بس كل مرة اقول يمكن المرة دى يرتاح
بس انا شايفه ان الموضوع كل ماده بيزداد قسوة
تحياتي

gohayna يقول...

ليه بس كدا يا سندباد احنا ما صدقنا طلعنا كام خطوه لقدام

رجعت نفسك مليون الف خطوه لورا بكلام دا

حرام عليك نفسك صدقني كدا غلط خالص والله

التعليق دا من الناحيه الانسانيه

اما من الناحيه الحرفيه

فالكتابه برغم الالم الي ساكنها
الا انها رائعه بكل معاني الكلمه

انا عشت الصوره

جريت معاك ورجعت تاني للطاوله انتظر اللدغات
زي ما قولت

الوصف والصوره اكتر من رائعه

بجد والله تسلم ايدك

اما التعليق الاخير من الناحيه الاخويه
بقولك حرام عليك نفسك

متدفنش روحك بين الذكريات والدموع والالم

حاول تعيش لانك كدا مش عايش
انت راهن سعادتك وعمرك كله علي امل واهي
ممكن يتحقق وممكن لا

وصدقني لو اتحقق برضه مش هتكون سعيد

لانك هتفضل خايف من شبح الماضي الي هيفضل معاك حتي وحبيبتك قدامك

عيش يا اخي العزيز

الدنيا صدقني جميله وفيها ناس جميله
بس لو عرفنا نعيشها صح

ولو اخترنا الناس الصح
عشان يكملوا معانا عمرنا

بلاش الياس والروح الانهزاميه دي
انت اقوي من الصوره دي يا سندباد

متزعلنيش منك
يصعب عليا اشوفك كدا بصراحه

ربنا يسعدك ويهدي قلبك ويرزقك الزوجه الصالحه الي تعوضك عن كل الالم الي شوفته في حياتك

قول امين

وطمني عليك لو سمحت

sendbad يقول...

هدي جمال
دايما منوراني شكرا علي مرورك

sendbad يقول...

شاهي
سلامة قلبك ياعزيزتي مقدرش اقولك ان دي مش حالتي وفي نفس الوقت مقدرش اقول اني غرقان في الحالة دي انما هي حاجة بين الاتنين
علي فكرة انا بعتبر اللي بيطلع مني ده حاجة صحية نوع من انواع التنفيث عن غضبي اوي عن حزني
يمكن لما اكتب اطلع من المود ده بدل السكوت والصمت
يمكن
علي العموم شكرا لاهتمامك الجميل

sendbad يقول...

في القلب
متشكر علي كلامك الجميل
وعلي تشجعيك اللي اكيد انشاء الله هايزدني قوة وقدرة علي تجاوز ما حدث
تحياتي الخالصة

sendbad يقول...

الطائر الحزين
دايما منورني مفحرني بكلامك الجميل

sendbad يقول...

لومي
شكرا لمرورك واهتمامك
القسوة انا حاسس بيها هي فعلا بتزيد
انما انا مش بكتم انا بقول وبنفجر في الكتابة
وبطلع كل اللي عندي
علشان افضي كل اللي جوايا
تحياتي

sendbad يقول...

جهينة الجميلة
انا ملاحظ اني مشيلك همي وبعكنن عليكي
اسف واعذريني
انا بكتب بنفجر بطلع اللي جوايا بفضي نفسي بحاول ابدا من جديد من غير ما يكون في بقايا جوايا اعتقد ان الكتابة والتعبير عن اللي جوايا وسيلة من الوسائل انا بعالج نفسي باني افضفض مسكتش يمكن تكون الفضفضة قاسية شوية عليكم وعليا انما معلش
واستحملوني ربنا يبارك فيكم وعايز اقلك حاجة مهمة جدا وياريت تصدقيها انا رافض مبدا العودة نهائيا لاني مش استبن او احتياطي وبدون الدخول في تفاصيل انا لا استطيع ان اعود لمن باع حتي ولو كان هذا البيع علي سبيل التجربة اذا كان هايشوف نفسه يقدر يعيش من غيري ولا لاء
انا رافض هذا الامر تماما
فانا بفضفض بفضي نفسي بطلع علشان افضي علشان اقدر ابدا مع انسان يقدر يقدر ويحس
انا طولت معلش
ومنتظر ردك
تحياتي

LAMIA MAHMOUD يقول...

دائما كلمات الحب مقترنة بكلمات العذاب

ربما لان الحب نفسه معناه ذلك

رائع صديقي

truelove يقول...

سندباد عارف كلماتك نفسي ما اعرفش اعيشها على الرغم من انها بتمس القلب اللي بيقراها وده شي مفرح بس بيحزني انها اذا كانت بتمس القلب لمجرد القراءة فما حال قلب كاتب هذه الكلماتعوضك الله بالخير

Diala يقول...

كلمات جميله و مؤلمه بتفوق...و المؤلم أكثر أن نستمتع بالكلمات المعذبه
أتمنى لقلب السندباد أن يرسو على شاطيء السعاده في أقرب فرصه و يمتعنا بكلمات تحمل من الفرح أضعاف ما حملت الكلمات الماضيه من أحزان

مودتي

اسلام رفاعى يقول...

عذرا للتحليق خارج السرب
من اجل رفع الظلم عن المظلومين
ادعوك للمشاركة فى حملة رفع الظلم عن طلاب الاسكندرية المختطفين
التفاصيل بمدونتى

gohayna يقول...

اولا ليا عتاب بسيط

انت اخدت كلامي علي محمل انك معكنن عليا ومشيلني همك

ودا مش صحيح ابدا

المفروض اننا اخوات واصحاب اذا سمحتلي يعني

نشارك بعض في فرحنا وحزننا
يعني يسعدني لما اشوفك مبسوط وسعيد

ويحزني اني اشوفك مكسور وحزين

ودا عشان فيه نوع من الموده والمشاعر الاخويه الجميله الي بتمني تكون بيني وبينك ويكون ليا الشرف طبعا

فبلاش منها الكلمتين الي كاتبهم دول لحسن نتخانق مع بعض بجد بقي

ثانيا يعجبني اصرارك علي الاستمرار والتطلع للامام دايما

وعجبني اكتر قرارك بعدم العوده للوراء وحسيت بصدقك فعلا ودا شيء اكيد يسعدني لانك بكدا هتحط اساس لعيش تانيه ان شاء الله تكون احسن وافضل بكتير من الي فاتت


لما بقولك انك لازم تكون اقوي دا مجرد خوف علي اخ عزيز ليا والله
مقصدش بيه اني ابدي ضيق او احسسك انك مدايقني
يرب توصلك الصوره صح

وبرضه الفضفضه حلوه سواء بالحزن والشجن

او بالفرح والسعاده

وبما انك تاني هقوولهالك اخ وعزيز جدا عليا احب الشوف الفرح بيتنطط في فضفضتك دي

يارب اكون قدرت اوصلك الصوره صح

ومتزعلش من اي كلمه قولتها حسيستك بيها اني ممكن اكون مدايقه

والله ما اقصد خالص

دنــــيــــــا مـحـيـرنـي يقول...

اهي ده اهي ده حرام عليك نبضات قلبي كانت بتتنفض مع كل كلمه بجد حلوه جدا
هي كلماتك فكروني بحاجات قديمه ليه الحمد لله عدت و خلاص بس افتكرتها منك يا سندباد بجد بتعرف توصف الاحساس بصوره حلوه بجد
متشكره جدا علي سؤالك و صباحك الاي شوفته في الشات معلش غبت شويه و رجعت الجهاز كان ضرب و راح لصيانه
واول ماشغلته قولت اشوف الجديد عندك لقيت شعر بيمس احساسي جدا
احلي حاجه في الدنيا انك تقدر تفضفض و تقول الاي جوي قلبك حتي لو كان حزن الدنيا كله جواك المهم تتكلم و تعبر الكلام حزين جدا بس اكيد الاحساس اعظم بكتير بس كفايه انه خرج بجد برافو عليك انا اقدر الانسان القادر علي البوح و التعبير ده من شيم الشجعان وجهه نظري خاصه جدا بي
تحياتي لقلمك المبدع دائما

smraa alnil يقول...

تحفة بكل المقاييس

لا تضحك مستنكرا علي عمر مضي او ذكري تؤلم

احتضن نورك
واعبر بحورك
وكفكف دموعك

فقد حان موعد الرحيل

Doba يقول...

جميلة قوى يا سندباد كعادتك دايما - يارب بقى حبة حب على فرحة على أمل فى بكرة - تعبتنى بقى - انا مبحبش اصدقائى يبقو زعلانيين كده

ربنا يخليك المرة الجاية حاجة مفرحة - ولو جيت تكتب حاجة مؤلمة اضرب ايديك ضربة وقولها كده كخ - انا كلى أمل فى بكرة - بكرة أكيد أحلى

تحياتى -- هبة

Doba يقول...

نبأ هام لكل الأعزاء تتفضل الأستاذة المبجلة الصغنونة من غير فذلكة وينكى هانم بتقديم مسرحيتها الجميلة بساقية عبد المنعم الصاوى وذلك يوم الخميس المقبل الساعة السابعة مساءً بقاعة الحكمة وعلى الحاضر أن يعلم الغايب لمساندة أختنا العزيزة وينكى الغالية

http://pinsywinsy.blogspot.com/

تحياتى وأمنياتى بالتوفيق للجميع
هبة

sendbad يقول...

لمياء
متشكر جدا جدا
علي اضافتك للبوست بتعليق اختصر المسافات والتفاصيل
تحياتي

sendbad يقول...

قلوب حائرة
شكرا ياعزيزتي علي كلماتك الرقيقة وربنا يسمع منك شكرا علي اهتمامك ومرورك

sendbad يقول...

داليا
سعيد انا باهتمام الجميع وشكرا لرقة كلماتك ربنا يبارك فيكي

sendbad يقول...

اسلام الرفاعي
ربنا يعطينا القدرة علي التحمل

sendbad يقول...

جهينة العزيزة الجمية
انا مش زعلان منك بالعكس انا فرحان باهتمامك واسعدني جدا انك وصفتيني باني اخ وصديق لاني فعلا انسانة عزيزة جدا عليا وانا باخد من كلامك قوة ودافع للامام ولا يمكن ابدا افهم اهتمامك غلط بالعكس انا فاهم اهتمامك ومقدره وفرحت اني حسيتي بصدق كلامي ورغبتي المحمومة في التغيير والهروب من الماضي الاليم ربنا يديم الصدق والاخوة والصداقة بينا وربنا يبارك فيكي
تحياتي الخالصة ججدا جدا ايتها الرقيقة الجميلة

sendbad يقول...

دنيا محيرني
اصف اذا كنت فكرتك بماضي رحل ولكن احيانا التذكرة بالماضي تعطينا القدرة علي التقدم للامام وانا افتقدك الفترة اللي فاتت وكنت كل شوية ادخل مدونتك علشان اطمن عليكي
ومتشكر علي اهتمامك وتعليقك الرائع جدا
ربنا يبارك فيكي
تحياتي

sendbad يقول...

سمراء النيل
اقصد سمراء المشاعر
دائما ما يكون تعيقك بوست خاص وخير الكلام ما قل ودل
شكرا علي النصيحة الغالية
تحياتي ياسمراء المشاعر

sendbad يقول...

دوبا
اعتقد انك فقدت الامل فيا مش كده
علي العموم ادعي يكون البوست القادم بطعم مختلف
شكرا علي مرورك واهتمامك الجميل
تحياتي

inksarat يقول...

ما شاء الله عليك
انت بهرتنى
حقيقى كلماتك غاية فى الروعة ودقيقة وقوية فى التعبير

بالله المستعان يقول...

ايه دا بس تحفه
مش ممكن
البطل جااااااااامد
اوي

بس بجد انت فنان
مبدع ياسندباد

بس بجد انا بفضل شوية عقبال مااخرج من المود واقدر اعلق
موثر بجد

تحياتي

بالله المستعان يقول...

الاسم كمان معبر اوووووووووووي

sendbad يقول...

انكسارات
ده مش تعليق ده بوست جميل
شكرا علي ذوقك
تحياتي

sendbad يقول...

بالله المستعان
ربنا يبارك فيكي وشركا علي رقة احاسيسك
تحياتي

Diyaa' يقول...

رغم الوجع
مش هقدر أقول غير جميلة أوي يا سندباد
تحياتي ليك وبعتذر لعدم انتظام التواصل
سلام عليكم

Lemonada يقول...

على فكرة انا مش ناسياك خالص
بس كل مرة ادخل مش بعرف اكتب اي
بس دلوقتي خطر في بالي اغنية شرين عبد الوهاب
آآآآآآآآآآآه يا ليل
اي يعني غرامك وادعني اي يعني فراقني ولا ارجعلي
مش عارفة لي
على فكرة موضوع عائلة السندباديب دي عجباني جدا

bocycat يقول...

سندباد .. اسلوبك مميز وكله احساس .. احيك بجد

wa3d-el3yoon يقول...

مابلاش موضوع السجاير ده عشان بتعليلى الضغط
السجاير ملهاش مبرر
انت خلتها مبرر لحاله نفسيه ما وده مش حقيقى بيحصل

سندباد يقول...

عزيزي سندباد, كيف حالك؟

كلماتك لها وقع جميل
خاص بك يا قريبي
إذا أضفتها لألحان منير قد تحصل عل كيمياء تقدف في قلبك
شعورا يأخدك لعالم حيث يختلط الحب بالإدمان واللذة بالألم
شعور جربته يوما

أول مرة أعرف أن للذكريات فحيح

وأول مرة كذلك أعرف أنك تدخن السجائر
والله لأنا رايح أقولها لبابا و لأبيه ولطنط زكية
ههههههه

تسلم وربنا معاك
سلام أخوي

sendbad يقول...

ضياء
شكرا يا عزيزي علي كلماتك الرقيقة
تحياتي

sendbad يقول...

ليموندا
كفاية تشريفك لمدونتي احتمال يكون ربطك بين كلماتي واغنية شرين في شئ من الحقيقة

sendbad يقول...

بوسي كات
وانا احييكي علي كلامك الرقيق
شكرا ياعزيزتي

sendbad يقول...

وعد العيون
انا بكتب اللي بحس بيه ياصديقي مبعرفش ارتب او اعدل اللي بيطلع في دماغي بكتبه وبيني وبينك انا عايز ابطل سجاير اساسا
تحياتي

sendbad يقول...

سندباد
يعني انا قلتلك سر تسيح بيه كده قدام كبرات العيلة
ما سايبك عمال تلف وتسافر وتروح وتيجي وساكت
سيبك انت
تعليقك دايما بيضيف للبوست حاجة حلوة
تحياتي

Nani يقول...

السلام عليكم
اشرك سيدي العزيز

Ert3ashat يقول...

رائععععع بجد
رائع :)

sendbad يقول...

ناني
انا اللي متشكر
تحياتي

sendbad يقول...

ارتعشات
شكرا جدا جدا
تحياتي

عين ضيقة يقول...

عايزين الحق وللا ابن عمه؟
خلاص ماتشخطش فيا كده
هقولك الحق ياسيدى

لسه شوية
الشعر عايز منكم شوية تعب وشوية دقة وشوية تجديد

هذا لا ينفى الامكانية على كتابة شعر جيد فالبداية ليست سيئة ابدا

تحياتى

sendbad يقول...

عين ضيقة
شكرا علي النصيحة الغالية
وان كنت لا اقول علي نفسي باني شاعر ولا اقول علي ما اكبته بانه شعر وانما اقول عنه كلمات فانا بعيد كل البعد عن الشعر انا اكتب ما احس بيه فقط ربما لانه انشره علي طريقة الشعر فانه يعتبر شعر ربما لو كتبته علي طريقة النثر ربما يكون افضل علي العموم شكرا مرة اخري علي النصيحة

shahy يقول...

سندباد
اخبارك اية؟

الليل واللهب
حلوة واحلى ما فيها انها فعلا بترد على كلماتك
اشكرلي صديقتك

وفي انتظار قصتك
مش تتأخر


سلام

sendbad يقول...

الجميلة شاهي
شكرا علي اهتمامك انتي عاملة ايه وايه اخبارك القصة هاتنل النهاردة ان شاء الله عايزك اول تعليق
اوكي
باي

gohayna يقول...

أنت كما الفراش من اللهب
ستقترب
كيف تهرب مِن مَن في داخلك؟
لهاثك اضنى مسمعي
صمتك مدوٍ
ما أسرتك لكنك عشقتني
بكرك وفرك
تعود لضمتي
انا داؤك ودواؤك
ارح رأسك هاهنا
فما قاتلتك لانتصر وتنغلب
امضِ ليلك هنا
وصباحا سأقاتلك من أجلكَ
اقسم انك ستعود
مهما حطمت زهرا ونكثت آمالا
وسابني لك جسورا كي تعود
وانفض سجنك من اوهاما
واسكب عمري لك كاسا
والملم براحتي رماد سيجارا
واركع عندك
اسمع اشعارا




جميييييييييييييييييييييييييييييله لاقصي درجه

عجباني القوه الي فيها

عارف الاستسلام للاقوي

ومعرفه القوي بقوته والثقته في نفسه

عجباني اوي اوي اوي


حاله من الهروب والاستسلام انت خلقتها

وقابلها حاله من التمتع وتبرير لكل الافعال السابقه

اناه برضه من اجلك

وجهه نظر جميله ججدا

ومعانيها رائعه

وبجد الاتنين علي بعضهم اكتر من رائعين

انا بعد اذنك هحتفظ بالبوست كله عندي علي الجهاز

لانه بجد كله بالجزئين بتوعه اكتر من رائعين والله

تسلم ايدك
ووتسلم ايدها


تحياتي يا صديقي العزيز

sendbad يقول...

جهينة الرقيقة
متشكر علي كلاماتك الجميلة والمدونة كلها تحت امرك ربنا يبارك فيكي خلي بالك من نفسك
تحياتي