الجمعة، 28 مارس، 2008

تنويعات علي اوتار الكلام


لما احزن الاقي الدمعة صاحبتي
ولما افرح مطولش حتي ضحكتي
اسيب نفسي للتيار ؟
ولا اصرخ اقول يالهوتي

************
الشعب المصري اكرم شعب في العالم
السؤال : ليه
الجواب : بقالنا 27 سنة مستحملينه
السؤال : مين هو
الجواب : !

****************

جوايا كلام كتير ويجي ميت سؤال
ليه الحزن جوايا عامل زي الجبال
كل ما ادواي جرح يتولد غيره في الحال

*************
اكتشفت اين تقع بحار الرومانسية
فبنيت اكواخي هناك ورحلت
وعلي شواطئها جلست

***************
احيانا بحس ان الدنيا صغيرة قوي
افرد دراعتي وادفي بنور الشمس
وساعات بخاف من الليل الطويل
احسني محبوس لا صوت ولا همس

***************
متخافيش يابلد
لسه فيه الف ولد
نفسهم فيكي ونفسك
يبقوا ليك عون وسند
*******************
اعلنت وزارة الخارجية عن قيام الوحدة بين مصر واليمن وكوبا ولقد تم الاتفاق علي اطلاق لقب مصر يمنكوبة علي هذا الاتحاد
******************
بحط ايدي في جيوب الدنيا اسرق فرحتي
اجري من الناس واقعد اسمع ضحكتي
ساعات تعلي وتعلي وتبقي غنا
وكتير تتخنق وتموت علي شفتي
****************
استعير من عينيك في الليالي هدوءا وشموع
واستكين بين يديك الجميلة طفلا وديعا مسرور
قررت ان احبك ان انحت هواك علي الضلوع
فررت الي حبك واشواقي اليك دروبا وجسور

هناك 48 تعليقًا:

gohayna يقول...

قعدت افكر كتير في الكلام دا

لما احزن الاقي الدمعه صحبتي
ولما افرح مطولش حتي صحكتي
وسعات كتير تموت جوانا ومنلحقش نطلع ضحكتنا او حتي نحس بيها

ويمكن نستغربها ونقول ايه دي

هيا دي ضحكه
يااااااااااااااه بقالنا كتير مضحكناش لدرجه اننا نسيناها خالص

ربنا يخليلي ابتسامتك الجميله يا حبيبي





اما الشعب المصري فهو اكرم واغني شعب في العالم كله

اكرم لاننا مستحملين اوي بصراحه
واغني لاننا بنتسرق من ايام الفراعنه ولسه يادوب الناس قايمه في 2008 تتخانق علي رغيف العيش

مش نبقي اغنيه بجد والله ؟



بلاش كلام في السياسه مشش هعرف اجيبلك عيش وحلاوه وانت هناك كدا والنبي
ربنا يخليك ليا






جوانا كلام كتير وميت الف مليون سؤال
كل ما نصحي من حزن نقع في غيره في الحال هيا الدنيا كدا يا حبيبي وعلي راي الي قال الدنيا ملعب حزن كبير اوي وشطارتك انك تجيب اجوان للفرح عشان تعرف تكمل لعب
بس عبال ما تجيب الجون بيكون نفسك اتقطع وتقول والله ما انا لاعب وبنستسلم في الحال



اكتشفت بحار الرومانسيه لانك السندباد الراحل بين ربوع الحب ومواطنه او نسال السؤال بطريقه تانيه
ربما اكتشفتك هيا بحار الرومانسيه تتمتع بك علي شواطئها ولتبني لك اكواخ من محبه وعشق للتتمني ان تسكنها
مين الي اكتشف مين بالظبط يا ملك الرومانسيه؟




الدنيا ايوه صغيره بس خيالنا هو الي بيكبرها نقدر نلمس نور الشمس ونسكن في القمر لو عايزيين
الخيال يا حبيبي داوء للروح والقلب اتخيلها واسعه اوي واوع تحبس صوتك طلعه حتي لو مش قادر تسمعه هيجي يوم ويردده الكون وراك من جمال صوتك وكلامك





البلد ليها حق تخاف لان الاف ولد بيهجوا براه خلاص مش قادرين علي العيشه فيها
احنا في خطر كبير اوي وكل مادا بينقص ولد بس لازم يكون في ام ان الارض الي بتنجب متمش وتنتهي
ربنا يستر



مصر يمنكوبه ؟
تصدق ملعوبه فعلا
اول مره اسمعها واول مره يظهر التحالف دا في النور
بس يا تري هما متفقين علي مين ولا علي ايه

بلاش كلام في السياسه بقي الله؟؟؟؟
شكلك ناويها



لو هتحط ايدك دلوقتي في جيوب الناس هتلاقي ايدك بتتطلع من الناحيه التانيه
لان مبقاش عندهم فرح يخبوه في جيبوبهم فشلوها اوفر
بس مهما كان خلي ضحكتك الحلوه الي بعشقها اعلي واعلي من السما جايز في يوم تتحول لغني اقوله انا وانت وكل الي نعرفه انا وانت هناك وهنا
وعجبي

ياتري تنفع؟




قررت ان اسير الي اخر الطريق كي اتمتع برؤياك

قررت ان اعبر الدنيا جبال ووديان لارتمي في احضانك

قررت ان عيش بداخلك
ان احتل ربوعك
ان ستوطن قلبك
ان اعيش معاك ولك
ما بقي من عمري

واكيد طبعا عاجبك
ولا ايه؟


تسلم ايدك يا حبيب روحي

sendbad يقول...

مش عارف انا بحبك ولا بحبك احبك ولا بحب حبك ولا بحب الدنيا عشان انتي فيها ولا احب كل حاجة بتقع عينك عليها بس اللي انا متاكد منه اني دايب فيكي وهايم بيكي وغرقان في حبك وبتجري جوه دمي وساكنة قلبي للابد
بجد الحمد لله عليكي
انا معاكي وجنبك لاخر العمر ياملاكي ربنا يخليكي ليا
بحبك اوي

سهر الليالى يقول...

أحم أحم
معلش يا جماعه أنا جيت
أولا وحشتونا جدا جدا جدا أنتو الأتنين

ثانيا بجد البوست المرة دى حاساه عارف اللى بيقولو عليه تفوق على نفسه

طبعا أنا مش بقيم لأنى أصغر من أنى أقيم حد بس بجد البوست روعه

بس على فكرة أحنا لسه فى أخر السنة دى هنبقى مستحملين 27 سنة لان عمرو من عمرى تقريبا
هههههههه

اعلنت وزارة الخارجية عن قيام الوحدة بين مصر واليمن وكوبا ولقد تم الاتفاق علي اطلاق لقب مصر يمنكوبة علي هذا الاتحاد
هههههههههههههه
جامدة موووووووووووووت

أما عن الرومانسيات فبجد كانت روعه ودافيه جدا

تسلم ايديك وحمد الله على سلامتك

تحياتى ليك ولجهينة

همسات دافئه يقول...

سندباد
على شواطئ بحار الرومنسيه جلست
انت هتمثل!!!!
دا انت غرقت وغرقتها وغرقتنا وبهدلت الدنيا على الآخر آل لسه على الشاطئ آل:)))))

بحط ايدي في جيوب الدنيا اسرق فرحتي
اجري من الناس واقعد اسمع ضحكتي
ساعات تعلي وتعلي وتبقي غنا
وكتير تتخنق وتموت علي شفتي

كتير بحس انا كمان بكده
بتزداد قوه بجد مش بعرف أعلق عندك خالص
ربنا يديم عليك الحب والسعاده يارب:)
تحياتى ليك
شيماء:)

ra7eel يقول...

سندباد

مدونتك كما هى دائما ذات طابع خاص
وجو رائع
تأملات فى احوال كثيرة
وتلك الموسيقى الهادئه تضفى جوا شاعريا جميلا
تحياتى لك

momken يقول...

كلامك حلو ينفع تنويعات وينفع فوازير
وقريب لو مشيت على النظام ده
هنشوف تثلاثيات او ربعيات او خماسيات السندباد

زى عنا صلاح جاهين

كلامك حلو واسلبك جميل

تحياتى

sendbad يقول...

سهر الليالي
دايما تعليقك بيبقي جميل شكرا علي اهتمامك ومرورك وربنا يقدرني اني اكون دايما عن حسن ظنكم جميعا
تحياتي الخالصة

sendbad يقول...

همسات دافئة
ده كلام كبير اوي صراحة ربنا يقدرني واكون عند حسن ظنه متشكر جدا علي المجاملة دي نورتي الفكرة
تحياتي

sendbad يقول...

رحيل
شكرا علي مرورك وتعليقك الجميل وسعيد برد فعلكم علي افكاري ربنا يزودها وتعجبكم دايما
تحياتي

sendbad يقول...

ممكن
شرفت ونورت الفكرة وسعيد لتعليقك جدا ربنا يبارك فيك
تحياتي الخالصة

كاميليا يقول...

لما احزن الاقي الدمعة صاحبتي
ولما افرح مطولش حتي ضحكتي
اسيب نفسي للتيار ؟
ولا اصرخ اقول يالهوتي
= = =

جميلة اوى

البوست جميل
متنوع الافكار

تسلم ايدك

تحياتى

أحمد سلامــة يقول...

جميل قوي قوي
تسلم الايادي يا سندباد
سفرتني معاك فيها والله
العنوان مفيش احلى منه
ولا اجمل
ولا احزن من دي تنويعات
تسلم الايادي بجد

فى القلب يقول...

الله الله يا سندباد
كل شطر أروع وأحلى من ألى قبله

مش ممكن أبداعك يا سندباد أدامه الله لك هووجهينتك

inksarat يقول...

كلماتك اراها .. انغام على اوتار الكلام
والحان لمرادفات الايام
ورؤية وفكرة وترحال فى بحور الواقع
وواقع من نبض الخياال

ــــ
تحيتى وسلامى يا صديقى

walaa يقول...

الشعب المصري اكرم شعب في العالم
السؤال : ليه
الجواب : بقالنا 27 سنة مستحملينه
السؤال : مين هو الجواب : !

اكرم من كده مشفتش صراحه شعب يتحمل الصعاب وكثير الجود والعطاء

جوايا كلام كتير ويجي ميت سؤال
ليه الحزن جوايا عامل زي الجبال
كل ما ادواي جرح يتولد غيره في الحال

انا كمان بسال السؤال ده لما تلاقى الاجابه اببقى قولى
تحياتى ولاء

اعشق فى اليل ضوء القمر يقول...

على فكره عامل مفاجأه عندى أدخل مستنيك بسرعه

oceaneyes يقول...

رائع البوست المرة دى يا سندباد ..بكل جزء فيه رائع ..

فكرة الأفكار المختلفة المختلطة دى رائعة ..وانت كالعادة تصويرك ليها رائع ..

بس ليه الحزن والأسف ده يا سندباد ؟؟

ليه الزعل ؟؟

اتمنى تكون النفسية عندك حلوة يارب



وبكرر دعائى مرة اخرى


ربنا يخليك انت وجيهان لبعض دايما



تحياتى

:)

حازم سويلم يقول...

اكتشفت اين تقع بحار الرومانسية
فبنيت اكواخي هناك ورحلت
وعلي شواطئها جلست
ـ ـ ـ ـ ـ ـ ـ ـ ـ ـ
دلنى عليها أبوس أيدك
البوست جامد
تحياتى

R.O.U.R.O.U. يقول...

متخافيش يابلد
لسه فيه الف ولد

3abart fiha 3an kol 7aga

~ Bato0ot ~ يقول...

sendbad
ezayak ba2aly kteer mokhtfya bas ama rg3t la2et post to7fa :D w akhbar to7fa
w kolo zay el fol :)

أنا وصاحبى يقول...

سندباد
بنرشحك لنشر اعمالك فى سلسلة مدونات مصريه للجيب
هيتم اختيار بوست من ارشيف مدونتك ونشره
او ابعتلنا انت بنفسك
منتظرين موافقتك

قريب اوى هيتم اصدار سلسلة مدونات مصريه للجيب
ولو تحب تنشر افضل اعمالك فى السلسله
ياريت تبعتلنا
التفاصيل هنا
http://sneen.blogspot.com

بالله المستعان > رؤية يقول...

دوما مبدع سندباد

عاليا حليم يقول...

صديقى السواح فى المعانى و الالام
بجد بوست اكثر من رائع بانوراما شاملة للدنيا و ما فيها

خالص تحياتى

S H A H يقول...

تنويعات على اوتار كلام تحفة تهز اوتار قلوبنا

Salwa يقول...

لما احزن الاقي الدمعة صاحبتي
ولما افرح مطولش حتي ضحكتي
اسيب نفسي للتيار ؟
ولا اصرخ اقول يالهوتي

جميله المقتطفات المنوعه دي

كل جزء حكايه لوحده

جميل بجد

خالص تحياتي

دنــــيــــــا مـحـيـرانـي(ده حالي اما اسمي ايناس لطفي يقول...

ازيج يا سندباد بقالي كتير غايبه عن مدونتك بس انا اليوم جاي ومعي خبر حلو ليك واتمني تشاركنا فيه انا لم اصل الي ايميلك معلشي بقي استحمل الدوشه الاي هاعملها عندك
-----------
السلام عليكم ورحمة الله وبركاته ،،،
احب اعرفكوا بنفسي انا مدونة زميله لكم اسمي ايناس لطفي
مدونتي اسمها عايزه اتكلم واسمي المستعار عليها دنيا محيراني www.3azatklm.blogspot.com
و يشرفني ان اكون ضمن فريق مدونات مصريه للجيب وهي فكرتها ببساطه انها ستقوم ان شاء الله بنشر كتابات المدونينين المصريين في كتاب يجمعهم بالمشاركه مع دار اكتب للنشر
ويشرفني ان ندعوا كل مدون مصري للمشاركه معنا ويسعدنا اننا نشاركه في خروج كلماته للنور
وللمشاركه ارجو كتابه مايلي علي الايميل المرسل لنا :

1- عنوان الميل تصنيف البوستات الخاصه بك التي تريد ان تشارك بها ادبي – اجتماعي – سياسي
او انك لاتريد تصنيف بوستاتك يكتب اسم مدونتك ولكن يفضل التصنيف لسهوله الفرز و التحديد

2-بياناتك الشخصيه في الميل هكذا :
*الاسم :------- * هل ترغب في نشره (نعم / لا )-----
*الاسم المستعار: ------
*اسم المدونة : -----
*عنوان المدونه :www -----
*الايميل الشخصي : ------
*رقم الموبايل :-----(يفضل لسهوله الوصول اليك مع التاكيد علي سره البيانات وعدم تدوالها)
*تليفون ارضي : ---------
*تاريخ الميلاد: ------
*نعم اوافق علي النشر----
*اهم نقطه : لينكات البوستات المختاره مع كتابتها ضروري جدا لا تكتفي بوضع اللينكات فقط ارجو كتابتها
---------------------------------------------------------------
هنا ايميلات باقي الفريق وهما
احمد المهني ahmed_mahana_me@yahoo.com
احمد البوهي ahmed.elbohy@yahoo.com
ايناس لطفي enas_lotfy_4@hotmail.com
عنوان الجروب علي الفيس بوك http://www.facebook.com/group.php?gid=13820826455
ان اردت الاستفسار عن اي شيء يرجوا المراسله وكتابه كلمه استفسار في عنوان الميل
ليرد عليك اعضاء المجموعه
وللعلم فقد تم تقليص المده المفتوحه للعدد الاول
فاخر وقت لتلقى الاعمال للنشر بالعدد الاول هو 22/4/2008 اى فى خلال 6 ايام واى عمل بعد تلك الفتره يرحل للعدد الثانى وما بعده
---------------------
وفي النهايه ادعو كل مدون مصري ان يثق في كلماته و يشارك معنا في ان تخرج افكاره وكلماته في كتاب مطبوع ويساهم معنا في نشر الفكره ودعواه الاخرين للمشاركه معنا
مع تمنياتي بالتوفيق دائما
تحياتي
ايناس لطفي
هاستني مشاركتك انت وحبيبتك الجميله جهينه الدعوة ليكوا انتوا الاتنين

NeRmeeN يقول...

ازيك يا سندباد...بقى انا لسه راجعة من انقطاع تدوينى الاقيك انت كمان منقطع

يا رب يكون المانع خير

تحياتى

sendbad يقول...

كاميليا
شرفتي فكرتي المتواضعة ومتشكر اوي علي تعليقك الجميل
بارك الله فيكي
تحياتي

sendbad يقول...

احمد سلامة
شكرا ياصديقي بجد اسعدني مرورك وتعليقك تحياتي الخالصة لك وسعيد لرد فعل الجميع علي تنويعاتي
تحياتي

sendbad يقول...

في القلب
متشكر اوي بجد وسعيد لاهتمام الجميع وربنا يقدرني واكون دايما عند حسن ظنكم
تحياتي

sendbad يقول...

انكسارات
لما تيجي الشهادة منك انت تبقي اعظم شهادة شكرا ياصديقي العزيز
تحياتي

sendbad يقول...

ولاء
فعلا مفيش اكرم من كده ابدا
تحياتي الخالصة

sendbad يقول...

اعشق في اليل ضوء القمر
مبروك ياصديقي وربنا يتمم بخير باذن الله

sendbad يقول...

اوشن ايز
مفيش حزن ولا حاجة باذن الله دي شوية فضفضة مش اكتر
شكرا لاهتمامك بارك الله فيكي

sendbad يقول...

حازم سويلم
لو عايز تلاقيها هاتلاقيها باذن الله بس انت حب انك تعيش في الحالة دي
صدقني احنا اللي بنقدر نغير مودنا
تحياتي

sendbad يقول...

بطوط
حمدالله علي السلامة ياااااااااااااااااه اخيرا زورتينا عوده محموده ازيك ايه اخبارك ليكي زيارة لمدونتك قريب
تحياتي

sendbad يقول...

انا وصاحبي
شكرا للدعوة الجميلة دي وباذن الله كلنا نشارك وننجح المشروع
شرفني جدا دعوتك شكرا لك جدا

sendbad يقول...

عاليا حليم
شكرا جدا لتعليقك وربنا يقدرني دايما واكون عند حسن ظنكم جميعا
تحياتي الخالصة

sendbad يقول...

شاه
شكرا ياصديقي نورت السفينة
لك تحياتي

sendbad يقول...

سلوي
الحمد لله بجد سعيد لردود افعالكم الجميله لتنويعات كلامي وربنا يقدرني واكون عند حسن ظنكم جميعا
تحياتي الخالصة

sendbad يقول...

دنيا محيرني
متشكر علي الدعوة الجميلة وربنا يقدرني واكون قد الدعوة دي تحياتي الخالصة لك مني ومن جهينة

sendbad يقول...

نرمين
شكرا لسؤالك انا مش مقاطع التدوين انا بس واخدني الشغل مش اكتر
بارك الله فيكي وحمدلله علي السلامة
تحياتي الخالصة

sendbad يقول...

بالله المستعان
ودايما زيارتك بتسعدني تحياتي الخالصة

زُمُرده يقول...

احم احم
متأخره اوي عارفه
بس انت فين يا سندباد
رحلت لاكواخك ع شط الرومانسيه وتركتنا نبحث عنك

اولا مش لاقيه كلمه تناسب كلام بوست الرائع جدا

بس اسمحلي لفصص براحتي

*******
ليه الحزن جوايا عامل زي الجبال
*******
اه نفسي اعرف ليه مبينتهيش ولما اقول بيقل الاقيه بيزيد


******
اكتشفت اين تقع بحار الرومانسية
فبنيت اكواخي هناك ورحلت
وعلي شواطئها جلست
******
جاامده جدا
بس ليه رحلت انا لو منك مش همشي ابدااا
هفضل هنااااااااك وابعت جواب للاحزان اقوله ودااااااااااع

*****
27
****
تصحيح في شهر 10 نبقى 27 سنه
شوفت بقى انت متفائل اد ايه

*****
يمنكوبة
*****
ههههههههههه جديده دي

******
بحط ايدي في جيوب الدنيا اسرق فرحتي
اجري من الناس واقعد اسمع ضحكتي
ساعات تعلي وتعلي وتبقي غنا
وكتير تتخنق وتموت علي شفتي

*****
وكتير كمان بتموت وهي لسه دقه في قلبي
تدفن في نن عيوني
وارجع استنى تاني بسمه تاخدني من شرودي

تسلم يا سندباد
وارجع بقى
مستنيينك

sendbad يقول...

زمردة
شكرا يازمردة علي تعليقك اللطيف وانا مش بعيد ولا حاجة والله هو الشغل مش اكتر واديني نزلت بوست جديد النهاردة اذن الله يعجبكم شكرا علي اهتمامكم
ارك الله فيكي وفيكم
تحياتي

ســمـــر احمد يقول...

يا سندباد مدونتك جميلة ,,و الاجمل منها الرقة اللى بتسكنها
لك و لها ..( جهينة يعنى ) ارق واطيب دعواتى

sendbad يقول...

سمر
شكرا علي المرور وعلي كلماتك الرقيقة تحياتي الخالصة نورتي فكرتي المتواضعة

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情