السبت، 18 سبتمبر 2010

الحيرة


لا تلوميني إن لملمت جراحي وأشلائي
ونمت قرير العين صباحا أو مساء
ومزقت شعري وكلماتي وجلست
أمامها أضحك في كبرياء
ومات الحب في قلبي وجعلت
من نفسي عشيقا لكل النساء
ولا تلوميني إن عاهدت نفسي
أن أظل اهواكِ أو عاهدتك علي الوفاء
فأنا بدونك اجهل الطريق
لا تلوميني إن فتحت قلبي لمن يطرق بابه
أوملئت فراشي الخالي في ليالي السهاد
وبنيتُ السدود والصروح أو أغلقت الابواب
ومزقتُ كل أشيائك وجعلتها رماد
وأخبرتك أن لا تعودي يوما
حتي لو ملئتِ الدنيا نحيبا وبكاء وسواد
ولا تلوميني إن جعلت سحرة فرعون
أن يأتوني بكِ مسحورة الفؤاد
فانا بدونك اجهل الطريق
لا تلوميني إن أوقفت نبض قلبي دهرا
ولعنت الحب والحنين والأشواق
وزرعتُ الارض شوكا حتي لا تعودي
وصنعت من حصادها دواءاً وترياق
او ملئتُ الدنيا طربا وصخبا
فرحا بهذا البعد وهذا الفراق
ولا تلوميني إن جئت أبكي بين يديكِ
كطفل يبغي ثدي أمه في إشتياق
فأنا من دونك أجهل كل شئ

هناك 34 تعليقًا:

أحمد زاهر يقول...

كلمات رائعه
ومدونه جميله
تقبل مرورى الأول
وان شاء الله تتكرر الزيارة
تحياتى

سندباد يقول...

بن الخطاب
شرفت المدونة والسفينة
زيارة جميلة من شخص جميل
تحياتي

الــحــــنـــــــــــــــــــين يقول...

جميل منك اوى يا ستدباد كلام حزين بس فوق الرائع تحياتىى ليك يا ملك الاحساس

غير معرف يقول...

صباح الحيرة
فعلا ما أطلق عليك فهو لك
(ملك الإحساس)
أحساس عالى وجميل


ومزقت شعري وكلماتي وجلست أمامها أضحك في كبرياء ومات الحب في قلبي

تسلم إيدك بجد حلوة
من جمالها كررت قرأتها

لا تلوميني إن أوقفت نبض قلبي دهرا ولعنت الحب والحنين والأشواق

تشبيهات فى منتهى الجمال
ربنا يبارك فيك

دمت فى حفظ الرحمن

سندباد يقول...

الحنين
انا متشكر ياصديقي علي مرورك الدائم وتعليقك الجميل
ربنا دايما يوفقني واكون عند حسن ظنك
تحياتي ياصديقي

سندباد يقول...

الحب والاحساس الجميل
تحياتي وتقديري لمرورك الدائم
ومتشكر لتعليقك الجميل
ربنا دايما يقدرني واكون عند حسن ظنكم
دمتي في حفظ الله
تحياتي

mrmr يقول...

شئ فى منتهى الاحساس والروعه
تسلم ايديك بجد رائعه

موجة يقول...

مممممممم
مش عارفة ليه حسيت بالتناقض فى الكلمات
منين عاوز تبعد عن حبها ومنين انت من غيرها تجهل الطريق
ازاى عاوز تفتح باب قلبك لاى حد وازاى هتؤمر سحرة فرعون ياتوك بقلبها مسحور
يعنى انتقام ولا ايه
حيرتنى فى كلماتك
بس الشهادة لله
حلوة

جوجو يقول...

السلام عليكم
الله الله على الابداع
كلمات فى غاية الروعة
سلمت يداك
تحياتى

عمرو يسرى يقول...

كلمات جميله
واحساس جميل

ميرام يقول...

من قد يستطيع لومك ...!


استمتعت بالقراءة
تحيتي

سندباد يقول...

mrmr
متشكر لذوقك وتعليقك
ومتشكر لمرورك الدائم المستمر
تحياتي

سندباد يقول...

موجة
اولا متشكر لمرورك الدائم
ثانيا عنوان البوست الحيرة
هو محتار متردد ينسي هواها ويعيش حياته ولا يروحلها ويحاول يرجعها
هو ده التناقض اللي بتقولي عليه وجملة انه يجهل الطريق قصدي بيها انه بعدها مش عارف يعمل ايه
ثالثا تعليقك ده مش معناه اثبات وجود وخلاص انتي بتدخلي بتقري وبتحللي وبتركزي وبتنقدي وده شئ جميل
تحياتي

سندباد يقول...

جوجو
وعليكم السلام ورحمة الله وبركاته
متشكر لمرورك ولذوقك
تحياتي

سندباد يقول...

عمرو يسري
شرفتني ياصديقي
متشكر لذوقك
تحياتي

سندباد يقول...

ميرام
شرفتيني ونورتي السفينة
شكرا لمرورك
تحياتي

موجة يقول...

تصدق كنت اتخضيت من ردك على تعليقى يا سندباد
وكنت لسه هرمى نفسى فى البحر من سفينتك
اصل وانت بتقول:
تعليقك ده مش معناه اثبات وجود
حسبت انى تعليقى مالوش لزوم ولا ليه وجود
ولما قلت:

انتي بتدخلي بتقري وبتحللي وبتركزي وبتنقدي وده شئ جميل

اطمنت كده وتنفست الصعداء
حلوة اوى تنفست الصعداء دى
كل سنة وانت طيب بمناسبة بداية العام الدراسى

سندباد يقول...

موجه
لاء مترميش نفسك ولا حاجة ربنا ما يجيب حاجة وحشة
ويكرمك بالخير
انتي فعلا تعليقك ليه معني وليه هدف
وبتعلم منه
تحياتي

خواطر شابة يقول...

هو لايريدها ان تلومه في الحالتين وهذا هو المستحيل بعينه
دمت بكل الود

سندباد يقول...

خواطر شابة
عشان كده هي حيرة وتردد وقلق
تحياتي لفكرك وتعليقك
نورتيني

Carmen يقول...

حقا عشقت ذاك التردد والحيرة
شعرتها مشتتة حائرة
مست جانب مظلم داخلي
روعة سندباد
دائما ماتجعلني كلماتك انحني خجلا وتقديرا
خالص احترامي لفكرك الراقي

Noha Saleh يقول...

بوست حلو جدا وعاجبانى اوى الكلمات
الحيرة
لا تلوميني إن أوقفت نبض قلبي دهرا ولعنت الحب والحنين والأشواق

حلوة اوى الجملة دى

كل سنة وانت طيب بمناسبة الدراسة

حواء يقول...

سندباد ازيك ... بيعجبنى فى تدوينات الحزن اللى فيها يظهر احنا بنحب الحزن وللا ايه مش عارفة وبحسه بقى جزء من حياتنا وحياتك طبعا نفس الحزن ونفس الفراق والبعد والاشتياق للحبيب اللى مش بيحبنا او اللى بيفضل البعاد عن القرب احنا كدة بنقضل نعذب نفسنا بس اقولك اجيانا كتير البعد واحنا اصدقاء او نضحك على نفسنا ونقول اصدقاء افضل كتير من القرب اللى بيموت ويخنق كل حاجة حلوة ... ربنا يوفقك ويريح بالك

سندباد يقول...

كارمن
متشكر جدا لتعليقك الرقيق
ومتشكر لمرورك الدائم
كلنا لنا جوانب مظلمة بنحاول نداريها وننساها بس بتخرج غصب عننا احيانا
سعدت بيكي وبتعليقك
تحياتي

سندباد يقول...

نها صالح
متشكر لذوقك وتعليقك سعيد بمرورك الدائم
انا نسيت الدراسة من زمان
كل سنة وانتي طيبة
تحياتي

سندباد يقول...

حواء
قدر المحبين اللي بيخلصوا في حبهم الفراق والهجر والغريب ان اللي بيخون وبيكدب هو اللي عايش مرتاح في الدنيا دي
ذنب المخلص الغدر للاسف الشديد
تحياتي لمرورك
متشكر جدا

Story pain يقول...

جميلة اوى الخاطرة...
المعنى اللى بيوصل للقلب فى الآخر..مؤلم ومؤثر جدا..عجبتنى أبيات كتير..بس فى بيت أنت فعلاابدعت فيه

وزرعتُ الارض شوكا حتي لا تعودي
وصنعت من حصادها دواءاً وترياق

دمت مبدعا

سندباد يقول...

story pain
متشكر جدا علي مرورك الدائم وتعليقك اللي بيشرح معني البوست
دامت زيارتك ودامت تعليقاتك
تحياتي

rack-yourminds يقول...

صديقي سندباد
__________

اعتقد انه في لحظات الالم والضيق من حبيبته يريد ان ينساها وان تخرج من حياته...........

ولكن في لحظات اخري يشعر باحساس مغاير, يشعر بالحنين اليها يريد القرب منها بل انه ينسي او يتناسي لحظات الالم والضيق منها ,,,وبعتقد ان هذه المشاعر غير المستقره طبيعيه وستستمر معه لفتره الني ان يعود اليه محبوبه يوما ما "ساعتها يا باشا هيغني اغنيه نجاة.

____________

ونسيت حقدي كله في لحظة

من قال إني قد حقدت عليه

كم قلت إني غير عائدة له ورجعت .. ما أحلى الرجوع إليه
_____________
ما عدت أذكر والحرائق في دمي

كيف التجأت أنا إلى زنديه

خبأت رأسي عنده وكأنـــــــني

طفل أعادوه إلى ابويه
_____________
اتمني قريبا انه ده يحصل يا صديقي

Antika يقول...

ف الاول الكلام حسسنى بقوته

بس الجملة دى ..
"فأنا بدونك اجهل الطريق"
حسستنى بضياع !

يعنى هو بيضحك على نفسه
وفاهم كويس انه بيضحك على نفسه
وانه مش كويس
بس عامل مرتاح

وانه بيعمل كدة عشان مش معاها .. ولما بيكون مش معاها بيبقى تايه ومش عارف الـ بيعمله

ومع ذلك برضو مرتاح وراضى
بس مش بجد

ده انا الـ توهت !! :D

جميلة :)

سندباد يقول...

صديقي راك
احسنت في توضيح البوست وشكرا لدعاءك واهتمامك المتصل المستمر
دمت لي صديقا ياصديقي
تحياتي

سندباد يقول...

انتيكا
عشان كده اسمها حيرة وتردد وقلق وعدم استقرار وعدم القدرة علي اتخاذ القرار
نورتيني واسعدني تعليقك
تحياتي ليكي وشكرا علي مرورك

ايامنا الحلوة يقول...

سندباد حرام بجد اللي بتعملوا في نفسك ده انا قلبي بيوجعني اوي حاول تنسي عشان تستمر الحياة لازم تساعد نفسك
صدقني لو انت مطبطبتش على نفسك مش هتلاقي حد يطبطب عليك حب نفسك اوي ومتسمحش لاي حد يكسر قلبك ولايهزمك

انا متبعاك علطول وكل مرة بدخل اقول يارب تكون حالته النفسية احسن والاقي بوست انت فرحان فيه
مين ميحبش انسان زيك وانت ملك الرومانسية اتمنى ان البوست الجاي الاقي بوست فيه اجواء تفاءل وتحدي وانتصار على الالم

تحياتي

سندباد يقول...

ايامنا الحلوة
انا متشكر جدا اهتمامك وتعليقك وكلماتك وتشجيعك المستمر
وعارف ان دمي بقي تقيل وكلامي بقي اتقل
وعارف برضه ان كلامك منطقي جدا وصح جدا
انما احيانا بيبقي الكلام اسهل بكتير من التنفيذ
ممكن ناخد القرار في لحظة لكن عشان ننفذ بناخد فترة
دعواتك
ومتشكر جدا جدا لكلماتك الجميلة
تحياتي الخالصة