الأربعاء، 6 أكتوبر 2010

همهمات علي طاولة جسد

تحديث
لقد كان عنوان هذا البوست هو الليل
وبناء علي نصيحة الرقيقة صاحبة مدونة
فقد تم تغيير العنوان الي همهمات علي طاولة جسد
عنوان مميز وجميل
لذلك وجب التنويه والشكر
جزاها الله خيرا , ولها جزيل الشكر
في كل ليلة من تلك الليالي الطويلة الظلماء

وكل تلك الليالي من دونك تكون سواء

أبعثر السواد بالشموع

ألملم نفسي بالدموع

تعم الفوضي داخلي

واللحظات في رتابة تمر

يملئني الضيق والضجر

والسهر والحرمان ضدي يتآمران يتقامران

يجلسان علي طاولة جسدي يمرحان

والإحتياج فوق راسي كطفل يلهو بالخرز

والشوق منزويا بعيد يترقب في تلذذ وإستمتاع

والجدران من حولي تضيق وتضيق

وصدي الصمت يشعل ألف حريق

ويصرخ كل من حولي بإصرار
أبدا لن تنام
أنظر للجميع في صمت

أتحدث إليهم في سأم

هيا لنتفاوض هيا لنتناقش

ماذا لو كانت هناك هدنة ماذا لو أنها ليله وليله

ليلة لفراشي وليلة لكم

ويأتي الرد صمت

أقف مترددا للحظات

وأذهب إلي مخدعي في حذر

أُمني نفسي بالنوم

أتلحف السواد والصبر

أضم الوسادة في حنان

يااااااااااااااااااااااااااه

لحظات هدوء جميلة

لعلهم قد قبلوا الهدنة

لقد أنتهي العبث

وسيأتي النوم أخيرا

سياتي النوم أخيرا

وتعلو الهمهمات من جديد

ويصرخ كل من حولي بإصرار

أبدا لن تنام
وتدق طبول العذاب

يستعر الفراش حريق

تستحيل الوسادة بركان

يحتلون طاولة جسدي من جديد

ويتحول الليل لسرداب طويل

أنهض من فراشي المشتعل

أصرخ في الجميع

كفوا عني هذا اللهو

أليس بينكم رشيد

فينطق الجميع بسخرية
أبدا لن تنام
أنزوي علي نفسي مستسلما

وأجلس حتي الصباح

وهكذا في كل ليلة

هناك 47 تعليقًا:

عمرو يسرى يقول...

الله الله
عبرت باسلوب جميل عن حاله لايوجد احد فى العالم الا وقد شعر بها
تسلم يا سندباد

سندباد يقول...

عمرو يسري
عندك حق محدش فينا الا وحس الاحساس ده وعبر عنه بطريقته
شرفتني ياعمرو
متشكر لتعليقك وذوقك
تحياتي
نورتني

حرّة من البلاد..! يقول...

يبدو أن هذا الضجيج في انفسنا يحول ليلنا إلى اشتعال فيحرم عيوننا النوم
هذه الحالة أشعر أنك قد عبرت عما في داخلي أنا.
أشكرك وأسكن الله سريرتك
دمت بخير

سندباد يقول...

حرة من البلاد
حرمان من النوم والهدوء والسكينة وكل الاشياء التي نتمناها
انها حالة تسكنا جميعا وكل بطريقته
اعانك واعاننا الله
متشكر لمرورك الدائم
تحياتي
نورتيني

Carmen يقول...

كلمة رائعة قليلة في وصفها
حقا هي تفوق الروعة بمراحل
من احد الصراعات التي قرات
ومن اجمل ما رأيت في التشتت والضياع

حقا هي رائعة بكل المقاييس
في تقدم دائم سندباد
خالص احترامي وتقديري

¥k¥

Story pain يقول...

فى تعليقات بكتبها وانا عارفه انى مهما كتبت هيبأه فى كلام كتير مش هعرف أكتبه...
مش عارفه ده هيبأه رأيى انا لوحدى ولا كل اللى هيقرأ البوست...اجمل ما كتبت ويمكن هيفضل البوست ده أجمل ماكتبت..
فاكر لما قولتلى ان قصة القيد انا تحررت فيها من قيود الكلمات...انا عايزة اكتبلك نفس التعليق..رغم ان كلماتك اقوى ما كتبت لغة وسردا ووصفا لكن حاسه ويمكن واثقة انك كتبتها بسلاسة غريبة وكأنك تحفظ كلماتها وتسترجعها فقط...صح؟
انت مش بس تحررت من قيود الكلمات لكن من قيود التخفى بين ابطال القصص...واجهت ألمك لاول مرة فأمسكت بزمام الكلمات بنفس قوة المواجهة..اسمع الان صرخات الالم تعلو لأول مرة دون خوف أو هروب...

في سجع رائع فى اغلب الخاطرة..تصويرك ووصفك للحالة مميز جدارغم مرورى ومرور اغلب الناس بنفس الحالة لكن فعلا انت احسنت اختيار الكلمات ...فى كمان تأثر بالقرآن (أليس بينكم رشيد)...واضح ان فى مرجعية دينية لكتاباتك الادبية...

اسفة أطلت فى التعليق لكن ده أقل ما يقال...

Story pain يقول...

سندباد
الخاطرة رائعة جدا..وعنوان الخاطرة معبر عنها لكن لا اعرف لماذا اشعر انها تحتاج عنوان ليس تقليدى يحمل نفس تميزها

ليلى الصباحى.. lolocat يقول...

السلام عليكم ورحمة الله
رائع مانثرته من احاسيس وتنهدات هنا

وانا بدورى انثر فوقها عطر الياسمين لها تحية


وتحياتى لك وتقديرى اخى الكريم

Antika يقول...

اسوأ فترة ممكن تعدى عالواحد

لما يبقى حاسس ارهاق جسدى طول اليوم
وارهاق معنوى طول الليل

ويفضل يبذل ف مجهود .. ويتعِب ف نفسه
عشان يعرف ينام .. يرتاح

ومابيعرفش !

فعلا خاطرة وهمية جدا
وبتحصل كتير جدا جدا !

ツSmiLeY AnGeLツ يقول...

السلام عليكم
كلمات بسيطة وصفة معاني كبيرة
الله على كلامك الحلو
دنيا لاتعرف ان ترتاح فيها ولو للحظات
تسلم الايدي الي كتبت
الله يوفقك يارب
سلامي

Casper يقول...

رائعة تلك هي
واسلوب حضرتك ما شاء الله عليه ,,

دُمت متميزا

Kaspar

Casper يقول...
أزال المؤلف هذا التعليق.
Casper يقول...
أزال المؤلف هذا التعليق.
Casper يقول...
أزال المؤلف هذا التعليق.
ساسو يقول...

اسلوبك جميل اوي يا سندباد التدوين
احساسك قمه في الصدق والرقه
دمت بخير
ودام قلمك متميز

rack-yourminds يقول...

صديقي سندباد
___________

صدقني لا ابالغ في كلامي ان قلت لك ان تلك الكلمات لا يكتبها الا مبدع كبير
_______________

عندما يتذكر جحودها ونكرانها ونسيانها لكل ما بينهما من ذكريات جميله ,بعتقد في تلك الحاله هتختفي الهمهمات والمؤامرات عليه

همسات وبحــ الحياه ــر يقول...

انا جايه اشمر واتخانق ههههههه
ازيك
علفكرة انا قريت البوست مرتين حلو اوى
الحاجة لما تتكتب بإحساس بتوصل

ايه الغيبةالطويله دى
المدونة والقصه زعلانين منك خالث

سندباد يقول...

كارمن
سعيد بوجودك ومتابعتك وسعيد بكلماتك الرقيقة
ويارب دايما اكون عند حسن ظن الجميع
متشكر جدا علي زيارتك الجميلة
خالص احترامي وتقدير
تحياتي
نورتيني

سندباد يقول...

story pain
اطلالة واطالة جميلة
بصراحة انا شاكر جدا لذوقك وتعليقك الرائع
انا فعلا تحررت من كل قيد كان جوايا وانا بكتب مسكت القلم وكتبت من غير ما اشطب او امسح سيبت الكلام يسترسل لوحده عشان كده طلع من تذويق ولا اضافات
واقدر اقول ان بوست القيد بتاعك كان قدامي وانا بكتب
وبالنسبة للعنوان ان اقترح عليكي انتي تختاري العنوان اعتقد هايبقي اختيارك افضل بكتير
متشكر مرة تانية لمرورك وتعليقك الجميل
واحنا في انتظار مدونتك الجديدة فلا تتاخري علينا
تحياتي وخالص احترامي
نورتيني

سندباد يقول...

lolocat
اهلا بيكي في سفينة السندباد شرفتيني وشرفتي مدونتي المتواضعة
ومتشكر علي تعليقك الرقيق
تحياتي الخالصة
نورتيني

سندباد يقول...

انتيكا
فعلا كل واحد فينا مر بتجربة الرهاق الفكري والنفسي والجسدي وبنشعر اننا مش قادرين نكمل واننا مش فاهمين الدنيا بتعمل فينا كده ليه
اعاننا الله واعطانا القدرة علي التحمل
تحياتي
نورتيني

سندباد يقول...

خواطري مع الحياة
لا راحة في الدنيا لكن الحمد لله علي كل شئ
سعيد بوجودك الدائم وتعليقاتك الرقيقة
تحياتي الخالصة
نورتيني

سندباد يقول...

كاسبر
شرفت بيك ياصديقي وبزيارتك الجميلة
متشكر علي ذوقك وعلي تعليقك الرقيق
تحياتي الخالصة
نورتني

سندباد يقول...

ساسو
متشكر جدا علي ذوقك وكلماتك الرقيقة
ومتشكر وجودك الدائم في مدونتي المتواضعة وربنا يقدرني دايما واكون عند حسن ظنكم
تحياتي الخالصة
نورتيني

سندباد يقول...

صديقي راك
تحياتي ياصديقي ومتشكر لتعليقك الجميل
الحمد لله علي كل شئ والحمد لله علي اننا قادرين نكمل وربنا يدينا القدرة علي التحمل
صدقني ياصديقي فترة وهاتعدي بس انتي ادعيلي
تحياتي الخالصة
نورتني

سندباد يقول...

همسات وبحر الحياة
بصراحة ليكي حق تتخانقي انا مقصر معاكي جدا بس معلش سماح من اهل السماح
انا رحت صلحت غلطي وعلقت علي نشرة الاخبار
دمها خفيف اوي وهاروح دلوقتي اتابع اللي فاتني من القصة
تحياتي الخالصة
نورتيني

زهرة نيسان يقول...

السلام عليكم ورحمة الله وبركاته ..


أبدعت سندباد في وصف الصراع ،
لكم هو رائع أسلوبك .
وتلك الحالة التي أخذتني معها وجعلتني أعيشها .

دمت مبدعاً ,,
خالص إحترامي ،

فـرآشة زرقـآ

سندباد يقول...

فراشة زرقا
متشكر جدا لتعليقك الرقيق
وبيسعدني مرورك الدائم لمدونتي المتواضعة
ربنا يقدرني دايما واكون عند حسن ظنكم جميعا
تحياتي
نورتيني

Story pain يقول...

أصعب طلب حد طلبه منى...مش عارفه والله يا سندباد..أنت بس اللى تقدر تحس العنوان المناسب...انا ممكن اقترح عنوان وانت شوفه مناسب ولا لأ..(همهمات على طاولة الجسد)...(سراديب الليل)

سندباد يقول...

story pain
اولا انا متشكر لاهتمامك ومتابعتك لمدونتي المتواضعة
ومتشكر انك لبيتي طلبي
انا اخترت همهمات علي طاولة جسدي عنوان جميل جدا جدا احسنتي الاختيار انا علقت عندك في مدونتك ومستني ردك
متشكر مرة تانية
تحياتي

Unknown يقول...

جميله جدا يا سندباد و حسيت فيها بصدق و فيها تعبيرات أكثر من رائعه
والسهر والحرمان ضدي يتآمران يتقامران
يجلسان علي طاولة جسدي يمرحان

ده أكتر كلام عجبني
كلها تحفه

سندباد يقول...

شرين سامي
شكرا لمتابعتك وزيارتك الدائمة
ومتشكر علي تعليقك الرقيق
تحياتي الخالصة
نورتيني

جايدا العزيزي يقول...

وااااااااااو

احسنت التعبير اخى

بوست روعه

والعنوان جميل جدا شدنى

اشكرك على زيارتك لنبض الحرف

ولكنى كنت اود ان تزور جايدا العزيزي

على وجه الخصوص

هناك الكثير من الخواطر تحت عنوان نزف قلمى

كنت اود رائيك فيها

تحياتى

سندباد يقول...

جايدا العزيزي
متشكر جدا لمرورك وتعليقك الرقيق بارك الله فيكي وزيارتي لمدونتك شرف ليا اكيد
ودلوقتي هاروح اشوف الجديد واعلق عليه
متشكر مرة تانية لزيارتك وثقتك
تحياتي
نورتيني

د. ياسر عمر عبد الفتاح يقول...

حوار نفسي بديع
حبكة أدبية ممتعة
تحية لك ولقلمك

Ms Venus يقول...

بجد بجد انت ابدعت


بوست اكثر من رائع

كلماتى مهما كانت هتبقى قليلة


سعيدة جدا بزيارتى هنا

تحية وتقدير

سندباد يقول...

د/ ياسر
مشرفني دايما يادكتور ومشرف السفينة
متشكر علي ذوقك وتعليقك الجميل
وربنا دايما يقدرني اكون عند حسن ظنكم
تحياتي
نورتني

سندباد يقول...

ms venus
شرفتي سفينة السندباد
متشكر لذوقك وتعليقك الرقيق وسعيد بوجودك في مدونتي المتواضعة
تحياتي الخالصة
نورتيني

غير معرف يقول...

ما أحساسته هو أحساسى بكل كلمة خطتها يداك
تسلم ايدك وفكرك يا سندباد

سندباد يقول...

الحب الجميل
كلنا بنحس وبنشعر الاحساس ده في لحظات الغضب والتعب والهموم
اعاننا واعانك الله
وسعيد بعودتك ووجودك الدائم
تحياتي الخالصة
نورتيني

داليـ ـ ـ ـ ـ ـ ــــا يقول...

نفس الأحساس والله ياسندباد
انا من كذا يوم كتبت بردوا عن الليل وعذابه
أصلهم بيقولوا الليل موجع الويل
لما الليل بيجى بتذيد همومك
وتلاقى التفكير يذيد
واحزانك تيجى تضمك
واشياء كثيره

ربنا يهونها علينا ايام

سندباد يقول...

داليا
عندك حق
الليل وحش مخيف لما تقعد لوحدك وتلاقي كل المواجع تيجي مرة واحدة وتلاقي دموعك بتنزل لوحدها مش عارف انت بتبكي علي اللي فات ولا بتبكي علي نفسك
ربنا يعفو عنا ويرحمنا
تحياتي
نورتيني

Sahar Elgafary يقول...
أزال المؤلف هذا التعليق.
Sahar Elgafary يقول...
أزال المؤلف هذا التعليق.
سندباد يقول...

خيط حرير
سعيد بتعليقاتك الجميلة والتي اتعلم منها الكثير والكثير جزاكي الله خيرا
وسعيد بوجودك الدائم لسفينتي الصغيرة المتواضعة وربنا يقدرني واكون عند حسن ظن الجميع انشالله
وزيارتي لمدونتك شرف كبير جدا ليا
مدونتك من المدونات التي تستحق الاهتمام والمتابعة
متشكر ليكي مرة تانية وربنا يديم تواصلنا علي خير
نورتيني

هديل الحمام يقول...

ما أشقاها وأمرها من لَحظآت تِلك التي علت فيها الهمهمات وسلبتك النوم والرآحه

وما أروع أن نحول لحظات قلقنا إلى إبداع ~

سلمت اناملك أخي سندباد

أمنيتي لكـ أن يملأ الله قلبك رآحه وسكينه ولـ قلمك مزيد من الأبداع والتألق

أرق التحايا

سندباد يقول...

هديل الحمام
صدقتي ما اشقاها واتعبها واعذبها
ولكن ما باليد حيلة طالما ان الاخرين يستمتعون بعذابنا وشقوانا
متشكر لوجودك الدائم بمدونتي المتواضعة وسعيد بالتواصل الجميل اللي بينا
تحياتي الخالصة نورتيني