الأحد، 17 أكتوبر 2010

قليل من السياسة لا يضر - مع الاعتذار لعم احمد فؤاد نجم

أيها الشعب
غصب عنك هاحكمك
وأطلع عينك وأشكمك
وإن أعترضت هاشتمك
ولو زودتها هاحبسك
ويمكن كمان أعبطك
أيها الشعب
أنت شعبي أنا
وأنا اللي بحكم هنا
ومفيش غيري أنا
علي قلبك ميت سنة
أنا الجمال والعلاء والسوزنة
أيها الشعب
أنا ومفيش قدي
قاعد علي الكرسي لوحدي
وماليكش حاجة عندي
أنا ومفيش بعدي
وإن مت هيجي ولدي















هناك 37 تعليقًا:

ليلى الصباحى.. lolocat يقول...

السلام عليكم سندباد

ههههههههههه انت النهاردة خرجتنى خالص من رقة المساء وهمس السماء
لحكاية تانية خالص ربنا يستر علينا ههههه

(ولو زودتها هاحبسك)
والله بيحصل من غير اى زيادة

بس ولده موجود من غير مايموت يبقى ايه بقى الحل ههههه

اشكرك سندباد والله كنت محتاجة للضحك الان
جزاك الله خيرا واسعد ايامك كلها يارب

لك تحياتى و امنياتى الطيبة

زهرة نيسان يقول...

السلام عليكم .

ماشاء الله .
أنا بحب الشعر الساخر جداً .
بجد روعة وفوق الوصف ..

هايل سندباد ،
وفي انتظار المزيد من هذا اللون .

تحيتي لإبداعك .

سندباد يقول...

LOLOCAT
كلنا محتاجين نحس بالفرح ولو للحظات الفرح اللي راح واستخببي مننا ومش عارفين هو فين
ربنا يستر علينا فعلا اللي جاي اسوء بكتير
ربنا يعفو عنا ويرحمنا
متشكر لمرورك الدائم
لكي تحياتي
نورتيني

سندباد يقول...

فراشة زرقا
وعليكم السلام ورحمة الله وبركاته
الحمد لله انه عجبك لاني كنت متخوف منه وقلت يمكن ميعجبش الناس
سعيد بردود افعالكم وربنا يقدرني واكون عند حسن ظنكم دايما
تحياتي
نورتيني

Casper يقول...

ندعو الله أن نرى مصر أفضل لأنه وللاسف

الكثير والكثير كان خلفنا بمئات السنين

الآن صاروا بعدنا بمراحل كثيرة

======

دائما متميز سندباد

تقبل مروري

Casper

سندباد يقول...

كاسبر
عندك حق فعلا اصبحنا في ركب التابعين بعد ان كنا متبوعين
حتي الدول العربية المتخلفة بقت افضل مننا
لنا ولمصر الله يعفو عن وعنها ويشيل الغمة
تحياتي ياصديقي
دايما منورني

Carmen يقول...

مش عارفة بجد اضحك ولا ابكي
حسيت الاحساسين سوا
زي اللي من كبر الهم ضحك
جميلة جدا سندباد اكيد
تقبل تحياتي العطرة وخالص احترامي لكل حرف تكتب
¥k¥

سندباد يقول...

كارمن
نفس الاحساس اللي جاني بعد ما كتبتها مش عارف ابكي علي اللي احنا فيه ولا اضحك منه
انا كنت متخوف انزل البوست ده وقلت يمكن ميلقيش رد فعل كويس بس توكلت علي الله بقي ونزلت وياريت يعجب الناس
تحياتي لمرورك الدائم المستمر
نورتيني جدا

Noha Saleh يقول...

ربنا يستر
البلوجر هتقفلوه:)
انتوا متفقين مع بعض كلكوا ولا ايه

mrmr يقول...

هههههههه
أنا الجمال والعلاء والسوزنة
ياسلام يا سلام يا سلام
وجون وجون وجون
على راى محمد لطيف رحمه الله
لون جديد استمر
تصفيق حاااااااااد

جايدا العزيزي يقول...

حتى حينما تبحر سفينتك

فى بحر عاتى الامواج

تصل بنا سالمين

فرحين مندهشين

من تلك البراعه التى تورق بين السطور

وانا على مشارف الخريف

ارى بين حروفك فراش حر

يعانق بحرارة الفل والياسمين

والارجوان وكاننا فى بدايه فصل الربيع

ايها القبطان البارع فى غزل الحروف

انا قارئه جيده لجميع الشعراء

ولكنى من رباعياتك وقليل من السياسه

اعلن انك بارع ومتمكن

اشكرك

تحياتى

غير معرف يقول...

شكرا يا باشا

rack-yourminds يقول...

صديقي سندباد
___________

كل المعطييات في المشهد السياسي المصري لا تبشر بخير هذا فضلا عن فقدان الامل في اي اصلاح في الاجل المنظور علي الاقل

شهرزاد يقول...

سندباد
خليك لاعب قدام الدار
وبلاش تروح من غير انذار
علشان ما تهش وتحتار
في العودة للدار
الله يوفقك
تحياتي

سندباد يقول...

نهي صلاح
فعلا ربنا يستر علينا
طفح الكيل ياسيدتي وربنا يصبرنا
تحياتي
نورتيني

سندباد يقول...

mrmr
متشكر علي تعليقك الجميل ودايما منوراني ربنا يكرمك
تحياتي الخالصة
شرفتي السفينة

سندباد يقول...

جايدا العزيزي
دايما تعليقك مميز كمدونتك المميزة
متشكر جدا لذوقك وربنا يقدرني واكون عند حسن ظنكم دايما
متشكر جدا ياجايدي ربنا يكرمك
تحياتي الخالصة
نورتيني ونورتي السفينة

سندباد يقول...

يوميات شحات
شكرا لمرورك ياريس دايما منورني
تحياتي

سندباد يقول...

راك
عندك حق فعلا كل الظواهر والشواهد بتدل علي كارثة سياسية هاتحل في مصر قريبا وربنا يستر علي الشعب الغلبان ده
نورتيني ياصديقي
تحياتي

سندباد يقول...

شهر زاد
عندك حق اللعب بالنار يودي في مصيبة
ربنا يستر علينا
تحياتي
نورتيني

Tarkieb يقول...

حلوة اوووي انا الاعلاء والجمال والسوزنة ههههههههه...احسنتي

سندباد يقول...

Tarkieb
حلوة في المعني لكن في الواقع ربنا يرحمنا منهم
تحياتي الخالصة
نورتني

همسات وبحــ الحياه ــر يقول...

هههههههههه

ياميييييت مسا :)
نو كومنت خلينى ساكته ههههه

سندباد يقول...

همسات وبحر الحياة
السكوت علامة الرضا احيانا
نورتي السفينة
تحياتي

Unknown يقول...

بس ده كثير من السياسه يا سندباد و احنا مش عايزين نتحرم من بوستاتك الرائعه:))

Unknown يقول...

بس ده كثير من السياسه يا سندباد و احنا مش عايزين نتحرم من بوستاتك الرائعه:))

Ms Venus يقول...

فى الصميم يا سندبااااد

ربنا يرحمنا ويرحم بلدنا من الهم اللى كابس

تحية واحترام ليك

غير معرف يقول...

أنت كويس ؟؟؟
موجود فى البلوجر لسا يعنى ؟؟
ههههههههههههه
ربنا معاك ومعانا
جميلة :)
تسلم ايدك
معااااااااك
محدش واخد منها حاجه
تحياتى

سندباد يقول...

شرين سامي
يعني لو كل عشر بوستات فيهم بوست سياسة مش هايضر
تحياتي لزيارتك الدائمة
نورتيني

سندباد يقول...

Ms Venus
امين ربنا يرحمنا فعلا ويخلصنا منهم
تحياتي لمرورك الدائم
نورتيني

سندباد يقول...

الحب الجميل
الحمد لله بخير انا يادوب حاجة صغيرة مش هايخدوا بالهم منها عندهم الاهم دلوقتي
تحياتي لمرورك الدائم
نورتيني

admin يقول...

يا ابني..

أخاف عليك لتروح ورا الشمس.. مالك ومال أبو الهول ونفرتيتي وتوت عنخ آمون..

صراحة.. لا فض فم من قال هذا الكلام، ولا الأنامل التي خطت هاته الأفكار..

كنت هنا..

سندباد يقول...

خالد ابجيك
فاض الكيل ياصديقي قلت افضفض
يمكن ارتاح
علي العموم ربنا يستر انشالله
نورتني ياريس
تحياتي

هديل الحمام يقول...

شر البلية ما يُضحك

اخي سندباد

وآقع يدمي القلب !!

كم أحب هذا النوع من الكتابه المضحكه المبكيه في آن وآحد

سلمت اناملك وما شاء الله عليكـ ^_^

أبدعت ,,

أطيب المُنى

سندباد يقول...

هديل الحمام
فعلا شر البلية ما يضحك وشر الناس ليس منه مهرب
نورتيني ياهديل التدوين
تحياتي

Dr/ walaa salah يقول...

ههههههههههههه

بالعافيه يعني

ربنا كبير وقادر على كل شئ

مشكوووووووووور سندباد

سندباد يقول...

Dr/ walaa salah
هايجي منين الذوق هي الناس بتعرف ذوق
ربنا يرحمنا ويعفو عنا
تحياتي لمررورك الجميل
نورتيني