الخميس، 6 يناير 2011

من يوميات مجنون - قصص الحب القديمة


هل سألنا أنفسنا يوما ماذا لو انتهت قصص الحب القديمة - التي سمعنا عنها وقرآنها - ماذا لو إنتهت هذه القصص بالزواج؟ فمثلا أن يتزوج قيس من ليلي وعنترة ابن شداد من عبلة وحسانين صديقي من زنوبة ابنة الجيران.
أعتقد أن الأمر كان سيختلف اختلافا كليا حيث أننا كنا سنفتقد أشعار قيس وإبداعات عنترة ومرح صديقي حسانين لأنهم سيصبحوا أزواج وما أدراك ما هو الزواج أطفال ومصاريف ودروس خصوصية وألم مزمن في الرأس ثم انتحار.
وكلنا نعتقد أن الزواج هو نهاية المعاناه والعذاب ونهاية للشوق والحنين وكلنا بارعين في التعبير عن أحزاننا وآلامنا في الحب عن وصف الحب ذاته.
تعالوا إذن نتخيل أن هذه القصص قد انتهت كل منها بالزواج.
فماذا لو أن قيس قد تزوج ليلي، سيكتشف قيس أن ليلي العامرية مصابه بداء الشره الطعامي، فهي تأكل في كل وقت حتى وهي نائمة تلوك أشياء وهمية في فمها وعندما يجلس قيس أمامها في صحراءه الواسعة الممتدة لينظم لها أبيات من الشعر تطالبه ليلي بالصمت فهي لا تريد أن تأكل القمر أو تشرب عصير النجوم بل تريد أن تأكل اللحم، وتتهمه بالحمق والكسل وتتركه وتدخل إلي خيمتها وتدعه يبيت خارجها في تلك الصحراء القاحلة، فيبكي قيس قهرا وهو حزين علي ما آلت عليه أجمل قصة حب في الوجود.
أما عنترة بن شداد الفارس المغوار والشاعر الرقيق فيكتشف أن عبلة مريضة بمرض المال فتأتيه تخرجه من صومعة الشعر لتقص عليه بأنها وجدت خيمة في صحراء مول تحفة تجنن ووجدت في رمال كار فرس اسود اللون يليق بالفارس الشجاع وتظل تسرد له ما رأته خلال رحلتها في الشوبينج حتى يجن الرجل ويموت كمدا.
أما صديقي حسانين رحمه الله فقـد اكتشف أن زوجته زنوبة مصابة بداء الشره الكلامي فهي لا تتوقف عن الحديث والكلام للحظة واحدة ولا تستطيع أن تغلق فمها إلا عندما تخلد للنوم الأمر الذي أصاب صديقي رحمه الله الجنون ثم أراحه الله بالموت.
فلنحمد الله أن قصص الحب القديمة لم تنتهي بالزواج.

وألان هل أنا مجنون حقا كما يدعون؟

هناك 53 تعليقًا:

صيدلانيه طالعه نازله يقول...

اوووووووووووووووول تعليق
يسسسسسس
اقرا بقى و ارجع تانى
دعواااااتك

Carmen يقول...

سندباد
حقا ما اروع افكارك
فعلا جميع قصص الحب التاريخية لم تنتهي بالزواج
بس مش يمكن في مليون غيرها انتهت بالجواز
ممكن الايام اللي فاتت تكون ماجاتش ع هوانا بس بايدينا نخلي الجاي احلي عشان يبقي حاضرنا ماضي الاخرين في الغد اجمل من ماضينا
تحياتي العطرة

سندباد يقول...

اسمحولي أكون أول تعليق
أولا أنا شاكر ليكم جدا تعليقاتكم وردود أفعالكم الجميلة دايما ربنا يجزيكم خير
بالنسبة ليوميات مجنون
ليس بالضرورة أن تكون تلك اليوميات تعبر عني أو عما ما يجول بخاطري فهي مختلفة تماما عن كل ما قرأتموه سابقا هي وسيلة للخروج من قالب ونمط الكآبة الذي اشتهرت به بينكم
هذه اليوميات نوع من أنواع الفانتازيا والخيال ووسيلة للتخفيف من وطأة كآبة المدونة
شكرا ليكم مرة تانية
واتمني أن تلقي هذه اليوميات استحسان الجميع
تحياتي لكم

صيدلانيه طالعه نازله يقول...

هههههههههههههههههههههههه
الحمد لله الحمد لله
الحمد لله الذى لا يحمد على مكروه سواه


نتخيل كمان ليلى بقى وقد اصبحت تنتظر حادثا سعيدا و يبقى نفسها فى حرنكش بقى ولا تبقى زى شاديه فى فيلم الزوجه التلاتاشر و تقوله عاااااوزه رنجه
ههههههههههههههههههههههههه

و الله يا سندباد انت متحامل اوى على الستات

ليه دايما الصدمه تكون فى ليلى ولا عبله و لا زنوبه

ليه ما نقولش ان قيس و عنتره بخلا ومش عايزين يصرفوا و لا يشتروا حاجه
الست بتتعب مع العيال فى البيت و بتحرق كالوريز كتير و بتجوع
فيها ايه اما تاكل يعنى
ما تاكل براحتها و هو غصب عن عين اهله يشترى اكل بدل ما تاكل دراعه
هههههههههههههههههههههه

و عبله كتر خيرها انها رضيت تفضل فى الصحرا و مطلبتش تسكن فى كومباوند فى اكتوبر و لا التجمع الخامس
تقوم اما تحب تشترى خيمه شيك تقولوا عليها مبزره
و الله انتوا ظلمه ظلمه يا رجاله

اما زنوبه فبصراحه بجد بجد يا سندباد انت غريب
ده جزاءها انها بتلخص اخبار الدنيا كلها لجوزها عشان يبقى عارف ببواطن الامور
و برضه مش بيشكر و يقول عليها رغايه

قال على راى المثل ياما فى الحبس مظاليم
عينى علينا يا ستاااااااااااااات
دايما مظلومين

سندباد يقول...

للاسف معرفتش ابقي اول تعليق المرة الجاية بقي

عمرو يسرى يقول...

فكره جميله جدا دائما مبدع

ولكنى اختلف معاك فى التفاصيل
فاذا كانوا تزوجوا لم نفقد ابداعاتهم ولكن ستكون ابداعاتهم عن معاناتهم بعد الزواج
يعنى بس كنا هنفقد الاشعار التى تتكلم عن الحب والغرام وـــــو ــــ الى اخره
تسلم الايادى

Casper يقول...

اتفق مع سندباد تماما في تعليقه
بأن مش شرط ما يسطره الكاتب أن يكون ذلك معبرا عنه شخصيا

________

نعود للتدوينة
هتفق معاك في البداية وارجع اختلف معاك تاني ^_^

هتفق معاك ان الزواج مسئولية وهموم وحياة تانية لكن دعني اقولك ان كثرة المشاكل وكثرة التداعيات المحيطة بنا بتكرث المعنى باستمرار عند كل الناس

حتى ناس كتير لسه مش اتجوزت ومقتنع يقينا ان الجواز ده هم ومسئولية

يعني هوا رافض فكرة الحب دي خالص من البداية

وعاوز اقول برضه من وجهة نظري الشخصية ان الحب والزواج مرتبطين ببعض مش حاجتين مختلفين عن بعض

لذا فقليل من الرومانسية يكفي للتغلب على معاناة وهموم الزواج
__________

دائما متميز يا سندباد
وفي انتظار كل ابداعاتك

تقبل مروري
Casper

هبة فاروق يقول...

تصويرك لحال فيس وعنترة وحسنين بعد الزواج جعلنى اضحك من قلبى لانى تصورتهم يلعنون اليوم الذى جعلهم يعرفون الحب
ويندمون على قولهم الشعر
افكار يوميات مجنون جميلة وطريفة احسنت يا سندباد الكلمة

ليلى الصباحى.. lolocat يقول...

السلام عليكم ورحمة الله

سندباد اول مرة ازعل منك (^_^)

ليه اخى طلعت كل الوحشين هم النساء
ليه ماتقول لو كان قيس ندل و بايخ وراح تزوج عليها فى شهر العسل مثلا وهكذا.... ليه دايما النساء هم اللى ممكن يكونوا مش كويسين :)

طيب خليها مرة علينا ومرة عليكم

تعرف يا أمجد الحب حب من اول يوم للخليقة الى الان
احنا بس اللى مش عارفين قيمته ومش عارفين انه وليد مشترك بين اتنين
وفى هذا الزمن المادى كل واحد بيدور على نفسه الاول ماعاد فيه مكان للتضحية والايثار

لكن احنا هنفنى وهيفضل الحب له معنى واحد فقط

(حب)

تحياتى لاعقل مجنون

جايدا العزيزي يقول...

سندباد

انا معك فى البدايه فلو ان الامر انتهى بالزواج كنا سنفتقد اشعار قيس وعنترة

بس لا اتفق معك فى احيازك للرجل

ذكرت عيوب ليلى وعبله ونسيت جوليت

حتى لبنه الجيران

ونسيت عيوب قيس وعنتر وصاحبك

فين سندباد اللى اعرفه وافهمه

ولا بس النساء هما من يشوهون الرباط المقدس

عايزة عدل سندباد وحكمته

ولا اطلب سوى ذلك

ومتنساش لولا ليلى وعبله

وعيونهم وحنانهم

ماكنش برده هيبقى فيه اشعار

صح

تحياتى

شهر زاد يقول...

سندباد الكلمة
تغيير جميل في طريقة كتابتك فيه مزيج من الحكمة والظرف والالم والفرح
اتعلم اننا نحن من افسدنا حقيقة الزواج لاننا نعتبره نهاية وليس بداية نعتبره خاتمة وليس مقدمة عندما نكتب الكتاب وينتهي شهر العسل نجمع الحقائب ونغلقها وبداخلها مشاعرنا الجياشة وأفئدتنا الملتهبة ولوعة حنينا لبعض
نعود لكن ليس لحياة الحب لان ما اردناه ملكناه بل نعود ونغوص في بحر الروتين ونستبدل الالقاب فيصبح الحبيب زوج وتصبح الحبيبة زوجة
ونستبدل باحة العشق بساحة حرب نتبارز على صولجان الحكم من سيقود من انا ست البيت ولا هو رجل البيت وتأتي الخلفة لتمم البقية وتخطف الحبيبة اسفة الزوجة من احضان حبيبها اسفة مرة اخرى الزوجة ويضيعان في دروب الروتين القاتل
فتصبح المشاعر ذكرى ويصبح الحب شاهد قبر
الخطأ خطأنا نحن لاننا ننسى المودة والرحمة ننسى الحب والالفة ننسى التنهيدات ونبضات القلب المتسارعة
نحن من نقتل الحب
نحن من ندمر الحياة الوردية
الزواج ليس مسؤولا
وسأكون أجن منك وأقول في هذه الظروف
نعم للحب
ولا للزواج
تحياتي
واسفة للتطويل

zikooooo يقول...

ههههههههههههههههههههههههههههههههههههههههههههههههههههههههه

بس يا عم مش كل الحكايات اخرها كده
ممكن يكون في حاجه كويسه
بس برده كل مره حواء هي السبب

زهرة نيسان يقول...

السلام عليكم ،

جميل التجديد والبعد عن الكآبة ،
تسلم أفكارك ..

عودة لليوميات ،
إذا فعلاً قصص انتهت بالزواج ولم يشيعوا سعداء ،
فهم بالفعل لم يعيشوا سعداء لفقدانهم أحبائهم ..

يسلم قلمك وفكرك ،
ودمت بكل خير ..

مصطفى سيف الدين يقول...

هههههههههههههه
اسلوبك رهيب يا صديقي
انت شايف ان الجواز نهاية الرومانسية وفعلا اكتر من 90% من الجوازات بتبقي نهاية زمن الرومانسية علشان كده تلاقي كل المتجوزين ينصحوا المخطوبين انهم يطولوا فترة الخطوبة علشان دي اخروقت ليهم برة السجن (قفص الزوجية)
بس تعرف يا سندباد اصعب حالة في التلاتة اللي عرضتهم حالة حسانين لانها الاكثر شيوعا في الستات الرغي بقي وفلانة راحت وفلانة جت ومين مش عارف ايه تقولش رويتر
في النهاية احب احييك علي الفكرة المجنونة الفانتازية اللي مش لازم تعبر عن افكارك وانا معاك كفاية ترسم بسمة علي الشفاة
اسلوبك رائع
تحياتي وتقديري

غير معرف يقول...

:))

حاشا وكلا يا سندباد

مكنوش هيتهنوا يوم واحد

وياريت الناس تاخد العظة من صديقك حسانين وحرمه زنوبة .

الابداع دايما بيخرج من المعاناة أنا كمان شايفة عنترة أصبح له كرش وحسانين بيشخر , وقيس بيصدر أوامره لليلاه :)

إيمان هلال يقول...

هههههههههههه
ايه التفرقه العنصريه دى طيب ليه ما تقولش ان ليلى اكتشفت ان قيس عنده مرض عقلى ، بزمتك فى حد بياكل القمر دا كلام "انت كده هتخوف القمر على فكره وهتخليه يطفش "
وعبله اكتشفت ان الحاج عنتر بخيل، فيها ايه يعنى تكون ايده فرطه شويتين ويفرجها عليها زى ما ربنا فرجها عليه الست عيزه تحسن من مستواها الاجتماعى دا حرام ولا حرام
ام صحبك حسونه دا فأمره عجيب لو سكتت هيقول عليها عندها بكم ولا اتكلمت يقول رغايه الست تعمل ايه تولع فى نفسها يعنى ولا تكلم الهوا

تفرقه عنصريه صحيح

Noha Saleh يقول...

متهيألى لو كانوا اتجوزوا ماكناش هنسمع عنهم اساسا

سندباد يقول...

صيدلانية طالعة نازلة
كنت متوقع طبعا هذه الهجمة من مدونات التدوين ولكن ياجماعة انا قلت ليكم الموضوع فانتازيا الجواب بيبان من عنوانه
دي يوميات مجنون
عايزين مجنون يقول ايه ويفكر ازاي
متشكر ليكي علي مرورك الدائم وتعليقك اللي دمه خفيف
تقديري واحترامي

سندباد يقول...

كارمن
متكشر ليكي ياكارمن علي مرورك الدائم وتعليقاتك الرقيقة دائما وربنا يقدرني واكون عند حسن ظن الجميع دايما
تقدير واحترامي
نورتيني

سندباد يقول...

عمرو يسري
صدقت ربما كنا سمعنا اشعار من نوع جديد عن الزواج والامه
متكشر ليك ياصديقي علي مرورك الطيب
تقديري واحترامي

سندباد يقول...

كاسبر
متشكر ليك ياصديقي علي تعليقك الراقي
انا متفق معك ان قليل من الرومانسية يجعل الزواج اكثر هدوءا وراحة ولكن هنا في هذه اليويمات ان تقرأ لمجنون له فكر خاص وفلسفة مختلفة وكما قلت لكم وكما قلت انت ليس بالضرورة انها تعبر عني وعن افكاري انا
شكرا ياصديقي
نورتني

سندباد يقول...

هبة فاروق
متشكر ليكي مرورك الدائم وتعليقاتك الراقية دائما وربنا يقدرني وافضل دايما عند حسن ظن الجميع
تقديري واحترامي

Unknown يقول...

مش عارفه ليه دائماً الرجال فاهمين ان مشكلة المرأه أو الزوجه الطمع و الرغي لأ طبعاً اللي بيقلل الرومانسيه بعد الزواج هو الرجل لأنها خلاص بقت في حضنه و مش محتاج يبذل مجهود عشان يعرف يشوفها و يكلمها مش محتاج يلف العالم عشان يرضيها و يعمل أراجوز عشان يضحكها عشان كده الرومانسيه بتتحول لتعود و الحب بيفضل موجود بس بياخد شكل تاني زي الايثار و التضحيه و الاهتمام
الموضوع جميل و طرحك رائع يا سندباد و أخيراً خفة دمك خرجت على الورق:))

تحياتي ليك و في انتظارك دائماً

سندباد يقول...

ام هريرة
ربنا ما يجيب زعل ياسيدتي ليه بس كده
الجواب بيبان من عنوانه
دي شوية فانتازيا للخروج من جو المدوين الكئيب وليست بالضرورة ان تعبر عن افكاري وفلسفتي
قليل من الالابتسام لا يضر
شكرا ليكي علي مرورك الدائم المستمر
تقديري واحترامي
نورتيني

سندباد يقول...

جايدا العزيزي
الامر ليس له علاقة بالتحيز نهائيا كل ما في الامر هو نوع من الخيال والفانتازيا وقليل من الفكاهة حيث ان المتحدث في هذه اليوميات هو مجنون
شكرا ليكي وعلي ثقتك وعلي مرورك الطيب
تقديري واحترامي
نورتيني

سندباد يقول...

شهر زاد التدوين
متشكر ليكي مرورك الدائم وتعليقاتك الراقية
وانشالله ربنا يقدرني وافضل دايما عند حسن ظن الجميع
تقديري واحترامي
نورتيني

سندباد يقول...

zikooooo
شكرا ليك ياصديقي مرورك الطيب
الموضوع كله علي بعضه فانتازيا والقادم فيه فاناتازيا اكثر واكثر
فانتظر ياصديقي
نورتني

سندباد يقول...

زهرة نيسان
صدقتي يافراشة التدوين قليل من الابتسام لا يضر
التغيير مطلوب احيانا
نورتيني
تقديري واحترامي

سندباد يقول...

مصطفي سيف
انت الوحيد ياصديقي اللي تقريبا فهمت الغرض من البوست
نوع من انواع رسم البسمة علي الشفاه
متشكر ليك ياصديقي مرورك الدائم وتعليقاتك الراقية
تقديري واحترامي
نورتني

سندباد يقول...

Samakafelmo7eet
قليل من الفانتازيا لا يضر الموضوع كله الخروج من نمط وروتين المدونة
تحياتي ليكي ولمرورك الدائم
تقديري واحترامي
نورتيني

سندباد يقول...

اعقل مجنونة
عنصرية مرة واحدة
الموضوع في منتهي البساطة الجواب بيبان من عنوانه
مجنون بيحاول يبقي فيلسوف يبقي توقعوا منه اي حاجة
تقديري واحترامي
نورتيني

سندباد يقول...

نها صالح
احتمال او احتمال كنا سمعنا عن نوع جديد في الشعر
تقديري واحترامي
نورتيني

شهر زاد يقول...

سندباد الكلمة
اسفة على التعليق مرة ثانية لكن عندي ملاحظة يا حبذا لو تاخذها بعين الاعتبار
اللون الاسود بتاع أرضية المدونة والله متعب في القراءة فيا ريت تسهل علينا وتفتحو شوي
وهو تغيير بقى زي التغيير في أسلوب الكتابة
أسفة للازعاج
تحياتي

سندباد يقول...

شهر زاد التدوين
للاسف انا اعشق اللون الاسود ربما لاني اري كل امامي سواد
معلش استحملي عشقي لهذا اللون
ولا داعي للاعتذار
دي مدونتك تدخلي في اي وقت
نورتيني

Mona Hekal يقول...

صباح الفل
معلش اتأخرت بس انت عارف رأيي من قبل النشر
اما عن تعليقي فمش عارفة خلاص اعلق اللي قابلي قاموا بالواجب و زيادة خصوصا علا
في انتظار الحلقة القادمة

سندباد يقول...

مني ابو السعود
صباح الخير
ايوة فعلا الكل قام بالواجب وزيادة خاصة علا هي اللي قادت الثورة النسائية ضدي
متشكر ليكي مرورك الطيب
تحياتي ليكي
تقديري واحترامي
نورتيني

حرّة من البلاد..! يقول...

سندباد
بجد هي أفكار مجنونة وطرح فكرة الحب والزواج بهذا الاسلوب رائع
بس بتعرف من الجيد انك زوجتهم في النهاية ولو انهم راح يطقوا من المشاكل على الأقل جمعهم سقف واحد بدل من الحقيقة حيث فرقتهم الأقدار على الأقل في جنونيات الرجل خاضوا التجربة
بس تصدق يبدو الأفكار المجنونة أعقل من الواقع المجنون الذي نعيشه
تحياتي لك يا ملك الابداع

Banota يقول...

ههههههههههههههههههههههههههه
مش حقول حاجه تانيه
كفايه اللى حصلك من اللى سبقونى
انت اللى جبت ده كله لنفسك

سندباد يقول...

بنوتة
فعلا اللي حصلي كتير اوي صراحة
شكرا لمروك الراقي الطيب
تقديري واحترامي

سندباد يقول...

حرة من البلاد
الفكرة كلها بتعبر عن عنوان البوست قليل من الفانتازيا لا يضر
متشكر ليكي مرورك الدائم وتعليقك الراقي
تقديري واحترامي
نورتيني

موجة يقول...

لاااااااااا
مجنون ايه
بعد الشر
بالطريقة دى احنا المجانين
اقولك
كل واحد ليه فلسفته اللى مؤمن بيها
وكل واحد بيشوف فلسفته هى الفلسفة الصحيحة للحياه وما دونها خاطئ وجنان
عشان كده بقولك بصراحة من كل اعماق قلبى
لست مجنون
تانى حاجة بقى ايه حكاية اشتعل الراس شيبا دى حسستنى انك عديت الستين ولا حاجة

موجة يقول...

اه ونسيت اقول
الحمد لله ان قصص الحب لم تنتهى بالزواج
لان الزواج كما قيل انه نهايه قصه الحب
وبدايه قصة الشقاء
من اراد الزواج عليه ان يجرب الحب قبلا ثم يتزوج من شخصا غيره
حفاظا على الحب

فارسه وجوادها يقول...

أعتقد أن هناك خطأ في النص

بدلامن أن تكتب في الضصحراء الواسعه يقف قيس امام ليلي كتبت عبله

قصص الحب هذه أوافقك فشلها وعدم وصولها لمرحله الزواج هو ما أهلب مشاعرهم فعبروا عنه بالكلام


ولكن القصه لم تكتمل بعد ...

ماذا لو أن قيس أحب ليلي واكتشف فيها أشياء لم يكن يراها قبلا

فزاد هذا من اعجابه أكثر

لكتب أكثر وأكثر


الجنون قد يكو ممتعا ولكن عواقبه وخيمه


ومن لاعقل في رأسه نتوقع منه اي شيء

سندباد يقول...

موجه
انتي الوحيدة اللي نصفتيني في البوست ده بعد الثورة النسائية اللي حدثت في المدونة ربنا يكرمك وتفضلي تدافعي عن كده علي طول
وبغض النظر عن اختلاف الاراء الموضوع كله بالنسبة ليا كان نوع من الفانتازيا والفكاهة والخروج من نمط الحزن في المدونة مش اكتر من كده
نورتي السفينة المجنونة
تقديري واحترامي

سندباد يقول...

فارسة بلا جواد
شكرا علي الملحوظة وتم تدارك الخطا
بالنسبة للبوست الفكرة كلها فانتازيا ونوع من انواع الفكاهة مش اكتر وليس بالضرورة انها تعبر عني
نورتيني
تقديري واحترامي

همزة يقول...

عنترة تزوج بالفعل عبلة وانقطعت اخباره بعدها :)

رشيد أمديون يقول...

أعجبني تفكيرك يا سندباد والله رائعة جدا، بعد الخيال عندك أتبث شيئا هو حقيقي فعلا.
مبدع حقا.

www.hams-rroh.net.tc
www.adwae.net.tc

سندباد يقول...

تايه وحيرانة
متشكر علي المعلومة الجديدة انا بجد ما كنتش عارفها بس ده يؤيد فكرة هذا الرجل المجنون
نورتي السفينة
تقديري واحترامي

سندباد يقول...

ابو حسام
متشكر ليك ياصديقي علي مرورك الدائم والمستمر
جزاك الله خيرا
نورتني
تقديري واحترامي

faroukfahmy يقول...

تصدق يا سندباد ان دمك شربات شربات طبيعى دون اضافة ولا فتفوتة سكر فتعليقك عن القصص القديمة قيس وليلى وغيرها اعدت صياغتها بالظروف التى نعيشها والمعانه التى نستقبلها كل يوم والمستحدثات التى تطل بوجهها القبيح كل يوم وارتفاع الاسعار الجنونى تناولتها ببراعة من وراء عين الخيال الى عين الواقع برافو عليك ساسندباد

سندباد يقول...

faroukfahmy58
متشكر ليكي ياصديقي تعليقك الرقيق جدا وربنا يقدرني وافضل دايما عند حسن ظن الجميع
ربنا يكرمك
تقديري واحترامي
نورتني

;كارولين فاروق يقول...

هههههههههه
لا انت مش مجنون ولا حاجه
يا اخي الشوق والبعد
في حد ذاتهم بيخلقوا الابداع في الشعر
والمعاناه في الحب يزيده ولا ينقصه
فهل رأيت زوج يكتب شعرا لزوجته
ممكن نلاقيه بس في
أفلام الكرتون
تحياتي

سندباد يقول...

كارولين فاروق
فعلا عند حق ياتي الابداع من رحم المعاناه ربنا يعفو عنا ويرحمنا
متشكر ليكي مرورك الدائم وتعليقاتك الراقية
تقديري واحترامي