الثلاثاء، 15 مارس، 2011

من يوميات مجنون - الإختراعات الحديثة

لقد قررت أن أُصبح مخترع!!! ولما لا؟ فتوماس أديسون والفريد نوبل وشين كونري ومانويل جوزيه ليسوا أفضل مني، ليس الأمر بهذه الصعوبة والحاجة أم الاختراع وأنا أُعلم ماذا يحتاج البشر، ولقد وضعت قائمة بالإختراعات التي سأقوم بإختراعها.

وأولي هذه الاختراعات قلب صناعي!!!! نعم سأخترع قلب صناعي وسأصنعه من حديد أو من نحاس وإن كنت أتمني أن أصنعه من صخر حتى لا يشعر ولا يحس ولا يحب ولا يحن ولا يشتاق، فقط يؤدي وظائفه الحيوية حتى نرتاح جميعا من عناء الحب والحنين والإحساس والإشتياق.

وثاني إختراعاتي جهاز كشف الأقنعة وسأحاول أن أجعله صغير الحجم سهل الحمل حتى نستطيع في أي وقت كشف الأقنعة التي إعتاد البشر إرتدائها أمامنا ليكذبوا ويتجملوا ويتفاخروا ليبهرونا ويخدعونا ويجرحونا.

وثالث إختراعاتي كرة قدم تعشق وتحب اللون الأحمر وتكره وتمقت وتبغض اللون الأبيض، لا تطيع إلا كل ما هو احمر فقط.

وبعد أن انتهي من كل هذه الإختراعات سأخترع لنفسي آلة سفر أنتقل بها إلي عالم أخر ليس به أحد أعيش فيه بمفردي.

فقط إدعوا معي أن يطيل الله في عمري حتى أنتهي من هذه الإختراعات .

هناك 36 تعليقًا:

أم هريرة (lolocat) يقول...

ههههههههه
هى بالفعل يوميات مجنون
لكن مجنون دمه خفيف
شين كونرى ممثل
مانويل جوزيه مدرب كره ما صلتهم يالاختراعات ؟؟؟؟ ههههه
ام تقصد شهرتهم

ثانيا من يريد ان يعيش بمفرده ما يشغله بالالوان


وبعدين جهاز كشف الكدب هينفعك بايه وانت وحدك


ههههه يا امجد والله ما نقدر نستغنى عن الناس برغم الزيف والاقنعة يوجد كتير صادقين ومن قال ان كل الناس هلكى فهو اهلكهم (( صدق رسول الله ))
الخير موجود والصدق موجود لكن العيب فى اختيارتنا احنا

ماتشغل بالك باللى بيلبسوا اقنعة وخليك مع الصادقين بس
لان الزيف عمره قصير ولابد ان الحق يطهر

فى النهاية يومياتك فعلا للمجنون بداخلك جميلة وفلسفية وانا كمان بحب اللون الاحمر للكرة هههه

تحياتى لك ودعائى بكل خير

زهرة نيسان يقول...

السلام عليكم ،

رااائعة بكل المقاييس سندباد ،
أطال الله عمرك لكي تتحفنا بالمزيد .

دمت بكل خير ..

;كارولين فاروق يقول...

طب ممكن لوسمحت
لوممكن يعني
تخترعلي آله للطبخ
اكتبلها ع الشاشه
الاكله اللي عايزاها
دون ان اضع بداخلها
اي حاجه تبقي عملت فيه معروف
ههههه بوست اكثر من رائع والله
ملئ بخفه الدم ويا ريت كان هناك
فعلا اختراعات زي كده عموما نشكر
الظروف انك موجود والبركه فيك

طب ممكن تعملي نسخه من اختراعاتك
بس خللي الاسعار كويسه بقي احنا
مدونين زملاء

carmen يقول...

يوميات متميزة من اشياء كثيرة تميزك سندباد
حقا قلم رائع وفكر راقي
تحياتي لك

مصطفى سيف يقول...

انا معترض انا زملكاوي
فكرة البوست هايلة ونبرة السخرية جميلة
انا زيك عايز الة زمن واسافر اعيش لوحدي
بس حكاية الاقنعة دي احلى حاجة الناس اللي بتلبس اقنعة صدقني لو شالوا الاقنعة مش هنستحمل قبح وجوههم
اما عن القلوب فرفقا بها بدون قلب انت ميت
تحياتي واشكرك

amiralcafe يقول...

ما نقدر نستغنى عن الناس

هبة فاروق يقول...

عجبتنى فكرة الاختراع وخاصة القلب الصناعى
وألة السفر ايضا نحن فى حاجة دائما الى الهدوء وان ننفرد بانفسنا فى مكان هادى بعيد عن البشر
لكن اختراع الكرة الحمراء يدل على انك اهلاوى صميم
يسلم فكرك يا سندباد الاختراعات

MTMA89 يقول...

ههههههههههه

كل اختراع بدأ من فكرة مجنونة.. و شد حيلك يا بطل..احنا معاك.. أنا عاوز واحد من جهاز كشف الأقنعة..


تحياتي

محمد
:)

من كل بستان زهرة يقول...

طيب ليه بس كده يا سندباد
ليه تخسر زباينك من اولها
ده انا كنت اول واحد هشجع اختراعاتك واجربها
ايه بقى لزمت الأختراع الثالث احمر ايه بس ودم ايه
الأبيض هو النقاء والصفاء
انا كده هقاطع كل اختراعاتك

سندباد يقول...

ام هريرة
متشكر ليكي جدا علي تعليقاتك المميزة دائما بارك الله فيكي
دايما المجنون فيلسوف وليه افكار مختلفة واهي وسيلة من وسائل التغيير في جو المدونة الكئيب
نقيدري واحترامي
نورتيني

سندباد يقول...

زهرة نيسان
متشكر ليكي جدا مرورك الدائم وتعليقاتك المميزة دائما ادام الله زيارتك لكلماتي المتواضعة
تقديري واحترامي
تحياتي

سندباد يقول...

كارولين فاروق
حضرتك تامري يافندم المجنون قبل ما يخترع الة السفر عشان يرحل هايعملك كل اللي تطلبيه من العين دي قبل العين دي
متشكر ليكي علي تعليقك المميز دائما
تقديري واحترامي

سندباد يقول...

كارمن
كلك ذوق ياكارمن التدوين متشكر ليكي جدا علي المجاملة الرقيقة دي
تقديري واحترامي

سندباد يقول...

مصطفي سيف
الاختلاف في الالوان ياصديقي لا يفسد للود قضية
متشكر ليك جدا مرورك الراقي دائما
وكويس انك متفق مع المجنون في بعض الاراء
تقديري واحترامي
نورتني

سندباد يقول...

امير
عندك حق بس لما يكون ناس بحق وحقيقي
تقديري واحترامي
نورتني ياصديقي العزيز

سندباد يقول...

هبة فاروق
متشكر ليكي جدا تعليقاتك المميزة دائما بارك الله فيكي
تقديري واحترامي
نورتيني

سندباد يقول...

محمد
لو تتبعت تاريخ الاختراعات فعلا هاتلاقي ان كل فكرة او اختراع كانت بتتقال عليها في الاول انها فكرة مجنونة
وبيني وبينك الحياة كلها جنون في جنون
نورتني ياصديقي
تقديري واحترامي

سندباد يقول...

من كل بستان زهرة
الاختلاف في الالوان لا يفسد للود والاختراعات قضية
متشكر ليكي جدا علي تلعيقك المميز
تقديري واحترامي
نورتيني

دعاء العطار يقول...

ههههههههههه

لاء بجد نفسى فى قلب صناعى ده

لما تخترعه ابقى قول عشان هكون اول حد اشتريه

حلوه فكره البوست

(:

سندباد يقول...

دعاء العطار
غالي والطلب رخيص اكيد هاقلك
متشكر ليكي جدا مرورك وتعليقك الراقي
تقديري واحترامي
نورتيني

زهرة نيسان يقول...

لينك المدونة الجديد \

http://engmenna91.blogspot.com/

حرّة من البلاد..! يقول...

أخي سندباد
والله هذه الاختراعات لن تسعفك من الهروب من واقعك وشعور الوحدة قاتل
بس بيقى فكرك واختراعاتك جميلة كلنا نتمنى ان تكون ولكنها المستحيل
دمت بخير
تحياتي

سندباد يقول...

زهرة نيسان
مبروك وشكرا لاهتمامك

سندباد يقول...

حرة من البلاد
متشكر ليكي جدا تعليقك المميز دائماكلها محاولات للالتفاف حولين الوحدة والشعور بالغربة وانت بين اهلك وفي وطنك
تحياتي لمرورك
تقديري واحترامي

موجة يقول...

هههههههههه
يديك ويدينا طوله العمر
خلينى اكمل معاك يومياتك واقولك انى هتبنى اختراعك بتاع جهاز كشف الاقنعة
وانا اللى همولك الاختراع من حيث كل حاجة
شوفت فيلم ليله سقوك بغداد
انا بقى هوفر لك كل حاجة المسكن والملبس والماكل (مارونجلاسية) والمشرب ( سجاير وحشيش والخ الخ الخ) ومزه حلوة كمان
المهم فى النهاية ناخد النتيجة ونلبس القناع
اقصد نحصل على جهاز كشف القناع
ابهرتنى بفكرة بوستك النهارده

♥نبع الغرام♥♪≈ يقول...

هههههههههههه

دمك زى العسل والله

جميله اوى المدونه والبوست دمة خفيف
تقبل مرورى
الاول وليس الاخير

سندباد يقول...

موجة
بارك الله فيكي ياموجة ادي الناس الوطنية اللي يهمها مصلحة البلد وتقدر عقول العلماء
وانا مستعد للتبني ده ربنا يخليكي لمصر
متشكر ليكي علي تعليقك المميز دائما

سندباد يقول...

نبع الغرام
متشكر ليكي جدا علي مرورك الاول وليس الاخير انشالله
ومتشكر علي تعليقك الرقيق
دمتي بخير
تقديري واحترامي
نورتيني

mrmr يقول...

فكره الاختراعات دى جديده وجميله انا اويد لك الاختراعين الاولين
لكن الثالث فانا ماليش فيه يعنى مش ح ادعمك باى حال من الاحوال
وابقى خليلى مكان فى مدينتك الجديده نبنيها نحن معشر الشباب ونعيش فيها بعيد وبهدوء

تحياتى للمخترع الحديث

سندباد يقول...

مرمر
متشكر ليكي جدا تعليقك اللذيذ المميز دائما ادعي بس ربنا يدي للمجنون طولة العمر عشان يخلص الاختراعات دي
تقديري واحترامي
نورتيني

أبو حسام الدين يقول...

صديقي السندباد
كثيرة هي اللحظات التي أتأمل فيها المجانين وأقول كيف يفكر هؤلاء لدرجة أن صديقا لي قال لي مرة أنظر لهذا المجنون إنه وحده من وصل للحقيقة..
ربما المجنون له نظرته الخاصة وعقله بالتحديد هو آلة الزمن لأنه يحيا عالما غير عالمنا ويخترع أشياء يراها هو وحده..

موضوعك جميل به نكهة لطيفة من المرح أشكرك عليها حقا، لكن هذا لا يعني أنه فلسفي شيئا ما.
تحيتي صديقي.

سندباد يقول...

رشيد
ياصاحبي لا ادعي فلسفة ولا انا صاحب نظريات ولكني اكتب ما اشعر به فقط ربما يوميات مجنون بالذات لها طبيعة خاصة عندي لانها لا تعبر عن السندباد وانما هي مجموعة اضغاث احلام لا اكثر
تقديري لتعليقك المميز دائما
تحياتي الخالصة

فيلسوف زمانه يقول...

ههههههههههههه
ياريت تبدأ بالاختراع بتاع الكرة التى تعشق كل ماهو احمر دا هيكون اختراع تحفة
ربنا يديك طولة العمر
وياريت لو فيها تقل دم تخترعلى طابعة افكار بمعنى لما بتكون الفكرة جيالى مجرد مبفكر فيها تطبع وتتكتب لوحدها وانا بفكر مش عارف وصل طلبى ليك ولا لا
وياريت تشرفنى فمدونة اهل الحب
http://www.lovecity2000.blogspot.com/

سندباد يقول...

فيلسوف زمانه
متشكر ليك ياصديقي علي تعليقك اللذيذ فهمت ياريس طلباتك وهاوصي المجنون يبدا يفكر ويشتغل
نورتني

فارسة بلا جواد يقول...

فعلا اختراعات رائعه ولكننى ادرك أن القلب الذي وهبك اياه الخالق افضل بكثير من قلب تصنعه بيديك ربما تفكر أن تجعل هذا القلب لا يتألم ولايعرف سوى أن يحب ويحب

ولكن

سيمل هذا القلب ليشتاق الى الحزن , الألم , لانهما ما يعطيان للحب معنى


اختراعاتك المجنونه ربما تشتاق الى العقل

سندباد يقول...

فارسة بالجواد
متشكر ليكي علي تعليقك المميز لكل رايه وافكاره ثم لا تنسي ان المتحدث هنا مجنون
تقديري واحترامي