الجمعة، 27 أبريل، 2007

الانفصال

كنا نتلاقي لكي تجتمع كفانا كنت اشعر بان الكرة الارضية قد استقرت في عينيها واني انظر الي كل نساء العالم ، اثني عشر عاما من الحب ولن ادعي اني ملاك او بلا اخطاء ولن اقول انها كانت شيطان كلا انها اولا كانت حبيبتي والان ام اولادي ، كنت شديد الرومانسية وكانت شديدة الواقعية وليست الرومانسية عيبا وليست الواقعية خطا ولكن تخيلوا بانني كنت اتعامل معها بقلبي وتتعامل هي معي بعقلها هنا حدثت الفجوة وانا اخطات بانني حسبت بان الحب وحده هو العلاج ولكن الحب وحده لا يكفي فهو كائن مثل بقية الكائنات محتاج من يرعاه وينميه فظللنا نبتعد ونبتعد وانا معتمد علي الحب كخط دفاع حتي فقدت هي الاحساس بي وبمشاعري وانا انشغلت مثلي مثل بقية الرجال بجمع المال وتوفير الحياة الكريمة لها ولاطفالي وقد نجحت في هذا لحد بعيد ومع ذلك لم يكن انشغالي اهمال حتي لا يفهمني احد خطا ، وعندما حاولت الاصلاح والتقرب والاحساس بان هذا البعد قد قضي علي الحب بدات في اعادة الحسابات وتغيير اسلوب حياتي حتي تشعر بي مرة اخري ولكنها كانت اخذت قرار بالبعد وعدم التسامح وعدم الحوار وفقدت الاحساس وعندما ذكرتها بالحب والمشاعر وليالينا الجميلة ضحكت وكانها ضحكة سخرية بمعني انت لسه فاكر وتحول الامر من الحفاظ علي استقرار العلاقة وهدوئها الي الحصول علي اكبر المكاسب المادية وظل عقلها صلبا عنيدا بانني بدات بالبعد فليكتب عليا الحرمان الي الابد وامعانا في الحرمان ساطلب منك الطلاق رغم اعترافها امام الجميع باني موفر لها الاحترام والرفاهية وبناء علي رغبتها القوية وهذا الاصرار العجيب تم الانفصال بهدوء واحترام وبطريقة حضارية وحصلت علي حقوقها الشرعية وغير الشرعية بالكامل .
والان بعد ان تم الطلاق بهذه الطريقة الحضارية هل هذا هو الطلاق الناجح ؟
صدقوني انا الان انظر في عيون اطفالي فاشعر بالخوف ليست هذه عيناهم التي كانت مليئة بالفرح والشقاوة ابنتي اربع سنوات قالت لي يوما " لو ماما مزعلاك سامحها علشان خاطري " وابني يقول لي " عايز اعرف انت ليه قاعد عند تيتي وسايبنا " بالله عليكم ماذا اقول وماذا افعل هل هذا هو الطلاق الناجح اين النجاح هنا
اعتذر ولكن لا يوجد طلاق ناجح طالما ان النتيجة هي خسارة وقتل براءة اطفالنا ولقد اعجبني قول ياسمين ( ايه المانع من استمرار حياة طالما فيها احترام؟ ) لماذا نصر علي اشياء تقتلنا لماذا نحرم ابنائنا من العيش والاستقرار بيننا طالما ان الاحترام موجود ومتطلبات السعادة والامان موجودة اذا كان الله سبحانه وتعالي قد حلل الطلاق فقد حلل اشياء اخري حرام في حالة الضرورة فلماذا نستغل حلال الله في قتل قدسية الزواج ياصدقائي اننا نفقد كل يوم جزء من المجتمع بسبب الطلاق بالله عليكم ايها الاباء والامهات ارحموا اولادكم لا تاخذكم العزة بالاثم ارحموا انفسكم الدنيا ابسط من كل هذه النزاعات والمهاترات عودوا الي الله راعوا الله في علاقتكما استريحوا من العند استرجعوا ايامكم الجميلة تحاورا تناقشوا افتحوا القلوب غيروا من انفسكم وتذكروا قول الرسول صلي الله عليه وسلم " الصابرة علي اذي زوجها لها اجر السيدة آسيا امراة فرعون والصابر علي اذي زوجته له اجر سيدنا ايوب "
صدق رسول الله صلي الله عليه وسلم

هناك 12 تعليقًا:

reri يقول...

الطلاق بالتأكيد تجربه مريره ... سواء للرجل أو المرأه وبالذات المرأه... الأطفال هم الضحايا.... أنا معك أن الإحترام يكفي للإستمرار... الحب الملتهب تخفت حدته بعد الزواج... يتحول لصور أخري وهي الرحمه والموده.... أي ما نسميه الإحترام.... الطلاق يكون حلا وأفضل إذا ضاع الإحترام ويصبح هو الحل حتي ينشأ الأطفال لا يعانوا من عقد نفسيه نتيجه للمعامله السيئه بين الرجل وزوجته... في تلك الحاله يكون الطلاق أفضل حل... ويظل دائما هو الحل الأخير...في حالتك لا أري أن ما سردته سبب قوي لطلب زوجتك الطلاق.... حاول الإصلاح إن كان ممكنا.... تمسك بفرصه أخري لبدايه جديده من أجل الطفلين.... ربنا يسعدك ويسعدها وينجي أطفالكم من تحمل آثار تجربه لم يكن لهم يد بها

تحياتي ليك

sendbad يقول...

ريري
شكرا لمرورك ومتابعة الفكرة وشكرا لنصحيتك انا دايما بقول في اي حاجة ان لسه في امل

واحدة من الناس يقول...

سامحنى لو كنت هابقه قاسيه أو حكمى جائر الطلاق فى وجود الأطفال مش خطأ ده جريمه ذى ما انت قلت يكفى الإحترام ده بس الشىء الوحيد الذى اذا ضاع فالطلاق فيه مكسب وعشان الأطفال برده

sendbad يقول...

واحدة من الناس
فعلا جريمة في ناس ممكن تدفع عمرها كلها علشان تشوف ابتسنامة طفل صغير واحنا علشان انانيتنا بنرفض نعمة ربنا انما قدر الله ما شاء فعل محدش عارف الخير فين شكرا للمتابعة وارجو الاستمرار

ياسمين يقول...

أشكرك جدا جدا يا سندباد لأنك بدات بالفعل فى المشاركة
ومعلش على التأخير بس كان عندى شوية مشاغل كدة هبقى اقولك عليها فيما بعد وهى برضه بتخص الموضوع اللى بنكتب فيه وبنعيش فيه

وهتعذرنى لما تعرف
أنا هأرجع وأقرا البوست بتمعن وأعلق عليه
أشكرك تانى بجد
انت انسان عظيم
تحياتى
وجاية تانى بعد ما ارجع من الشغل
يا ريت تخلى التعليق فى صفحة بدل الشباك الصغير دة عشام بيتعب قوى فى قراءة التعليقات الأخرى لما يتزيد شوية
معلش تقلت عليك
سلام مؤقت

sendbad يقول...

ياسمين
شكرا علي مرورك كنت محتاج اسمع تعليقك بجد
علي فكرة انا مستمع جيد جدا وانشاء الله تبقي الامور علي مايرام

ياسمين يقول...

بصراحة كدة القصة ناقصة يا سندباد
فى حلقة مفقودة
عندى شوية اسئلة ممكن تساعد
أولا .. بقالكوا كام سنة مطلقين؟
ثانيا .. ما هو سن كل منكما؟
ثالثا .. كم عدد الأبناء وأعمارهم؟
رابعا.. ما هى مهنة كل منكما؟
خامسا.. هأخلى خامسا بعد أن أتلقى الرد
وان كنت أعتب عليك أن بوست بهذه الأهمية يقعد يومين بس وينزل بعد بوست تانى
كان لازم تسيبه شوية عشان الناس تشوفه وتديك راى فيه
تحياتى ومستنية ردودك

ياسمين يقول...

البوست أنا حطيته فى قائمة أحلى البوستات عندى فى المدونة

sendbad يقول...

ياسمين
فعلا في حلقة مفقودة انا لحد دلوقتي مش
عارف ايه هي
وبعدين متنسيش ان في تفاصيل كتير انا مقلتهاش وده طبعا علشان مينفعش تتقال علي الملاء نيجي للرد علي اسئلتك احنا انفصلنا 15/2/2007
انا 35 وهي 31
عندي عمر 7 سنين وروان 4
انا بشتغل اخصائي قانوني في المحكمة وهي مدرسة
بالنسبة اني نزلت البوست التاني بسرعة فعلا عندك حق
وسيراعي ذلك مستقبلا
مستني ردك

ياسمين يقول...

سندباد
لو عاوز تصلح الأمور
ممكن نتكلم على الماسنجر
ونحاول معا ايجاد الحلقة المفقودة
يمكن الدايرة ترجع تكمل تانى
ممكن تضيفنى عندك
هتلاقى ايميلى على البروفيل بتاعى
تحياتى

Shiko يقول...

سندباد
مش هقولك الله يكون فى عونك وفى عون زوجتك لانكم قادرين على تدبر اموركم
انما من يحتاج الدعاء لهم بجد هم الاطفال الابرياء اللى مالهمش ذنب بينكم
عزيزى كان لابد من التأكد من التوافق بينكم من قبل ان تكمل اجراءات الزواج
اما وقد وقع الفاس فى الراس فكان لابد من محاوله تقريب وجهات النظر ولو حتى بتدخل ذوى الكلمة المسموعه لدى زوجتك
انما تسرعت فى الزواج وايضا تسرعت فى الطلاق

غير معرف يقول...

انا حقولك على حاجة انا عندي مشكلتك بس عكسية انا رومانسية وهو عملي

وبفكر في الطلاق فعلا بعد حوالي 12 سنه واعمارنا متقاربة ليكم وعندنا ولد واحد بس اللي عايزة اقوله اني حطق لو كملت هيك ومش مهم لو في اولاد كل اللي بيردوا بيقولوا ان اللي بيطلق اناني
بس هو كمان انسان وعنده قدرة معينه على التحمل
وهم مش مجربين العذاب
برضه اللي بيغلط مرة في الاختيار مش لازم يدفع عمره كله وهو يسدد التمن

انا لسه بحيرة من امري وانت حيرتني اكتر
ايه رايك دلوقت بعد كم شهر ممكن تساعدني؟

وحدة حيرانه