السبت، 21 أبريل، 2007

متزعليش


متزعليش
متزعليش مني يامصر لما اقلك اني راحل
ده حتي وانا بعيد بنتواصل
مش بايدي غصب عني لما ببعد
اصلي لو قعدت مش هاسكت
وانتي عارفة الكلام عندنا مش بالساهل
خايف ! ايوة خايف
خايف اكرهك مش عايز اخسرك
وانا شايف ولادك بيهدوا حيلك
بيبعوكي وياكلوا خيرك
ومفيش عدل ولا فيه حد عادل
السكة طويلة ! ايوة عارف
وانتي صابرة ؟ طب ما انا صابر
قاسي ! لاء ياحبيبتي مش قاسي
انا مش بهرب صدقيني
انا عايل الهم وشايل
متزعليش مني يامصر اعمل ايه
عايز اموت فيكي وشرهم مانعني
عايز اشوفك حاجة تانية بس مقيدني
طب قولي انتي اقعد ولا ارحل
حتي الاجابة مش طايل

هناك 4 تعليقات:

Casper يقول...

والله يا باشا كلام جميل بس المفروض احنا اللى نزعل مش هى

صاحب البوابــة يقول...

راااااااائع

تحياتي

sendbad يقول...

الي صاحب البوابة شكرا لتشجيعك

yasmeen يقول...

جميله اوووى