الأحد، 22 أبريل، 2007

ازاي انوح


بصراحة والصراحة راحة
الحكاية عايزة نواحة
تنوح وتلطم علي الخدود
في كل بيت من البيوت
اصلي الحكاية باخت
والهموم طالت وزادت
والعصابة قاعدة علي الكراسي
كل واحد ماسك شمسية
قال ايه خطط خمسية
الناس دي مش بتتكسف
ولا البلد بقت مهلبية؟
بصراحة والصراحة راحة
انا تعبت من الكلام
والدنيا بقت زحام
واللحمة بقت حرام
وقال ايه شفافية
قوانين ترزية
ياخسارة الحرية
بجد مش هزار عايزين الصراحة
الدنيا بقت ضلمة
والناس ضربت لخمة
وهما عندهم تخمة
مش بقلكم عايزين نواحة
حد يعرف مكانها ؟
حد يدلني عليها
حد يقولي وانا اروح
تعلمني ازاي انوح

هناك تعليقان (2):

Casper يقول...

يا معلم والله يا باشا فكرتنى بايام زمان
قول يا باشا واشجينى قول كمان
:)

sendbad يقول...

دايما رافع من روحي المعنوية ياكاسبر ميجيش من بعد اعاصيرك