الثلاثاء، 22 مايو، 2007

مدوناتي



مدوناتي ليلاتي افضل الف وادور شمال ويمين

اشوف الحلو والوحش اكتب واعلق بكلام ثمين

مصري وكل همي اعليها واصحصح النايمين

كلمتي سيف علي الظالم وايد تمسح دمع الحزين

عشق وغرام للعشاق ودواوين غزل للحلوين

اداوي الناس وانا قلبي جواه جرح وانين

صابر وطول عمري راضي ادعي واقول آمين

هناك 43 تعليقًا:

صاحب البوابــة يقول...

يسعدني أن اكون اول من يعلق على شعرك اللذيذ

بالفعل لقد أصبحت ياعزيزي من أصدقائي المفضلين

الذي اتفحص وجود اسمائهم في قائمة المعلقين عندي

تحياتي لك وأرجو الا تحرمنا الاقدار من التواصل معك دائماً

وبالفعل انا أشترك معك في حب تلك البلاد

تحياتي ياصديقي الدائم

Casper يقول...

مدوناتى معاك
يا سلام يا باشا قول كمان وكمان

قلمي الحر يقول...

السلام عليكم
شكرا على زيارتك ..وشعرك حلو جدا ..وانا موافقة ويسعدني أن أكون من أصدقائك المدونين

LAMIA MAHMOUD يقول...

لذيذة

Hannoda يقول...

آمين

جميل إنك تلاقي مساحة ترمي فيها حزنك فيتقسم على كتير و يهون

ومساحة تتعلم فيها إزاي تفهم الناس قوي عشان يفهموك قوي

ومساحة عشان تهتم بالناس قوي عشان يهتموا بيك قوي

و في النهاية مش حاتهتم غير باللي قال كلمة تمس الحق و الجمال و الحزن

لإنهم وقود الروح اللي دايما بندور عليها

تحياتي لشعرك الخفيف الجميل

ياسمين يقول...

اداوي الناس وانا قلبي جواه جرح وانين

اجمل بيت فى القصيدة

حلوة قوى يا سندباد

Diyaa' يقول...

حلوة التنويعة علي المسحراتي
جميل يا سندباد التدوين :)

على الطريق يقول...

مدوناتي هايل .. لكن هل ستظل جرعة الحزن هده ملازمة لكل حروفك؟ .. وسيظل اللون الأسود ملازم لخلفية كل مواضيعك؟ ..

المغامر سندباد يجوب مدن العجائب والألوان .. وليس قارورة الأوجاع والأحزان

تحياتي وأمنياتي بحياة جديدة مشرقة

أميرة

أيامنا الحلوة يقول...

النفس المجروحة يجب ان تحب نفسها وتداويها اولا ثم تداوي الاخرين .. عزيزي سندباد كلماتك جميلة جدا ورقيقة

تحياتي

قلوب حائرة يقول...

عزيزي السندباد ما اعذبها من كلمات تعبر عن شجن يدور عن نفس كاتبها اتمني ان يكون لهذا الشجن من سبيل ليحل محله كل خير

shermen يقول...

الله
والله كلامك حلو

reri يقول...

ده حال كل المدونين
حالنا هو حالك
ممكن نكون مجروحين ونشتغل نصايح عشره علي عشره

سلامااااااااااااااااات

gohayna يقول...

عالم المدونات دا جديد بالنسبه ليا
بس صدقني بقي حاجه اساسيه في حياتي

مقدرش اعيش من غير الناس الي عرفتهم

صحيح بتفصلنا اجهزه واسلاك
وكل واحد بيكتب مجرد حروف بيتواصل بيها مع الاخرين

لكن التواصل دا عجيب جدا يا اخي
بنحس اننا نعرف بعض من زمان اوي

بجد بيهون كمتير علي الواحد

جميل جدا كلامك وبيني وبينك انا عجبني احساس الحزن الي عندك
احساس حزين برومانسيه مش جاف يعني

وبتمنالك من كل قلبي تتهنا في حياتك وتعيش في اجمل اللحظات علي الدوام

تحياتي يا عزيزي

.:.-=- ELGaZaLy-=-.:. يقول...

مغنواتى؟؟

همممممممممم

على نفس وزن كلمات جاهين بس حلوة بجد

تحياتى اليك

sendbad يقول...

صاحب البوابة
اصدقك القول باني بعتبرك صديق ويسعدني جدا اسلوبك ومبادئك وربنا يجمعنا في الخير وعلي الخير انشاء الله

sendbad يقول...

كاسبر
مهما قلت مش هاقدر اوفيك قدرك انت اللي دخلتني عالم التدوين وساعدتني بروح جميلة ووقفت معايا كتير واستحملتني اكتر مش هاقولك اكتر من اني ياخي احبك في الله شكرا

sendbad يقول...

قلمي الحر
سعدت جدا بتواصلك وسعدت اكتر بتعليقك الرقيق وربنا يقدرني واكون عند حسن ظنكم جمعيا
شكرا جزيلا

sendbad يقول...

لمياء
انتي اللي لذيذة شكرا علي تواصلك وتعليقك خاصة اذا كان من انسانة فاهمة يعني ايه معني الكلمة
تحياتي

sendbad يقول...

هندودة
ايه الكلام الجميل ده ربنا يبارك فيكي رقتك بتاسرني متشكر اوي
تحياتي

sendbad يقول...

ياسمين
استاذتي وملعمتي من بعض ما عندكم وجودك في مدونتي بقي شئ اساسي عندي شكرا

sendbad يقول...

ضياء
سندباد التدوين احساسك بفكرتي المتواضعة بيقويني ويديني القوة والاصرار علي الاستمرار فيما بدات فيه
تحياتي

sendbad يقول...

اميرة علي الطريق
مش قادر اتخلص من لمحة الحزن اللي جوايا وكانها بقت صاحبتي انما احساسي بان لسه في خير في الدنيا ولسه نقدر نعمل حاجات كتير بيديني امل تحياتي وامنياتي للجميع بغد مشرق
شكرا

sendbad يقول...

ايامنا الحلوة
صحيح فاقد الشئ لا يعطيه انما احيانا ممكن نيجي علي نفسنا علشان نسعد غيرنا شكرا علي التواصل وياريت دايما

sendbad يقول...

قلوب حائرة
متشكر علي كلامك الرقيق ربنا يسمع منك ويقدرني دايما اني اكون عند حسن ظنك وظن الجميع
تحياتي

sendbad يقول...

شيرمين
شكرا علي ذوقك اسعدني تواجدك في فكرتي المتواضعة بارك الله فيكي

sendbad يقول...

ريري
ربنا يشيل جرحنا ويصبرنا شرفتيني جدا
تحياتي

sendbad يقول...

جهينة
كلامك واهتمامك بيسعدني جدا وفعلا رغم اني مبقليش الا شهر تقريبا في عالم التدوين الا انني وكاني اعرفكم من زمان ومقدرش يعدي عليا يوم من غير ما اكون قدام الجهاز متشكر عي ذوقك وكلامك الجميل وربنا يقدرني واكون دايما عند حسن ظنك وظنكم كلكم
تحياتي ليكي جدا جدا

sendbad يقول...

الغزالي
نورتني وشرفتني وياريت دوام التواصل
شكرا

yasmina يقول...

عاوزه ااقولك
بكلامك الحلو مخلينا مبسوطين

بيعجبني قوي استرسالك الحلو فالكلام ده
وحبك لمصر الي باين وسط السطور فمعظم
كتاباتك

شدتني قوي الكلمه دي
اداوي الناس وانا قلبي جواه جرح وانيني فكرتني بحالي شويه

ياسمين يقول...

جيت بس أسلم واشوف يمكن فى بوست جديد
تحياتى

sendbad يقول...

ياسمينا
متشكر علي ذوقك وزيارتك وان شا الله ربنا يوفقني واخليكم دايما مبسوطين ومعلش الحزن ان كان هايجي بعده فرح ويخلينا نحس بطعمه يبقي اهلا وسهلا واذا كان حزننا هايخلي حبايبنا مبسوطين فمرحبا به
تحياتي

sendbad يقول...

ياسمين
سلامك وصل وانشاء الله البوست الجديد علي وشك شكرا لاهتمامك

الدمعه يقول...

كلامك جميل بس حزين اوي ليه كدة اكيد في اشياء كثير جميله يا ريت تنظر للحياة بنظرة اخرى فيها امل
طبعا واكيد شعر جميل وبوست رائع
تحياتي

sendbad يقول...

الدمعة
ياعزيزتي كل شئ بقدر الحمد لله علي كل شئ ، اسعدني زيارتك واسعدني اطراءك وانشاء الله اكون عند حسن ظنك
تحياتي

Lemonada يقول...

انت مش وحيد على فكرة كلنا معاك :)لو حسيت بالوحدة كلنا بنحس معالك ولو حزنت كلنا بنحزن ولو حبيت كلنا بنحب

كلامك بأثر في اي بيدخل المدونة بتاعتك وببقى مدمن عليها.

Lemonada يقول...

على فكرة نسيت اقولك
شوف المدونة بتاعتي
نزلت في قوس قزح شعور غريب 3
و في ليمونادة نزلت حاجة جديدة برضو

sendbad يقول...

ليموندا
حقيقي مش لاقي كلام اقوله انما انا فعلا محظوظ اني عرفتكم وانتميت ليكم ربنا يبارك فيكي وفي كل الناس اللي بتقدر احساس الاخرين وبتشاركهم افراحهم واتراحهم ودلقوتي علي طول هادخل مدونتك تحياتي

نقطة مية يقول...

تحياتي لقلمك المبدع

sendbad يقول...

نقطة مية
شكرا وتحياتي ليكي ايضا لاهتمامك بزيارتي

قناوية تعشق أسيوط يقول...

ازيك يااسيوطي


بمناسبة كل الكلام الجميل اللي قلته
نفسي اقولك اني مش بدخل المدونة كتير
لاني خايفة ادمنها

لاني حاسة ان معظم المدونين مدمنين
لمدوناتهم
ومتجوزين المدونة لوعزاب

وانا خايفة ابقي كده
لاني بحس انكلام المدونين طالع من القلب للقلب

ربنا يوفقنا كلنا

sendbad يقول...

قناوية
شكرا علي زيارتك وفعلا اننا بقينا مدمنين للتدوين لانها بتخلينا نتكلم ونعبر ونقول كل اللي في نفسنا نوع من انواع الحرية اللي فيها ابداع شكرا علي زيارتك مرة تانية واسيوط تتشرف بيكي
تحياتي

Ebtsam يقول...

رائع واجمل ما فيه تناغم كلماتك وتنويع مفرداتك
احييك

sendbad يقول...

ابتسام
تحياتي وشرفتي مدونتي