في ذكري نكسة الدول العربية
بسبب وكسة رؤساء الدول العربية
اليكم هذه المرثية بالعامية
ايها الشعب
غصب عنك هاحكمك
واطلع عينك واشكمك
وان اعترضت هاشتمك
ولو زودتها هاحبسك
ويمكن كمان اعبطك
ايها الشعب
انت شعبي انا
وانا اللي بحكم هنا
ومفيش غيري انا
علي قلبك ميت سنة
انا الجمال والعلاء والسوزنة
ايها الشعب
انا ومفيش قدي
قاعد علي الكرسي لوحدي
وماليكش حاجة عندي
دانا ومفيش بعدي
وان مت هيجي ولدي
تحديث
وصلني ايميل من صديقي العزيز كاسبر فيه ابيات جميلة لصديقة عزيزة وطلب مني ان انشرها في فكرتي وطبعا كلام كاسبر اوامر خاصة بعد ما قريت الكلام عجبني وحسيت فيه حاجة حلوة فقلت مستناش انزلها علي طول وياريت تقولوا رايكم
جاءنى
جاءنى ليقول انه لم يحب غيرى
ولم يسمح لنفسه ان يستريح الا على صدرى
ولم يسمح ليد تمسح دمعه الا يدى
جاءنى نادما على كل لحظه عاشها فى بعده عنى
جاءنى راجيا وجودى فى حياته
جاءنى نادما راكعا طالبا العفو والمغفره
فهل اقبل ..اه كم يؤلمنى توسله
لا...لا يا حبيبى
قف ...لا تركع امامى
لا تستجدى منى العطف
فانا ملكك مهما كان
وانت طفلى ...فكيف اتبرأ منك
فها انت تطلب منى الرحمه
وها انا اطلب منك الرجوع
وصلني ايميل من صديقي العزيز كاسبر فيه ابيات جميلة لصديقة عزيزة وطلب مني ان انشرها في فكرتي وطبعا كلام كاسبر اوامر خاصة بعد ما قريت الكلام عجبني وحسيت فيه حاجة حلوة فقلت مستناش انزلها علي طول وياريت تقولوا رايكم
جاءنى
جاءنى ليقول انه لم يحب غيرى
ولم يسمح لنفسه ان يستريح الا على صدرى
ولم يسمح ليد تمسح دمعه الا يدى
جاءنى نادما على كل لحظه عاشها فى بعده عنى
جاءنى راجيا وجودى فى حياته
جاءنى نادما راكعا طالبا العفو والمغفره
فهل اقبل ..اه كم يؤلمنى توسله
لا...لا يا حبيبى
قف ...لا تركع امامى
لا تستجدى منى العطف
فانا ملكك مهما كان
وانت طفلى ...فكيف اتبرأ منك
فها انت تطلب منى الرحمه
وها انا اطلب منك الرجوع
هناك 72 تعليقًا:
انا ومفيش بعدي
ولو مت هيجي ولدي
ياااااااااااااااااااه علي الحقيقه لما تكون مره علقم
مساء الخير اولا
ازيك ثانيا
ثالثا بقي
كلامك فكرني باحمد فؤاد نجم
واسلوبه الساخر
وكلامه الي في الصميم
حقيقي هو لما حسني يموت علاء هيورثنا ولا ايه؟
انت رأيك ايه
انا خدت تاكسي وجيت لوحدي
وربنا ستر ما لقتش حد معلق
قولت اعلق براحتي بقي
تحياتي يت عزيزي
كلام فى الصميم جه فى البطحة فعلا
خش على الايميل ياعم انا بعتلك ايميل النهاردة وايميل من كام يوم ونسيت اقولك
عزيزتي جهينة
دايما آسرني بذوقك ربنا يخليكي تخيلي مش انتي بس اللي قلتي ان البوست ده يشبه كلام احمد فؤاد نجم بس والله انا بكتب اللي بحس بيه مش اكتر يعني مش اقصد ان الكلام يطلع كده علي العموم اللي يهمني انه يعجب الكل وشكرا علي انك اول تعليق
تحياتي ياعزيزتي
كاسبر
نورت فكرتي ياعزيزي ايه رايك انفع اكتب
مش ممكن انت رهيب بجد
تصدق انا قلقت كدة عليك
هاحضر العيش بقى والحلاوة
ولا يبقى أحسن مربى
الدنيا اتطورت
لأ جاااااااااامد مووووووووووت
تحياتى ورعبى
ياسمين
هههههههههههههههههههه
انتي هاتخوفيني ليه انا صاحب عيال ادعلي محدش ياخد باله
تحياتي
السلام عليكم
هايل الشعر .جات على الوجعية ، بس مش عارفة ؟إذا كنت فكرتني بالواقع ولا باعتبار ما سيكون ؟
لا أنا والله ما استحمل اكثرمن كده..وهو انا مكتوب عليا مش اشوف غيره وعائلته من بعده ولا ايه ؟ كده كتير انا من ساعة ماتولدت وهو قاعد عايزين نغير بقي ، ولا ايه رأيك؟؟
تحياتي لكلامك الرائع واستمر، ومتقلقاش على نفسك لو هتروح في اي حتة هتلاقينا هناك قبلك...ههههه
على "فكرة"...كلامك مؤلم
بس اهو حال الدنيا...ربنا يحميك
تحياتي لقلمك المبدع
يا سيدى الفاضل
أرجووووووووك تفائل قليلا نحن فى أعز الحاجة لبعض التفاؤل
جميل اللى انت كاتبه جدا بس حرام عليكو بقى النكد اللى الواحد بقى مصر دايما يعيش فيه
حبة تفاريح بقى الله يخليك ويخليلك الأولاد
سلاموز
اللى بقى ؟؟
انت مش خايف من القنون الجديد ولا ايه
عجبتني قوي انا الجمال والعلاء والسوزنة
كلام جامد يامعلم وخصوصا حكاية السوزنة ديه جامدة وفي الجون
تحياتي ليك
محمد سمير
قلمي الحر
ربنا ما يجيب حاجة وحشة اصلي هما الايام دي مشغولين بالانتخابات مش فاضين فمحدش هايخد باله
تحياتي
نقطة مية
انا شخصيا بقيت انسان مؤلم ادعيلي
دوبا
عندك حق بس نعمل ايه مش قادرين نستحمل
بوسي كات
تفتكري هايخد باله
ياسمينا
مدونتي شرفت بقالك فترة مختفية
خليها علي الله
غمض عنيك
اصلي لحد امتي هانفضل مغمضين عنينا
تحياتي
Alive the people of Palestine, against the fascism of Israel and the terrorism of the North America
Peace for Palestine
انت هتحبسنا ياباشا
كلام فى الجون واسلوب اروع من ما يكون
تحياتى
ضد الظلم
شكرا ياعزيزي اصلي انا تعبت ومليت من الظلم
تحياتي اوعي تنسي العيش والحلاوة
ماشاء الله عليك
سياسة كمان
انا كنت فاكرة رومانسي بس
قول يا سندباد قول
سمعنا كمان وكمان
على فكرة انا دخلت الصبح ومعرفتش اعلق علشان النت فصل
سلااااااااااام
مش عارفة اقول ايه
الكلام باهر وجى الجرح تمام
ف الجون يا معلم وبتقول عليا جريئة
اشطاااااااااات
لقيت زميل ف السجن
تصدق انهم احتفالا بذكرى النكسة خلو تذكرة المترو ب75 قرش بدل جنية ..
كلماتك في الصميم .. مع الاسف مع الالم كلو صحيييييييييييح
تحياتي
شاهي
والله ادينا بنحاول نطلع من المود الواحد علشان محدش يزهق مننا تحياتي ليكي ولاهتمامك والف سلامة علي النت
رنا
يعني اعمل حسابك معايا في العيش والحلاوة
ايامنا الحلوة
اصلي العلاوة بتاعة شهر سبعة قرب الموظفين يقبضوها هي دي الحكومة تدي باليمين وتاخد بالشمال ارحم يارب
يااااااااااااااه
انت يا عم مفيش زيك
عارف لي
عشان لو في زيك كان الدنيا حالها غير الحال الزفت الي هيا في
جميل جدا المقطع الي بقول
قاعد علي الكرسي لوحدي
وان مت هيجي ولدي
على فكرة متشكرة جداااااااا على البوست الماضي
مبسوطة عشان مش لوحدي كنت محتاجة حد يتكلم عن الموضوع
بالتوفيق
ليموندا
متشكر اوي علي كلامك الرقيق وربنا يقدرني واكون دايما علي حسن ظنك وياريت فعلا يكون البوست اللي فات عجبك وانا تحت الامر في اي وقت
تحياتي ليكي جدا
بقول لك بعد موضوعى الأخير اللى أنتى شفتيه أنا قررت أعمل حوار مع الناس اللى ردت على الموضوع على حكاية الموضوع أدخلى مدونتى ولو مفيش مانع هاتلاقى أيميلى أبعتيلى عليه علشان أعمل معاكى الحوار
تحياتى
بوسبوس
تحياتي لزيارتك بس انا لحظت حاجة انك بتكلميني علي اني بنت انما انا اسمي سندباد عمرك شفتي سندبادية
معلش أعذرنى على الغلطة دى بجد مش عارفة أقول أيه
تحياتى لك وشكرا على زيارتك وكلامك
كلماتك جميلة .
أعجبتني .
تحياتي
شكرا ياعزيزي وشرفت مدونتي
مشكريييييين يا باشا ربنا مايحرمك منى
:)
فها انت تطلب مني الرحمه
وها انا اطلب منك الرجوع
الله
الله
الله
جميل اوي الاحساس بالسماح والغفران الرائع دا
مش ممكن والله
الابيات تحفه والطريقه رائعه
والاروع
انها في مدونتك
بجد رائعه والاحساس فيها عالي اوي
ربنا يخليك يا سندباد
وانا جيت اهه امسي عليك
تصبح علي الف مليون خير
كاسبر
اي خدمة ميجيش حاجة قد جمايلك عليا ربنا يخلينا لبعض
جهينة
فعلا انا عجبني اوي الاحساس الجميل بالتسامح والغفران وده اللي خلاني انزلها علي طول لاننا فعلا محتاجين نتعلم الغفران والتسامح ده وانا بالنيابة عنك اشكر كاتبة هذه الابيات
نيجي بقي لحضرتك مش عارف اقولك ايه بس زيارتك لمدونتي بيسعدني جدا واهتمامك بالرد علي سؤالي عنك بيزدني سعادة بارك الله فيكي وربنا يقدرني واكون عند حسن ظنك
تصبحي علي خير وسعادة
تحياتي
في قصيدة لنزار قباني فيها نفس المعني بتاع القصيدة بتاعتك
بس كلماتك خفيفة ولذيذة
تحياتي يا عزيزي
السلام عليكم
شكرا لمرورك الكريم وتعليقك اللطيف
يا فرعون ايه فرعنك؟
قال مالقيتش اللي يشكومني
بس تعرف ايه اللي بيوجع اكتر من الجمال والعلاء والسوزنة؟
ان اللي هـ يئفشونا بلدياتناومعظم اللي كتبو عارفين النهاية ايه
عيش وحلاوة
حاجة تدحك من الغيظ مش كده
ماتنساش تستخبى تحت ابو الهول اهو بقى لو مسكوه حبايبنا مش هـ ينطق
علي النعمه انهم هـ ينطقوه
ولا اقولك
تحيا مصر
يامن
كلنا حاسين بنفس المعني سواء نزار او انت او انا
تحياتي لمرورك الكريم
ناني
ان عذاب ربك لشديد وهو يمهل ولا يهمل ادعي ربنا بس انتي انه يدين الصبر
تحياتي
و الله التحديث اللي عملتوا يستاهل..وصف لحالة كتير عاشوها...تحياتي للي كتبها و تحياتي ليك عشان نشرتها
يلا ربنا يهدي الجميع و يهد اللي في بالي
بجد الشعر العامى دة بالظبط 100 %
وكمان اسلوبة حلوة اوى
وكنت لسة بتكلم مع صديق الصبح فى الموضوع دة وفجاة روحنا ساكتين وقولنا يمكن الايملات متراقبة زى المدوانت
وسكتنا
بجد بقى الواقع المؤلم لشعبنا
بحييك بجد عليها
اما لشعر صديقتك
بجدب بجد لمسنى اوى وبجد حلو اوى
يمكن لانى بعيش نفس الاحساس دة
جاءنى نادما راكعا طالبا العفو والمغفره
فهل اقبل ..اه كم يؤلمنى توسله
لا...لا يا حبيبى
قف ...لا تركع امامى
لا تستجدى منى العطف
فانا ملكك مهما كان
وانت طفلى ...فكيف اتبرأ منك
فها انت تطلب منى الرحمه
وها انا اطلب منك الرجوع
والجزء دة بجد اكتر جزء اثر فيا اوى
تحياتى ليك (f)
نقطة مية
فعلا انا عجبتني اوي الابيات والاحساس اللي فيها علشان كده مقدرتش اصبر وقلت لازم الكل يقراه وانا بضم صوتي ليكي وبحيي كاتبة هذه الابيات
وتحياتي ليكي جدا
ادهم
امين ربنا يسمع منك
تحياتي
هبة
شكرا علي اطراءك وربنا عالم قد ايه احنا شايلين جوانا وربنا يرحمنا ويدينا الصبر
اما الابيات الجميلة ففعلا تستاهل كل اللي قلتي عليه ونصيحتي ليكي لو فعلا حاسة بصدق مشاعره اوعي تضيعي حبك من ايدك
تحياتي
ههههههههههههههههههههه
هههههههههههههههههههه
ههههههههههههههههههه
الله الكلام ضحكنى اوى
هم يضحك وهم يبكى
رينا
فعلا هم يضحك وهم يبكي هو ده حال الدنيا ولا راحة في الدنيا شكرا لمرورك
تحياتي
انا الجمال والعلاء والسوزنة
ههههههههههههههههه
حلوة اوي دي
اسلوب ساخر وجميل جدا
للاسف هي دي الحقيقة المرة وعلى الشعب ان يتقبلها غصب عنه بقة ويعصر على نفسة 10 كيلو ليمون هههههه
تحياتي :)
جامدة جدا جدا
واهديك معاها كل قصائد الباشا احمد فؤاد نجم
قصيدة جميلة
تحياتي
اللى على راسه بطحة فعلا
بس متهيألى انك بتتكلم عن حد مش فى حد يعرفه
صح
:)
جميل اوى التحديث بس ايه علاقته باللى فوق
ده يميل للرومانسية اكتر متهيألى
ضوء القمر
فعلا هي دي الحقيقة المرة بس ما ضاقت الا ما فرجت
تحياتي
اسلام
شرفتني ونورت الفكرة وارجو الاستمرار في التواصل
همسات
متشكر علي ذوقك والمعني في بطن الشاعر
اما التحديث فده من كتر ما الكلام عجبني نزلته علي طول من غير ما استني
تحياتي لمرورك
معلش تعليقي جه متاخر بس لاني كنت مليش نفس اليومين اللي فاتوا دول بس قصيدة جميلة تحمل ماسي كثيرة اسال الله ان يخرجنا منها غلى خير او ان يرزقنا الصبر عليها
قلوب حائرة
ولا يهمك المهم انك تكوني بخير انا سبتلك تعليق علي اخر بوست نزلتيه اقريه كويس وركزي فيه جامد
تحياتي
للاسف مافيش غيره
:S
داليا
شرفتي فكرتي ونورتي ولنا الله ويدينا الصبر
تحياتي
رسالة خاصة موجهة إلى السيد المخبر اللي مراقب المدونة دي :
والله ما اعرفه يا بيه .. ده كان واد طيب قوي وفي حالة ما اعرفش إيه اللي خلاه يقول الكلام ده
ايه الجمال ده يا عم السندباد
كلامك الأولاني بتاع السياسه حلو قوي وحلو اكتر عشان بحس اني انا اللي بتكلم
يعني الكلام طالع من جوه واحد زيي
مش شاعر مثقف وجامد ودارس وحاجات كده متلعبكه
تسلم يا واد يا مرجله
اما الكلام اللي وراه
حبة حنان ونعنشه
وبنت حلوه مؤنثه
والواد خلاص جالها اعتذر
وهي اصلا سامحته لما ابتسم
وعجبي
تحياتي يا سندباد
سلاااااااااااااااااام
ازيك يا سندباد
انا جيت امسي
عليك
عامل ايه
وفين الجديد؟
تحياتي لحضرتك
درش
ههههههههههههههههه
معلش والله ياباشا ذلة لسان انا راجل صاحب مرض وصاحب عيال
الشنكوتي
شكرا ياذوق علي زيارتك وتشريفك وياريت الاستمرار تحياتي ليك جدا جدا
جهينة
ازيك ياعزيزتي
انا كويس الحمد لله والجديد علي وشك يمكن النهاردة انشاء الله
تحياتي
الجمال والعلاء والسوزنه
جامده دي
بتفكرني بأسماء ناس كده
هههههههههه
بس إنت بتنسي الناس اللي إنت كاتبه فوق بقصيده تانيه تحت
إيه الحركات دي بقي
إوعي يكون تمويهه
:))))
سلاماااااااااااااات
ريري
ازيك تحياتي ليكي جدا
ايه رايك في التمويه ده اصلي لازم الواحد يعمل حسابه
القصيده جميله وساخره ، أما القصيده النثريه الثانيه فهي بسيطه ، جدا ولاتحتوي علي صور شعريه تستطيع أن تجذبني اليها ،وهي تصلح خطاب جميل بين حبيبين
مكسوفة
شكرا لمرورك واطراءك بغض النظر انما فيها نوع من التسامح والمغفرة اللي احنا مفتقدينه جدا
المهم صحتك عاملة ايه دلوقتي
طيب
اوكى
ماشى
خلاص أنا فقدت فيك أى أمل ممكن
بس بجد فعلن حقيقى الأسلوب رائع ده مش مجامله وجامده جدا العلاء والوزانه ده:)))))
****
وأروع حاجه فى القصيده التانيه
وانت طفلى ...فكيف اتبرأ منك
تحياتى:)
واحدة من الناس
ايه فقدتي فيا في الامل في ايه بالظبط خلاص هاتحبس
إرسال تعليق