الاثنين، 4 يونيو 2007

اللي علي راسه بطحة


في ذكري نكسة الدول العربية
بسبب وكسة رؤساء الدول العربية
اليكم هذه المرثية بالعامية
ايها الشعب
غصب عنك هاحكمك
واطلع عينك واشكمك
وان اعترضت هاشتمك
ولو زودتها هاحبسك
ويمكن كمان اعبطك
ايها الشعب
انت شعبي انا
وانا اللي بحكم هنا
ومفيش غيري انا
علي قلبك ميت سنة
انا الجمال والعلاء والسوزنة
ايها الشعب
انا ومفيش قدي
قاعد علي الكرسي لوحدي
وماليكش حاجة عندي
دانا ومفيش بعدي
وان مت هيجي ولدي
تحديث
وصلني ايميل من صديقي العزيز كاسبر فيه ابيات جميلة لصديقة عزيزة وطلب مني ان انشرها في فكرتي وطبعا كلام كاسبر اوامر خاصة بعد ما قريت الكلام عجبني وحسيت فيه حاجة حلوة فقلت مستناش انزلها علي طول وياريت تقولوا رايكم
جاءنى
جاءنى ليقول انه لم يحب غيرى
ولم يسمح لنفسه ان يستريح الا على صدرى
ولم يسمح ليد تمسح دمعه الا يدى
جاءنى نادما على كل لحظه عاشها فى بعده عنى
جاءنى راجيا وجودى فى حياته
جاءنى نادما راكعا طالبا العفو والمغفره
فهل اقبل ..اه كم يؤلمنى توسله
لا...لا يا حبيبى
قف ...لا تركع امامى
لا تستجدى منى العطف
فانا ملكك مهما كان
وانت طفلى ...فكيف اتبرأ منك
فها انت تطلب منى الرحمه
وها انا اطلب منك الرجوع

هناك 72 تعليقًا:

gohayna يقول...

انا ومفيش بعدي

ولو مت هيجي ولدي

ياااااااااااااااااااه علي الحقيقه لما تكون مره علقم


مساء الخير اولا

ازيك ثانيا


ثالثا بقي

كلامك فكرني باحمد فؤاد نجم
واسلوبه الساخر

وكلامه الي في الصميم

حقيقي هو لما حسني يموت علاء هيورثنا ولا ايه؟
انت رأيك ايه

انا خدت تاكسي وجيت لوحدي

وربنا ستر ما لقتش حد معلق
قولت اعلق براحتي بقي


تحياتي يت عزيزي

Ehab يقول...

كلام فى الصميم جه فى البطحة فعلا
خش على الايميل ياعم انا بعتلك ايميل النهاردة وايميل من كام يوم ونسيت اقولك

سندباد يقول...

عزيزتي جهينة
دايما آسرني بذوقك ربنا يخليكي تخيلي مش انتي بس اللي قلتي ان البوست ده يشبه كلام احمد فؤاد نجم بس والله انا بكتب اللي بحس بيه مش اكتر يعني مش اقصد ان الكلام يطلع كده علي العموم اللي يهمني انه يعجب الكل وشكرا علي انك اول تعليق
تحياتي ياعزيزتي

سندباد يقول...

كاسبر
نورت فكرتي ياعزيزي ايه رايك انفع اكتب

أسوور يقول...

مش ممكن انت رهيب بجد
تصدق انا قلقت كدة عليك
هاحضر العيش بقى والحلاوة
ولا يبقى أحسن مربى
الدنيا اتطورت

لأ جاااااااااامد مووووووووووت

تحياتى ورعبى

سندباد يقول...

ياسمين
هههههههههههههههههههه
انتي هاتخوفيني ليه انا صاحب عيال ادعلي محدش ياخد باله
تحياتي

قلمي الحر يقول...

السلام عليكم
هايل الشعر .جات على الوجعية ، بس مش عارفة ؟إذا كنت فكرتني بالواقع ولا باعتبار ما سيكون ؟
لا أنا والله ما استحمل اكثرمن كده..وهو انا مكتوب عليا مش اشوف غيره وعائلته من بعده ولا ايه ؟ كده كتير انا من ساعة ماتولدت وهو قاعد عايزين نغير بقي ، ولا ايه رأيك؟؟
تحياتي لكلامك الرائع واستمر، ومتقلقاش على نفسك لو هتروح في اي حتة هتلاقينا هناك قبلك...ههههه

نقطة مية يقول...

على "فكرة"...كلامك مؤلم

بس اهو حال الدنيا...ربنا يحميك

تحياتي لقلمك المبدع

Doba يقول...

يا سيدى الفاضل

أرجووووووووك تفائل قليلا نحن فى أعز الحاجة لبعض التفاؤل

جميل اللى انت كاتبه جدا بس حرام عليكو بقى النكد اللى الواحد بقى مصر دايما يعيش فيه

حبة تفاريح بقى الله يخليك ويخليلك الأولاد
سلاموز

حواء يقول...

اللى بقى ؟؟

Yassmina يقول...

انت مش خايف من القنون الجديد ولا ايه
عجبتني قوي انا الجمال والعلاء والسوزنة

غمض عينيك يقول...

كلام جامد يامعلم وخصوصا حكاية السوزنة ديه جامدة وفي الجون
تحياتي ليك

محمد سمير

سندباد يقول...

قلمي الحر
ربنا ما يجيب حاجة وحشة اصلي هما الايام دي مشغولين بالانتخابات مش فاضين فمحدش هايخد باله
تحياتي

سندباد يقول...

نقطة مية
انا شخصيا بقيت انسان مؤلم ادعيلي

سندباد يقول...

دوبا
عندك حق بس نعمل ايه مش قادرين نستحمل

سندباد يقول...

بوسي كات
تفتكري هايخد باله

سندباد يقول...

ياسمينا
مدونتي شرفت بقالك فترة مختفية
خليها علي الله

سندباد يقول...

غمض عنيك
اصلي لحد امتي هانفضل مغمضين عنينا
تحياتي

david santos يقول...

Alive the people of Palestine, against the fascism of Israel and the terrorism of the North America

Peace for Palestine

ابو العربى يقول...

انت هتحبسنا ياباشا
كلام فى الجون واسلوب اروع من ما يكون
تحياتى

سندباد يقول...

ضد الظلم
شكرا ياعزيزي اصلي انا تعبت ومليت من الظلم
تحياتي اوعي تنسي العيش والحلاوة

shahy يقول...

ماشاء الله عليك
سياسة كمان
انا كنت فاكرة رومانسي بس
قول يا سندباد قول
سمعنا كمان وكمان

على فكرة انا دخلت الصبح ومعرفتش اعلق علشان النت فصل

سلااااااااااام

rana 3amra يقول...

مش عارفة اقول ايه
الكلام باهر وجى الجرح تمام
ف الجون يا معلم وبتقول عليا جريئة
اشطاااااااااات
لقيت زميل ف السجن

غير معرف يقول...

تصدق انهم احتفالا بذكرى النكسة خلو تذكرة المترو ب75 قرش بدل جنية ..

كلماتك في الصميم .. مع الاسف مع الالم كلو صحيييييييييييح

تحياتي

سندباد يقول...

شاهي
والله ادينا بنحاول نطلع من المود الواحد علشان محدش يزهق مننا تحياتي ليكي ولاهتمامك والف سلامة علي النت

سندباد يقول...

رنا
يعني اعمل حسابك معايا في العيش والحلاوة

سندباد يقول...

ايامنا الحلوة
اصلي العلاوة بتاعة شهر سبعة قرب الموظفين يقبضوها هي دي الحكومة تدي باليمين وتاخد بالشمال ارحم يارب

Lemonada يقول...

يااااااااااااااه
انت يا عم مفيش زيك
عارف لي
عشان لو في زيك كان الدنيا حالها غير الحال الزفت الي هيا في

جميل جدا المقطع الي بقول
قاعد علي الكرسي لوحدي

وان مت هيجي ولدي

على فكرة متشكرة جداااااااا على البوست الماضي
مبسوطة عشان مش لوحدي كنت محتاجة حد يتكلم عن الموضوع

بالتوفيق

سندباد يقول...

ليموندا
متشكر اوي علي كلامك الرقيق وربنا يقدرني واكون دايما علي حسن ظنك وياريت فعلا يكون البوست اللي فات عجبك وانا تحت الامر في اي وقت
تحياتي ليكي جدا

بسمه عبدالباسط يقول...

بقول لك بعد موضوعى الأخير اللى أنتى شفتيه أنا قررت أعمل حوار مع الناس اللى ردت على الموضوع على حكاية الموضوع أدخلى مدونتى ولو مفيش مانع هاتلاقى أيميلى أبعتيلى عليه علشان أعمل معاكى الحوار
تحياتى

سندباد يقول...

بوسبوس
تحياتي لزيارتك بس انا لحظت حاجة انك بتكلميني علي اني بنت انما انا اسمي سندباد عمرك شفتي سندبادية

بسمه عبدالباسط يقول...

معلش أعذرنى على الغلطة دى بجد مش عارفة أقول أيه
تحياتى لك وشكرا على زيارتك وكلامك

تليفزيون ملون يقول...

كلماتك جميلة .
أعجبتني .

تحياتي

سندباد يقول...

شكرا ياعزيزي وشرفت مدونتي

Ehab يقول...

مشكريييييين يا باشا ربنا مايحرمك منى
:)

gohayna يقول...

فها انت تطلب مني الرحمه

وها انا اطلب منك الرجوع

الله

الله
الله
جميل اوي الاحساس بالسماح والغفران الرائع دا

مش ممكن والله
الابيات تحفه والطريقه رائعه

والاروع

انها في مدونتك

بجد رائعه والاحساس فيها عالي اوي

ربنا يخليك يا سندباد
وانا جيت اهه امسي عليك

تصبح علي الف مليون خير

سندباد يقول...

كاسبر
اي خدمة ميجيش حاجة قد جمايلك عليا ربنا يخلينا لبعض

سندباد يقول...

جهينة
فعلا انا عجبني اوي الاحساس الجميل بالتسامح والغفران وده اللي خلاني انزلها علي طول لاننا فعلا محتاجين نتعلم الغفران والتسامح ده وانا بالنيابة عنك اشكر كاتبة هذه الابيات
نيجي بقي لحضرتك مش عارف اقولك ايه بس زيارتك لمدونتي بيسعدني جدا واهتمامك بالرد علي سؤالي عنك بيزدني سعادة بارك الله فيكي وربنا يقدرني واكون عند حسن ظنك
تصبحي علي خير وسعادة
تحياتي

yamen يقول...

في قصيدة لنزار قباني فيها نفس المعني بتاع القصيدة بتاعتك

بس كلماتك خفيفة ولذيذة

تحياتي يا عزيزي

Nani يقول...

السلام عليكم
شكرا لمرورك الكريم وتعليقك اللطيف
يا فرعون ايه فرعنك؟
قال مالقيتش اللي يشكومني
بس تعرف ايه اللي بيوجع اكتر من الجمال والعلاء والسوزنة؟
ان اللي هـ يئفشونا بلدياتناومعظم اللي كتبو عارفين النهاية ايه
عيش وحلاوة
حاجة تدحك من الغيظ مش كده
ماتنساش تستخبى تحت ابو الهول اهو بقى لو مسكوه حبايبنا مش هـ ينطق

علي النعمه انهم هـ ينطقوه
ولا اقولك
تحيا مصر

سندباد يقول...

يامن
كلنا حاسين بنفس المعني سواء نزار او انت او انا
تحياتي لمرورك الكريم

سندباد يقول...

ناني
ان عذاب ربك لشديد وهو يمهل ولا يهمل ادعي ربنا بس انتي انه يدين الصبر
تحياتي

نقطة مية يقول...

و الله التحديث اللي عملتوا يستاهل..وصف لحالة كتير عاشوها...تحياتي للي كتبها و تحياتي ليك عشان نشرتها

أدهم يقول...

يلا ربنا يهدي الجميع و يهد اللي في بالي

heba labeb يقول...

بجد الشعر العامى دة بالظبط 100 %
وكمان اسلوبة حلوة اوى
وكنت لسة بتكلم مع صديق الصبح فى الموضوع دة وفجاة روحنا ساكتين وقولنا يمكن الايملات متراقبة زى المدوانت
وسكتنا
بجد بقى الواقع المؤلم لشعبنا
بحييك بجد عليها

اما لشعر صديقتك
بجدب بجد لمسنى اوى وبجد حلو اوى
يمكن لانى بعيش نفس الاحساس دة
جاءنى نادما راكعا طالبا العفو والمغفره
فهل اقبل ..اه كم يؤلمنى توسله
لا...لا يا حبيبى
قف ...لا تركع امامى
لا تستجدى منى العطف
فانا ملكك مهما كان
وانت طفلى ...فكيف اتبرأ منك
فها انت تطلب منى الرحمه
وها انا اطلب منك الرجوع
والجزء دة بجد اكتر جزء اثر فيا اوى

تحياتى ليك (f)

سندباد يقول...

نقطة مية
فعلا انا عجبتني اوي الابيات والاحساس اللي فيها علشان كده مقدرتش اصبر وقلت لازم الكل يقراه وانا بضم صوتي ليكي وبحيي كاتبة هذه الابيات
وتحياتي ليكي جدا

سندباد يقول...

ادهم
امين ربنا يسمع منك
تحياتي

سندباد يقول...

هبة
شكرا علي اطراءك وربنا عالم قد ايه احنا شايلين جوانا وربنا يرحمنا ويدينا الصبر
اما الابيات الجميلة ففعلا تستاهل كل اللي قلتي عليه ونصيحتي ليكي لو فعلا حاسة بصدق مشاعره اوعي تضيعي حبك من ايدك
تحياتي

رينـــــــــــا يقول...

ههههههههههههههههههههه
هههههههههههههههههههه
ههههههههههههههههههه
الله الكلام ضحكنى اوى
هم يضحك وهم يبكى

سندباد يقول...

رينا
فعلا هم يضحك وهم يبكي هو ده حال الدنيا ولا راحة في الدنيا شكرا لمرورك
تحياتي

ضـوء الـقـمر يقول...

انا الجمال والعلاء والسوزنة
ههههههههههههههههه
حلوة اوي دي
اسلوب ساخر وجميل جدا
للاسف هي دي الحقيقة المرة وعلى الشعب ان يتقبلها غصب عنه بقة ويعصر على نفسة 10 كيلو ليمون هههههه
تحياتي :)

Islamist Bloke يقول...

جامدة جدا جدا

واهديك معاها كل قصائد الباشا احمد فؤاد نجم

قصيدة جميلة

تحياتي

hoda omran يقول...

اللى على راسه بطحة فعلا
بس متهيألى انك بتتكلم عن حد مش فى حد يعرفه
صح
:)
جميل اوى التحديث بس ايه علاقته باللى فوق
ده يميل للرومانسية اكتر متهيألى

سندباد يقول...

ضوء القمر
فعلا هي دي الحقيقة المرة بس ما ضاقت الا ما فرجت
تحياتي

سندباد يقول...

اسلام
شرفتني ونورت الفكرة وارجو الاستمرار في التواصل

سندباد يقول...

همسات
متشكر علي ذوقك والمعني في بطن الشاعر
اما التحديث فده من كتر ما الكلام عجبني نزلته علي طول من غير ما استني
تحياتي لمرورك

غير معرف يقول...

معلش تعليقي جه متاخر بس لاني كنت مليش نفس اليومين اللي فاتوا دول بس قصيدة جميلة تحمل ماسي كثيرة اسال الله ان يخرجنا منها غلى خير او ان يرزقنا الصبر عليها

سندباد يقول...

قلوب حائرة
ولا يهمك المهم انك تكوني بخير انا سبتلك تعليق علي اخر بوست نزلتيه اقريه كويس وركزي فيه جامد
تحياتي

Dalia يقول...

للاسف مافيش غيره
:S

سندباد يقول...

داليا
شرفتي فكرتي ونورتي ولنا الله ويدينا الصبر
تحياتي

مصطفى حسان يقول...

رسالة خاصة موجهة إلى السيد المخبر اللي مراقب المدونة دي :

والله ما اعرفه يا بيه .. ده كان واد طيب قوي وفي حالة ما اعرفش إيه اللي خلاه يقول الكلام ده

Ehab يقول...

ايه الجمال ده يا عم السندباد
كلامك الأولاني بتاع السياسه حلو قوي وحلو اكتر عشان بحس اني انا اللي بتكلم
يعني الكلام طالع من جوه واحد زيي
مش شاعر مثقف وجامد ودارس وحاجات كده متلعبكه
تسلم يا واد يا مرجله
اما الكلام اللي وراه
حبة حنان ونعنشه
وبنت حلوه مؤنثه
والواد خلاص جالها اعتذر
وهي اصلا سامحته لما ابتسم
وعجبي
تحياتي يا سندباد
سلاااااااااااااااااام

gohayna يقول...

ازيك يا سندباد

انا جيت امسي
عليك

عامل ايه
وفين الجديد؟

تحياتي لحضرتك

سندباد يقول...

درش
ههههههههههههههههه
معلش والله ياباشا ذلة لسان انا راجل صاحب مرض وصاحب عيال

سندباد يقول...

الشنكوتي
شكرا ياذوق علي زيارتك وتشريفك وياريت الاستمرار تحياتي ليك جدا جدا

سندباد يقول...

جهينة
ازيك ياعزيزتي
انا كويس الحمد لله والجديد علي وشك يمكن النهاردة انشاء الله
تحياتي

reri يقول...

الجمال والعلاء والسوزنه
جامده دي
بتفكرني بأسماء ناس كده
هههههههههه
بس إنت بتنسي الناس اللي إنت كاتبه فوق بقصيده تانيه تحت
إيه الحركات دي بقي
إوعي يكون تمويهه
:))))

سلاماااااااااااااات

سندباد يقول...

ريري
ازيك تحياتي ليكي جدا
ايه رايك في التمويه ده اصلي لازم الواحد يعمل حسابه

MAKSOFA يقول...

القصيده جميله وساخره ، أما القصيده النثريه الثانيه فهي بسيطه ، جدا ولاتحتوي علي صور شعريه تستطيع أن تجذبني اليها ،وهي تصلح خطاب جميل بين حبيبين

سندباد يقول...

مكسوفة
شكرا لمرورك واطراءك بغض النظر انما فيها نوع من التسامح والمغفرة اللي احنا مفتقدينه جدا
المهم صحتك عاملة ايه دلوقتي

همسات دافئه يقول...

طيب
اوكى
ماشى
خلاص أنا فقدت فيك أى أمل ممكن
بس بجد فعلن حقيقى الأسلوب رائع ده مش مجامله وجامده جدا العلاء والوزانه ده:)))))

****
وأروع حاجه فى القصيده التانيه
وانت طفلى ...فكيف اتبرأ منك
تحياتى:)

سندباد يقول...

واحدة من الناس
ايه فقدتي فيا في الامل في ايه بالظبط خلاص هاتحبس