الأحد، 17 يونيو 2007

طبع الافاعي


يوم كان الحب تاجي ومرقدي
ذهبت لغيري في الظلام ترواد
وهذا طبع الافاعي عند بلوغ المقاصد
وتظنين ان هواكي قد صار قيدا في يدي
كلا . . . لم يكن الضعف يوما سيدي
وهاهي اشعاري الممزقة خير شاهد
ساحطم كل جسور العودة بساعدي
واسير في الدنيا وقلبي متفرد

هناك 73 تعليقًا:

Amyra يقول...

:)
جميل انك تقدر

تحياتي

NeRmeeN يقول...

بجد بحب جدا نوعية الكلام اللى مفيهوش انكسار ده ويكون فيه اعتزاز بالنفس مهما كان غلاوة الشخص اللى قدامك...كلام الشعر حميل جدا خصوصا الحتة بتاعة
ساحطم كل جسور العودة بساعدي
واسير في الدنيا وقلبي متفرد

سواء كنت انت اللى مألف الكلام ده او لا

تحياتى ليك

همسات دافئه يقول...

كلا . . . لم يكن الضعف يوما سيدي

جميل كالعاده لو كان الحب قوه فالظلم قوته أكبر
أحييك:)

gohayna يقول...

سندبااااااااااااد
ايه دا

لا مش ممكن

اول مره معلش اشوفك بالقوه دي

بجد
ايه دا

فاجئتني

احساسك وانت بتوصف الغدر والفراق فيه قوه كبيره
وحتي وانت بتقول سأهدمها بساعدي

بجد كل الكلام بينطق بالقوه يا سندباد

كان نفسي المح النبره دي في كلامك من زمان

مبروك والله

بجد سعيده بالتغير والقوه

بس يارب تكون قوه حقيقه يا سندباد وتطول كمان شويه

تحياتي ليك يا عزيزي

سندباد يقول...

ندا
ساقدر وان لم استطع فقد حصلت علي شرف المحاولة
تحياتي

سندباد يقول...

نرمين
فعلا غلاوة الشخص اللي قدامنا مش اهم من غلاوة المشاعر وعدم اهانتها
وعلي فكرة انا اللي مالف الكلام ده
تحياتي

سندباد يقول...

واحدة من الناس
برافو عليكي لو كان الحب قوة فالظلم قوتة اكبر
لخصتي كلماتي بالاحسن منها

سندباد يقول...

جهينة
عزيزتي
انتي الوحيدة دايما اللي بتقدري تقري اللي جوايا بسهولة فعلا انا في حالة من حالات جلد الذات والهروب من تعذيب نفسي وحبس نفسي في اوهام ممكن تقضي عليا وياريت فعلا زي ما قلتي ان الحالة دي تطول واقدر استمر
واسف اني معدتش عليكي علشان اقولك ان البوست نزل ياريت تسامحيني انشاء الله مش هاتتكرر
تحياتي

حواء يقول...

واثق انك تقدر تعمل ده ؟ بس يارب ماتتعبش ولا تندمش

سندباد يقول...

بوسي كات
انتي تفتكري اني هاقدر ولا هايكون ليا شرف المحاولة
تحياتي

hoda omran يقول...

حلو اوى على فكرة
كويس اوى ان البنىأدم يقدر يكسر قيوده
بس بجد ابيات جميلة جدا
تحياتى ليك

غير معرف يقول...

كلكات رقيقة وقوية بجد .... اتمنى ان تظل قويا للابد

تحياتي

smraa alnil يقول...

ستاتي وتغدو ولن تنال راحتك
فانت لن تكون الا بسكوني وجنوني
لم تكون ابدا دون نظرة من عيوني
وما يهمني سرد اشعارك الحمقاء
التي طالما اغويتني بها وسقيتني مر الجفاء
حطم كما تشاء وما تشاء
فانت دوني لا تساوي اصغر الاشياء

فلتسير في دنيتك مصاحبة لعنتي ولعنة السماء

يكفيني انك وحيد متفرد تقاسي وتبكي دون بكاء


انا عارفة ان ردي جايز يكون قاسي اوي
بس مش عارفة دة اللي حسيته بعد ما قريت كلامك الروعه دة

وافضل شئ اانك تنتصر علي ضعفك

حتي لو كان الرد اقسي من الكلمات اللي كاتباها

غمض عينيك يقول...

كسر ياباشا ولا يهمك
هي الخسرانة

محمد سمير

Lemonada يقول...

يا عم يا جامد

على فكرة انا متأسفة اتأخرت في شعور غريب 5 في مدنتي قوس قزح
بس عملت حتت تشويق جديدة
ان شاء الله تعجبك
تحياتي

Doba يقول...

بوست جميل - تحياتى
ابتدينا بكسر القيود اهو - اتمنى حبة تفاؤل بقى - انا هعيطلك يا سندباد خلاص

اهىء اهىء

Nani يقول...

السلام عليكم
يا لهوي ايه ده؟ ايه ده حاجة جامدة اوي وفي الجون
والحلو كمان رد سمراء النيل

يكفيني انك وحيد متفرد تقاسي وتبكي دون بكاء

لا لا...دلوقت لازم مساجلة شعرية بينكم تحياتي ليكو كلكو

Marwa Friday يقول...

صباح الورد..يا سندباد
أهم حاجة الأمل الجديد..أهم مافي المقطوعة
تحيااااتي

الوردة السوداء يقول...

بحب انا الناس اللى بتاخد قرارات دى
وتنشرها ادام العالم

بس يارب تقدر

~ Bato0ot ~ يقول...

raw3a ya sendbad bgd gamil awy awy awy kal3ada
im sorry eny enqta3t fatra .. i missed u all .. w msh ha2ta3 keda tany isa :)

مريم يقول...

يا سلام
الكلام المناسب فى الوقت المناسب
بس مين يقدر؟

سندباد يقول...

همسات
كسر القيود محتاج قوة هائلة والنسيان والتعود علي النسيان محتاج قوة اكثر من هائلة اتمني احصل عليها
تحياتي

سندباد يقول...

ايامنا الحلوة
شكرا ياعزيزتي علي مرورك دعواتك

سندباد يقول...

سمراء النيل
رد قاسي فعلا انما كل واحد بيبص علي الموضوع بمنظوره الشخصي بحالته النفسية المهم في الاخر زي انتي ما قلتي الانتصار علي الضعف والانكسار
تحياتي علي ردك القاسي جدا جدا جدا

سندباد يقول...

غمض عنيك
تحياتي ياعزيزي اللي يضيع الاخلاص من ايده دايما بيبقي خسران
تحياتي

سندباد يقول...

ليموندا
ازيك ايه اخبارك هاروح دلوقتي علي مدونتك واشوف كل حاجة
تحياتي

سندباد يقول...

دوبا
دي بداية التفاؤل وبعدين انا مش بستحمل حد يعيط قدامي شوفي بقي لما واحدة هلي اللي تعيط يبقي انا الطم
كفاية خلاص
تحياتي

سندباد يقول...

ناني
فعلا كلام سمراء النيل جميل جدا يبدو اننا هاندخل في معركة شعرية محتدمة
تحياتي

سندباد يقول...

مروة جمعة
شكرا لمرورك وياريت نقدر نتمسك بالامل دايما
تحياتي

سندباد يقول...

بطوط
تحياتي لمرورك وحمدالله علي السلامة وبلاش تاخير تاني

سندباد يقول...

مريم
هاحاول وياريت تدعولي
تحياتي

سندباد يقول...

وردة سودا
ادعيلي اني اقدر اكمل
تحياتي

صاحب البوابــة يقول...

كلا . . . لم يكن الضعف يوما سيدي

------------

احساس قوي وعبارة تمتلأ كرامة

تحياتي لعذوبة كلماتك يا أخي العزيز

غير معرف يقول...

تحياتي لك ياسندباد علي البوست القوي
فعلا نهايه قصه حب ليست معناها نهايه العالم سنظل نحيا و قد نقابل من يرتاح لنا و نرتاح له و يستطيع ان يعوضنا عن ماحدث في الماضي
التجارب حتي و ان لم تكلل بالنجاح بتعطينا خبره في التعامل مع المستقبل بشكل افضل و تفادي الاخطاء السابقه
تحياتي لك و امنيات القلبيه بالسعاده دائما
:)

مريم يقول...

سندباد
انا خدت بالى م اللينك شكرا يا زعيم
بس هى الكرمة مش الكرامة
كرامة ايه يا جدع احنا برضه وش كده

غير معرف يقول...

تفتكر يا سندباد ان الحياة هتبقى حلوة وانت ماشي فيها بشكل منفرد اتحداك لو هتقدر تعيش منفرد بقلبك بس

رينـــــــــــا يقول...

يااااااه
هى ممكن القسوة توصل للدرجه دى:(
لدرجه اننا نقتل حب جوانا:(
حتى لو كان بسبب خيانه او غدر:(

مش عارفه اد ما هى قويه
اد ما هى قاسيه على نفسك قبل حد تانى

نقطة مية يقول...

كلمات رائعة..و احساس صائب...
تحياتي لابداعك الدائم

Hannoda يقول...

أزمة هي

عندما يبدأ خلقنا بقلب يقدّس الحب
ثم يأتي من يعلمنا أن نجد للغضب سبيلا فيه

و التمرد أحيانا

والأزمة الأشد

عندما من يأتي فيعّلمنا ألا نغضب منه أو نسعد أو حتّى يرف لنا جفن له
فتتبلّد أحاسيسنا تجاهه

________

كلامك شايل جواه ألم .. بس الألم ظاهرة تطمّن.. أصلك كده تبقى لسة حاسس الحب و قادر تغضب عشانه

ولو جت ع الجرح .. فالجرح بيتداوى.. مهما إستهلكنا فهو بيتداوى

سطورك بليغة قوي

سندباد يقول...

صاحب البوابة
ازيك ياصديقي والله فرحت بعودتك وباذن الله تكون كل الامور علي مايرام عود احمد وبارك الله فيك
وربنا يحافظ عليك
تحياتي

سندباد يقول...

اجندا حمرا
تحياتي ليكي جدا وعلي رقة تعليقك وامنياتك اللي ياريت ربنا يسمعها منك ليا وليكي وكل اللي مشاعره صادقة
تحياتي

سندباد يقول...

مريم
اعتذر علي هذا الخطا وجاري اتخاذ اللازم وانتي اهل للكرامة والكرامة اهل لكي
تحياتي

سندباد يقول...

قلوب حائرة
انا طول عمري عايش في تحدي انجح احيانا وافشل احيانا فلا مانع من التجربة
تحياتي

سندباد يقول...

رينا
فعلا هي قاسية ومش عارف خرج الكلام ده ازاي مني بس ده كان احساسي واحساس مشاعري المجروحة
تحياتي

سندباد يقول...

نقطة ميه
شكرا لمرورك المتواصل واتمني الاستمرار
وتحياتي لاطراءك

سندباد يقول...

هنودة
تعليقك لخص البوست كله فعلا الجرح ممكن يتداوي انما المهم هانقدر نكمل المشوار
تحياتي

Rosa يقول...

سندباد
احييك على مثل هذه القوة
ساحطم كل جسور العودة بساعدي
واسير في الدنيا وقلبي متفرد

جميله وقويه اوي الجمله دي
تسلم ايدك بجد
:)

سندباد يقول...

روزا
شكرا ياعزيزتي علي كلماتك الرقيقة ياريت دايما اكون عند حسن ظنكم
تحياتي

ساعه الغروب يقول...

كلماتك بجد بتثرى عقلى

من يوم ما عرفت البلوج بتاعك وانا عمرى ما جيت هنا ولقيت كلمات مش حساها او مش ليها معنى

شكرا ليك


:)

بسمه عبدالباسط يقول...

أنا نزلت الحوار بتاعك روح شوفه
تحياتى

Dalia يقول...

كلامك كله احساس قوى

بس تفتكر بعد ما الحب يبقي قيد سهل اننا نكسره ؟؟

امممم ممكن الموضوع مش سهل بس مش مستحيل

سندباد يقول...

ساعة غروب
انا اللي متشكر علي كلماتك الرقيقة وانشاء الله دايما تلاقيني عند حسن ظنك
تحياتي

سندباد يقول...

بوسبوس
شكرا ياعزيزتي
شفت وعلقت

سندباد يقول...

داليا
فعلا المسالة مش سهلة ولا مستحيلة انما هي في الاول والاخر حيرة
تحياتي

shahy يقول...

اعزرني يا سندباد
انا قريت البوست بتاعك من بدري بس ماكانش عندي وقت اعلق


مش هاقول لك كلام جميل ومعبر وحاجات تانية كتير لان دة خلاص بقى طبيعة كلامك

انا بعد لما قريت الكلام دة بيومين سمعت اغنية ومش عارفة مين اللي بيغنيها
المهم انها فكرتني بيك وبكلامك
وخليت السواق يجيبها من الاول وكتبت جزء منها علشان ابعتة لك في التعلق
شوف كدة وقولي انا كان معايا حق والا لأ

ايوة لسة لك مكان في قلبي
بس مش واقفة عليك سنيني
مش هاموت علشان مانتاش جانبي
اصلك انت مش اللي بيحيّني


سلام

Ebtsam يقول...

القوة .. مااحوجنا الى هذه الكلمة ولكن من منا يستطيع ان يحول الكلمات الى افعال
تحياتى

gohayna يقول...

سندباد
ازيك

انا جيت امسي

ليك وحشه والله

ايه مشغول ولا ايه؟

تحياتي جدا

سندباد يقول...

شاهي
ربنا يكون في عونك انا مقدر ظروفك المهم انك تكوني بخير
فعلا كلام الاغنية جه علي الجرح عمر الفراق ما كان سبب للموت او ان الحياة تقف انما عارفة الشئ اللي يجرح انك تلاقي اللي بيجرح رغم انه متاكد انه جرح عايش في نعيم وسلام ولا كانه عمل حاجة وانتي عمالة تجاهدي وتناضلي علشان تطلعي من مود الجرح سبحان الله ربنا يقوينا
شكرا علي اهتمامك

سندباد يقول...

ابتسام
تحياتي لمرورك الكريم ادعي معايا ربنا ان يعطينا القدرة علي التحمل
تحياتي

سندباد يقول...

جهينة
ازيك ايه اخبارك انا الحمد لله كويس طالما ان الجميع بيسال عليا ويطمن المهم انتي اخبارك ايه واخبار شغلك وايه اخر بوستاتك
تحياتي

أحمد سلامــة يقول...

يعني سنة ظبة وزن بسييطه كده
وكان كلو كلو يقى تمام
بس المعني تقيل
وزي نرمين ما قالت
جميل الكلام اللي مافيهوش انكسار ده
:)

Eman Eltaher يقول...

كلماتك ميلة يا سندباد و أحلى ما فيها الاعتزاز و القوة و مواجهة الانكسار

للأسف انى اتأخرت أوى ف الامتحانات و لقيت انه فاتنى بوستات كتير

ياللا ملحوقة و استنوا شوية انتوا بتكتبوا بسرعة ليه
هههههههه
ده حقد على فكرة عشان أنا بكتب كل فترة طويلة
هههههههههه
لا و الله ماحقد أنا بهزر

ربنا يديم عليك قلمك و نشوف دايما بوستاتك منورة عالم التدوين

تحياتى ليك

سندباد يقول...

احمد
تحياتي لمرورك ياصديقي وعلي تعليقك الجميل
بالنسبة للوزن انا اعترف اني مش محترف شعر انا بكتب اللي بحس بيه انما انا عارف ان ده تقصير مني
تحياتي

سندباد يقول...

ايمان
متكشر علي تعليقك الرقيق
معلش بنكتب بسرعة اصلي خايف الافكار تضيع من دماغي اصلي الايام دي مصاب بالزهايمر
وعلي فكرة انتي فعلا دمك خفيف ومتشكر علي اطراءك وتعليقك بارك الله فيكي وربنا دايما يقدرني اكون عند حسن ظنكم

محض روح يقول...

طبع الافاعي
ما اصعبه من طبع
ولكن هل الكل يستطيع
هدم الجسور بهذه السرعه


ولكن وجب التنويه الافعى سيدي لا تحتاج الي جسور لكي تعبر فهيا قادره
على العبور بدونها



احيك على قوه كلماتك

سندباد يقول...

محض روح
من اين اتاكي انطباع السرعة في تعليقك ؟
ثم انا لم اهدم جسور العودة حتي لا تعبر هي بل حتي لا اعود انا اليها
حتي لا اضعف مرة اخري لاني اريد تلك القوة التي في كلماتي
تحياتي

loumi يقول...

سندباد
الله انا كنت باحب الكرتون ده قوى
حتى انت حاطط صورته عندك
شرفتنى بزيارتك
قلت اجى اشوف بتقول ايه قبل ما اعلق
وفهمت ليه عجبتك نبره القوة اللى فى التدوينه اللى انا عاملاها
عارف
اوقات من كتر ما بنضعف قدام اللى بنجبهم بنتمنى اننا نكون اقوياء ولو حتى على الورق
والزمن كفيل بأنه يحدث فينا تغيرات يمكن ما تكونش كبيره قوى بس مع تقدم العمر بنقوى اكتر واكتر
وكل ما بننكسر بنزداد صلابه
انا قريت كل بوستاتك كلامك حلو قوى ومعبر
اشكر لك زيارتك وتعليقك
تحياتى

Eman Eltaher يقول...

يبدو انى مش الوحيدة اللى بتلغبط ف الرحوف
احم احم
أقصد الحروف

مفيش داعى "تتكشر".. لانى مش بجامل لا كشر على واجب

ههههههههه
يبدو انى برضه رخمة حبتين
مفيش داعى تقول اه

تحياتى ليك

•«ρяoιd»•™ يقول...

احساسك رائع يا صاحبي

كنت قوتلك اني كتبت حاجه اسمها سندباد

هي تقريبا فيها نتيجة المعني اللي انت كاتبه

هكتبلك جزء من كلماتي المتواضعه

كنت يوماً سندباد
تاركاً كل البلاد
باحثاً عن كنه ذاتي
ناسياً كل العباد
و الآن صرت فارس
لكني بدون جواد

تحياتي

reri يقول...

حلو القدره علي التخلص من حب بالشكل ده... جميل إن الإنسان يقدر يتخلص من قيوده
محتاج قوه أوي


عجبتني أوي فلسفتك اللي من نوع
تاني .. بوست جميل أوي


سلامااااااااااااات

سندباد يقول...

ايمان
مش هاقول والله

سندباد يقول...

برويد
الحيرة ياصديقي هي دي الحيرة طب نعمل ايه نعيش مع الناس ننجرح ولا نعيش مع نفسنا ونتعب
تحياتي

سندباد يقول...

ريري
تحياتي لذوقك وكلامك الجميل وياريت كل بوستاتي تعجبك دايما