ساعات كده وقت الحزن تلاقي البكي بيريح
واحيانا يزود جرحك يالمك يقعد علي قلبك ويريح
متلقيش الا الفضفضة هي اللي تهديك وتريح
قلت اعمل تدوينة بفيونكة وشريط
حبة فضفضة علي فلسفة علي خلابيط
يمكن لما افضفض ابطل بكي وسويط
فتحت كتاب الحياة باب الجنون
قلت يمكن اعرف يعني ايه جنون
اكتشفت اني انا اساسا مجنون
احب انا قوي اعمل دماغ ليل
اسهر لوحدي كده اعد نجوم الليل
اعاكس القمر واقله ميل ياجميل
واحيانا يزود جرحك يالمك يقعد علي قلبك ويريح
متلقيش الا الفضفضة هي اللي تهديك وتريح
قلت اعمل تدوينة بفيونكة وشريط
حبة فضفضة علي فلسفة علي خلابيط
يمكن لما افضفض ابطل بكي وسويط
فتحت كتاب الحياة باب الجنون
قلت يمكن اعرف يعني ايه جنون
اكتشفت اني انا اساسا مجنون
احب انا قوي اعمل دماغ ليل
اسهر لوحدي كده اعد نجوم الليل
اعاكس القمر واقله ميل ياجميل
جوايا كلام كتير ويجي ميت سؤال
ليه الحزن جوايا عامل زي الجبال
كل ما ادواي جرح يتولد غيره في الحال
انا شفت القمر قلت ياليل الله
اصلي افتكرته واه من الذكره اه
واللي مالوش في الحب يبقي في الدنيا تاه
جايب ليكي من بستاني انا الف وردة
جمعتهم بايدي وكل ورده عليا شاهدة
لقيتك في مكانك غايبة ومش قاعدة
انا وقلبي نوينا في يوم نغني للهوي
طلعنا في نور الصبح نشم شوية هوي
لاقينا الناس ياخسارة مش حاسة بالهوى
الخيار الخيار الخيار
هو الغني بقي ليه فاكهة وخضار
ولا عادي ما هما غنوا للحمار
هناك 46 تعليقًا:
روعة روعة بجد
محمد سمير
هو السندباد كده ...دايما عقله مليان بالحزن والافكار..عشان كده تلاقيه عايش حياته فى السفر والبحار
حلو الشعر ده؟ جميل انك تعبر عن مشاعرك ..حتى لو كانت بتالمك ..وما داقت الا اما فرجت ..الصبر حلو
سلام عليكم
جمييييييييييييييل جدا جدا
علي الرغم من الحزن والجو الحزين المحيط بالكلمات بس انت عبرت بطريقه جديد دا المره دي مختلفه يعني
طريقه حزينه بس لايت برضه
فيها خفه دم
حلو جدا مشاعرك لما تظهر بالشكل دا
جميله والله يا سندباد ومختلفه عن الي قبلهم وعن العاده كمان
لا بجد تسلم ايدك
انا تالت واحده يا سندباد
ليلتك مش معديه
اصبر عليا
هههههههههههههه
انا بهزر معاك اوع تزعل
تحياتي
تعبيراتك تحفه
ماشاء الله عليك
روووووووعة
ورب نازلة
يضيق بها الفتي زراعا
وعند الله منها مخرج
ضاقت
فلما استحكمت حلقاتها
فرحت
وكنت أظنها لا تفرج
فرجت
جمييييييييييييلة جدا جدا
أينعم كئيبة برده ولكن جميلة قوى
خليت أصدقائى يقروها وبيقولولك انها تحفة
عجبيتنى قوى دى
جايب ليكي من بستاني انا الف وردة
جمعتهم بايدي وكل ورده عليا شاهدة
لقيتك في مكانك غايبة ومش قاعدة
تحياتى يا طاير ولافف فى دواير منغير هدى يا أحلى سندباد
هبة
محمد سمير
رفعت ن معنوياتي ياعزيزي
ربنا يبارك فيك
عابرة سبيل
اجمل حاجة في الدنيا انك تصبر وبعد صبرك تلاقي نتيجة صبرك قدامك وتقول يااااااااه الحمد لله
انبسطت لما لاقيتك متابعة افكاري المتواضعة
تحياتي
جهينة
تخيلي ان جو الحزن المحيط اللي انتي بتقولي عليه في البوست ده محستوش الا بعد ما قريت البوست وهو علي المدونة وانا بكتب كنت عادي كنت بفكر بس انا فعلا فوجئت باللي انا كاتبه يمكن لانهه مش اسلوبي وكنت خايف او قلقان من رد الفعل انما الحمد لله لاقيت قبول جميل منكم
تحياتي ياعزيزتي
بالله المستعان
وانا ساستعين بالله كاالعادة
تحياتي
هبة
ازيك متشكر علي كلامك الرقيق الجميل واشكري اصحابك علي رقتهم واجازة جميلة ممتعة
تحياتي
ما أروعها بجد أسعدتنى جدا حتى لمسه الحزن الى فيها كيفتنى
بجد من أجمل كلماتك عارفه انى كل مره أقول كده بس أعملك ايه يعنى ما انت مش مدينى فرصه أعترض على حاجه:)
سلام:)
واحدة من الناس
ربنا ما يجيب اعتراض ، متشكر ياللي دايما رافعة روحي المعنوية
وياريت دايما كده تلاقي كلماتي قبول عندك
كل حاجه بقت بالمقلوب
وأه علي الحزن لما يزودها ويقعد علي نفسك ويريح
كلمات جميله فعلا
حلوة هالفضفضة..عالقليله خففت عني شوي
سعدت بمروري هنا
مكسوفة
فعلا الحزن لما يستقر فيك ويبقي مش عايز يسيبك بتبقي حاجة صعبة جدا ربنا يدينا القدرة علي التحمل
تحياتي ياعزيزتي
داليا
ربنا يخفف عننا دايما وسعدت باني اكون من اسباب هذا التخفيف وسعدت اكتر بمرورك الكريم وارجو التواصل الدائم
شكرا
يعني جاية من عندي لعندك
الاقي النكد برضه ورايا
الاول خليني ارد علي سؤالك اللي سالتوهولي عندي
احيانا كتيرة فكرت وسالت نفسي السؤال دة كتير
هو العيب في مين
واقعدت فترة طويلة مصدقة ان العيب مني انا وكنت بدعي ربنا ان الاحساس من جوايا ينعدم
كنت حاسة اني مثالية في عصر احمق
يلقبونني الناس بالملاك الحزين
بس بعد فترة اكتشفت اني مش الملاك الوحيد اللي علي الارض
واني مش انا المثالية الوحيدة الموجودة في وقت زي الزفت
طالما في غيري يبقي العيب مش فيا
اي نعم احنا كلنا مش مرتاحين
بس صدقني العيب في اللي مش بيحس ودة اللي تاعبنا
انك طول عمرك بتدور علي اللي يحس بيك ويطبطب عليك
وايده اصلا مقطوعه
الحرمان والفراق والخيانة
بقي شئ عادي عندي
وبالنسبة للكلام اللي انت كتبه دة بجد تحفه وبجد حسيته اوي
مزيج من مشاعر متداخلة
كلها صح
وبتحصل
عارف
وانا بقرا كلامك كنت بسمع اغنيتين لسيمون اللي في مسرحية كارمن
خليني اقولهوملك
الاولي اسمها هذه الليلة لي
بتقول
هذه الليله لي ..هذه اللحظة ملكي
فالحب يهتف لي...لاسهر الليل وحدي
للحب اسلمت نفسي ولمن سياتي اليا
سوف يسمع الليل همسي ..حين يعتصر يديا
وحدي بلا احباب اعيش كل الليالي
لا حب لا اصحاب ملل هي ايامي
ارقص ووحدي اغني لا شئ يمنع صوتي
ليس لك ان تلومني فانا ارفض صمتي
لا وقت لمن لا يراني ..ولا يحس بنبضي
ولا يشتهي احضاني فالحب يشعل قلبي
وحدي بلا احباب اعيش كل الليالي
لا حب .. لا اصحاب .. ملل هي ايامي
التانية بقي اسمها انه الموت جامدة جدا اصلا
كلماتها بتقول
انه الحب .., حين يكون السماء شحيحا
انه القلب ... حين يكون الطيوب فسيحا
لاني احتوي النهر والبحر
انه الموت
حين يكون الخلاص الوحيد
انه العرس
حين نزف الي الارض
زغردي يا طيور السماء
زغردي لا اريد البكاء
فاني قد اخترت
اخترت حريتي
اخترت حريتي
اخترت حريتي
فهمت يا سندباد انا اقصد ايه؟؟؟
ربنا يوفق حضرتك
قلت اعمل تدوينة بفيونكة وشريط
حبة فضفضة علي فلسفة علي خلابيط
يمكن لما افضفض ابطل بكي وسويط
gamila awy ya sendbad kal3ada y3ni ... kalam to7fa
الاخ سندباد
حلوة الفضفضة
تريح صاحبها
وتنزع عنه بعض همومه
تمنياتى بالتوفيق
والفرج القريب
يا عم فضفض براحتك
محدش واخد منها حاجة
بس بلاش الياس اللى انت فيه ده
على العموم ربنا يكرمك
كلامك جميل
وربنا يفك عنك
السلام عليكم
كم هي جميلة تلك الكلمات الموجعة
تحياتي أخي الحبيب
اولا:شكرا لانك افتكرتني لما نزلت البوست
ثانيا:انا مكسوفة من نفسي لان تعليقي مش بيكون في الاول
اصل كان عيد ميلاد الشينيور والرايقة فكان عندي ضيوف وكنت مشغولة شوية
ثالثا:ودة الاهم
كلام جميل واحساس رائع
صحيح مليان حزن لكن يدخل القلب على طول
حاولت اختار جزء من كلامك واكتب انة عجبني لقتني هانقل البوست بالكامل
وعاوزاك تفضفض على طووووووووووول
تحياتي تحياتي تحياتي
سمراء النيل ( الملاك الحزين )
تخيلي بقي اني علي قد ما سمعت الاغنيتين دول في كارمن الا اني اول مرة اتعمق في معانيهم للدرجة دي ، فهمت ، ليس لاحد في الدنيا ان يلومني فانا ارفض صمتي بكل عنف رغم اني وحدي اعيش كل الليالي بلا حب ولا اصحاب رغم ان الحب صار شحيحيا جدا جدا ولقد احسنت الاختيار
تحياتي الخالصة لكي بارك الله فيكي
بالله المستعان
جزاكي الله خيرا وبارك الله فيكي وشرفتي فكرتي المتواضعة
بطوط
شكرا ياعزيزتي علي مرورك الجميل بفرح اوي لما بتكوني هنا
سارة
فعلا الفضفضة جميلة وبتريح
نورتي فكرتي المتواضعة
مؤمن
فعلا محدش واخد منها حاجة وربنا يفك عننا كلنا تحياتي
صاحب البوابة
نورتني يا صاحبي وحشني تعليقاتك
شاهي
اولا لاشكر علي واجب ومجرد وجودك في فكرتي بفرح جدا
ثانيا كل سنة والشنيور والرايقة بخير
ثالثا وده الاهم بفرح زي ما قلتلك لما بتكوني هنا في فكرتي بحس انك لسه في ناس جميلة ممكن الواحد يتواصل معاها واوعدك اني مش هابطل فضفضة
تحياتي
السلام عليكم
الله عليك يا سندباد
دائما متألق وكلامك بيوجع القلب
بس بجد بوست رائع
تحياتي ليك يا مبدع
يااااااااااه ياسندباد كلمات في الصميم فعلا ... اثرت فيا
وفعلا وقت الحزن البكى بيريح
تحياتي وان شاء الله تفضفض كده علطول
مش عارفة ايه الجمال ده وانت بتقولي اني ليا طريقة خاصة في الكتابة يا فندم انت تفوقت على كل مهتراتي تحياتي لك وللمسة الشجن اللي دايما بتولد جوايا مشاعر غاية في الجمال
دة شرف كبير ليا اني اكون من الناس اللي بيحبوا كلامك
شكرا شكرا شكرا
تلاتة شكرا
جيت اشوف اية اخبارك
سلام
من وسط الاجواء الحزينة اللي في البوست عرفت تقول حاجة قيمة...ما شاء الله عليك..
بوست رائع كعادتك
الدمعة
دائما فكرتي متالقة بوجودكم ومشاركتي اتراحي وافراحي
تحياتي ليكي وليكم جمعيا
ايامنا الحلوة
الصميم فعلا انها حازت علي اعجابكم
ربنا يجعلني دايما عند حسن ظنكم
قلوب حائرة
متشكر علي رقة كلاماتك ودايما كده اقدر اوصلكم كل احساس جميل واكون سبب لسعادتكم جمعيا
شكرا وتحياتي
شاهي
وانا كل كلمات الشكر مش هاتوفي اهتممامك بفكرتي المتواضعة وسؤالك عني
انا بخير طول ما نتوا ياصدقائي بخير
تحياتي
نقطة مية
في وسط الاجواء الحارة دي قدرتي تلطفي الجو بكلامك الجميل
تحياتي
جميله الابيات وحاسه انى شفت كل حاجة من جواي من كل مكان شويه واكتر حاجات عجبتنى
قلت اعمل تدوينة بفيونكة وشريط
جميل اوى التعبير دا فى براءة
جايب ليكي من بستاني انا الف وردة
جمعتهم بايدي وكل ورده عليا شاهدة
لقيتك في مكانك غايبة ومش قاعدة
عجبونى اوى بجد
الخيار الخيار الخيار
هو الغني بقي ليه فاكهة وخضار
ولا عادي ما هما غنوا للحمار
خاتمه موتتنى من الضحك اصلا
يا ترى حزين ليه لقيتك فى الاخر بتكلم عن الحب
خلى بالك مراية الحب عاميه
عموما فى حالات شعوريه بتنقى الانسان اتمنى متنحبسش جوه حاله معينه وتستفيد منها
رينا
متشكر ياعزيزتي علي اطراءك الرقيق وياريت دايما افضل كده مصدر سعادة وضحك للجميع وشكرا للتواصل الجميل
حزين
شكرا ياصديقي علي احساسك الجميل وشكرا علي النصيحة وادعي ربنا اني اعمل بيها
الله الله الله عليك
كلام ولا اجدع شاعر ولا اي روائي يعرف يعبر بالشكل دة
الي في قلبك نزل في قلمك وكتب احلى كلام
هي حالة الإكتئاب دي مريت بيها من فترة
كتبت حاجة
بس الغريبة انو الطريقة والبداية وحتى تلوين الكلمات زي بالضبط
يا عم اي التوافق دة
هههههه
فرفش يا عم بس بجد رائع
جوايا كلام كتير ويجي ميت سؤال
ليه الحزن جوايا عامل زي الجبال
كل ما ادواي جرح يتولد غيره في الحال
أثر فية قوى الجزء دة
انت فين؟
عايزة اطمن عليك
ليموندا
ازيك شكرا علي ذوقك ياصدقيتي واطراءك ويشرفني التوافق والتخاطر اللي بيني وبينك كلنا في الهوي سوا كلنا عندنا رغبة في الفضفضة انا مفرفش بس هي حالة او شعرة ساعة تروح وساعة تيجي
ههههههههههههههههه
تحياتي
ياسمين قبلة المدونين
ازيك ياعزيزتي انا كويس الحمد لله بس الشغل واخدني اوي الايام دي معلش انا مقصر معاكي
شكرا لاهتمامك
تحياتي
ماشاء الله جميله المدونة اوى
الى الامام يا فنان
هدي
شكرا علي زيارتك لفكرتي المتواضعة وارجو دايما اني اكون عند حسن ظنك وظنكم جميعا
تحياتي
للاسف انته بتعتمد على السجع بس وبتسيب بقيت الجمله ملهاش معنى السجع مش كل حاجة فى الرباعية المهم الكلام اللى وسط الجمل
بس مجهود كويس منتظر منك المزيد
احمد
شكرا علي زيارتك لفكرتي المتواضعة
هي فكرة هي احساس هي فضفضة
انا مش محترف شعر ولا كاتب
دارس انا بقول اللي بحسه ممكن تطلع حلوة وممكن تطلع وحشة
في الاخر انا اتكلمت
تحياتي
عزيزي سندباد
تلك طبيعتنا البشريه عزيزي نداوي حزن يطلعلنا مليون واحد تاني مش عارفه ليه يمكن عشان اختيارتنا ساعات مابيكونش بيجانبها الصواب؟و ساعات بنكون شايفين العلامات و برضه بنعند و لا عشان بنخاف من الوحده و بنقول يالا اي حاجه بقه و زي ماتيجي افرحلي يومين و خلاص
تدوينه جميله و معبره و اسمحلي اتمني ليك افراح جايه و احزان رايحه و ايام جميله
تحياتي ليك
:)))
احندا حمرا
تيحاتي ياعزيزتي علي تعليقك الجميل وربنا يستجيب منا ومنك
la la la ma2daresh 3ala kol 2l kalam 2l ra2i2 2l gamed dah
ehhhhhhhhhhhhhhhhhhhh
3azama 3la 3azamaaaaaaaaaaaaaaaaaaaa
رورو
شكرا انتي دايما رافعة من روحي المعنوية
هيصة هانم
نورتيني جدا وشرفتي فكرتي المتواضعة وارجو الاستمرار
تحياتي
إرسال تعليق