الخميس، 16 أغسطس 2007

قصاص احمق


ماذا اكتب . . ؟ انه نفس السؤال الذي يتكرر دائما عند الشروع في كتابة قصة جديدة ، فاجدني عاجز عن التفكير لاني لا اجد الفكرة التي ابدأ بها الكتابة . واين هذه الفكرة ولقد سبقني كثير من عظماء الكتاب والمفكرين الذين استنفذوا كل الافكار، لكن يجب ان احاول واخشي ان تطول المحاولة حتي اجدني مرتديا ملابس بيضاء ومحمول علي الاعناق الي قبري ، دعني من هذا الياس فانا لا اريد ان اكون مثل الشاعر الذي ظل يكتب الشعر طيلة عمره ثم اكتشف انه يكتب بقلم بلا حبر او مثل الكاتب الذي ظل يكتب قصص لا تباع حتي اضطر ان يبيع ملابسه نظير الطعام وفي اخر الامر احرق قصصه وجلس بجانبها من شدة البرد ولا اريد ان اكون مثل بيتهوفن الذي ظل يؤلف الموسيقي وبعد ما مات قالوا عنه انه عبقري العالم وماذا يفيده هذا اللقب بعدما مات ، انا اريد فكرة جديدة لم يكتبها احد غيري ، جميل فكرة رائعة كل الكتاب كتبوا عن قصص الحب التي لم تتم ووصفوا فيها الحب واللوعة والاسي والفراق والهجر فلماذا لا اكتب انا عن قصص الحب التي تمت واحاول ان اعيد صياغتها من اول جديد ، ولكن مهلا ما هذا الذي يضئ في عقلي ياله من تحليل مجنون ماذا لو كانت كل القصص التي لم تتم قد تمت بالفعل بمعني ان يتزوج قيس من ليلي وعمرو بن كلثوم من بثينه وصديقي محمدين من الجميلة زنوبة اعتقد ان الامر سوف يختلف لاننا كنا سنفتقد اشعار قيس وابداعات عمرو بن كلثوم ومرح صديقي محمدين لانهم سيصبحون ازواج اي اطفال ومصاريف ودروس خصوصية وطعام والم مزمن في الراس ثم انتحار سيكتشف قيس ان ليلي مصابة بداء الشره الطعامي فعندما يجلس لينظم اشعاره تاتيه وتقول له قيس فيجيبها نعم يا مهجة الفؤاد فتقول مهجة الفؤاد تريد ان تاكل فيرد عليها قيس دعينا ننظر الي القمر ونحن نشبع فتنفجر ليلي وتتحدث بصوت عالي لا اريد ان ااكل القمر اريد ان ااكل اللحم فيتركها قيس وهو حزين علي ما الت عليه اجمل قصة حب في الدنيا ويحاول ان ينام وفي الصباح يستقيظ ليجد احدي اصابعة مفقودة فقد اكلتها ليلي من شدة الجوع اما عمرو بن كلثوم فيكتشف ان بثينة لا تحبه بل تحب امواله حيث تاتيه لتقول له شفت خيمة النهاردة في المول تحفة تجنن مستوردة وجميله جدا اشتريها وتاتي له مرة اخري فتقول له شفت النهاردة حصان موديل السنادي في الصحرا كار خطير اوي اشتريه والنبي وهكذا وهكذا حتي يفلس الرجل ويموت كمدا
اما صديقي محمدين فيكتشف ان زنوبة لا تصمت ابدا فهي تستلمه من علي باب المنزل مرورا بتغييره ملابسه وتناوله طعامة واثناء نومه فتحكي له حكاية الست عدلات التي ضربت جارتها والواد مخيمر اللي عاكس بنت الجيران وان كيلو الطماطم اصبح ثمنه ثلاثة جنيهات وان الواد بتاع السيما اتجوز البت بتاعة الاعلانات وعندما يفيض به الكيل يتحول الي ارهابي ويختطف الطائرة المصرية المتجهة الي موزبيق ويهدد بنسف الطائرة ويطلب القبض علي زنوبة واعدامها في ميدان عام فالحمد لله الذي كان رحيما بهؤلاء ولم تنتهي قصص الحب بالزواج

هناك 96 تعليقًا:

نـــــــور يقول...

اتشرف بأني اكون اول تعليق

بصراحة عجبني أوي التفكير ، وعجبتني تخيلات نهايات القصص المشهورة والحمد لله انها ما انتهتش بالزواج بقى

تحياتي .. وبورك في قلمك

سندباد يقول...

شكرا وشرف ليا لانك صاحبة اول تعليق
وشرفتي فكرتي المتواضعة
تحياتي

الطائر الحزين يقول...

ايها السندباد
احب دوما النهاية غير المتوقعة
الأصل فى قصص الحب اذا اردت استمرارة هو التكافؤ

تحياتى

-_- يقول...

جميلة جدا تلك الكلمات

ضـوء الـقـمر يقول...

انا اسفه على تأخيري بس والله عندي مشكلة في صفحات الكومنتس مش بتفتح احيانا كتير مش عارفه ليه نفسي اعرف المشكله فين ؟؟
اكيد هتلاقي فكرة جديده من حياتنا الواقعيه مش شرط قصة حب مابين اتنين انما بردو هتلاقي مشاعر واحاسيس ومواقف حلوة اوي في حياتناالواقعيه ممكن تتنقل للورق و تتكتب عليها حواديت ومجلدات ده طبعا مع الحبكه الدراميه ;)
حلوة نهايات القصص دي اهي دي في حد ذاتها فكرة مش شرط التجديد بنفس الشخصيات انما مناقشة الوضع نفسه
تحياتي يا سندباد واسفة مرة تانية عالتأخير :)

همسات دافئه يقول...

طيب مبدئيا الأسلوب بيزداد روعه والمقدمه جميله جدا
بس هانختلف للمره الأولى
هل ترى ان الحب هو الغزل والكلمات الرقيقه والورود والبسمات
هو السهر والتفكير والخيال
هو النظر الى القمر ومناجاته وعلمك ان حبيبك يفعل ما تفعله
لا ياعزيزى فالزواج هو الإختبار الحقيقى للحب عندما يرى الحبيب حبيبته فى كل حالاتها وعندما تراه فى كل انفعالاته عندما يضعون الخطط معا لإختيار افضل مدرسه لأطفالهما وشراء محتويات بيتهما عندما تندمج الحياه فتصبح واحده والمصير واحد عندما يكتشف كل منهما الآخر ويعرف اتجاهاته ورغباته وقتها سيعرف من تستحق ان يسلم لها مفاتيح قلبه فهو البدايه
أتعرف ان اروع قصه حب فى التاريخ هى قصه الرسول والسيده خديجه لا تلك القصص التافهه التى حتما ستنتهى كما ذكرت هى تلك القصه التى لم تنتهى حتى بعد وفاتها بسنوات
تحياتى وارجوك تغير لون الخط بتعب قوى وانا بقرأه
سلام:)

دنـيـا محيراني(ايناس لطفي يقول...

لو لا الفراق و الهجر ماكناشي سمعنا
باجمل الاشعار و الكلمات
و الحكايات بس هي ده الحياه فراق و بعد و غربه عشان نعرف قيمه الحب و قربه هكذا هي الحياه
لا لا و النبي يا سندباد ما تفكرش في نهايه تانيه النهايات ده برغم حزنها لكنها هي من اخرجت لنا اجمل الكلام و الاشعار سيب المحبيبن المتهاجرين في حالهم
هههههه
تحياتي يا فنان

ابو العربى يقول...

والنبى صحيح متلعبش فى القصص الحلوة وتخليها تنتهى نهايه حلوة تخيل ان كل اثنين بيحبو بعض قبل الزاواج بيفضلو يبدعو ونستمتع لكن بعد الزواج بيوقف الابداع ويبداء الاشباع

بس كلامك رائع وفى الجون وتحياتى

Rosa يقول...

هي نظريه برده يا سندباد
:D :D

shahy يقول...

عاعاعاعاعا
مالحقتش اول تعليق بردة

ما شاء الله

اول مرة تكتب حاجة بتضحك
نمسك الخشب

تخيلاتك جميلة قوي
بس انت كدة طلعت الجواز حاجة وحشة خالص وهويعني مش وحش قوي كدة
صحيح النماذج دي موجودة بس يارب ماتكونش الاغلبية

تحياتي يا سندباد وياريت تستمر كدة شوية بقى

سندباد يقول...

الطائر الحزين
فعلا الحب وحده لا يكفي
نورتني

سندباد يقول...

شارم
متشكر يا صديقي

سندباد يقول...

ضوء القمر
الدنيا كلها افكار
وكلها مواضيع وكلها قصص بس اللي يقدر يستفيد ويحلل ويجمع ويفكر ويطلع بحكمة او امل او عبرة
شكرا علي مرورك وتحياتي الخالصة لكي

سندباد يقول...

واحدة من الناس
ازيك
شكرا علي تعليقك الجميل اللي دايما بيضيف للبوست
انا لما فكرت في القصة كان هدفي الاول البعد شوية عن الكآبة لاني حسيت اني تعبتكم اوي دي حاجة قلت اعمل حاجة فانتازيا بصراحة هي الفكرة بقالها فترة في دماغي بس كنت خايف ابدا فيها المهم انك فهمتي وجهة نظري رغم انك اختلفتي معايا
لو اخدتي بالك من العنوان هاتعرفي اني مختلف جدا مع كاتب القصة
العنوان انه قصاص احمق فاهم الحب غلط
فالجب وحده لا يكفي هناك اشياء اخري توازي الحب حتي يستمر الحب
هي دي خلاصة القصة ولقد قمت بتغيير لون الخط فورا طلباتك اوامر
شكرا علي مرورك
تحياتي

سندباد يقول...

دنيا محيرني
دايما الابداع وليد الحزن بس ده مش هدفي من القصة انا قصدت ان الحب وحده لا يستطيع ان يصمت
فليلي عندها حق لازم تاكل ولازم تشرب حتي لو زودتها شوية من حق الست ان الراجل يصرف عليها
حتي زنوبة اذا كانت مش هاتحكي مع جوزها هاتحكي مع مين
هي شوية فانتازيا الغرض منها ان الحب وحده لا يكفي
تحياتي

سندباد يقول...

ضد الظلم
ربنا يخلف ظننا ونشوف كل المتجوزين مبسوطين قلي انتي مش ناوي تتجوز

سندباد يقول...

روزا
الدنيا كلها وجهات نظر ومفيش حاجة ثابتة
تحياتي

سندباد يقول...

شاهي الجميلة
فانتازيا انا بحاول اطلع شوية من مود الكآبة علشان متزعلوش مني الجواز شئ جميل جدا بس انا غرضي او هدفي من القصة ان الحب وحده لا يكفي هناك اشياء اخري توازي الحب حتي يستقيم ويستمر الحب
تحياتي ياعزيزتي وفين الجديد عندك بلاش كسل

gohayna يقول...

فكره جديده بجد خالص يا سندباد

فعلا محدش فكر لو تمت قصص الحب دي كلها ايه الي كان حصل

كان زمان قيس وليلي في صفحه الحوادث

وعبله وعنتر كان زمانه دبحها

نسيت تقول روميو وجوليت

بدل ما كانوا انتحروا

كان روميو رمي جوليت من البلكونه

وبدل ما كان بيطلعلها علي الشجره

كان هيعلقها عليها

انا مش عارفه ليه دايما الحب بيحصله حاله خمول وموت مفاجئ بعد الزواج

صحيح مش الكل لكن المعظم بيحصل كدا

ايه الي بيتغير

هو دا مش نفس الانسان الي اتمنيت اقضي العمر جنبه قبل الجواز

ودي هيا نفسها الانسان الي يا ما سهرت الليل اناجي فيها واتخيلها واحلم اني اكون معاها

ليه لما بيتحقق فيه حاجه بتتكسر

وبعد كدا كل واحد بيدء يبص لعيوب مكانش شايفها في حبه لكن شافها في زواجه


وبينتهي السماح والقلب الكبير الي كان بيغفر قبل الجواز والارتباط

ويحل بداله قلب مليان بالسخط

ومقوله يارتني ما كنت شوفتك

وهو يقول واللله لو اعرف ان الجواز كدا ما ككنت اتجوزت ابدا ابدا

ليه بيحصل كدا يا سندباد

القلوب بتكون هيا هيا

والاشخاص برضه هما هما

لكن فيه حاجه بتضيع

تفتكر عيشتهم في بيت واحد هيا الي بتعمل كدا

لو كل واحد فيهم عاش لوحده في بيت واحد واتقابلوا في الاسبوع مره

مش كانت الجوزات طالت شويه
هههههههههههههههههه



الحاجه الحلوه بقي ان دمك خفيف كمان

واهه فيه ابتسامه حلوه وجميله في البوست يا صديقي العزيز


مبسوطه بوجدها

ومبسوطه بالتجديد والفكره

وكل حاجه

ونازله حالا اشوف الجديد في البوست الي فات

وبعتذر علي التاخير والله

انت اخويا ومش هتزعل مني انا عارفه

نازله اهه
تعالي معايا يلا علي البوست الي فات

سندباد يقول...

جهينة العزيزة
فعلا معاكي حق بس يمكن البني ادم لما بيحس ان الحاجة في ايديه بيستبكر عليها ولما تكون بعيدة بيحس بقيمتها
بس الشئ الملاحظ فعلا اننا حاليا فقدنا
القدرة علي التسامح بقينا نزعل بسرعة ونكره بسرعة ونحقد بسرعة من غير ما نبكي علي المشاعر والاحاسيس
ربنا يرحمنا
وربنا يكون في عونك وجميل اوي البوست بتاعك
تحياتي

NeRmeeN يقول...

هههههه والله انا كمان كنت بقول كده

لو قيس و ليلة او روميو جوليت كملوا مع بعض كانت الحدوتة هتخلص

وانا مؤمنة ان الحب بيمر بكذا مرحلة ومش بيفضل ينفس درجته على طول ..وشوية و الحدوتة لازم تخلص...والله انت اوحتلى بفكرة بوست:ي

عموما بوست جامد كالعادة

تحياتى

سندباد يقول...

نرمين
شرفتيني شكرا علي كلامك وعلي تعليقك
تحياتي

فى القلب يقول...

عموما يا عم السندباد
أحنا مبسوطين أن مودك فى العالى
ممممممممممممممممممممممم
بقه بقى يا سيدى الستات ألى مجوزه بتعمل كده
تشكر يا عم
صدقنى فيه ستات ذى الفل قبل الغسيل وبعده
أصدى قبل الجواز وبعده
ويجعله عامر

مريم يقول...

حتى انت يا سندباد
طب لو الجواز غم كده ليه المتزوجون عمرهم اطول
وليه انت متخيل ان الحبيبة هى اللى بالضرورة تفقد شاعريتها مش يمكن الحبيب هو اللى يتحول لكيس جوافة
متبقاش منحاز يا سندباد

انكسارات .. احمد البوهى يقول...

شعرت انك مقيد بفكرة وباسلوب فرضتهما على نفسك ومع ذلك جاءت الكلمات جميلة فعلا فاصبحت الافكار متفرعة ومحكمة فى نفس الوقت
وكذلك جاء الاسلوب
شيق وبه نوع من انواع الفانتازيا السينيمائية ..ولكنها مكتوبة هذه المرة
احييك بشدة على امتلاكك لادواتك بهذا الشكل واسلوبك المرن الذى تشكله بحيث يستجيب لرغباتك
تحياتى

Hannoda يقول...

الزواج هو أكتر معنى حاولت تجميله حتى اصون قيمته و دائما اعجز
:)

أما القصص.. فهي لابد أن تحمل شيئا أبعد قليلا عن الواقع.. آه لابد أن تكون واقعيا لحد ما و لكن من بعيد

و الحب.. رائعا جدا وهو شعور.. لهذا إذا ذهبنا معه لما بعد الجواز فتراه عمليا .. باردا .. فاقدا لبريقه

الله يهديك لمعنى و إحساس فالكتابة متعة و العجز عنهاولو لساعة وقعه ثقيل جدا

تحياتي لمعانيك

حواء يقول...

سندباد احيك انت فعلا كتبت الجديد اهه انت اكيد جواك افكار كتيرة بس من كترهم مش عارف تبدأ ازاى او تجمع الكلمات والجمل وده بيحصل كتير اما الواحد بيبقى غى عقله افكار كتير وعايز ينشرها كلها .. تحياتى

loumi يقول...

العزيز سندباد
انا دائما اكرر هذه المقوله
خدعونا فقالوا
وكل افلام زمان كانت خدعه
عشق ووله وهيام
والنهايه زواج
وكان فى مقوله دائما نرددها
انتوا بتصدقوا الكلام ده؟ ده شغل سيما
اما ما يحدث بعد الزواج فلا احد يتكلم عنه وكيف تسير الحياه فى ظل الظروف الواقعيه التى نحياها
وفعلا لو كانت اكتملت تلك القصص لما سمعنا اشعاراً ولا قرأنا قصصاً رومانسيه
ولا شاهدنا افلاما ابعدتنا عن الواقع لعالم خيالي
اللى عاجبني
اسلوب السخريه والحوار الجميل المفترض بين احباء الماضى والحاضر
تحياتي

loumi يقول...

معلش من باب الغتاته برضه
ليه العنوان ده؟
:):)
تحياتي

سندباد يقول...

في القلب
الستات زي الفل والرجالة كلهم وحشين
انا قلت اعمل حاجة فانتازيا وجت كده
علي العموم المرة الجاية هاخد بالي

سندباد يقول...

مريم
بقالك فترة معتديش
والله انا كنت بحاول اهرب من الكابة شوية وجت معايا كده انا قصدت ان الحب وحده لا يكفي فانتازيا مش اكتر
تحياتي

سندباد يقول...

انكسارات
شكرا ياعزيزي علي ذوقك وتعليقك الجميل ربنا يقدرني واكون عند حسن ظنك

سندباد يقول...

هنودة
فعلا كلامك صحيح وشكرا علي تعليقك اللي زود البوست
الحب جميل جدا لكنه لا يكفي وحدة لاقامة علاقة متوازنة ده كان قصدي من البوست
تحياتي

سندباد يقول...

بوس كات
شكرا علي مرورك
فعلا انا جوايا جبال وتلال كلام ربنا يقدرني واقدر اطلع كل اللي جوايا

سندباد يقول...

لومي
وهو ده كان هدفي من البوست الحب عمره وحده ما يقدر يقيم علاقة مستقيمة متوازنة
في حاجات كتير زي الحب واهم
تحياتي

سندباد يقول...

لومي تاني
لانه فعلا احمق لانه كان فاكر ان بالحب وحده ممكن يعيش مع اللي بيحبه
فاهم غلط احمق مفهمش غير متاخر

truelove يقول...

جميل قوي ياسندباد وجميل قوي الفكرة الجديدة دي والاحلى الاسلوبالساخر الجديد ده ربنا يكرمك يارب ويعوضك خير يافندم تحياتي ليك ومعلش جيت متاخر بس مشغولة جدا معلش

Nani يقول...

السلام عليكم
ربنا يسامحك يا سندباد بقى كل الستات كده فشوش على الفاضي؟
وبعدين مين قالك انه الحب بس مشاعر في السما بردك لازم رجليك تكون ثابتة في الواقع
يمكن دي المشكلة ان الكل فاكر الحب زي حسن ونعيمة وبوتع السيما والكليبات
انا احب جوزي يكون راجل واقعي مهوش كلام وبس لاني لو عاوزة كلام وبس ابقى اسمع عبد الحليم وشادية
: )

hamdool يقول...

جرى إيه يا سندباد!؟

وليه الكل جاي عالموت كده!؟


بضحك معاك
ودايما بقرالك

keep it up
& all the best 4 you all :)


hamdool/ Kuwait

سندباد يقول...

قلوب حائرة
نورتيني جدا وشكرا علي تعليقك الجميل ربنا يكون في عونك جزاكي الله خيرا

سندباد يقول...

ناني
علشان كده سميت كاتب القصة قصاص احمق لانه فاهم الحب غلط وزي ما رديت علي كل التعليقات اللي فاتت الحب وحده لا يكفي

سندباد يقول...

hamdool
شكرا ياعزيزي علي نعليقك الجميل وشكرا لاهتمامك
تحياتي الخالصة

عازف الناى يقول...

بصراحه ليلى عندها حق
مهجه الفؤاد
بتأكلش عيش
تحيه الى خيالك الراقى الخصب
ومدونتك الجميله جدا

david santos يقول...

تهاني لعملكم وجيدة الأسبوع

غير معرف يقول...

عارف
ذكرتني تساؤلاتك بتساؤل عنترة حينما قال أن كل الشعراء سبقوه إلي حلو الكلام, فنظم

هل غادر الشعراء من متردم** أم هل عرفت الدار بعد توهم
يا دار عبلة بالجواء تكلمي **و عمي صباحاً دار عبلة و اسلمي

فبرغم من تدمره, طلع علينا بأجمل الأبيات
كذلك كلماتك..جميلة في تساؤلاتها متميزة تلميحاتها
لكن لا تنسى وأنت تكتب ألوانك الفاتحة
فنزار كتب عن حبه قبل وبعد الزواج وحتى بعد وفاة بلقيس
كذلك السياب وغيرهم ممن أحب في الظل الكثير
لكن يحضرني الآن مثال طريف في ما ذهبت عليه
الشاب خالد في واحدة من أجمل أغانيه
فجأة عندما إنقلب حبه لمدينة وهران التي ألهمته تدمرا فراح يودعها وهو يشتم
روحي يا وهران بسلامة القلب اللي يبغيك أنا نكويه

هكذا الإبداع يخرج من ثنايا الإبداع..ومن التدمر أيضا

دمت متألقا يا أخي

انكسارات .. احمد البوهى يقول...

فى انتظار زيارتك
فأنا فى حاجة الى تعليقك على بوستى الاخير
***
تحياتى لك

سندباد يقول...

سندباد
دائما ما تضفي تعليقاتك اشراق
وابداع
تحياتي ياصديقي

سندباد يقول...

انكسارات
وراك ياعزيزي جاي وراك

Sally يقول...

ههههههههههههههه
فعلا عندك حق
نهاياتك مختلفة

هو ديما الشعراء بيبحثوا عن الاختلاف
والاجمل انهم عارفين ومقدرين تميز اللي سبقوهم

تحياتي لك وتمنياتي بان تصل لمكانتك المنشودة

رؤية

سندباد يقول...

عازف الناي
نورتني جدا جدا
وتعليقك الجميل اسعدني جدا وارجو التواصل

سندباد يقول...

سانتوس
شكرا لمرورك تحياتي

سندباد يقول...

رؤية
دايما تعليقك جميل واسلوبك جميل
شكرا جزيلا

غير معرف يقول...

سلام عليكم
لااااااااا بسيطة
الحالة دى بتحصل لكل اللى قاعد مستنى نصيبه وبيتلكك انه يحمد ربنا انه لسه ما اتجوزش ...قال يعنى لقى حجة تخليه مبسوط بعيشته كده
سلام عليكم
بس حرام عليك صباعه زنبه ايه؟طيب مثلا يصحى يلاقيها خلصت على الاكل فى التلاجة

سلام عليكم

Layla يقول...

اجمل قصص الحب هي التي لم تكلل بالنهاية السعيدة والزواج

حتى في قصص الاطفال...تنتهي القصة بزفاف الامير على الاميرة...ولا احد يعلم ما حدث لهم بعد الزواج

admin يقول...

تم افتتاح مدونات
4xmisr
لتعليم التدوين على بلوجر باحتراف
spot-weblog.blogspot.com
الثانية للتعامل مع الانترنت بأمن
4xpert.blogspot.com
(تحت الانشاء)
باقى المدونات للربح من الانترنت لمن يهتم بذلك
شاكرين لكم سعة صدركم مقدما
وأرجو التواصل معنا بابداء الأراء والتوجيهات شكرا

Ehab يقول...

هههههههههههههه
انا فاكر القصة دى كويس اوى
ياعم انت كاتبها بقالك زمن
بقولك ايه هات من اللى فات كمان الله يخليك
والله كانت ايام حلوة

نفسنا يقول...

لقد تم نشر موضوعك فى المجلة

سندباد يقول...

عابرة سبيل
شكرا لمرورك الكريم
وتعليقك الظريف المهم المعني اللي ورا القصة ياتري فهمتيه
تحياتي

سندباد يقول...

واحد زهقان
بس مش معني كده ان الزواج مش كويس
المشكلة اننا فاهمينه غلط
تحياتي

سندباد يقول...

كاسبر
ايوة ياكاسبر كانت ايام زي العسل
ربنا يخليك ياعسل

سندباد يقول...

نفسنا
شكرا لاهتمامك
تحياتي الخالصة

قلمي الحر يقول...

انا واضح اني جات متأخرة اوي
انا شايفة فعلا أن لوقصص الحب كانت انتهت نهايةغير الموت ..ماكنش هيبقي في أشعار ولاحب
احيانازي مابيقول الممنوع مرغوب.زوالشئ البعيد عن الايدبيكون له رغبة ونشوة
بس ولو مش معني كده أن الحب لازم ينتهي نهايةمأساوية عشان يبقي حب ..ممكنبرده يكون في حب وأسرة وبيت بس المهم الافراد تحس بقيمة الحب في حياتهم

سندباد يقول...

قلمي الحر
فعلا كلامك حقيقي
شكرا علي مرورك الكريم
تحياتي

Hesa Hanem يقول...

homa 3adamo zanoba wla la2

Hesa Hanem يقول...

????????????

Eman Eltaher يقول...

هههههههه
حلوة اوى عايزاه يشتريلها حصان مستورد
كلامك لذيذ و يدفع الواحد انه يقراه و الله
و ده يرجعنا لأيام زمان
الحب ما كانش شئ منفصل عن الجواز
بيتهيألى اللى يحبوا بدرجة قيس و ليلى - اذا حصلت أصلا!!! - فما يتهيأليش انهم يتحولوا لحصان مستورد و فستان من موزمبيق
هههههه

على فكرة يتهوفن كان أخرس ورغم كده كان واثق انه ألحانه و موسيقاه أكتر من جميلة
و ده بكلام الناس و باحساسه أولا
فبجد انت بتكتب حاجات حلوة اوى

تحياتى ليك

R.O.U.R.O.U. يقول...

ana 3andy ra2y 3'areeb shewaya bs ana mot2akda an fih 2ly 7ayfhamou...low 7abou!!
( mafish keset 7ob betmout)

we 7atla2y dh post 3ansy isa:)

ساعه الغروب يقول...

لو كل حد فكر للحظه واحده فى كل شخص فارقه ايا كانت علاقاه بيه بالتفكير دا يمكن ندمه يقل او يتملكه ندم اقل من اللى كان معذبه اوى قبل كدا

ودا اللى بيحصل فعلا

وبجد فعلا احنا لما بنحب حد بيغمض عنينا _واحيانا بتعمد_ عن اى عيوب فيه وبنرفض بشده اننا نشوفها
ونرجع لما نبعد نشوف كل دا ونقول ازاى كنا مش عارفينه صح
فبجد الى انت قلته دا ليه لا؟
ليه ما كنش ممكن يحصل

و خاصه انه دايما ربنا بيختار لنا اكيد الافضل لينا مهما كان مؤلم ساعتها اللى ربنا اختاره دا

بس بجد بيبقى هو الخير دايما لينا

شكرا ليك بجد
بوست حلو اوووووووووى

:)

Lemonada يقول...

لو الفكرة مش حتيجي وحتكتب بالطريقة الجميلة دي فبلاش تيجي الفكرة خالص
تحياتي

شيماء الجيزى يقول...

والله يا قيس
اقصد يا سندباد

تلك الفكرة ادخلت على روحى بعض المرح
نعلم جميعا ان كل البشر غير كاملين
ومن المؤكد ان قيس كان يعرف بشراهة ابنة عمه

او محمدين ..مكنش عارف يعنى ان زنوبة رغايه؟

( على فكرة معظم الزوجات رغايات)

تحياتى لفكرتك الجميلة
ولقصاصك

سكينة يقول...

أخالفك الرأي يا سندباد ما حاجتنا لقصة لم تروى من قبل؟؟ ستكون حبكة غريبة تثير خوفنا وعشان نبطل خوف سنسلخ جلد المؤلف لأنه تجرأ وتحدث عن غير المألوف
وإن كنا مش عارفين نسلك في الي عارفينه وباصمينه صم من حبكات الحياة يبقى مش طالبة جديد ولا إيه

NeRmeeN يقول...

ايه يا سندباد ...فينك

لعل المانع يكون خير ان شاء الله

تحياتى

Diyaa' يقول...

هههههههههههه
الحمد لله يا أخي
أهم بيحبوا بعض ومكرهوش بعض
ونص العما ولا العما كله
ومفيش حاجة حمقاء قي الموضوع
سلام يا باشا

~ Bato0ot ~ يقول...

leh keda bas :D howa kol el setat madyeen w ga3aneen w nekdyeen w raghyeeen!!!
leh keda bas yabny !!!

:D bas eslob 7elw w fekra bardo y3ni .. bas el gawaz 3omro ma kan nehyet el 7ob ela eza kan el 7ob = raghba!!
lakn el 7ob howa el moshrka .. w el gawaz m3na akbar lel 7ob!

همسات دافئه يقول...

ماذا اكتب . . ؟ انه نفس السؤال الذي يتكرر دائما عند الشروع في كتابة قصة جديدة ، فاجدني عاجز عن التفكير لاني لا اجد الفكرة التي ابدأ بها الكتابة
******************
عذرا ياسيدى فهل تكتب لآنك مطالب ان تكتب أم لإحتياجك الى الكتابه
هل يقف القلم فى يدك يغريك ويحاول اثارتك أم انت التى تركض ورائه وتكسر ما بجانبك بحثا عنه؟
مجرد سؤال حيرنى فانا أتعجب كثيرا ممن يجعل الكتابه مهنه
شكرا:)

سندباد يقول...

هيصة هانم
لاء محمدين رجع في كلامه بعد ما خد وعد من زنوبة انها تغير من طبعها شوية تحياتي لمرورك

سندباد يقول...

ايمان الطاهر
انتي قلتي حاجة كويسة جدا الحب مش ممكن ينفصل عن الزواج انما الحب وحدة لا يكفي لاستمرار العلاقة
تحياتي

سندباد يقول...

سكينة
اختلاف لا يفسد للمدونين قضية
انما انا فصلت نفسي عن القصاص الاحمق وسبته يكتب وهو كان عايز يوصل معلومة ان الحب وحده لا يكفي
تحياتي

سندباد يقول...

نرمين
اسف ياصديقتي علي التقصير امنا عندي مشكلة في صفحة النت مخلية الجهاز زي المقتول
جاري اصلاح العطل والعودة ان شاء الله
تحياتي

سندباد يقول...

ضياء
شكرا ياصديقي علي تعليقك انما انا كنت عايز اوصل ان الحب وحده لا يكفي لانجاح علاقة بين طرفين في حاجات تانية علي جانب كبير من الاهمية
تحياتي

سندباد يقول...

بطوط
عمر الزواج ما كان بالسوء ده لا دلوقتي ولا قبل كده ولا بعد كده المشكلة في طريقة حياتنا واسلوبنا في التعامل هل هي صح او لاء
تحياتي لمرورك

سندباد يقول...

واحدة من الناس
انتي الوحيدة اللي حللتي البوست بطريقة مختلفة وبمنظور تاني خالص انا لا امتهن مهنة الكتابة دي نمرة واحد نمرة اتنين انا فصلت نفسي وشخصيتي عن شخصية القصاص الاحمق لان دي مجموعة قصص ابتديت اشتغل فيها وكلها برضه عن هذا القصاص الاحمق نمرة تلاتة الحاجة الوحيدة اللي اثرت علي شخصية القصاص الاحمق هي الرسالة اللي كنت عايز اوصلها ان الحب وحده لا يكفي لتكوين علاقة جميلة ومستمرة بين زوجين ومنتظر الرد

huda gamal يقول...

:)))
جديده الفكره ومتقنه كالعاده
عجيتنى اوووى
الى الامام دائما
تحياتى

Doba يقول...

يا أهالى البلوجات الكرام
طم ططم طم طم

أسمعوا وأعوووووووووووو
لقد قمنا بنشر الفصل الجديد - للقصة المجنونة والجوهرة المدفونة - كشف المستور - وعلى الحاضر أنه يعلم الغايب بحضور المدونة لقراءة القصة وكتابة التعليق - وعلى كل زاير انه ميدخلشى الا برجله اليمين ويجيبلى حاجة حلوة قوى فى ايديه

يا اهالى البلوجات الكرام
مستنياكم كلكم

تعالوووو زوروووووونا
باى باى
دوبه

همسات دافئه يقول...

عزيزى
كنت اتحدث مع هذا الأحمق كما تسميه لأنى حقا لا ادرى كيف تصبح الكتابه مهنه
فهمت فكرته واقتنعت بها وأعجبتنى حقا فكلماتك دائما كلما أقرأها اجد الأفكار تدفق الىَ سواء كنت تعنيها ام لا
أحييك مره أخرى وفى انتظار بقيه السلسله
سلام:)

نسرين - أمة الله يقول...

السلام عليكم
ههههههه
والله غريب امركم قوى طيب ليه ميكونش قيس ولا عمربن كلثوم او حتى محمدين همم اللى قلبوا الحكايه ليه دايما هن اللى عملوا ليه مش هم

غير معرف يقول...

ايه ده ده كله ومافيش جديد على العموم الجديد نزل

shahy يقول...

ازيك يا سندباد
اخبار الشغل اية؟
انا حبيت اسأل عليك
يارب تكون بخير

سلام

سندباد يقول...

هدي جمال
شكا ياعزيزتي علي اهتمامك واعتذر عن التاخير لوجود مشكلة في النت عندي
تحياتي

سندباد يقول...

دوبة
ازيك ياعزيزتي
معلش انا اسف علي التاخير بس والله عندي مشكلة في انت عندي ربنا يسهل ويتصلح بسرعة
تحياتي
وانا جاي علي طول دلوقتي

سندباد يقول...

واحدة من الناس
شكرا لتعلبقك الجميل والرقيق ودايما تعليقك بيبقي مميز زيك كده
شكرا جدا وتحياتي

سندباد يقول...

نسرين
لو قريتي عنوان البوست كنتي تعرفي اجابة سؤالك
تحياتي

سندباد يقول...

قلوب حائرة
تحياتي لاهتمامك بس والله عندي مشكلة في النت
وانا جاي دلوقتي

سندباد يقول...

شاهي
بارك الله فيكي الشغل تمام الحمد لله
واسف علي تقصيري معاكي
تحياتي

Ert3ashat يقول...

هم يضحك ولله :)

سندباد يقول...

ارتعاشات
مفيش هم ولا حاجة
تحياتي