الاثنين، 30 أغسطس، 2010

وعد

إرحلي
أُخرجي من جحيمي لجنة الأخرين
مزقي أشيائي وذكرياتي والحنين
إبتعدي عني أميالا ومسافات وسنين
إرتشفي من كؤوس النسيان وأشبعين
إنسفي جسور العودة لحضني ودمرين
إلقي ورودي وكلماتي أسفل سافلين
أزيلي عطري عن جسدك وأغتسلين
عذبي عمري وحلمي ولا ترحمين
سُبي قلبي وعشقي وأرجمين
إجلدي جسدي وظهري وإحرقين
أنثري وبعثري رفاتي طربا وأفرحين
أخرجي قلبي من صدري وأطعنين
تمني موتي سريعا وأدعين
سيري للأمام ، لا تنظري خلفك ولا تعقبين
قولي للدنيا أنك كرهتي هذا الأحمق اللعين
إقسمي بإنك رحلتي ولن ترجعين
وإذا عدتي يوما
ستجديني علي حبك أمين

هناك 40 تعليقًا:

قلــ"بـــلال"ــــــب فارس يقول...

اتمنى ان تشارك فى الصالون الفكرى
http://qalbfars.blogspot.com/2010/08/blog-post_29.html

karmen يقول...

الله سندباد
رنة الحزن المستمرة ولكن بالرغم من هذا فهي رائعة
كلمات اشبه بالدوامة او بشلال مياه
شعرت الكلمات تسقط من منحدر عالي
نهاية تفوق الوصف شعرت كأن كلمات الخاطرة جميعها تصب بدائرة النهاية

تسلم ايدك سندباد

خالص احترامي

الحب الجميل يقول...

صباح الخير
رائعة كالعادة
بس لى رأى أنا شايفة أن بطل هذه الكلمات الجميله ليس حياتة معاها بجحيم
بالعكس لأنه فى الأخر بيقولها إذا عدتى ستجدينى على حبك أمين معنى ذلك أنه باقى على حبه لها للأبد
وعد جميل جدا
تسلم أيدك
كلها أحساس عميق
وحزن بين حروف الكلمات

دمت بخير

جوجو يقول...

السلام عليكم
رغم هذه القسوة الا ان احساسك عالى جدا
تحياتى

موجة يقول...

لاااااااااااء كده كتير
انت ترضى انها تعمل كل ده فيك
وفى الاخر ترجع تلاقيك لسة بتحبها
اسمح لى يعنى
ده كده مش حب خاااااالص ده كده الهبل بعينه
عذرا يعنى
بس اقولك كلماتك انت منقيها كويس اوووى وبعنايه
وده دليل على موهبتك العبقرية الفذه
بس اقولك انت قطعت قلبىىىى
بكلماتك دىىى وبصورة الولا اللى سايح فى دمه ده
يلا بقى
كلنا لها
تحياتى

موجة يقول...

عذرا يا سندباد لو اسات اختيار الكلمات فى تعليقى

فــرآشـة زرقــآ يقول...

رائعة جداً سندباد ..
ورائع هذا الحب ..
وذاك التمسك من الحبيب مع إنه فاق الخيال بعض الشيء ولكن لعل هذا هو سر جماله ..
الوصف والكلمات فاقت حد الجمال .

يسلم قلمك وفكرك ..
دمت بود ,, ودام قلمك زاخراً بهذ الإبداع
خالص احترامي ..

sendbad يقول...

قلب فارس
شكرا لمرورك واكيد يسعدني المشاركة
تحياتي الخالصة

sendbad يقول...

كارمن
خالص تحياتي وتقديري لتعليقك الرقيق ويسعدني ردة الفعل الجميلة لكلماتي
بس رنة الحزن دي هاتفضل جوايا لفترة طويلة
تحياتي

sendbad يقول...

الحب الجميل
هو بيقولها اذا كان هو جحيم اخرجي جربي جنة الاخرين
بالعكس هي جنة جميلة جدا
تحياتي الخالصة

sendbad يقول...

جوجو
شكرا لمرورك ربنا يرحمنا ويعفو عنا
تحياتي

sendbad يقول...

موجة
بالنسباله هو هي تستاهل يقعد في محرابها مستنيها لاخر نفس في صدره
تحياتي

sendbad يقول...

موجه تاني
ابدا مفيش حاجة ولا يهمك دي وجهة نظر
متشكر اوي لمرورك واهتمامك

sendbad يقول...

فراشة زرقا
شرفتيني وشرفتي السفينة
متشكر جدا لمرورك وتعليقك الرقيق
تحياتي الخالصة

داليـ ـ ـ ـ ـ ـ ــــا يقول...

إيه الوفاء والإخلاص ده
ولا اغير المعنى واعكسه

يعنى بعد ما هى هتعمل ده كله
وانتا تقول
وإذا عدتي يوما ستجديني علي حبك أمين

مش عارفه اقولك ايه

داليـ ـ ـ ـ ـ ـ ــــا يقول...

ع فكره هى كلمات لذيذه لكنها متعبه اوى اوى

عايزه اقولك إجمد أوى
وجمد قلبك أوى أوى

Story pain يقول...

إقسمي بإنك رحلتي ولن ترجعين وإذا عدتي يوما ستجديني علي حبك أمين


كلماتك صادقة...واحساس رائع

تسلم ايدك

Noha Saleh يقول...

فعلا اختيار الكلمات تم بشكل عبقرى
كلمات جميلة واسلوبها حلو جدا

اعقل مجنونه يقول...

فلسفه غريبه اننا نتعذب علشان حد مش حاسس بينا

توبك اكثر من رائع
دام قلمك

دموع القمر يقول...

الله جميل ياسندباد والله
إقسمي بإنك رحلتي ولن ترجعين وإذا عدتي يوما ستجديني علي حبك أمين
يعنى انا مشفتش بعد كدا
احييك

sendbad يقول...

داليا
لأ متعكسيش المعني
في شخصيات نادرة في الدنيا تضحي عشانها بالغالي والنفيس لانها تستاهل
شكرا لمرورك الكريم
تحياتي

sendbad يقول...

داليا تاني
في حاجات كتير متعبة في الدنيا

تحياتي مرة تانية

sendbad يقول...

story pain
متشكر لمرورك وسعيد بردة فعل اصدقائي بكلماتي
دايما تعليقك جميل
تحياتي

sendbad يقول...

نها
متشكر لمرورك الدائم ومتشكر لتعليقك الرقيق سعيد بمرورك
تحياتي

sendbad يقول...

اعقل مجنونة
هاقلك زي ما قلت لداليا
في ناس في الدنيا لما تعرفيها كويس تضحي عشانها بالغالي والنفيس
هي مش فلسفة هي رد فعل للشخصية اللي قدامك
تحياتي

sendbad يقول...

دموع القمر
تحياتي لمرورك الدائم وشكرا لتعليقك الرقيق
اسعدني وجودك
تحياتي

rack-yourminds يقول...

كلماتك عن فراق الحبيب والحزن عليه والالم الذي يسكن فيك ,كلمات بجد في منتهي الاجمال والرقه والاحساس ....لكن هيعجبني اكتر لو كتبت كلمات فيها تحدي وفيها ثبات

____________

لو كان هذا البوست يعبر عنك ,اتمني ان يجمعك الله فيمن تحب ,وان يزيل الخلافات بينكم

sendbad يقول...

راك
يسعدني مرورك وتعليقك الراقي الواعي
احيانا بتبقي محتاج تطلع كل اللي حواك من غير ما تعمل فلتر عشان ترتاح يمكن بعد كده يجي الثبات
متشكر ياصديقي علي اهتمامك
تحياتي الخالصة

Admin يقول...

اول مره بس مدونه زى العسل

sendbad يقول...

admin
شكرا لمرورك
تحياتي

الشاعر الفنان أحمد فتحى فؤاد يقول...

سندباد

كلمات جميلة و إحساس أجمل

دمت متألقا

تحياتى

أحمد الصعيدي يقول...

كل هذا الحب


أسعدك الله

دموع القمر يقول...

انا جيت اسلم وبم ان المغرب قرب يإذن فانا هفطر هنا :):)

تحياتى

sendbad يقول...

الفنان احمد فتحي
شرفتني ونورتني شهادة اعتز بيها حضرتك
جزاك الله خيرا
تحياتي الخالصة

sendbad يقول...

احمد الصعيدي
شرفتني اسعدنا واسعدك الله زيارتك بتنور السفينة
تحياتي

sendbad يقول...

دموع القمر
متشكر علي سلامك وذوقك
وبما ان السفينة تتشرف بيكي فاهلا بيكي كل يوم تيجي تفطري عندنا ربنايكرمك متشكر اوي علي زيارتك
تحياتي

Admin يقول...

جامده جدا جدا

sendbad يقول...

admin
متشكر لزيارتك الثانية
تحياتي الخالصة

ساسو يقول...

احساسك جميل اوي يا سندباد
بالرغم من نبره الحزن الموجوده في كلماتك
بجد متألق جدا جدا جدا

sendbad يقول...

ساسو
من النادر ان حد يقرا بوست قديم ويعلق عليه
متشكر لمرورك وكلماتك الرقيقة
تحياتي كل عام وانتم بخير