الثلاثاء، 24 أغسطس، 2010

إحساس

جلسا سويا في مكانهما المفضل وكانت كعادتها دائما
جميلة رائعة فاتنة
وكان كعادته دائما عندما ينظر إلي عينيها
كأنه ينظر إلي عجائب الدنيا السبع مجتمعين
طال الصمت لبرهة
ثم قال لها ألم أوحشك ؟
تعلثمت قليلا ثم قالت وحشتني
وعاد الصمت من جديد وهنا تأكد من شعوره الذي يشعر به
من فترة وأنه قد أهان قلبه كثيرا وقرر الحديث
وقال لها سأرفع عنك الحرج ولتأتي تلك الخطوة التي تريدينها مني أنا
حتي يرتاح ضميرك ويستكين
وسأتحدث بالنيابة عنك
أنتِ في حل من أية وعود وعدتيني بها
لن نستطيع أن نستمر هكذا
وكما قلتُ لك من قبل سأتحدث بالنيابة عنك وأعبر عما يجول بخاطرك
تريدين أن تقولي أن حبك انتي كان كبيرا علي قلبي وأنني لا أستحق هذا الحب
وأنك اساءت الاختيار من البداية
وأن حالة الإنبهار والإعجاب التي كنتِ تعتقدي أنها حب قد إنتهت
وعندما إقتربتي مني وجدتيني قليل الحيلة فارغ العقل أحمق الأحلام
وأنني لست ذلك الرجل الذي تتمنيه
وأن هناك كثيرون أفضل وأروع وأجمل يستحقون حبك
وأني لا أستحق أن أكون حبيبا أو زوجا لك
وصمت لبرهة
ثم قال لها هل هناك كلام أخر تريديني أن أقوله بالنيابة عنك ؟
نظرت له لأول مرة ثم قالت دائما ما تشعر بي وتعلم ماذا أريد أن أقول
أنت الشخص الوحيد الذي يحفظني لهذه الدرجة
ثم قامت وأنصرفت
وتمتم قائلا لم يخذلني إحساسي أبدا
أشعل سيجارته ونظر إلي الفراغ

هناك 45 تعليقًا:

rack-yourminds يقول...

سندباد ....اكيد عارف رايي في موضوعاتك
___________
بس ليه الحزن ده يا باشا !؟حروفك وكلماتك مسكونه بالحزن وعدم الشعور بالسعاده ,,المره الجايه عاوين بوست مفرح كده ....اسعد الله ايامك

دعاء العطار يقول...

معقول هو قادر يفهمها للدرجه دى ويوصفلها كمان مشاعرها وتسيبه ؟

بس عارف قصتك دى بتأكد حاجه

اننا ماينفعش بأىىى شكل نقول كلمه الا واحنا متأكدين منها

ماينفعش أقول لحد " بحبك " الا وانا متأأأكده انى مش هتخلى عنه ابدا

ماينفعش اوعده بوعود انا مش قدها

من الأخر لو انا مش قد مسئولية الحب يبقى حرام عليا اعيش غيرى فى اوهااام

" الكلمه اذا لم تنطق بها فأنت تملكها فإذا نطقت بها فهى تملكك "

قصه جميله رغم قسوتها

دمت مبدع

karmen يقول...

الله سندباد

مش هقول معقول حد يفهم حد للدرجة دي بس معقول حد يلاقي شخص يفهمه ويحبه كده لدرجة انه حاسس بكل همسة في احاسيس حتي لو كره ناحيته ومايعرفش يحبه ؟

روعة بكل المقاييس سندباد

اريد فقط ان اعلق علي نبرة الحزن التي اجتاحت سفينتك اتمني ان تزول قريبا

دمت مبدعا سندباد

داليـ ـ ـ ـ ـ ـ ــــا يقول...

بس بالعكس اللى بيكون بيحب اوى ده بيبقا متوهم ومسيطره على دماغه فكرة انها بتحبه جدا
مبيعرفش يكتشف الحقيقه
عشان زى ما بيقوا الحب اعمى
لالالالا مش اعمى
دا هو مالوش عيون اصلا يشوف بيهم

بس لو أكتشف حاجه زى دى يبقا عقلانى زياده شويتين

تحياتى

الحب الجميل يقول...

بتحصل كتير ان شخص يفهم اللى ادامه من نظرة عيونه ويعرف هو عايز يقول ايه ويوفر على الشخص التانى الاحراج من الكلام
بس هى مع الاسف غبيه لان شخص مثله يفهمها بهذا القدر وتقوم تسيبه يبقى أكيد خسرته
بجد جميله اوى القصة وكتير منها فى الواقع
تسلم أيدك يا سندباد
دمت بخير

جوجو يقول...

السلام عليكم
اى اتنين بيحبوا بعض اكيد بيبقوا فاهمين بعض وحاسين بعض وحتى كمان كلامهم وتفكيرهم هتلاقيه واحد بس الظروف هى الاحيان بتكون اقوى من اى حاجة
تحياتى

موجة يقول...

السلام عليكم
الزيارة الاولى برضووو
ومش هتكون الاخيرة
وعد
اوعى تبقى تقولى انتى فى حل من الوعد اللى وعدتيهولى زى مال الحبيب لمحبوبته فى البوست
اقولك حاجة جميل اوى ان حد يلاقى حد يحس بيه حتى لو الاحساس ده فراق
بس كفايه انه يعرف اللى جواه
وكما قال الشاعر:
الفراااق ده نااااار
بس عادى نتصل بالمطافى
تحياتى

منة يقول...

رائعة سندباد ..
إحساس ولا أروع من الصدق في الأحساس لم يعد له وجود ..
كلمات تنزف آلام ولكنها فاقت الروعة ..

يسلم فكرك سندباد ..
تقبل مروري ,,

sendbad يقول...

صديقي راك
انا في اسوء اسوء حالتي والدنيا سودة اوي في عنيا ومش هاقدر اوعدك اني ممكن اكتب حاجة تفرح في الوقت الحاضر
استحملوني بقي معلش اعانكم الله
شكرا لمرورك الدائم
تحياتي

sendbad يقول...

دعاء العطار
وياريت كان احساسه غلط
شكرا علي اضافتك الجميلة وشكرا علي مرورك
تحياتي الخالصة

sendbad يقول...

كارمن
في حاجات كتير في الدنيا مش معقولة
شكرا علي مرورك الدائم
نبرة الحزن للاسف هاتفضل فترة طويلة معايا
تحياتي

sendbad يقول...

داليا
ولاول مرة يبقي عقلاني
شكرا لمرورك
تحياتي

sendbad يقول...

الحب الجميل
متشكر جدا علي مرورك
ومحدش عارف مين بيخسر مين
ومن كتر الخسارة اللي بنخسرها محدش عارف الصح فين
تحياتي

sendbad يقول...

جوجو
وما ادراكي ما الظروف لما تبقي معاندة ومش راضية تفك مهما عملتي
تحياتي لمرورك

sendbad يقول...

موجة
اسعدك الله
بس عمر ما كان الفراق جميل
تحياتي الخالصة ليكي والمدونة بتسعد بمرورك

sendbad يقول...

منة
متشكر لمرورك وتعليقك جزاكي الله خيرا
تحياتي الخالصة

الشاعر الفنان أحمد فتحى فؤاد يقول...

تعرف ؟ كلنا قابلنا موقف زى ده سواء أقل أو أكثر .. مع الطرف الثانى أو مع نفسنا

لكن دايما فيه طرف بيدفع الثمن ... ثمن الألم و الوجع و الفراق

ربنا يسعدك

دمت بخير

sendbad يقول...

الشاعر احمد فتحي
شرف ليا حضرتك زيارتك لسفينة السندباد
الوجع والالم والفراق اصبحت السلعة الرائجة حاليا في زمان القهر
تحياتي الخالصة
نورتني

Story pain يقول...

ما أقسى أن نموت ظمأً للحب بجانب من نحب

..ما أقسى أن نرى أنفسنا بأعين تفقد معنا القدرة علي الرؤية (فنمقت انفسنا)...

ما أقسى هذا الفراق الذى نواجه فيه نهايتنا بشجاعة نخبئ بها صرخات قلوبنا واستغاثات حبنا ونداءنا الأخير للحبيب..

أحييك علي اسلوبك الرائع واختيارك لخاتمة معبرة للخاطرة .

اميرات الاسرار يقول...

السلام عليكم

الله بجد على الكلمات دى انا بجد حسيتها اوى وفعلا احساسك رائع جدااااا
بجد مش عارفه اقولك ايه

بس بوست تحفه والله

تسلم ايديك
زهراء

sendbad يقول...

ستوري باين
ما أقسى أن نموت ظمأً للحب بجانب من نحب

صدقتي ولكن لله الامر من قبل ومن بعد
تحياتي لمرورك وتعليقك الكريم

sendbad يقول...

زهراء
متشكر علي ذوقك وتعليقك الجميل
وسعيد بزيارتك
تحياتي اليكي

فتافيت يقول...

تخيلت في النهاية انها هاتنفي كلامه
اتخضيت لما لاقتها بتأكده وبتقوم

ليه ممكن واحدة تسيب حد بتحبه وفاهمها للدرجة ديه
وعارفة انه بيحبها؟؟؟

هو أنت متأكد إن البلطلة دي كانت بتحب؟؟
ولا كان أعجاب وانبهار وقتي.. زي الشهاب بيدأ منور أوي.. وينتهي بنقطة سودا وسط ضلمة

المهم القصة عجبتني اوي
تسلم ايديك

sendbad يقول...

فتافيت
شرفتي السفينة
كانت بتحب بس لما قربت حست انه ميستحقش حبها لاقيته كبير عليه
والله اعلم
تحياتي

rack-yourminds يقول...

سندباد

_________

اذهب الله عنك الهم والحزن وان شاء الله ربنا هيكرمك ويسعدك....بس انت قول ياااااااارب

sendbad يقول...

صديقي راك
جزاك الله عني خيرا ربنا يكرمك ياصديقي
ربنا يعفو عنا ويرحمنا
متشكر لاهتمامك
تحياتي

دموع القمر يقول...

الو الو الو
حول هل تسمعنى
نزلت حلقه جديدة من قلوب بلامرسى
هستنى تعليقك

دموع القمر يقول...

جمييييل
ان يكون فيه حد يقدر يفهم اللى قدامه يقرا اللى عايز يقولوا

بس هو مش هيقول كدا من فراغ هو اكيد عارف نفسه انه كدا عشان يقول اللى قاله

sendbad يقول...

دموع القمر
شكرا ورحت وسبت تعليق
تحياتي

sendbad يقول...

دموع القمر
تفتكري واحد يبقي بيحب كده وفاهم اوي كده يبقي فارغ العق
يمكن يكون قليل الحيلة شوية بس يمكن الظروف هي اللي مخلياه كده
علي العموم تعليقك مختلف عن باقي التعليقات وده شئ كويس
تحياتي

Alaa Salim - علاء سالم يقول...

السلام عليكم

خاطرة جميله بجد بأحييك عليها

أظن إنه عارف نفسه أكتر من معرفته بيها
فكل ما قال من صفات هي صفاته هو التي يراها بعين محبوبته

خالص تحياتي لقلمك المتميز

sendbad يقول...

علاء سالم
شرفتني
اكيد عارف نفسه لانه لو معرفش نفسه مش هايعرف غيره
تحياتي لمرورك

sun of free dom يقول...

اجمل شىء والحياة بتمشى من غير مشاكل والله

ان الاتنين يعرفوا بعض كويس


ومش واحد بس يعرف التانى لازم الجوز طبعا


خاطرة جامدة تسلم

Noha Saleh يقول...

بس فى سؤال ياترى هو قالها كل الكلام ده علشان هو فعلا فاهمها ولا علشان دى فعلا عيوبه؟
على فكرة اسلوبك حلو جدا والمدونة بجد رائعة

sendbad يقول...

son of free
شرفتي السفينة تحياتي لمرورك
لا راحة في الدنيا
الحمد لله علي كل شئ

sendbad يقول...

نها صلاح
متشكر علي زيارتك وتعليقك الراقي
هو قال كده عشان هو فاهمهااوي اوي اكتر من نفسها زي هي ما قالت
وعشان هي دي عيوبه
رحم الله امرء عرف قدر نفسه
تحياتي

اعقل مجنونه يقول...

أشعر أن كلماتى قد فقدت بريقها وأن أحرف اللغه لم تعد كافيه لوصف ما أشعر به الأن تطايرت كل الأحرف من الكلمات وأصبح عقلى الملئ بالأفكار كتله من الفراغ ليقف عاجزا عن التعبير ....

شكرا جدا انك خلتنى مش عرفه ارد على التوبك اللى ما ينفعش يتقال بعديه كلام

فتاة من عالم آخر يقول...

أولا كل سنة وحضرتك طيب
ثانيا بقى
ايه القسوة دى؟ هوا فى واحدة مليانة قسوة كده؟!!وياريتها على أى حد القسوة دى بس دى بتقسى على أكتر حد حاسس بيها بجد دا غباء منها وهو عنده لا مبالاة عادى كدا ؟وقدر يقول الكلام دا؟
يمكن الموقف دا واقعي بس أنا لو شفت الموقف دا قدامى مش هحس بأى حاجة واقعية فيه لأن دا مش طبيعى أبدا

آسفة اذا كنت طولت بس أصلى اتعصبت

وشكرا كتيييييييير على مرورك بمدونتى وأتمنى ان يبقى فى تواصل على طول

طالبة مقهورة ..درجة أولى يقول...

حقيقي ممتازة

انك تفسر الموقف بالشكل ده

كل اللي بشوفه بيثبت حاجة واحدة..هيا فكرة فلسفة علاقات

يعني ازاي نقدر نفرق بين الحب والاعجاب..

لو كانت فهمت م الاول انه وهم مكنتش حبته
بس ذكاءه خلاه يفهم ويحسم الامر..ويكسب مش يخسر

sendbad يقول...

اعقل مجنونة
انا متشكر جدا لكلماتك الرقيقة للغاية اسعدني مرورك الكريم واسعدني اعجابك بالبوست ربنا يكرمك جزاكي الله خيرا
تحياتي

sendbad يقول...

فتاة من عالم اخر
كل سنة وحضرتك طيبة
متشكر لمرورك الكريم
هي مش غبية هي صريحة مع نفسها وحست انه مش الشخص المناسب ليها ولحبها كده احسن ولا توهمه بحب كبير وبعدين يصحي يلاقيها مشيت مرة واحدة
تحياتي

sendbad يقول...

طالبة مقهورة
فعلا فلسفة علافات وفي نفس الوقت الصراحة افضل من الوهم
اقصر طريق بين نقطتين الخط المستقيم وهي مشيت علي الخط ده عشان متوهموش وهو في نفس الوقت عشان بيحبها اوي فاهمها اوي
تحياتي الخالصة

Nouran يقول...

بجد مش عارفه ليه اي اتنين بيحبوا بعض فاهمين بعض اوي كدا يبقي اخرهم الفراااغ دا !!!
اه مش كل الناس بس معظمهم طريفهم في الاخر فرااااغ

sendbad يقول...

نوران
شكرا لمرورك
اسئلة كتيرة ممكن نسالها ونحاول نعرف ليها اجابة بس مش هانعرف زي ما احنا مش عارفين العيب فينا ولا في زماننا
تحياتي الخالصة

yasmeen يقول...

كيف لشخص ان يعلم كل هذا عن محبوبه ويكن مضمحل العقل ؟ فمعرفه خبايا النفس يلزمها الذكاء
اظنها اخطات الحكم

جميله اوى

سلمت يداك