الاثنين، 30 أبريل 2007

عن العشق والهوي

العلاقة بين الرجل والمراة يجب ان تقوم علي التكافئ علي اليقين بان الرجل له دور والمراة لها دور فالرجل هو الامن والامان والثقة لدي المراة " اي رجل بمعني الكلمة " ودور المراة في حياة الرجل هو الحنان والمساندة والمعاونة والسكينة فاذا اجتمع الدورين بين الطرفين يتولد الحب بحيث تشعر المراة بالثقة والارتياح للرجل ويشعر الرجل بالحنان والسكن للمراة والحب في راي ليس علاقة منتهية بمعني ان الحب وحده لا يكفي لاستمرار العلاقة فالحب كائن يحتاج من يرعاه زهرة تحتاج من يرويها والخطا ليس في الحب او في الزواج ولكن فينا حين نعتبر ان بكلمه الحب والارتباط والزواج قد انتهي الامر وانتهت الدنيا وليس هناك اهداف اخري
ساحاول هنا ان اوضح وجهة نظري وهي كيف نحافظ علي استمرار الحب وبالتالي نحافظ علي استمرار الارتباط لو راي عجبكم يبقي انا بفهم لو مش عجبكم يبقي ليا شرف المحاولة
اولا الصدق ، الصدق في المعاملة في المصارحة الصدق في الاحاسيس والمشاعر الصدق في الرغبة في استمرار العلاقة الصدق مع النفس لان فقدان الشريك الثقة في شريكه يكون بداية لفقدان اشياء اخري كثيرة
ثانيا التعبير عن الحب ، والتعبير له وجوه عديدة فهناك التعبير اللفظي بحيث لا تقتصر الحوارات بين الطرفين علي المتطلبات المادية او مشكلات الحياة بل يجب ان يستقطعوا وقتا للتعبير عن المشاعر وعن الحب وعن الاشتياق ، وهناك تعبير المواقف حيث ان هناك بعض الاشياء البسيطة التي قد تبدو من بعيد ان المطالبة بها تعتبر مراهقة فكرية او عاطفية وانا اعتبرها علاج نفسي مستمر ومتواصل فالمراة تحتاج من الرجل ان يتذكرعيد ميلادها وتاريخ اول لقاء وتاريخ اول كلمة حب وتاريخ زواجهما ولا نغفل دور الهدايا ايا كانت قيمتها التي تضفي البهجة بين الطرفين وخاصة اذا كانت بعيدا عن المناسبات وهناك ايضا ان تشعر المراة بانها جميلة دائما في نظر من يحبها وان يلفت نظره اي تغيير احدثته في شكلها او ملابسها وفي طباعها اما الرجل فهو يحتاج الي الاحساس بان زوجته له بكل كيانها وانها معه باستمرار وانها علي استعداد له دائما انها المنطقة الجميلة التي يلجأ اليها بعد عناء الظروف والهموم وانه مهما اخطا فهي كقلب الام دائما تعفو ، وهناك التعبير الجسدي واعتقد ان هذا التعبير له دور كبير في استمرار وتطور الحب والمشاعر لا اريد ان نكذب علي انفسنا فهذه فطرة وشهوة واجمل اتصال جسدي هو الذي ياتي نتيجة الحب بمعني انني احب ومن اجل الحب احب الاتصال بمن احبه وليس احب الاتصال بمن احب لمجرد الاتصال لذلك فاذا تم الاتصال بين الطرفين لرغبة كل طرف اسعاد الاخر وليس لاسعاد نفسه فقط مع ابداء الرغبة في الاستمتاع وعدم الخجل والحياء والتعبير عن الاحتياج وعما يحب وعما يكره في هذا الاتصال ستصبح العلاقة اكثر حميمية ومكتملة الجوانب ويحدث التوازن بين العاطفة والجسد بحيث لا يكون جانب غالب علي جانب
ثالثا التسامح علي الطرفين اعداد حصالة فكرية مثل حصالة النقود يضعا فيها مواقفهما الجميلة والذكريات الاجمل حتي اذا حدث تقصير من احد الاطراف لظروف الحياة ومتطلباتها او لظروف الطباع البشرية وتناقضاتها يبدأو في فتح الحصالة فيذكر كل طرف اجمل ما في الطرف الثاني ويتجاوز عن عيوبه خاصة اذا كانت هذه العيوب من السهل التعايش معها وليست من العيوب القاتلة وقد قال صلي الله عليه وسلم " لا يفتل مؤمن مؤمنة اذا كره منها طبع احب فيها اخر" صدق رسول الله
رابعا ان يراعي كل طرف الله في المعاملة مع الطرف الثاني بحيث يضع حدود الله امامه
هذا راي فما رايكم ؟ وللحديث بقية

هناك 35 تعليقًا:

Tamer Nabil Moussa يقول...

الحياة حقوق وواجب بين الطرفين

بوست مميز

تحياتى

سندباد يقول...

تامر
شكرا للزيارة تحياتي

~ Bato0ot ~ يقول...

post gamil w 7a2e2y fe3lan

سندباد يقول...

batooot
شكرا علي المتابعة اهتمامكم بالفكرة بيشجعني اكتر واكتر

reri يقول...

إنت لخصت حاجات لو كل زوجين عملوها شكل الحياه بينهم هيختلف نهائي... لو كل واحد إهتم بالطرف التاني ... ده هيفرق كتير

سلامااااااااات

سندباد يقول...

ريري
انتي اللي لخصتي الموضوع كله بكلمة واحدة الاهتمام فعلا الاهتمام
شكرا علي التواصل

gohayna يقول...

انا متفقه معاك في معظم كلماتك

طبيعه العلاقه بين الرجل والمرأه في رأي معقده جدا وتحتاج لكتير من الجهد والتعب والصبر والاهتمام

انت ذكرت الصدق
ودا بالنسبه ليا من اهم مقومات نجاح العلاقه بين اتنين

لان فعلا اكتساب ثقه الاخرين سهل في البدايه

لكن لو فقدت بيكون استعادتها شبه مستحيله

بالنسبه للتعبير عن الحب
فأنا معاك في كدا

خصوصا ان الخرس الزوجي والصمت والفتور والملل كلها نتائج لضياع صيغه التعبير عن الحب وتجديدها وافتصارها علي افعال روتينيه
تمارس من اجل العاده فقد وليس من اجل الحب

اهم حاجه كمان وجود الاحترام بين الطرفين ودا بأثر كتير جدا علي طريقه المعيشه بينهم

تسلم ايدك
ومستنيه بقيه الكلام

تحياتي

سندباد يقول...

جهينة
فعلا العلاقة بين الرجل والمراة محتاجة الي مجهود وذكاء وصبر حتي تستمر وتصبح في تطور باستمرار ، سعدت جدا لاني قدرت اوصل ليكم وجهه نظري وسعدت اكتر لما لقيت كتير متفق معايا في بعض النقاط وانتي اتكلمتي عن نقطة كنت هاتكلم عنها في المرة الجاية هي نقطة الاحترام شكرا للمتابعة وارجو الاستمرار

سابرينا يقول...

المشكله ان كل قواعد ديه لأزم هم الأتنين يعملوها من نفسهم
مش حد يقولها لهم!!!!!!

سندباد يقول...

سابرينا
شكرا علي اهتمامك ومرورك للفكرة دي
اولا ثانيا ما خاب من استشار دي خبرات لازم نديها لبعض محدش بيتولد وعارف كل حاجة ان انصحك حد ينصحني المهم نقتنع بالفكرة ونحس انها ممكن تفيدنا مرة تانية شكرا للمتابعة وارجو الاستمرار

صاحب البوابــة يقول...

رائع اخي العزيز

مقال جميل

احب القراءة لك

لتعمقك في الفكرة دائماً

بعيداً عن سطحية التناول والطرح

تحياتي

سندباد يقول...

صاحب البوابة
شكرا علي مرورك وتعليقك خاصة اذا كان التعليق من شخص يعرف معني الكلمة ومدلولها والفكرة بتزيد بيكم وباهتمامكم تحياتي

دوللي يقول...

احسنت
هو ده احسن كلام ممكن يتقال احييك علي البوست الاكثر من رائع
شكرا علي زيارتك و يارب دايما

سندباد يقول...

دوللي
الحمد لله ان قدرت احوز اعجابك واعجاب الاخرين بالفكرة بتاعتي ياريت الاستمرار في المتابعة لان الفكرة بتكبر بيكم

سهر الليالى يقول...

قول لهم ياسندباد قول بس مين يفهم ومين يقدر .... لازم تلاقى حدمن الطرفين بيفكر غلط وانانى ودى المشكله مش الست ولا الراجل على طول الخط تقريبا المشكله فى النفس البشريه اللتى لا تشعر بالرضا ابدا
بوست هايل بجد ومن غير مجاملات
تحياتى

سندباد يقول...

سهر الليالي
فعلا احنا محتاجين نقول ومحتاجين نسمع محتاجين حد يفهم ويفهمنا مشكلتنا اننا مش عايزين نقتنع زي ما انتي بتقولي كده النفس البشرية اللي مش عايزة تقتنع وتبقي راضية انما لازم نحاول شكرا علي مرورك ومن غير مجاملات انا ببقي سعيد بزيارتك للفكرة ارجو الاستمرار

عين ضيقة يقول...

فعلا..........للحديث بقية

لسه فيه حاجات تانية كتير

أولهل اننا نعرف نحب بجد

بس أعتقد ان لو اى حاجة من اللى انت قلت عليهم حصلت الحياة هتبقى افضل ولو حاجة بسيطة

أصلها بقت وحشة بجد

تحياتى ليك
وشكرا على تشريفك مدونتى

shermen يقول...

جميله أوي مدونتك دي
دي اول مره ليا هنا
وان شاء الله مش هتكون الاخيره
----------------
بالنسبة للبوست
أحب أضيف إضافه واحده
الطيبون للطيبات

ربنا سبحانه وتعالى
خلق كل نفس ومنها زوجها
ذي ما القرآن بيقول

تحياتي

david santos يقول...

Thanks for you work and have a good day

Rosa يقول...

رأيي انك بتفهم يا سندباد و تفهم قوي كمان
لو بس الناس تتطبق دا في حياتهم و يتخلوا عن انانيتهم , اعتقد ان كل حاجه بينهم هتكون تمام و هيكونا في اسعد حال
في انتظار البقية انشاء الله
تحياتي

أسوور يقول...

البوست أكثر من رائع ويشرح كيف يجب أن تكون العلاقة بين الرجل والمرأة بمنتهى البساطة
البوست أنا حطيت لينك له فى قائمة أحلى البوستات عندى

سندباد يقول...

عين ضيقة
انا اللي شكرا لزيارتك لمدونتي ، الحب بجد امل كل انسان او انسانة فاهمين ان الدنيا ابسط من الصراعات اللي احنا عايشين فيها تحياتي وارجو المتابعة

سندباد يقول...

شرمين
صدق الله العظيم لو راعينا ربنا في تعاملتنا مع بعض هانبقي كلنا طيبين شكرا علي زيارتك وياريت متكونش الاخيرة

سندباد يقول...

Rosa
الحمد لله اني قدرت اوصل ليكم وجهة نظري والحمد لله انها لاقت قبول عندكم وانتي عندك حق اننا لو اتخلينا عن الانانية اعتقد اننا هانبقي في احسن حال لاننا فعلا تعبنا من الانانية والجشع وعدم الرضا شكرا للزيارة وارجو المتابعة باستمرار

سندباد يقول...

ياسمين
بترفعي دايما من روحي المعنوية تشجيعك للفكرة بيقويها والحمد لله ان البوست عجبك جزاكي الله خيرا

سندباد يقول...

سانتوس
شكرا للمتابعة والزيارة وياريت الاستمرار

حزيــــــــــــــــــن يقول...

ازيك يا سندباد
انا موافق الحب وحده لا يكفى
اشكرك على المرور على مدونتى وارجو التواصل

همسات دافئه يقول...

جميل أوى وأكتر حاجه جميله هى التسامح لأن الحب بيذيب الغضب فلا يجتمعان أبدا فى قلب واحد أحييك وفى انتظارك دائما:)
سندباد سامحنى ولكنى دوما أشعر ان حروف كلماتك تبكى..هون عليك ياأخى فالحياه أحقر من أن نحياها فى حزن ودموع

yamen يقول...

كلامك في محله تماما يا عم سندباد

و خصوصا في موضوع الصدق..

لانه هو بداية كل شئ

و اذا ابتدت العلاقة بالكذب فهي علاقة محكوم عليها بالفشل من البداية

تحياتي يا عزيزي

غير معرف يقول...

أحييك كتير علي هذا البوست ,منتظر باقي الحديث ,في حفظ الله

سندباد يقول...

حزين
انا اللي اشكرك علي اهتمامك بافكاري وجميل ان تكون افكارنا متشابهة
تحياتي

سندباد يقول...

واحدة من الناس
متشكر علي اهتمامك الرقيق ، والاحساس اللي انا حاسس بيه واللي انتي حسيته من بوستاتي اعتقد انه احساس مؤقت لان ربنا مدينا نعمة جميله اسمها النسيان علي العموم انا مؤمن بان ربنا مش بيجيب شر احنا اللي بنجيبه لنفسنا وكل شئ بقدر
شكرا وارجو التواصل الدائم

سندباد يقول...

يامن
جميل اوي التواصل والاحساس ان في حد بيشاركك افكارك ياريت دايما
وياعزيزي الصدق منجي

سندباد يقول...

مصري
شرفتني وشرفت الفكرة انشاء الله ربنا يقدرني علي اني اكون عند حسن ظنكم
شكرا للمتابعة

truelove يقول...

لااجد تعبير غير انك وفقت في اجاز كل ما تتطلبه هذه العلاقة من واجبات وحقوق اسل الله لك التوفيق في حياتك وتعويضك بكل خير