صياد ورامي شبكتي في البحر وكلي امل
لا عمري كليت ولا عمري حسيت بالملل
موجة ورا موجة تمرجح مركبي بدلع
وانا قاعد ناسي الدنيا والهموم والعلل
فرحان ؟ اه فرحان
يعني قال بالحزن الحال هايتعدل
بتحب ؟ اه بحب
وحبيبي شايلني في عينه زي الطبيخ في الحلل
تعبان ؟ تعبان
بس عمري ما قعدت اندب ولا جاني شلل
صابر ؟ ايوة صابر
وصبري يحسدني عليه الجمل
خايف ؟ لاء مش خايف
قلبي اسد وعقلي يصلح الخلل
عايز ايه ؟
عايز احس اني بني ادم
آكل لقمتي وانام
من غير حزن علي صدري زي الجبل
هناك 28 تعليقًا:
حلوة وخفيفة
المدونة كلها لزيزة
يابختك ياصياد
قاعد ناسي الدنيا والهموم والعلل
فرحان ؟ اه فرحان
يعني قال بالحزن الحال هايتعدل
رائعه فعلن :)
أول مره أفتح المدونه ده وصدقنى من المدونات النادره الى مقفلتهاش غير لما قرأتها كلها كل حاجه مست شىء جوايا اسمحلى أضفها عندى فهى تستحق:)
الوردة السوداء
شكرا للمتابعة شكرا لذوقك واطرائك واتمني دايما اني اكون عند حسن ظنكم
واحدة من الناس
بصراحة مش عارف اقول ايه شرف ليا انك تحطي فكرتي الصغيرة في بحر افكارك من حقك تضفيني من غير استئذان شكرا علي مرورك وارجو الاستمرار
gamila awy enta ely katbha????
batooot
ايوة انا اللي كاتبها ايه رايك
لذيذه أوي....وحلوه حبيبي شايلني في عنيه زي الطبيخ في الحلل... مش عارفه ضحكني أوي التشبيهه ده...ههههههههههههه... تحياتي ليك
ريري
شكرا علي اهتمامك بالمتابعة وجميل اني عرفت اضحكك لان الضحك غالي اوي الايام دي
كلامك لمس قلبى وعقلى
واختيارك لعمر خيرت وجعنى اكتر
فعلا مدونتك جميله اوى اوى
رينا
شكرا علي مجاملتك وذوقك ويارب دايما اقدر احوز اعجابك
جيت أقول مساء الخير
وألقي السلام والتحية
بصراحة
لسه
لسه شوية عليّــا علشان أقدر أكتب تعليق على تدويناتك
بس عدد المتابعين لمدونتك زاد واحد
قصدي واحدة
سلام
اميرة
مساء الخير
متشكر علي ذوقك المدونة بتزيد بيكم وباهتمامكم بس كان نفسي تعلقي
انا اخدت جوله ىفي مدونتك الجميله
وبصراحه مش عارفه اقولك ايه؟
في مواضيع هزتني جامد جدا
اشدها الانفصال
انا قريته اكتر من تلات مرات
وبجد كل مره بقرأه بحاول اشوف مين الي غلطان
متزعلش مني انتم الاتنين غلطانين
والي بيدفع التمن هما الاولاد
انا مش جايه اقلب المواجع ولا حاجه
وبالنسبه لكلام ياسمين عن الطلاق مش كل الحالات بيكون الطلاق سيء
وعمر ما الطلاق كان المشكله
المشكله الحقيقيه
في الي بيحصل بعد الطلاق
وهو دا الي بيعقد الدنيا
وبيشكل نفسيه الاولاد
ولو فيه احترام بين الطرفين بعد الطلاق
صدقني مش هتكون مشكله
صحيح هيلزم وقت للتأقلم مع الوضع الجديد
لكن الامور اكيد هتتزن من جديد
حلقات الصمت برضه رائعه وفيها احساس اكتر من رائع بجد
كلامك بيلمس القلب مباشره
اسفه ان كنت طولت عليك
بس اكيد هكون زائره مستمره لمدونتك
لوتقبل
تحياتي
جهينة
شكرا علي اهتمامك وكلامك منطقي الي حد ما لكن المشكلة في التاقلم مش اكتر يعني المفروض بعد 12 سنة يبقي صعب اوي التاقلم لكن قدر الله ما شاء فعل وطالما الاحترام موجود يبقي في امل واسعدني اعجابك بفكرتي الصغيرة وياريت فعلا تزوري افكاري باستمرار
شكرا على زيارة مدونتى انا كمان هضيفك
حلوه اوى وخفيفه انت شكلك شاعر كبير ومش عايز تقول عاملها مفاجاه صح
:)))
تحياتى
سهرالليالي
شكرا علي ذوقك ومرورك علي فكرتي الصغيرة وياريت متكنش الاخيرة
باشا كالعادة كلامك فى الجون اسف على تاخيرى عليك بس انت عارف الظروف
عزيزي كاسبر شكرا وربنا يكون في العون
gamila gedan bgd w feha shabah mn eslob salah jahin
batooot
شكرا ياريت كل افكاري تعجبك
حلو الزجل
لكن الحقيقة إننا فى مصر فاضل لنا كتير عشان نكون زى ما تتمنى
ربنا ينولك اللي في بالك وتطلعلك السمكة اللي انت مستنيها
تحياتي
يامن
يارب ياخويا يارب
وليد
شكرا للزيارة انت فهمت انا قصدي ايه نورت الفكرة
الله عليك
ابيات رقيقة وبسيطة عجبتنى جدا هو ده المصرى اللى شايل الهموم فى قلبه ورغم كده عايش الحياه بكل مافيها
قلت ارد الزيارة لقتنى فى مدونه جميله
جميل جدا كلامك يا صياد .. لكن الحياة بدون مشاكل وأحزان بالتأكيد ستكون مملة ولا طعم لها
عجبتنى جدا
هذا لا يمنع إننى قرأت ما بعدها من بوستات .. تحياتى
إرسال تعليق