الاثنين، 14 مايو 2007

فلسفة



الحكومة المصرية
ستحصل الحكومة المصرية علي براءة اختراع مبدا سياسي جديد وهو سياسة التعود بمعني ان يتعود الشعب علي طبع الحكومة علشان الحكومة تدوم وتعيش
الاحترام
فاقد الشئ لا يعطيه فان لم تحترم نفسك فلن تحترم الاخرين
الخير
كل اناء ينضح بما فيه فان كان داخلك خير فكل من حولك سيراه حتما
الطموح
ليس الطموح ان تلقي كل يوم خلف ظهرك مبدا او فضيله او صديق
الحب
الحب بلا تسامح او عطاء محكوم عليه بالفشل
الخيال
اذا كان الطير يحلق باجنحته فحلق انت بخيالك فابداية اية اختراع كان خيال
الفاسدين
الي الفاسدين ان لم تسحتي فافعل كما شئت
امنية
الي كل رجال العالم رفقا بالنساء ، الي كل نساء العالم اين الانوثة والحياء
الطمع
اغرب القضايا ! اباء وامهات يتصارعون من اجل الذهب والاموال ويتركون الابناء يدمرون نفسيا
السياسة
اذا نجح الانقلاب او الثورة اصبح القادة حكام ووزراء واذا فشل حكم عليهم بالاعدام
اين انت يابن الخطاب
الي كل الحكام والملوك والسلاطين العرب , حكمت فعدلت فامنت فنمت يا عمر
انما هو وحي يوحي
يابن ادم اذا رضيت بما قسمته لك عشت في الدنيا سعيدا وكنت عندي مرضيا
الضمائر
اذا عدنا الي الله صحت ضمائرنا واذا جعلنا ضمائرنا قضاتنا لن نحتاج الي قضاه من البشر
الحكمة
ان تحاسب نفسك قبل ان تحاسب الاخرين
الي المعتقلين في كل مكان , محمود سامي البارودي
ومن عجائب ما لقيت من زمني اني منيت بخطب امره عجب
فهل دفاعي عن ديني وعن وطني ذنب ادان به واغترب
الي كل العاشقين , محمد عبد الوهاب
كل اللي حب اتنصف وانا اللي وحدي شكيت
حتي اللي رحت اشكيله قلي ليه حبيت
احتمال
اذا لم تجد من يسمعك فراجع نفسك فربما كلامك السبب
النسيان
وسيلة للتذكر بان السنين والايام لن تقف لاحد فلنستمر الي الامام



هناك 35 تعليقًا:

Ehab يقول...

الله عليك يا باشا طول عمرك فيلسوف

سندباد يقول...

شكرا يا كاسبر ربنا يخليك ليا يارافع روحي المعنوية المرادي ينفع تعلق مش كده

غير معرف يقول...

السياسة
اذا نجح الانقلاب او الثورة اصبح القادة حكام ووزراء واذا فشل حكم عليهم بالاعدام

حلوة فلسفتك دي اوي .. خد عندك .. الحكمة دي .. لو لم اكن مصريا لوددت ان اكون موريتانيا .. تفتكر ممكن احنا نقدر نعمل انقلاب في يوم من الايام !!!!!!!!

رينـــــــــــا يقول...

كالعادة قلمك متألق
بجد أحيك بشدة
تقبل تحياتى

hamasat يقول...

جميلة اوي الفلسفة ليتنا نستطيع تطبيقها

صاحب البوابــة يقول...

رائع

افكار جميلة ومعبرة في صورة صيغ فلسفية

حقيقة لقد اعجبتنى للغاية

خاصة

السياسة
اذا نجح الانقلاب او الثورة اصبح القادة حكام ووزراء واذا فشل حكم عليهم بالاعدام

تحياتي لقلمك المبدع

gohayna يقول...

الحمد لله متأخرتش كتير


اولا بشكرك علي دخولك وسؤالك عليا


ثانيا

كلماتك وفلسفتك اكبر من اي تعليق

محدش بيوصف اللؤلؤ بالكلمات

فلسفه وكلام بجد يصحي العقل الغائب

تحياتي لقلمك

الف مليون شكر بجد

سندباد يقول...

ايامنا الحلوة
تخيلي بقي ان موريتانيا فيها انتخابات حرة نزيهة واحنا مش قادرين نختار ممثلين للشعب بطريقة محترمة ، خدي عندك قريت خبر امبارح ان اتحاد كرة القدم متهرب من الضرائب تخيلي لا حول ولا قوة الا بالله
شكرا لمرورك وارجو الاستمرار
رينا
تحياتي لذوقك وكلامك الجميل دايما رافعة من روحي المعنوية بارك الله فيكي
همسات
ليتنا نعمل حاجات كتير وليس كل ما يتمناه المرء يدركه ادعي معايا ان ربنا يرحمنا شكرا للزيارة وارجو الاستمرار والتواصل
صاحب البوابة
بنتظر تعليقك لانه بيديني مقياس لفكرتي شكرا للتواصل بارك الله فيك وارجو الاستمرار
جهينة
المهم انتي عاملة ايه في الغربة الحمد لله ان بعدك عن مصر مبعدكيش عن مدونتك وعن تواصلنا شكرا علي ذوقك ومجاملتك الرقيقة بارك اله فيكي وارجو الاستمرار

حزيــــــــــــــــــن يقول...

أيه يا عم الحاجات الجامده دى
بس مبدأ التعود بتاع الحكومه ده المفروض انه بقى حاجه قديمه مش اختراع جديد ولا حاجه
انا مفهمتش تقصد ايه من سياسه بتاعه الثورة والحكام
بقالك كتير مبتجيش عندى
حبيت اطمن عليك ابقى نورنى

سندباد يقول...

صديقي حزين
شكرا لزيارتك ومرورك الكريم وفعلا انا مقصر معاك اعتذر اما السؤال اللي سالت عليه اقصد ان من عجائب السياسة ان يتحول قائد الانقلاب في بلد الي رئيس وفاتح ومنقذ وفي بلد اخر الي خائن وعميل ويحكم عليه بالاعدام بمعني اوضح ان السياسية ليس لها مبدا ولا مقياس المهم كرسي العرش
شكرا لمرورك

نقطة مية يقول...

اين انت يابن الخطاب؟؟

السؤال ده يوجع فعلا..احييك فعلا على البوست الرائع ده

LAMIA MAHMOUD يقول...

تسلم ايدك .. بجد

على العموم هي حتحصل على براءات اختراع كتير

براءة اختراع وسائل تعذيب زبراءة اختراع تقفيل السنة و .. و .. و..

ما تعدش

truelove يقول...

اذا عدنا الي الله صحت ضمائرنا واذا جعلنا ضمائرنا قضاتنا لن نحتاج الي قضاه من البشر..سياسةلو مشينا عليها واللهي هينصلح حال الدنيا لكن مش عارفة لحد امتى هتنيها كده في سباااااااااات يارب تصحي احسن انا تعبت قوي من الضماير اللي مريحنها زيها زي قلتها

قصاقيص يقول...

اذا لم تجد من يسمعك فراجع نفسك فربما كلامك السبب
:::::::::::::::::::::
كل البوست جميل وخفيف اوي في تقديم الفكرة والهدف بس العبارة دي بالذات شدتني اوي
تحياتي

hoda omran يقول...

حلوة جدا جدا
بس لو كل واحد حس بالكلام ده وعمل بيه تفتكر
كان هيبقة فيه مشاكل فى الدنيا
للأسف أغلب اللى فى زماننا ده ماشى بمبدأ ان لم تستح افعل ما شئت

تحياتى

سندباد يقول...

نقطة ميه
زيارتك للفكرة بتفرحني زي ما تكون مدونتي عطشانة لميتك اقصد لتعليقاتك متشكر جدا
تحياتي
لميا
شرفتيني ورفعتي من روحي المعنوية بارك الله فيكي ورحم مصر من ولادها المفترين شكرا
قلوب حائرة
شرفتيني جدا متشكر علي ذوقك ويارب افضل دايما عند حسن ظنكم
قصاقيص
زيارة جميلة من صاحبة مدونة جميلة شرفتيني جدا وياريت متكونش الزيارة الاخيرة شكرا علي تعليقك وادعي ربنا يهدينا الصواب دائما تحياتي
همسات
للاسف كلامك صح كلنا فقدنا الحياء وفقدنا الاحترام بس الخير موجود وهايفضل موجود زيارتك مهمة لمدونتي ياريت تكون دايما شكرا
تحياتي

غير معرف يقول...

بوست جميل كعادتك دايما

سندباد يقول...

مصري
شرفتيني مرورك بيسعدني حقا تحياتي

الدمعه يقول...

بجد بجد اكثر من رائع ايه الجمال دة انت فعلا عبرت عن اشياء كثيرة جداااا في افكارنا وبذات كمان

انما هو وحي يوحي
يابن ادم اذا رضيت بما قسمته لك عشت في الدنيا سعيدا وكنت عندي مرضيا
الضمائر
اذا عدنا الي الله صحت ضمائرنا واذا جعلنا ضمائرنا قضاتنا لن نحتاج الي قضاه من البشر


فعلا انت وصفت الضمير لو اتقينا الله فيه
وابن ادم لو احس بالرضى سعد

بجد احييك

أسوور يقول...

حلو قوى تعريفك للمفردات دى
بس على فكرة عاوزة أقولك حاجة

مش كل اللى حب اتنصف ولا حاجة

لأ دة بجد بقى
تحياتى على سعة صدرك وتفهمك لكل ما حولك وتفكرك بعمق فى دقائق الأمور

Noony يقول...

قعدت أفكر إيه أكتر حاجة عجباني...مقدرتش...لأن ببساطة كل تعريف أبسط وأشمل من اللي قبله

نظرة عميقة في قلب البشر والمجتمع

بوست جميل بجد...عجبني جداً

مستنية فلسفتك القادمة
:)
نوني

Lemonada يقول...

اي الكلام الجامد دى انت مش فيلسوف بس فاهم الحياة بالطريقة الصح

الى الامام

كلبوزة لكن سمباتيك يقول...

جميل

اشعل شمعة
خير من ان
تلعن الظلام
---
كمان فواتير الكهربا غليت قوي

تحياتي

سندباد يقول...

الدمعة
متشكر اوي علي ذوقك وكلامك الرقيق وربنا يقدرني واكون عند حسن ظنكم دايما

صاحب البوابة
شكرا لمجهوداتك واهتمامك

ياسمين
ازيك ، مرورك بيسعدني جدا ، بالنسبة لتعليقك اصلي نفسي مرة اتنصف في الحب شكرا لذوقك تحياتي

نوني
رفعتي من روحي المعنوية كلامك اسعدني جدا بارك الله فيكي


ليموندا
ربنا يخليكي علي ذوقك فكرتي بتنور بيكي

سامبتيك
شرفتيني كل حاجة غليت اليومين دول ولو سالتيني ايه اكتر حاجة بتكرها في الدنيا هاقولك الفلوس
تحياتي

hamsa يقول...

اذا لم تجد من يسمعك فراجع نفسك فربما كلامك السبب
تسلم ايدك يا سندباد
كلام من دهب
الجمله دي جميله جدا جدا
فعلا ممكن يكون كلامنا هو السبب ان ماحدش يسمعنا
باحييك على البوست الجميل ده

سندباد يقول...

همسة
احييكي علي ذوقك وعلي مرورك للفكرة وياريت دايما ربنا يقدرني واكون عند حسن ظنكم

واحد من الناس يقول...

امنية
الي كل رجال العالم رفقا بالنساء ، الي كل نساء العالم اين الانوثة والحياء

تحياتي

Diyaa' يقول...

الطموح
ليس الطموح ان تلقي كل يوم خلف ظهرك مبدا او فضيله او صديق
جاتلي علي الجرح ..
فعلاً أغلب اللي بنخسرهم بيبقي بسبب طموح زائد عن الحد
ربنا يوفق الجميع

وفلسفتك في مبدأ التعود أنا ممكن أطول الكلام فيها ..انت خدتها بسخرية بس أنا حاسس إن كل الأوضاع الغلط اللي في مجتمعنا كان متخططلنا إننا نتعود عليها ..يعني سياسة الصدمة في الأول مع شغل الرأي العام بحاجة ..وبعدين في الأخر الناس بتتقبل الأمر

تعريفك للحب عجبني أوي برضه

الفاسدين مشكلتهم مش قلة الحياء..قلة اللي بيقولوا الحق ولو علي حساب حياتهم

الرجال..صنائع النساء..وصنائع النفس الأمارة بالسوء
النساء..الأنوثة ذهبت عكس اتجاه حقوق المرأة
بقت الأنوثة في مدي التصاق الثوب بالجسم ..وبقت النفخ وبقت الميك اب الكتير..وبقت التمثيل وقت الخطوبة وبعد الجواز مفيش أنثي أصلاً..
الله يرحم بقي..لا رجولة ولا أنوثة

السياسة ..التناقض هو القاعدة

الضمير..أختلف معاك في إن الضمير مش محتاج قضاة البشر..لأن ربنا مخلقناش كاملين ..ولو ماخترناش أفضل الناس تراقبنا مش هنعرف نعيش ..لأن حتي لو كان الضمير هو القاعدة ..في استثناء والاستثناء بيحكمه حاجتين
قضاء عادل ..وضمير صاحي في المجتمع..القضاء بينفذ إرادة المجتمع وقبلها حكم ربنا علي المخالف..
متهيألي عدم وجود قضاء مثالية زيادة أوي
مش هتحصل إلا في الجنة
أنا من حقوق زيك وفاهم برضه أد إيه الموضوع متعب..بس فلنفرض إن في ضمير والقضايا بقت 1% بس من اللي مطروح دلوقتي ..لو مفيش حكم عادل ومحايد ..هيبدأ الاختلاف يتطور والشيطان يشتغل ..

والنسيان ..مش دايماً بإيدينا ننسي ..بس لو طلعنا القوة اللي جوانا هنعرف ننسي ..
أنا عن نفسي عاطفي شوية مش عايز أنسي الناس اللي ذكراهم جميلة جوايا..


بوست جميل..بسيط ومعبر ..وحتي لو اختلفت مع فلسفتك ..فاسمحلي أدعي إن حبيتها
بحييك
سلام عليكم

سندباد يقول...

واحد من الناس
بقالي مدة مشفتكش شرفتني ايه اخبارك
تحياتي

ضياء
انت مختلفتش معايا انت وضحت وفسرت والاختلاف لا يفسد بين المدونين قضية
نورتني وشرفت الفكرة وياريت تتكر دايما بارك الله فيك

gohayna يقول...

انا داخله علشان اسجل غرامه تاخير

فين الجديد حضرتك؟

انا الحمد لله كويسه وكلو بخير

مستنياك

تحياتي

سندباد يقول...

جهينة
البوست جاهز زي ما طلبتي علي الله يعجبك وانشاء الله دايما بخير

سوووكا يقول...

ديه اول زيارة لي لمدونتك

وعجبتني أوي شوية الحكم ديه خاصة بتاعت
النسيان
بجد معبرة اوي

تحياتي

سندباد يقول...

فرفوشة
شرفتي مدونتي جدا وتحياتي لذوقك وتعليقك وارجو التواصل الدائم
تحياتي

rana 3amra يقول...

الي المعتقلين في كل مكان , محمود سامي البارودي
ومن عجائب ما لقيت من زمني اني منيت بخطب امره عجب
فهل دفاعي عن ديني وعن وطني ذنب ادان به واغترب

كان ف ايامه ذنب طب فايامنا يبقى ايه حرام ويقام علينا الحد ربنا يرحمنا

بنت القسام يقول...

هي دى الفلسفه بالنسبالكم


لاتمس الفلسفه بشئ


بس الكلام حلو